SHOOTER - एक अनदेखा निशाना, एक अटूट इरादा (Spy Thriller story)

China ki sarzameen par Shanghai Pudong international airport par plane surakshit land kar chuki thi, boarding ki sidiya lagte hi passengers ka jamawada niche utarne laga, usme wo bhi shamil tha, kuch dair baad wo bheedh se hatta hua arrivals checking counter pahucha, usne sarsari nigah apne charo taraf daudai aur line mein apne baari ka intejar karta ek ek kadam raingte huye counter pahucha, counter ke dusre sirhe pe kursi par ek custom officer baitha, uske hath mein us shaks ka passport aaya jispe uska naam aur desh ka naam pata darz tha, usne bhi ek sarsari nazar us saamne khade shaks par di

"Business or pleasure"

"Business, no pleasure".....usne gambhir hoke kaha

"China kayi dafa aa chuke ho".....officer ne passport ke pichle panno par president ke moharo ko dekhkar kaha

"Kaam hi pad Jata hai"

Customer officer ne huhh mein jawab mein diya passport dobara oose saunpa, jaise hi wo line ke hatke jaane laga tha tabhi kisi ne oose piche se Toka, airport ka wo ek aur checking officer tha,

"Sir, kya aap thoda side mein aayenge?"

Shaks ne bina koi hujjat kiye sawali nigaho se uski taraf dekha aur uske piche chalne laga, wo arrivals ka checked in luggage area tha, uske saaman ko pehle hi officer ne utaar liya tha,

"Aapne pre arrival registration form bhara tha?"

"Bilkul kya main janta nahi? Ki hindustani ko yaha kaise treat kiya jata hai?"

Officer ke chehre pe saqti aayi fhir us shaks ke chehre pe koi badalta bhaav na dekhkar wo normal hua, fhir usne apne peshe ke tehet aupcharik (formal) dhang se pucha

"Humhe aapka bag check karna hai, ye mat samjhiye ki humhe aap par koi shaq hai, par china ka khaskar apne videshi tourist ko verify karne ka kanoon pichle kuch roz se saqti se kiya ja raha hai"

"Mujhe koi dikkat nahi aap chahe to Mera saaman khud khol sakte hai"

Officer ne aise jawab ki umeed nahi ki thi, amuman videsh se aaye log khaskar padosi mulko se behas pe utaru ho jate they, lekin ulta ye cooperate kar raha tha, usne lihaz kiya aur oose hi apna luggage kholne kaha

Uske baad ek bada sa suitcase tha jisme kuch kapde, shaving ka saaman aur kuch files thi jisme waha koi business deal ke documents they, tabhi officer ne kapre ke teh se wo cheez uthayi wo lohe jaisa auzar jise wo samajh nahi paaya, "kya cheez hai yeh?"....usne sangdigh nazaro se us shaks se pucha, usne muskuraya aur oose apne hath mein lene ki izazat maangi,

Uske baad usne uske ek purje ko upar uthaya aur muth ko kasskr thaama aur suitcase ke niche screw ko tight karne laga, officer ke mathe se shikar gayab huyi, "mera suitcase amuman screw aur paicho se dheela pad jata hai isliye oose isse main tight kar deta hoo koi objection?"

"No, aap apna saaman ke ja sakte hai, apologies for any inconvenience"

"Koi nahi".....shaks ne luggage ki zip lagaayi saaman theek kiya aur waha se lambe dag bharta nikal gaya

Wo airport exit se bahar aaya taxi ki qatar aur logo ki jamghat se daayi taraf usne mod kaata aur guzar rahi ek taxi ko haath dikhaya, jald hi ek taxi uske saamne aake ruki, usne luggage dikki mein rakha aur andar backseat pe aa baitha, "seastar hotel"

Itna kehte hi taxi airport ground se bahar sadak par daudh chali, kuch dair baad wo ek Vishal 30th floor imarat ke saamne aakar ruki wohi uska muqam tha, oose 1 ghante Lage they pahuchne mein jald hi pahuch Jata agar us custom officer ka bakheda na khada hota, lekin uska hamesha se manna tha manzil mein toh rukawate aati hi hai,

Uske liye chini darban ne gate khola, wo andar pahucha, wo bara sa hall tha jiske Kone mein ek reception board chin mein likha tha, usne muskurakar room no.215 floor ki baat kahi oose side balcony chahiye thi taaki upar se sheher ka nazara badhiya dikhe, saari formalities puri karne ke baad uske hath mein chabi de di gayi aur ek steward ne uska saaman le liya,

Wo apne suite no.215 mein pahucha, usne tye dheeli ki sarsari nazar charo taraf daudai jabki steward uska saaman ek Taraf salihat se rakh raha tha, "acha suno mujhe ek ghante tak koi disturbance nahi chahiye, main bahut thak gaya hoo so, that's why I need to take a nap"

"Sure sir"

"Aur haan kareeb ek ghante baad garama garam lunch bhijwa dena, china mein utarne  ke baad ya to saaman dhone ke dhakke kha raha hoo ya to hawa"....kehkar wo shaks hass pada

Jispar steward bhi hassi mein uska sath dene laga, steward ko tip dekar usne oose Vida kiya darwaja lagaya apne kapre utare aur ek hot shower liya, halaki sawan ka waqt tha us waqt Hong Kong mein bunda Bundi barish ki ho rahi thi, jisse umas badh gayi thi, fhir bhi apne kaam ko thande dimag se karne ke liye oose pehle apne rago mein daudte khoon ko garam karna padta tha,

Usne lugagge se ek joda t shirt aur pant nikaala oose pehna, fhir usne dusre handbag se ek glove aur teen sirho wala ek tube rubber nikaala jo ek pouch se ja mila tha, fhir usne uthkar balcony pe pade bhari Pardo ko khola, waqayi waha se sheher ka nazar khubsurat dikh raha tha aur theek saamne tha oosi ke hotel jaisa ek aur imarat jiske theek niche wala floor ek suite jaisa tha usmein ek chini aadmi chehel kadmi kar raha tha, usne oose ek baar gaur se dekha fhir waapis bagal ke sofa pe baithkar apne adhure kaam ko pura karne laga, usne wohi screw ko tight karne wala auzar nikaala Muth thaami aur is baar ek lock kheecha khattt se dono taraf ke lohe ke palle bahar nikal aaye, dono palle pe teen ched they, rubber usme fasate hi wo teeno rubber ke sirhe un teeno chedo mein aasani se fass gaye, ab wo auzar nahi balki ek slingshot (gulel) ban chuka tha, shaks ne jhukkar luggage ki ek side zip se packet nikaala jisme kathor ball bearings pade they chote chote 6 mm ke, oose hath mein taulte huye usne uska wajan jaisa naapa, usne apna phone chaalu kiya, aur ek folder khola

Ek tasveer ubhar aayi, wohi aadmi uske niche uska naam aur thikana likha tha, naam zen shung thikana rockestate hotel opposite seastar hotel 27th floor, wo shaks us waqt theek oosi maale ke saamne waali 28th floor suite mein aakar is wajah se ruka tha taaki zen shung oose aasani se apni nichli manzil ke apne balcony se dikhta rahe

Ghadi mein 3 baje, par usne koi neend nahi li thi, wo balcony ke paas aaya abtak zen shung ek business meeting jo uske suite mein huyi thi oosse faarig hokar cigarette ka dhua kaash lete huye chodh raha tha wo thaka hua tha, us shaks ne paini nazar se uski taraf fhir charo taraf Durbin se dekha, wo balcony mein baith gaya fhir kalai se guzarta ball bearing ka ek charra uske daaye hath mein pakde us slingshot ke pouch par ungliyon se aake ruka anguthe aur ungli ne kasskar pouch ko thaama, usne oose apne hontho ke kareeb laake kheecha jabki rubber aur slingshot ka muth usne apne chehre de dur kiya, ek aankh se usne zen shung par nazar gadai, 30° ka angle rakhka aur fhir pouch palbhar mein chodha, wo charra goli ki tarah saamne imarat ke nichle maale ke sheeshe pe takraya aur kaanch tuta zen shung hadbadake apni daai or jhaakne laga isse pehle wo kuch samajh paata oosi tute kaanch ke ched se dusra charra andar dakhil hua aur sidha uske bheje ko cheerta hua andar dakhil ho gaya, uska hath se glass wohi gira aur woh hairan aur dehshat ke mili juli nazaro se waise hi Kate ped ki tarah girta kalin par pait ke bal dhair ho gaya,

Sannata waisa hi pasra raha, wo shaks gungunakar utha usne apna slingshot ka rubber dobara kheech ke nikaala, jaise saaman se nikaala waise rakh diya bache ball bearings bhi oosi side zip mein daal diya aur dobara us auzar ko chota karke luggage mein waise hi salihat se rakh diya, ghanti baji uska lunch aa chuka tha, usne balcony band kar di, lunch se farig hua aur fhir shaam tak rukkar check out kar liya, hotel waalo ko usne bataya ki business meeting shanghai mein cancel ho chuki thi ab oose China Town jaana tha, lekin uska moqam China Town tha hi nahi, uske paas returning ticket oosi din ka tha, wo toh sidha airport par pahucha, immigration se guzarne ke baad wo waiting hall mein jab aakar baitha to waha monitor par zen shung ke qatal ki news flash hote dikhi, usne bina ek nazar bhi us khabar par daale, apni flight ki ghoshna paate hi lambe dag bharta sidha boarding gate ki taraf ka rukh usne kiya, wo nischint tha farig tha aur bekhauff bhi ✍️

                       ----------

Wo Turkey ka Istanbul sheher ka intelligence bureau tha, waha undercover police detective ke kuch chuninda kaabil officer mauzud they, projector par ek bhari bharkam chehre jiske gaal pe ek scar tha, chashma pehna Khan dress mein cigar fhunk raha tha uske ek hath mein banduk thi, wo port ilaake ki tasveer thi jagah Bangladesh ka Dhaka tha, har koi bare gaur se us tasveer ko dekh raha tha, projection mein fhir ek hijab pehni umardaraz aurat dikhi jise uska daaya hath bataya gaya jo saaye ki tarah uske sath rehti thi, fhir kayi jaane maane logo ki tasveer saamne aayi jisme kuch oosi desh ke they kuch vilayati desh jaise Russia fhir China fhir America fhir india ke udyogpati, politicians ya fhir koi prasidh naami peshewaale har tasveer ke baad unki lash ki tasveer dikhai jati, sabke chehre ghabrahat aur sawalat se ek ek tasveer dekh rahe they projector band hua toh intelligence officer ka chief sabse sambhodit hua

"Blue Fernandes asli naam kya hai koi nahi janta kehne ko Dhaka mein staphit hai par thikana malum nahi chalta, underworld ke contract killing ka betaaj badshah kehte hai ise,dusri tasveer uski begum ya rakhail jo bhi darza oose haasil hai wo uski daaya hath reshma Bano, aur uske baad jo bhi tasveer aapne dekhe wo sab jaanemaane high profile public figure they jo ab Zinda nahi bache, inme jaisa apne dekha hamare mulk ke kuch prasidh log shamil they, jo ab unfortunately inke hatho maar diye gaye hain jaisa aapne khabaro mein padha tha"

"Toh sir fhir dair kis baat ki hum bangladesh sarkar se baat karke ise fauran apne military ke hatho talash kar geraftkar kar sakte hai"

"Aisa nahi ho sakta gentleman, ye mumkin bhi nahi Bangladesh se hamare rishte zarur ache hai lekin ye shaks koi qatal khud nahi karta aur na sabut chodhta hai ki isne karwaya bahut kam baar hi ise dekha jata hai jo sanjog se humhe is tasveer mein dikha kehne ka matlab iska front dhandha jo bhi safedposh karobar hai wo Dhaka port pe hota hai, international kingpin aur rivals apne dushman ko mitaane ke liye isse rabta karte hai aur fhir ise munh maangi keemat dete hai, iske hatyare itne safai se apna kaam karke guzar jate hai jo Kano kaan khabar nahi lagti, banduk churi ya kisi hatyar ka nahi wo aise cheezo ko chalane mein expert hai jo koi soch bhi nahi sakta, yahi is crime lord ki khasiyat hai ki iske paas aise khatarnak contract killers hai, un katilo ki tasveer to na mil sakti par unke sargane ki I mean unke lord and master ki tasveere hamare saamne hai, ye tasveere hamare ek kaabil Turkish undercover cop ne li thi jiske baad wo gayab ho gaya hum jaante hai uski laash bhi humhe dhundhe nahi milegi, lekin hum piche nahi hat sakte hamara officer undercover aur gupniye wajah se waha pahucha tha waha ki sarkar ko pata chala toh ulte hamari diplomatic relation kharab ho sakti hai"

"To kya hum haath pe hath rakhke baithe rahe?".....ek officer ne zazbat ki rauuu mein gussa Peete huye kaha

"Hargiz nahi, aur isliye hum chahte hai ki turkey mein dobara ye shaks apne napak mansube se kisi aur ko bheje, usse pehle hum iske khilaf aise sabut jutaayenge ki khud waha ki sarkar ko ise hamare paas handover karna hoga, kisi desh ke paas abtak iski information nahi pahuchi bas hamare paas hai, isliye kaam jokhim bhara hai par kisi ko toh jaana hoga aur jo is operation ke liye jaane ko betaab hai wo hai helin hamare late undercover officer dilriz hayat ki mangetar aur ek kaabil undercover police detective"

Iske saath hi sab shrotao ki nazar projector ke paas khadi roshni hote hi uspar padi, uske aankhe nam thi, aur is operation mein akele kadam rakhne ka koi ghabrahat ya dehshat uske dil aur chehre pe nahi dikh raha tha, wo khubsurat thi sunehre baal aur neele aankho wali turkey ki ek vilayati haseen afsar thi, har koi janta tha aajtak jo bhi case usne handle Kiya oose bakhubi nibhaya tha apne anjam tak laakar, wo bhi nischint thi, farig thi, bekhauf thi aur sabse zyada badle ki aag mein tadap rahi thi...

To be continued...

Us waqt pau fhatne laga tha, savera hone laga tha, baarish tham chuki thi, gaadi mukhya imarat ke pravesh dwar se guzri security staff ne haath uthaake jaise oose salam kiya, gaadi basement ki parking lot mein dakhil huyi jiske thamte hi apni rolls Royce se utarkar blue Fernandes parking lot se lift ke paas aaya puri imarat yun toh oosi ki thi lekin sarkar ke saamne wo safedposh karobari sirf do floor mein rehta tha jabki saari manzil mein oosi ke jannewale rishtedar rehte they ya fhir oosi ke aadmi raha karte they, do lift thi jo reserved lift thi wo sirf oosi ke liye thi baaki anay lift par parivar ke baaki log aur uske aadmi sawar hote they, lift saatvi manzil par ruki bahar nikalte hi wo akela tha, waha se wo akele lambe dag bharta apne aalishan flat mein guzarta darwaje kholkar bheetar aaya,

Uska daaya hath aur humbistar reshma sofechair pe waisi hi baithi cigarette ka kash le rahi thi, reshma taqreeban usse 10 saal choti thi, chehra baitha hua aankhe bari bari aur hamesha hijab se apne sar ko dhaki rehti thi, parhezgar sirf wo gairo ke liye thi par blue Fernandes ke napak dhandhe, khud ko haram ki kamai ka bhaagidar aur Nasha karne se koi parhez nahi tha,

Blue Fernandes ki sohbat se bhi pehle wo ek gangster ki beti thi jiske baap ka berehmi se qatal hua, badla lene ke liye wo bhi underworld mein dakhil huyi par har kisi ne sirf ooska fayda uthaya, tajurba hasil hota gaya aur ek raat oosi ke saamne uske ek boss ko blue Fernandes ne berehmi se shoot kar diya apne gang ke aadmi aur boss ke maut ke baad wo iklauti bachi thi blue Fernandes ko usme kuch aisa dikha jo oose aur shaatir aurato mein na dikhi, fhir jis jisne uske sath madad ke naam pe balatkar kiya oose usne berehmi se katal kar dala, Fernandes se hath milaya aur fhir uske liye aajtak kaam wafadari se karti rahi, Fernandes sofe pe pasar gaya toh reshma ne ek jalta cigar oose pesh kiya, pesh kabul na huyi, reshma ke kathor chehre pe gambhirta jhalki aur usne daant bheech liye, Fernandes aankhe munde hi waise pada tha ,

"Buri khabar hai Fernandes hamara Chinese client zen shung apne estate hotel mein mara pada paaya gaya bilkul wai!

"Bilkul waise jaise isse pehle hamara Russia ka client vozklov paaya gaya tha 6mm ke ball bearing charre se qatal maathe pe ya to gale mein"

Reshma oose hairat se dekhne lagi, Fernandes ne aakh kholi usne sidhe hokar baithte huye fhir gaur-o-fiqr karte huye kehna shuru kiya...."pichle do Roz se hamare client ko koi maar raha hai 17 million ka nuksan"

"Ho sakta hai uska qatal ittefaq se uske kisi rival ne hamari tarah bheje kisi assasin se karwaya ho?"

"Ittefaq ek baar hota hai baar baar nahi, mujhe uske niji dushmano ko janne mein koi dilchaspi nahi par qatal se mera ek bhaari nuqsan hua hai, isse underworld mein logo ko ye lagega ki mere piche koi dushman hai koi bhi mera madad lega toh oose bhi jaan se maar diya jayega"

"Karobar ko chaupat karne ki shayad kisi ki ranjish ho"

"Jis tariqe se qatal hua wo aam nahi waha ke Chinese shooters snipers ya gun ka istemal karte hai, ya booby traps ka, usne wohi pattern se hatya ki jaisa hamare hatyare ki speciality hoti hai"

"Kahi tum mustaq ki baat kar rahe ho? Wo slingshot expert"

"Pata kiya pichle roz kahan tha?"

"Yahi kahi nahi gaya China toh dur wo toh Bangladesh mein bhi isi rajya mein tha, mujhe nahi lagta wo tumse bahar jayega"

"Wo sniper slingshot specialist hai agar wo nahi toh fhir kaun? Slingshot mein maahir toh sirf do hi hai"

"Hai nahi they main janti hoo tum kiski baat kar rahe ho?"

"Mark x ki na? Urf izhar Siddiqui tumhsra sabse favourite candidate par oose to lapta hua sadiyo ho gaye wo ab wapis kaise aa sakta hai?"

"Kabhi kabhi bhula kal bhi Naya savera banke nikalta hai"

"Usne lapata hokar pehle hi apna maut ka saaman kar liya tha aisi harqat agar uski hai bhi toh kya tumhare se takra paana, jo ki mujhe nahi lagta wo Zinda hai bhi ya nahi iska bhi koi malumat nahi, aur agar zimda hai bhi to wo hamare dhandhe aur tumhari parchai se bhi khauff kha raha hota, underworld se kinara karke log straight life dhundhte hai uski bhi mansha yahi thi"

Fernandes ko wo baat qabul karni padi, bhala jo is peshe se hamesha kinara karna chah raha tha wo bhala dobara kaise laut aa sakta tha? Lekin wo qatal karne ka khas tarika, tabhi reshma ne oose jhinjhoda...."gussa thook do aur filhal aaram Karo, wo policewala zohri Milne aane wala hai kafi request kar raha tha raat gaye aaya tha tum they nahi"

"Usko kya padi hai ab?"

"Wohi batayega"

"Theek hai main yahi so raha hai sofe pe, tu bhi neend le le"

Subah dus baje ke kareeb adhedh umar se nikalta adhpake baalo wala gori rangat ka apni vardi mein zohri aaya, peshe se policewala tha paas ke Thane ka incharge lekin corrupt tha, Fernandes ke hatho bika hua policiya tha, jo paiso ke liye apni biwi ko bhi bech sakta tha, police mehekme ki khabar sabkuch doordarshan prasharan ke maafik uske aage bakta tha,

"Kyu aaya?"

"Farz kheech laaya huzur".....khade khade hi usne kaha

"Kya baat hai?"

"Wo gora tourist jo haal hi mein yaha aaya naam dilris hayat turkey se wo saala teen din se gayab uski gumshudgi ki report Turkish embassy ne karwayi usne likhit byaan diya tha ki teen din na milne pe uski missing report darz ho, ho sakta hai vilayat se koi uske khojbin mein log aaye"

"Toh mujhe kyu bata raha hai?"

"Mujhe laga tum janta hoga oose boss, uske hotel ki talaashi mein malum chala saala waha ka police detective tha shayad koi case ya fhir tumhare vaaste yaha aaya ho"

Baaki shabd usne bake nahi kyunki Fernandes oose paini nazaro se ghurr raha tha, wo pehle ghabraya fhir oosi mili jule bhav se kehne laga "boss aap kyu dil pe lete hai? Waise oose aakhri baar apake bandargah par dekha gaya tha, taxi driver ne khud bataya tha"

"Toh? Mera kya matlab oos gore se, is desh mein Roz log gayab hote hai, roz videshi paryatak aate rehte hai, ab ek gora vilayati gayab hua to usme Mera kya mamla? Bandargah pe koi manahi nahi koi bhi aa ja sakta hai, Siway raat ke, ab tera gora waha kis vaaste aaya ya waha se kab gaya? Apun ko kya pata?"

"Ji boss"

"Embassy dhundhne walon ko sunischit kar kahi dhundh oose, kya pata bechare ko koi angrez samjhke loot liya ho ya uska sabkuch leke laash banakar dariya mein faikh diya ho"

Zohri ke shareer ne jhurjhuri li aakhri waqye ko sunkar, Mann hi mann wo janta tha ki wo gora undercover cop tha aur uska nishana zarur Fernandes ka thikana hi tha, uske gayab hone ke piche Fernandes ke hath hona bhi koi badi baat nahi thi, Fernandes ne oose ek sarsari nazar se dekha daraz se paiso ki ek gaddi nikaali aur oose dene laga jhoot moot ka na nukur ke baad wo hazar hazar shukriya bolta wo noto ka gaddi uske jeb mein tha, uske ruksat paate hi reshma uske pass aayi

"Gore ka masla sulajh gaya? aur jo usne information leak ki thi'

"Zyada se zyada meri meeting mera naam hi toh leak hua, isse zyada intelligence waale kya kar lenge? Pardafash karenge ki main kya karta hoo? Kya dhandha hai mera? Kahan rehta hoo? Kitne unhi ke mulk ke client ke vaaste waha ke logo ko apne aadmiyo ke sahare upar bheja? Itni baat pata chal Jane se kya hoga? Ye koi bhari sabut nahi jab yaha ki sarkar mere jeb mein hai toh turkey ya Russia sarkar kya ukadh legi? Fikar mujhe is baat ki hai ki China ke zen shung ki maut ki wajah wo mere trained hatyaro ko na tehrane lage agar aisa hua toh China mein apna dhandha band ho jayega aur ek rival hamara badh jayega fhir waha se koi cop nahi unka khud ka ka bheja hatyara mera maut ka saaman karne yaha aa jayega, dosti dushmani mein badal jayegi "

Reshma khamosh rahi, toh Fernandes ne uska dhyan toda "mustaq ko phone laga, usse keh ki India ka ek kaabil neta aa raha hai parso samaroh mein speech dena hai oose, hamara mustaq oose apne sniper rifle se well wishes de aur yaha se pure samman ke sath oose aath haatho se ruksat karwaaye"

               ---------

Present

Samaroh aayojit tha, embassador gadi ruki toh usse nikalte bhartiya neta ke ruiling party ko phoolon ke maala se saja Diya gaya, do desh ke beech huye shiksha aur rishto ko sudharne ke liye waha wo bhashan dene aaya tha, lekin wo nahi janta tha ki oosi desh ke opposition party ne uske liye maut ka saaman tayy karwa diya tha, taaki rishte sudharne ke bajay aur bigade ruiling party ko nuksan ho aur unpar kheechad uchala jaa sake, haal hi mein india mein dharam ko leke tanaav hua tha jisme minority ka zyada nuksan uthana pada tha, kayi desh ke log iss baat se saqt nakhush they kayi sawal uthaye virodh hua par Bangladesh sarkar ke aage chali nahi, neta manch par aaya taaliya gunzi fhir usne anaitik tatvo aur do desh ke beech panap rahe rudivadi aur dharam ko leke ladne waalo par nishana saadha,

Kadi security thi, military waha khud tainat thi Durbin se nazar charo taraf thi, kisi kisi chatt par news reporter mauzud they, wohi kahi dur taqreeban 400 metre dur ek building thi jiske lohe ki sidiya tayy karta gungunata mustaq Ali Khan waha pahucha wo aaram se baith gaya chatt ke diwar ke aad mein usne bade itminan se pehle saare purje nikale banduk ke upar scope lagaya fhir muzzle fhir bipod fhir trigger dabane wala purja jise usne nichle hisse mein lagay, lekin ye sniper alag tha usne fhir ek lamba rubber nikaala tab jaake pata chala ki ye koi goli daagne wala sniper gun nahi ek slingshot (gulel) tha jise usne kheechke upar ke ek lohe ke purje mein fit kiya, mustaq Ali Khan 42 umar Fernandes ka khaas shooter urf uska trained hatyaro mein ek, wo aise befikar tha jaise ooske liye ye koi nayi baat nahi thi, usne dastane chadhaaye, scope mein lage glass pe aankh lagayi, range mein us mantri ko laaya jo Zoro shoro se befikar bhashan de raha tha, fhir usne bina soche samjhe trigger dabaya slingshot ka rubber fhat se purje ke niche hote hi aage ki taraf bhaaga uske pouch mein ek 8 mm ka lohe ka mazbut charra 250 से 400 फीट प्रति सेकंड (FPS) यानी लगभग 75 से 120 मीटर प्रति सेकंड se hawa mein baat karta sidha jaake mantri ke seene mein dakhil hoke paivast ho gaya, uske gale se Karrha mic pe gunzi kuch ko laga unhe heart attack aaya tha to kisi ko laga ki shayad dil ka daura pada tha tab sabne paaya ki unhone jis hath se apna Seena pakda tha wo ab khoon se tarr tha, shor mach gaya log cheekhne chillane lage bhagdad mach gayi, mantri wohi dhair ho gaya, military aur police aur baaki uske bodyguard unhe jaldi jaldi uthaane le jaane ki koshishe karne lage,

Akhbar pe nazar padi, toh Fernandes ne gaur se oos ibarat ko padha upar Seena thaame pathrai aankho se bharat se aaya wo neta lash bane Manch pe pada uska tasveer chapa tha, uske seene pe koi surakh bataya gaya tha mauke pe maut huyi, bharat sarkar ne kada jawab maanga tha do desh ke beech gehra tanaav chidh gaya tha, Fernandes ne akhbar ko ek or faikh diya reshma ne oose bataya ki paise pahuch chuke they, saamne mustaq baitha tha cold blooded jise koi faraq nahi pada na chehre pe koi ghabrahat thi,

"Is beech China gaya tha?"

"Hargiz nahi waha Mera kya kaam? Par suna apna client zen shung maara gaya"

"Waise hi jaise tu maarta hai"

"Ho sakta hai waha mere jaisa koi aur bhi ho"

"Is kala mein wohi hunarmand hote hai jinhe maine trained kiya hota hai rukshar Bhai toh rahe nahi toh unke bagair kaun aise hatyare ko train karega usne tujhe bhi train kiya tha yaad hai"

"Haan ustad they woh lekin gade murde ukadhne se kya hota hai? Rukshar Ahmed ne toh khudkhushi kar li thi suna tha gam mein tha"

"Bundle, mera darr tha oose mere hi launde ko bhagaya tha saala saanp ko dudh pilaya aur wohi dassne ko laga"

"Purani baat hai ab wo kahan hai kisko pata? Kya pata tere khauff se usne bhi jaan de di ho"

"Lapata hua laash milti to maanta khair, pata kar kaun ho sakta hai? Jo hamare tariqe ka istemal kar raha hai"

"Russia mein bhi aisa kissa hua tha lekin waha pe bhi main nahi tha usse pehle bhi Europe ke do desho mein same ghatna huyi, tamam marrne waale apne clients they maarne ka tarika bhi waisa hi 6mm ki ball bearing ka charra"

"Wohi toh koi jaanke hamare ko damage de raha hai taaki tamam desho ke underworld hamare khilaf ho jaaye rishta bigade aur koi ek unme se mujhe yaha aakar jaan se maar de"

"Dekhta hai main, pata karunga"

Fernandes ne sehmati mein sar hilaya, mustaq lambe dag bharta paiso se bhara briefcase liye waha se chala gaya

                       -------

Turkish airlines Shah Jalal airport par pahuch chuki thi, apna luggage liye helin bahar aayi, videshi paryatak dekh taxi waale oose apni taraf bulaane lage, tabhi ek board  oose dikha wo Turkish embassy ki station chief aur Turkish intelligence ki legal attache thi, aur humwatani haya baksh thi, oosse usne hath milaya aur apni kaali gaadi mein oose bithaya saaman driver ne piche rakh diya, raste bhar dono ne baate ki oose bataya gaya ki yaha uski pehchan gupniye rahegi, usne ek banduk oose saunpi aur saath mein magazine di, koi bhi dikkat de toh ooske paas protocol ya usse sampark karne ka usne number diya, paas mein ek hotel pada jaha usne oose drop Kiya, helin us hotel mein dakhil ho gayi, shaam ko wo Fernandes ke mukhya thikane ke paas taxi se pahuchi saamne ke dukan se usne coffee li aur apne theek piche us imarat ko dekha jaha Fernandes reshma Shah ke sath rehta tha wohi uchi imarat jiske 7vi manzil par uska aavas tha, kisi ke notice mein na aaye isliye usne chehel kadmi ki bus stop mein buses ke rukte hi waha tehri fhir ghadi dekha aur beech beech mein us imarat par nazar rakhki, pure waqt mein ek kaali gaadi waha se nikli thi, par malum na chala kaun tha? Usne number gadi ka note kar liya tha, us waqt baarish dheemi dheemi padne lagi thi usne aasman ki taraf dekha,

Tabhi ek taxi uske bagal se guzri taxi mein baitha wohi shaks tha jisne China mein zen shung ko apne hotel ki balcony mein baithe baithe maut ke ghaat utara tha, usne ek sarsari nazar piche hote Fernandes ke imarat ki taraf ki aur fhir aage dekhne laga, taxi ek hotel ke aage ruki, wo bahar utara aaj usne white shirt upar tye aur black coat pehen rakha tha, usne bheegte huye sidiya tayy kiya aur hotel mein aaya, receptionist ko usne mr.jaswant singhania se milne ki appointment dikhai, usne oose 4th floor dayi taraf ka room no.52 bataya, wo shukriyada karta lift mein dakhil hua aur beech ke floor mein utar gaya sannata pasra tha wo ek men washroom mein dakhil hua, usne apna suitcase khola aur un kapdo ko pehenke bahar nikla, wo ab darban tha usne nakli dhadhi aur waisa hi moti mucch laga rakhi thi,

Wo room no.30 par pahucha darwaja khatkhataya, ek raubdar awaz aayi kaun?, "Ji room service shikayat aayi hai toilet kharab"

"Nahi maangta get the fuck out of here"

"Sir main chala jaunga to boss naraz hoga Fernandes sahab ko urgent tumhe khabar dene ka"

Is baar uski baat ka asar pada darwaja usne khola wo bathrob mein tha aur chehre pe uske sawalat they, uska naam raees tha aur woh Fernandes ka usual client tha jiske kahe pe uske katilon kayi uske rivals ko jahannum raseed kiya tha, usne oos darban ko ghura wo nischint nahi tha isliye fauran bedroom ke bagal ki daraz mein kuch nikalne jhuka, wo revolver thi

Par uska hath waise ka waisa hi latka reh gaya, kyunki tabtak uske pasli par koi cheez dakhil huyi thi, wo karha utha saamne darban ke hath mein palak jhapakte slingshot tha wohi folding Muth wala purja jiske sirho par triple rubber fit tha aur jiske pouch se wo goli sidha ooske pasliyo mein ja dhasi thi

Oose sambhalne ka mauka na mila aur dusri baar us shaks ne pouch mein charra daalke kheecha aur chodha, raees ki ghutti awaz nikali aur wo dum saade gala thaame oose phati nigaho se dekhta piche larkharaya fhir us shaks ne aage aakar oose sambhala aur ooske body ko sidha paani bhare hemam mein gira diya, uski banduk usne badastur daraz mein wapis rakh di dastane theek kiye, aur darban ke hi getup mein bahar nikalte huye usne darwaje pe do not disturb ka tag Chadha diya, wo jaisa aaya tha waise hi sidiyo ke paas aaya niche utarta utarta wo wapis coat pant tye ke bhais mein aa chuka tha, waise hi saaye ki tarah wo bahar nikla reception pe koi tha nahi, usne taxi li aur ye ja wo jaa....

Wo patla dubla aadmi Fernandes ke aadmi ke saamne khada tha oosi ke boss ke imarat ke bahar, usne bade gaur se tasveere dekhi, helin jaisa un gundo se muqabla kar rahi thi uske paas banduk thi isse saaf tha wo aam videshi aurat nahi thi, khabri ko usne shabashi di aur kuch paise deke bhaga diya,  fhir gundo ki toli oosi bar pahuchi jaha helin aayi thi, bar man wohi tha pehle usne saaf inkar kiya lekin Fernandes ke aadmi se jhoot bolne ki uski majaal zyada dair na tik saki, ek aadmi ne saqti se uska gereban thaame oose counter se tikaa diya jis khauff mein usne bataya ki woh iktihkar se Mili thi ek huliye ki pehchan ke liye, iktikhar dhundhe na mila bahut khojbin baad wo bhi apne ghar mein paaya gaya toh uske sath bar man se bhi bura sulook hua wo kuch dair mein tut gaya aur usne sach sach bata diya, ki wo ek turkey ki intelligence officer thi dilris ki khaas, oose ye baat chupaane ki saja ye mili ki gundo ne uske hath pair Tod diye,

Udhar helin gam mein dubi thi usne ek bar cum restaurant mein panah payi, sharab ka pehla jaam waise hi bhara pada tha, itikhar ne bar mein jo kuch bataya wo uske zehan mein ghum raha tha, fhir usne purse se wo apni aur dilris ki tasveer nikaali, fhir apni mangni ki anguthi dekhi, kitne khush they woh? Aaj bhi oose yaad hai jab wo is maqsad ke liye jaa raha tha wo aakhri baar jab usse gale Mila aane ka waada kehkar kabhi na lauta, aansu sharab mein ja gira, ithikar usse request kar raha tha chali jao ye jagah darindo se bhari hai, kis jaan ki wo parwah karti, jaha pehle hi wo apna kho chuki thi, gunde se muthbhair ke baad se wo fikarmand thi ab us ilake mein Jana khatre se khali nahi tha, par rahasya bana hua tha ki aakhir wo sketch ka  hatyara barso pehle gayab tha toh fhir wo haal hi mein Germany Russia fhir China mein kaise dikha? Agar oose khud Fernandes dhundh raha hai toh wo aise katal kyu kar Raha hai? Kya majhra hai? Usne pesha to nahi chodha par wo ab Fernandes ke client ka qatal kyu kar raha hai?, helin ke mathe pe shikar thi sharab mein uska dil nahi lag raha tha, sawal hazar they, wo club se bahar nikli, fhir usne taxi li aur sidha apne hotel ki taraf nikal gayi,

Tasveer reshma Shah ke rubaru thi, usne apne gunde ki taraf dekha saari baatein gunde ne oose helin ke aane aur iktikar se milane ki batai, "isse pehle gulshan mein bhi gayi thi hamare ek sabiq aadmi ka huliya puchte fhir rahi hai bole toh mark x ka"

Reshma chair pe sidhi huyi oose aise dekhne lagi jaise wo koi ajooba ho, uske daye hath mein tasbeeh thi jise oose ginna usne band kar diya, "MARK X".....usne wohi zumla dohraya

               ----------

"Mark X"......Fernandes ne fauran chutki bajate huye kaha uske aage tv monitor par jo cctv footage Russia aur China ki mili usne oosme oose saaf pehchana wohi shaks jisne zen shung ko China mein,Russia mein vozklov ka qatal kiya tha Germany mein butak fizuri ka, un teeno jagah pe huliya alag tha par kad kathi ek jaisi thi,

"Mark x"....mustaq ne bhi badbadate huye in footages ko dekh fhir hairat se blue Fernandes ki taraf dekha

"Haan haan mark x ye saala zinda hai gada murda bola tha tu, dekh gada murda Chalke hamare client ke room mein aa aur jaa raha hai, wohi hai"

Tabtak reshma waha pahuchkar unki batcheet ka mudda sun chuki thi, blue Fernandes kafi hadbada raha tha waha khade uske aadmiyo mein koi bechaini se pehlu badal raha tha jo nawaqif they wo anjan nazaro se footage ko to kabhi blue Fernandes ko chehel kadmi karte dekh rahe they, reshma ka chehra footage par us behrupiye aadmi ko dekh fhak pad gaya

"Toh iska matlab raees ko isi ne maara"....mustaq mantramugdh sa badbadane laga

"Iska matlab ye harami hamara posa dasla saanp isi sheher mein hai aur ye is baar bhaagega bhi nahi kyunki mujh tak ye abhi pahucha nahi hai na"

Blue Fernandes pagalo ki tarah hassne laga aur hasste hasste usne banduk uthaya aur monitor ko shoot kar diya, mustaq ne hi wo sabut China aur Russia se ikhatta karke laaya tha, jo bas helin ke paas abtak they ab unke paas wo sabut hath lag gaya tha wohi huliya, tv ke parkacche udh gaye dhua nikal gaya, blue Fernandes sofechair pe pasar gaya aur beete waqt ko yad karne laga

"Maine hi oose is dhandhe mein utara, is kabil banaya, janta tha ek na ek din kaatega magar apni qabr khodne ke liye itna utaaru ho jayega socha nahi tha"

Usne sard leheze mein kaha, reshma aur mustaq oose chupchap dekh rahe they, wohi dur khada dart ko ungli mein nachata mustaq jaisa unka ek aur hatyara muskura raha tha,

Reshma bahar nikli uske peeche wohi darts thaama hatyara nishanebaz diler khada tha, "tumhara boss abhi aape se bahar hai oose kuch bhi kehna munasib nahi, dilris ki ye khaas hai ise ache se pehchan lo chahe to ye tasveer bhi rakh lo, ise utha lo ya toh zinda ya murda, aasan maut dena warna zinda bachi toh jante hi ho Fernandes aurato ke sath kya karta hai? Aur yaad rahe aam aurat nahi hai yeh turkey intelligence ki undercover cop hai hatyarband"

"Fikar na kare bhabhi jaan kaam ho jayega"

Usne hasrat se helin ki tasveer ko dekha, fhir muskurata waha se ruksat ho gaya, reshma janti thi aage jo hone wala tha kuch bahut bada hone wala tha...

                         ---------

Helin raat gaye apne room pahuchi, usne darwaja lock Kiya aur fhir shower lene ke liye apne kapre utaarne lagi, shower lene ke baad jab wo bahar lauti toh usne fhir tamam lights on ki, hotel se bahar khada wo aadmi apni kalai ghadi par ek nazar dalta hai raat 12 baj chuka tha, helin ke room ki batti bhujh chuki thi, ek baar ko oose helin khidki se bahar jhaakti dikhi, phone ki tasveer hubahu us jaisi thi, usne khidki lagai aur fhir uspar mota parda, helin apne bistar par aakar laiti, par aisa lag raha tha jaise oose bechaini se neend nahi aane waali, aane waala waqt janleva tha kuch bhi ho sakta tha uske sath, toh kya wo bhi bandargah jaaye? Aankh band karti toh oose dilris ki cheekh sunai deti, oose khoon se lathpath dekhti, toh uski aankh khul jati,

Aaj waqayi sona mushkil tha, wohi wo saaya sidiya tayy karke hotel mein dakhil ho chuka tha, fhir galiyare se uske room ke paas aakar khada hua, usne pehle dono taraf nazar fhirayi, ek masterkey nikali aur oose haule haule darwaje ke keyhole mein dalkar ahetiyat se kholne laga, usne ek pal bhi na zaaya kiye darwaja furati se khola aur bistar par chadar sar tak helin ko odha dekha, furati se usne darts uspar faikhe, darts sidha chadar mein dhass gaye lekin helin ki koi awaz na nikli na khoon ka qatra dikha, oose shaq hua usne aage badhkar bistar ki chadar kheechke faikh di toh malum chala helin bistar par thi hi nahi darts sajaye takiye ko ja laga tha,

Usne abhi piche mudke kamre ka jayeza hi liya tha, ki uske sar par kisi ne bhari banduk ka dasta diya wo uspe firing karti ki tabhi oose sidiyo par kayi aadmiyo ke upar aane ki awaz bahar se saf sunai di, helin khidki ke paas pahuchi usne khidki upar ki aur 1 manzili imarat ko pipe ke raste chadhkar niche utarne lagi, diler apna sar thaame chakkar pe kaabu karta khuli khidki ki taraf bhaaga, helin tabtalak niche utar chuki thi wo sadak pe nange pair bhaag Rahi thi, darts ko itni range mein faikna haath se uske bas mein nahi tha, wo banduk istemal kattayi nahi karta tha isse uski kala ki wo toheen samjhta tha, tabhi kamre mein Fernandes ke aadmi pahuche, "peecha karo uska pahuch se na nikal jaaye".....usne apne daaye maathe se nikalte khoon ko ponchte unhe order diya

Helin nightgown pehni haath mein banduk liye haafti huyi gaye raat Dhaka ki Sadako par bhaag Rahi thi, tabhi oose apne piche do gaadi aata mehsus hua, uspe firing huyi goli khambe ko jaa lagi, helin buri tarah siham gayi, wo fisalte girte padte gaadi ko dodge dene ke liye kabhi is taraf to kabhi us sadak ke daayne ki or bhaagti, us waqt oose koi police mil jati to shayad jaan Bach jati par hath mein banduk liye aur uske piche kaun aadmi lage hai ye jante hi uski asliyat khulti aur wo fhir ek alag mushkil mein hoti,

Gadi bilkul oose raundne ki koshish mein ekdum kareeb aayi, helin ne bus stop ki bench par chalang laga di usne furati se ghumkar ek ke baad ek silencer banduk se firing ki, zehan mein dilris ka wohi goli se challi zakhmi jism oose dikha, tatkal asar pada goli pehle gaadi ke windshield fhir tyres aur fhir fuel tank ke ched mein ja lagi, driver ko goli lagi wo sidha gaadi dusri taraf modne laga, aur theek saamne se aati ek bhari gaadi se wo gadi takrakar ulat gayi, bina mauka gawaye helin ne ek baar aur goli chali, goli sidha leak hote petrol pe ja lagi, aur puri gadi ne Aag pakad liya

Tabhi oose apne upar tej roshni padti dikhi, dusri gaadi mein aur aadmi aur khud diler mauzud tha, uspe firing shuru ho gayi, wo bench se piche ki or chalang lagaye kaatedar jhadhiyo se sambhalte waha se nikal gayi, ooske pao zakhmi they, oose chala nahi ja raha tha, lekin gaadi uska picha nahi chodh rahi thi, usne fhir piche mudkar tyre ko nishana saadha par isbar jawabi firing mein wo hadbada gayi, ek goli kaan se sansanati nikal gayi to ek goli kandhe ko cheerti huyi nikalti mehsus huyi,

Wo dum saade cheekh uthi, fhir bhi larkharate kadmo se wo subway tak pahuchi, "oose goli lagi hai pao bhi zakhmi hai zyada dur nahi bhag payegi subway mein jao"

Itna kehkar gaadi ko thaamte hi gunde jaise subway ki taraf diler ke kehte hi lapke, tamam sidiyo par khoon se bane kadmo ke nishan they, jiska picha karte gunde niche pahuche, helin diwar ki ot mein aad ho gayi, unke kadamo aur hassne ki awaz pure basement mein gunz rahi thi, wo kareeb aa rahe they wo lapakke exit ke paas pahuchne ki koshishe karni lagi, achaank sidiya tayy karte oose kuch aur gunde utarte dikhe us taraf se bhi, helin piche palati toh wo gunde bhi waha pahuch chuke they, helin ghabra gayi wo kareeb aa rahe they, hathyarband they, lekin wo karo ya maro wali halat thi, unke geraft mein jaane aur aziyat uthane se behtar shootout karke marr jana oose gawara hua, ek ne oose banduk phaikne kaha usne wohi Kiya apne hath upar utha liye, do gunde jaise kareeb aaye usne furati dikhai oospe jhapatte gunde ke tango ke beech usne apne ulte jaangh ko modte huye wasr kiya uske piche aakar ooske gardan ko dabochte huye usne gun cheenkar tamam shrotao par lagakar firing kar di, gunde hadbada gaye unhe aisi umeed nahi thi, do gunde wohi dhair ho gaye baaki banduk nikalkar uspar firing karne lage thaame gunde ko usne dhaal ki tarah istemal kiya fhir uski laash upar chodh di, helin ne furati se giri apni banduk uthai aur unpar ek ke baad ek goliya daagi,

Diler ko awaz kaano mein firing ki pahuchi to wo furati se apni gadi se bahar nikalkar Subway ki taraf aane laga, kayi goliya helin ko apne jism se garam garam mehsus hote guzarti mehsus huyi, helin ne furati se gunde ke jeb se nikla chaku uthake ek ghayal gunde ke gardan mein dhasa diya chaku bahar aaya to khoon ka fawarra jaise nikalne laga helin baaki gundo pe firing karti to uski apni aur dusre hath mein thami Banduk ki goli khatam ho chuki thi, wo unhe ghayal kar daudi, kuch gunde jo bach Gaye they wo uske piche banduk ko jaise taise pakde daude, uspe tabadtod goliya barasti rahi, helin tabtak subway ki sidiyo se upar pahuch chuki thi, wo sadak paar daayi or bhaagi

Wo zyadar der tak bhaag nahi saki kyunki tabhi ek tikhi nokdar suyi uske kandhe pe aa dhasi dusra nikalte hi ek aur uski peeth mein aa dhasa, wo wohi andher bhari galiyare ki sadak par gir padi usne apne peeth pe oose tatola, wo ek Dart tha usne puri taqat se kheechke oose nikaal faika wo khoon se tarr tha, usne dobara apne baazu se ek aur paibast dart ko kheecha par wo itni buri tarike se dhas gaya tha ki oose kheechke nikalne mein uske aankho mein aansu aur aseem dard ki leher uth gayi, kadamo ki awaz oose apne piche mehsus huyi, diler oose kha jaane wali nazaro se muskurakar dekh raha tha, helin ke aankho mein maut nachti dikhti rahi thi,

Helin ab lachar thi, wo uth nahi paa rahi thi, tabhi diler ne uske gale ko nishana banate dart faika, dart abhi hawa mein udta uske gale tak pahuchta tabhi ek cheez oosse dayi taraf se udti aakar takrayi Dart beech raste zameen par gir pada uske sath hi 6 mm ka so charra bhi, diler hakka Bakka reh gaya oose yakeen nahi hua usne daayi taraf ke band godown ki chatt ke taraf dekha oose andhere mein ek saaya dikha tabhi kisi khatre ke khauff se wo niche baith gaya sansanati kayi charre uske piche khade gundo par ja lagi, wo log karha uthe aur wohi dhair ho gaye, wo akela hi bacha tha, diler samjh nahi paa raha tha, helin us 6mm ke charre ko pehchan chuki thi ye wohi tha,

"Kaise ho diler? Pehchana kafi waqt baad aise mod par milna hua socha nahi tha"

"Ye awaazz kahi tu mark x toh nahi? Mark x khel khelna band kar de tujhe nahi pata Fernandes tere khoon ka pyasa ho chuka oose teri har harqat pata chal chuki"

Ho ho karti hawao ka shorr us sannate mein helin ko sunai de Raha tha, usne us halat mein bhi gaur se chatt ki taraf dekha waha koi khada tha jo diler se baat kar raha tha, diler ka uspar ab dhyan nahi tha,

"Godown ka darwaja khula pada hai darr mat tujhpe main ek bhi nishana nahi lagaunga yaha aa aur mujhse hisab chukta kar, ladki ki fikar mat kar wo kahi jaane nahi wali tere upar maut naach rahi hai pehle oose to apne sar se taal le"

Hadbadaya diler gusse se godown ki taraf bhaaga, usne darwaja khola aur bheetar dakhil hua, helin ko chatt se saaya gayab nazar aaya, diler band pari machine se guzarta sidiyo ke paas lapka, uspar chadhte huye usne darts faika, wo saaya jaise dusri or kud gaya, wo darts pe darts uspar faikne laga par har darts ka nishana chuka ja raha tha, tabhi uske kaan se koi cheez sansanati guzari wo sidiyo se dusre daahne ki taraf chadh gaya fhir upar chatt par chadhta hua pahucha, "close range tak teri aukwad hai par main dur tak shikar kar sakta hu"

Diler ko jaise usne lalkara toh diler ne awaz ka picha karta us andhere saaye mein darts faikha, nateeja sifar wo chatt ke ek uche diwar ke piche chup gaya

Upar koi pahucha toh usne dart ka nishana sidighar ki taraf lagaya uska darts diwar mein ja dhasa, "mark x tu Bach nahi payega, itne saal se kahan chupa pada tha?"

"Samjh le ek long vacation par ab wapis aa chuka hoo is khel ko ab main yahi khatam karta hoo kyunki 18 dart se zyada apna diler bhai istemal nahi karta"

Diler ekdum se ghabra gaya uske paas sirf teen hi darts bache they, mark x hisab laga chuka tha ki usne kitne darts abtak faikhe honge, diler furati se bahar nikla aur usne saamne khade mark x pe nishana lagaya, mark x sirf muskuraya wo to jaise uske nikalne ka intejar kar raha tha kab uska hath rubber pouch ko thaamta, dusra hath muth ko nishane pe lagata, sabkuch palbhar second mein hota, diler ka pura badan charro se challi ho gaya uska faika darts sirf ek nishane pe laga wo bhi mark x ke pait par jisse oose koi faraq nahi pada kyunki usne lohe ki vest pehni huyi thi,

Diler ke munh se khoon behane laga wo sidha chatt ke albester pe girta hua sidha kaggar par aa latka usne badi mushkil se Kona thaam rakha tha chodhta toh sidha godown se niche girta, mark x pillar par chadhkar oose dekhne laga, usne apne nightvision goggles ko utar faikha, oose pehli dafa itne saal baad dekh diler hairat mein pad gaya

"Janna chahta hai main tujh tak kaise pahucha? Main Fernandes ke har aadmi ke piche hoo, aaj tu mera target tha, isliye Tera picha karke yaha tak pahucha"

Usne aur diler se baat nahi ki uska hath ucha hua usne uske mathe ko nishana sadha aur ek goli chodhi, diler ka maathe mein wo charra ched karta dhas gaya aur diler ka bejan hota jism sidha zameen pe ja gira, sannata fhir pasar gaya, godown se bahar mark x nikla usne ek nazar paas gire diler pe daudai sunischit kiya uske patharai aankho se aur maathe pe surakh se ki wo marr chuka tab jaakar helin ki taraf aane laga,

Helin sadak par tab bhi ghabrayi baithi huyi thi oose chala nahi jaa raha tha, mark x ne jhukkar uske ghav ko dekha fhir kandhe pe lage goli se bane zakhm aur fhir kantedar pao ke khoon se tarr zakhmo ko, helin ke aage wo shaks tha jo kurur hatyara tha, jis huliye ko wo talash rahi thi, helin ko apne aankhe bhari hoti lagi fhir wo wohi zameen par gir padi!

"ladki bhi lapata ho gayi, subah hotel bhi aayi apna saman li aur gayab hamare aadmi waha jo tainat they ki shayad wo wapis lautkar aaye us nateeje mein ulta humhe unki laashe galiyare mein mili"

Reshma ye baat sunkar Fernandes ki taraf dekhne lagi jo goli mein suya daalke oose saaf kar raha tha, "zarur ye kaam mark x ka tha, wo ladki usse mili huyi hai isliye to abhitak zinda hai"...reshma ke itna kehte hi Fernandes utha usne banduk load ki aur batane waale khabri ko wohi shoot kar diya, reshma oose awaak dekhne lagi,

"Kya? Buri khabar sunne ki aadat nahi mere ko kaha tha nakamyabi bardasht nahi hoti aur waise bhi ye banduk kaam kar rahi hai wohi check kar raha tha"

"Apne gusse ko thoda shaant karo kya tumhe ye gawara hoga ki tumhare residence se aadmi bori mein laashe dhote le jaaye aur fhir koi bahar ka aadmi ye baat notice kare, wo dono pakde jayenge"

"Kab?"

"Jald hi, isse pehle ki wo koi palatwar kare"

"Dekh reshma tu jism se mujhe santusht karti hai toh baaton se bhi kar, mood bana mera wo gori vilayati policewali mare na mare, mark x ko maar gira wo sendh lagaye ja raha hai aur mera dhandha chaupat kar raha hai"

Reshma ne haami mein sar hilaya, tabhi waha zohri aaya..."kuch pata laga ladki ka"...Fernandes ne kaha

"Bhai wo toh aise gayab huyi jaise gadhe ke sar se Singh, but tension na lo sab jagah khabri laga diye koi bhi mark x ko dekhe toh fauran mujhe bataye, police department ko pata chala ki wo international contract killer toh fhir baat ghuma fhirake tum pe aayegi boss wo toh tumhara kabhi!"

Fernandes ne aankh nikaalke uspe banduk taana toh wo bachcho ki tarah ungli honth pe rakhkar chup ho gayaa, "kyu na? Turkish embassy mein jo uske contact mein thi us legal attache pe pressure banaye daraye dhamkaaye ki dilris ki tarah wo apne mulk se waha ke jasoos ko yaha panaah dilwa rahi hai"

"Agar tere mein bheja hota toh yaha tu meri jagah is gaddi par baitha hota, tabhi tu mamuli policia reh gaya, saali wo international Interpol se taluq rakhti hai, uspe pressure banayega toh wo apne sarkar ko complain karegi turkey sarkar fhir Bangladesh sarkar ko pakdegi, kis wajah se ho raha hai wo padtal hoga, tab mera naam uchalega aane waale election mein ticket nahi milega, kitno bhi ho wo log yaha meri jasoosi karne aaye aur ek Jana jo Germany China aur baki desho mein kaand kiye ja raha hai aur jisne taaza taaza haal hi mein yaha mere client padosi mulk ke raees ko tapkaya wo tha toh pehle kabhi mera aadmi hi, marrne waale se mera contact aaj nahi to kal malum chalega, fhir yaha ki sarkar underworld ko khangalegi mera naam uchalega aur fhir bhari badnami aur damage, pehle hi barbad hoo aur tinke ki tarah bikharunga, humpesha karobari meri maut ke tammanai mujhe aur damage karne ki firaaq mein lag jayenge fhir main ya toh jail mein ya toh phasi ke taqte pe, aur tu saala tab mere hatho khallas tujhe police department suspend kare na kare fhir main apne hatho se tera fatiha padhuga"

Zohri ko jaise saanp Sungh gaya, Fernandes ka gussa shant hua to wo banduk table pe rakhkar baith gaya, "uska Marrna zaruri hai kyunki oose aise Raaz malum hai jo mere liye qabr khod sakte hai isliye kisi bhi tarah se mark x ko dhundho aur wohi terminate karo"

                               ---------

Paanch din ho chuke they, helin rukshar aur mark x urf izhar ke sath unhi ke khufiya adde par abtak reh Rahi thi, wo oos waqt shooting range par tabadtod safety glass pehni target board ko goli se ched kiye ja rahi thi, tamam nishanat achuk they, piche izhar ne Tali bajai, "manna padega kafi badhiya nishanebaaz ho"

"Miss cop right?"

"Hahaha".....izhar hass pada

"Ye jante huye main ek undercover cop hoo tumne mujhe yaha panaah kyu di? Main tumhare liye bhi toh khatra ban sakti hoo tumhe geraftkar karwa sakti hoo kayi mulk mein kiye qatal ki wajah se police ko tumhari bataur suspect talash hai"

"Main janta hoo lekin tumpe bharosa hai tum unki tarah nahi jinhone mujhe sirf chaara banaya aisa nahi ki kayde kanoon pe mujhe underworld se zyada bharosa hai par isliye ki tumhare andar sacchai hai tum akele turkey se yaha is operation mein aayi, itna bara jokhim uthaya marrte marrte Fernandes ke aadmiyo ke hatho bachi, uske professional killer se jee Jaan se lad gayi, main toh Fernandes ke aadmi diler ke piche laga tha ye nahi janta wo toh tumhari supari liye raat gaye tumhare hotel pahuch gaya tumhari kahani bhi kuch meri tarah hai, hum dono ki zindagi ko barbaad ek Jane ne kiya hai jiske piche hum dono pade hai, main chahta toh tumhe wapis turkey jaane ki salah deta lekin tum bhi Khali hath bina insaf liye nahi Jane wali aur main bina Fernandes ko zinda chodhe piche nahi hatne wala, uske baad agar tum chaho toh mujhe bejhijhak goli maar dena ya fhir international  criminal ke tehet yaha ki sarkar se geraftkar karwa Lena, par sach pucho to wo murders maine isliye kiye ki wo Fernandes ke client they kisi aur ko usse marwane ka contract lete they, mare wo hai par usse zyada damage Fernandes ko pahuchi hai, khair tumhare sawal ka ek hi jawab hai ki main Fernandes ke liye kaam karta tha par ab nahi aur ab wo mera tumse zyada bada dushman hai"

"Mujhe maaf karna meri yaha aakar tumhe talash karne se tumhari musibate badh gayi ab jabki main unhe dhundhe nahi milungi toh bhi wo mujhe tumhara hi sathi manenge"

"Mujhe faraq nahi padta der saver Fernandes ko meri asliyat ka pata lagna hi tha, ek na ek din wo aur main aamne saamne honge aur us din hum mein se koi ek bachega"

"Tumne abhitak nahi bataya tumhari usse kya adawat thi? Kyu tum uske khilaf huye? Ye jankar ki wo kuch bhi kar sakta tha? Tum usse bhaagne ke bajay oosse dushmani kyu mol lena chahte ho?"

"Dushmani to oosi din ho gayi jis din se main uske liye kaam karne laga, jis din main uske changul se bhaag khada hone mein kamyab raha aisa lagta hai jaise sabkuch kal ki hi baat ho"

Helin ne dekha ki wo berehem nishanebaz Fernandes ka kabhi tehra hatyara ek gehri soch mein dub gaya tha fhir wo mantramugdh sa sabkuch oose byaan karne laga aur wo waisi hi khadi sabkuch sunne lagi

                ------

Past 10 yrs ago

Bachpan se hi mujhe nishanebazi ka shouk tha main middle class family se belong karta tha jaha zimmedari shouk se zyada ahemiyat di jati thi, lekin mere maa baap ke bas mein jitna hota wo mere shouk ko pura karte, lekin un banduk ke khilono mein wo baat nahi lagti thi jo kisi asal cheez ko nuqsan pahhcane mein thi, school ke waqto mein aksar main apne class ke baccho ka shikar hota tha lekin jab mujhe gussa aata toh main unhe maarta nahi ek pen ko main kabhi sniper gun ki tarah bana leta uske cap ko ulta karke usme rubber band piche ke ched tak fasakar usme refill dalkar un baccho pe shoot kar deta tha, jis wajah se mujhe teacher se bahut daant padi thi, lekin us shouk se jaise main obsessed hota chala gaya, mera koi dost nahi tha main introvert tha Ghar aakar darts faikna hi mera shouk tha oose diary mein note karta aur fhir apna padhai pe dhyan deta, bachpan waqt ke sath guzarne laga aur shouk mein tabdiliyat hone lagi, mere maa baap ko mere aise shouk se saqt parhezi thi ki main kisi ko nuqsan pahuchau bhala koi maa baap apne bete ke hath mein banduk dekhkar khush to nahi honge, maine jab asli banduk apne gaon mein ek janne waale ke bigdail bete se li jo ki uska tha tab mujhe ahesas hua ki asli banduk aur bachpan ke un plastic ke khilono mein zameen aasman ka farq tha, uski awaz bhi kaan phaadh dene wali thi, lekin waisi banduk Lena aur rakhna apradhik gatividhiyo ko badhawa deta tha, tab maine apne is shouk ko dar kinar kar liya, ek din guzarte waqt baagh se maine kuch ladko ko dekha jo gulel se paid pe latke aam tod rahe they, mujhe usme dilchaspi lagne lagi, fhir maine bhi apni sateek nishanebazi ka istemal gulel pe kiya toh wo dang reh gaye halaki maine pehli baar aisi koi cheez chalai thi,

"Kya gulel ka competition hota hai?"....main ek ladke se jankar hairan tha?

"Haan Bhai aap to sheheri hai aapko malum nahi gulel ka professional competition bhi hota hai slingshot federation ek association toh india mein hai jo training dekar international level par khelne ke liye players ko bhejti hai par pehle aapko nationals mein utarna padega aap badhiya nishanebaz ho aap kar loge"

Usne hausla diya aur mujhe bhi apna shouk naye sirhe se jaagta mehsus hua, is khel mein koi kharabi nahi thi, parivar waale Maan Gaye, jo meri savings thi oose maine local federation join kar lagayi, khub practice ki aur aakhir kayi local competition ko jeetne ke baad main finally national levels pe utara, waha logo ki bheedh thi, judges ka ek panel baitha hua tha, waha ek se badhkar ek nishanebazo se mulaqate huyi, main paanch khiladiyo mein shamil tha, kafi long range ke target ko humhe pura karna tha, jispe sateek nishana maine teen dafa lagaya, aur points score kiye pratiyogita ke aakhir mein teen ko select Kiya jana tha jo international level pe bhaag lene wale they, par badkismati se itni mehnat aur Paisa lagane ke bawjud mera naam kahi shamil nahi tha, main jaise tut gaya taaliya baj Rahi thi aur jinhe maine apne kam samjha wo mujhse aage they wajah ye thi ki wo mujhse badhiya nishanebaz they

Main waha ek pal na tehra, kisi ne mujhe roka nahi haare huye Khiladi taaliya Baja rahe they jinki qatar se main gusse apna slingshot liye bahar nikal gaya, badal garaz rahe they main apna bag liye stadium se bahar main road par chal raha tha, tabhi waha ek gadi ruki do aadmi coat pant mein bahar aaye, unhone meri nishanebazi dekhi thi aur uski tareef ki unhone bataya ki hum jante hai tumhara naam selection mein nahi aaya lekin hamare boss tumse milna chahte hai, main ajnabiyo se dur rehta tha wo log mujhe kuch theek nahi lag rahe they, maine unke boss se milane ki baat ko taala "maaf kijiyega maine khelna chodh diya hai" aur waha se tej kadmo se daudkar nikal gaya, par aisa laga pure raste wo mera picha kar rahe they, ghar aakar main apne maa baba se kuch na keh saka, maine wohi slingshot kachde ke dabbe mein faikh di, aur soch liya ki ab bas main naukri talashne mein dhyan dunga aur bhul jaunga ki maine aisa kuch thaana tha,

Lekin honi ko kuch aur hona tha, mere phone par unknown calls aane lage, main phone cut karne laga toh MSG aane lagte, main ek number block karta toh dusre number se call aa jata, paigam ye tha ki koi mujhse milna chahta tha par maine ek baar saaf reply Kiya ki mujhe nahi milna, lekin message badastur aata raha, fikar dehshat mein tabdil tab huyi jab ghar ki ek din ghanti baji, koi mujhse milne aaya tha par main chupp gaya un logo ne mujhse milane ki iccha vyakt ki uske baad mujhe na pakar wo chale gaye, maine gharwalo ko saaf mana kiya ki kisi bhi anjan aadmi ke liye darwaja na khole, mujhse jawabtalabi huyi jiska koi wajib jawab mere paas nahi tha, wo fhir mere gairhaziri mein kuch dafa aaye jispe mere gharwalo ne oose saqti se jaane keh diya, ganimat thi ki unhone kuch galat nahi kara,

Mere gharwale bhi ab pareshan hone lage, aur ye silsila ekdum se apneaap tham gaya, ab bahar jaane par bhi mujhe aisa lagta nahi tha koi mere piche tha sabkuch normal hone laga ho sakta tha wo aajij mere inkar se piche hat Gaye, par main galat tha Sher agar do pao piche kare to soch lena chahiye ki wo apne shikar ki taraf utni hi teji se haavi hone wala hai, us din beech sadak par ek gaadi ruki aur mere munh par chloroform jaisi koi nasheeli mehekdsr rumaal zabran rakh di gayi main behosh hone laga mujhe kayi hatho ne kasskar gaadi mein daala fhir gaadi teji se kahi jaane lagi, jab mujhe hosh aaya toh main ek band Khali kamre mein zameen pe pada tha,

Aankh kholte hi meri pehli nazar akram Khan pe padi jiski Surat maine aksar akhbaro mein dekhi thi jo hamesha surkhiyo mein ya toh apne safedposh dhandhe ki wajah se ya underworld ka aadmi kehlane ki mehez afwao ki wajah se hamesha charchit rehta tha, akram Khan urf blue Fernandes, wo cigar fhukta mujhe bade gaur se dekh raha tha, uske bagal mein reshma khadi thi, wohi ek taraf diler aur sultan khade they, toh dusri taraf mushtaq aur ruksar bhai "mere motiyo ke daane mein   ek nag baaki thi wo ab puri huyi"

"M.ujhe yaha kyu laaya gaya hai?"

Dhacchhh...ek goli sidha sansanati mere kaan ke parde phaadh dene ke barabar bagal se mere guzari meri aankho ki putliya dehshat se katori mein nachne lagi, Jin banduko se khela aur jis asli banduk ko maine thama uski ek goli mere kaan se sansanate huye almost chukar guzri thi, main wohi kaapne laga, "tune mujhe bahut intezar karwaya hai itna intzar toh mere client bhi mujhe nahi karwate aur inkar karne walo se mujhe saqt nafrat hai"

Mere kuch na bolne ki saqte bhari halat par ruksar bhai ne unhe shaant rehne kaha, jispar wo thoda narm pade, wo aage aaye fhir unhone mujhe ek gulel hath mein di, main aise azib nazaro se Fernandes ko dekhne laga, "ise chalao aur humhe dikhao ki tumhara nishana kitna badhiya hai jaise us competition mein tumne khela tha"

Iska matlab meri yaha aane ki jo musibat bani wo slingshot competition mein mera participate karna tha, par kyu? Mere se koi jawab na pakar unhone banduk mere mathe ki taraf taan di trigger pe unke hath kass gaye, mera chehra safed pad gaya maine fauran wo gulel kaanpte hatho se li fhir uth khada hua, theek mere piche roshni ki gayi kuch duri par ek target board tha unhone dusre hath se mujhe kuch charre diye, main kaanpte hatho se pouch mein charre ko dalkar uske rubber ko piche kheechne laga, nishana saadh nahi paa raha tha haath us waqt darr aur dehshat se kaanp rahe they, natija wohi hua charra board ko laga hi nahi, unhone fauran piche se trigger mere mathe pe rakhke daba di, click ki awaz huyi par koi goli nahi chali

Sab tahaka lagake hassne lage siwaay ruksar bhai ke, Fernandes do kadam piche hua aur usne mere kandhe pe thaapi maari "apne darr ko pehle kabu karo aur fhir mujhe apna hunar dikhao lekin yad rahe is banduk mein ek goli asli hai baaki khaali jitni baar fail utni Baar trigger dabegi, aakhri chance khoye to bheje mein goli"

Ye baat sunte hi mera darr aur badh gaya, wo karo maro wali halat thi, maine haath sidha kiya slingshot ke muth ko pakda rubber ko kheecha aur is baar pure hausle se nishana lagaya charra sidha board ko cheerta hua nikal gaya, "ruko nahi karte jao"

Main ek ke baad ek nishana lagata raha, sab nishane barabar Lage, Fernandes ne mudkar ruksar bhai ko dekha, usne haan mein sar hilaya, maine piche mudkar Fernandes ki taraf dekha toh paaya ki usne mere aage banduk kholkr dikhai wo loaded gun thi jisme sirf do goli ke chamber Khali they, meri saas atak gayi, usne mujhse jhoot kaha tha, usne bas muskura diya

"Mera naam blue Fernandes hai aur ye hai meri duniya, hum aise hi business karte hai, isliye ab se tum mere aadmi ho, main unhi specialist ko hire karta hu jinme koi alag nishanebazi ka hunar ho, taaki unhe is kabil bana saku ki wo mere kaam aaye"

Tab usne mujhe sabse milwaya wo sab mahir nishanebaz they koi darts faikta tha to koi tir chalata tha mustaq slingshot rifle expert tha matlab sniper ki banduk se goli ke jagah wo gulel ke rubber se charra faikta tha aur wo sirf nishanebaz nahi durdaant hatyare they contract killers they logo ki jaan lena jinka kaam tha, ye baat se main saqte mein aa gaya, main ghar jana chahta tha jispar unhone kaha ki ab main tabhi ja sakta tha jab unhe manzur hoga, tabhi reshma ne aage badhkar mujhe zabran ek injection laga diya mera badan sunn pad gaya sochne samjhne ki taqat chali gayi, aur main waise hi teher gaya,

Mujhe agle din sote se jagaya gaya, fhir waha mujhe ruksar bhai ke paas chodh diya gaya, jinhone fhir meri training shuru kar di, main gulel se tarah tarah ki cheezo ko nishaana lagane laga, wo gulel lohe ki banawat ke they jinme laser laga tha taaki main apne shikar par oose point karke nishana sateek chalata rahu, meri har harqat ko monitor par Fernandes apne alag room mein baitha dekhta tha, main janta tha wo mujhse kya chahte they taaki main apne nishanebazi ka istemal logo ko jaan se maarne mein karu jaise uske baaki hatyare karte they, waha ruksar bhai they jo mujhe isharo isharo mein sabkuch bata dete they, wo afsos karte they par kuch kar nahi sakte they, wohi they jinpar main waha bharosa karta tha, ab training saja lagne lagi thi, Fernandes ke aadmi zabran mujhse maar Peet karte taaki main unse hathapayi karu, par unhe hidayat thi na main apahij hoo na meri haddi tute, par har din main buri tarah Peet jata tha, haarne ka sabak aur maar khana tha, dekhte hi dekhte main samjh chuka tha yaha se koi nikas nahi, bhagne ka koi zariya nahi, maine bhi jawabi hamla karna shuru kiya aur hathapayi ke daav paich sikhte sikhte unse ab main aasani se do do hath karne laga, har torture ke baad mere jism mein aseem dard rehta un choto aur zakhmo ke sath main jab paani ke niche aata toh aisa lagta jaise main kaise inke changul se nikal paunga,

40 din baad main kafi badal chuka tha, injection ke dose se mujhe kisi ke chot ya chaku tak lagne ka ahesas nahi hota tha, wo aisi dawa thi jisme insan kisi aur ke kahe mutabiq kaam karta tha, reshma jaisa kehti main waisa karta ab uske aadmi mere hatho hathapayi ke dauran buri tarah haarne lage, mujhme berehmi aane lagi, slingshot ka Target nishane pe lagta ab target janwar hone lage, jinhe maarkar dur se main unhe Fernandes ke aage rakhta ruksar bhai jaan chuke they main ab us padav ko paar kar chuka tha jab main asli peshe ko anjam de pau...

Sultan akram Khan urf Fernandes ka katilon mein ek daksh hatyara tha, wo crossbow ka specialist tha ek aisa baan jo kalai par bandha jaata tha, aur usme aadha hath lamba tir fasake dur khade aadmi par sateek nishana lagaya jaaye to tir sidha oose lagkar mauke pe uski maut ho sakti thi, wo bahut khatarnak tha aur usne kayi logo ko maut ke ghaat utaara tha chahe videsh mein ho chahe desh mein, turkey mein jo do katal huye usme oosi ka haath tha, wo shuru se mark x se nafrat karta tha par ek hi giroh mein hone ke wajah se wo blue Fernandes ka lihaj karta tha, par ab taqta palat tha giroh ka general ab khud giroh ka shikar tha, Fernandes ne oose bhi kaam saunpa tha ki izhar ko dekhte hi oose fauran maar giraaye, par sultan janta nahi tha ki diler ke baad ab mark x uski firaaq mein uske piche saaye ki tarah lag chuka tha,

Wo dair raat ka waqt tha club mein music full volume mein bass ke sath gunz raha tha,  waha achi khasi ameerzado ki bheedh thi, jabki sultan ek counter pe baitha jaam pe jaam pee raha tha shirt ke Astin ke niche usne crossbow kalai pe baandh rakhka tha, wo khabardar katil tha, sharab bhi utni Peeta tha jitne mein oose Nasha na aaye, par auratkhor hone ke chalte wo oos waqt apne anjam se bekhabar hokar unki sohbat mein baitha tha dono ke beech wo ashleel hassi mazak kar raha tha,

Bahar ek kaali gaadi akar ruki, is baar ruksar Bhai muskurakar piche baithe izhar urf mark x ko dekhe jo tayyar tha, "pakki khabar hai yahi woh".....mark x ne pucha

"Yahi paya jata hai aajkal"...ruksar ne kaha
"Main bhi sath aaungi"....helin ne kaha

"Nahi yahi raho bahar na lautu toh rukshar Bhai ke sath nikal jana, agar bahar aau toh bas itna karna ki apni taraf ka darwaja khol Dena

Itna kehkar muskuraye wo utar gaya....wo janta tha aas pass Fernandes ke aadmi mauzud ho sakte they, wo us waqt firangi ke bhes mein check in line mein pahucha, uski talashi li Jane lagi, helin gadi mein ruksar bhai ke sath baithi ghabrane lagi, par uske jeb mein kuch na mila

"Anything else man, c'mon let me get inside mann, I really need to enjoy some bong chicks today"

Uska natak dekh helin awaak reh gayi, aise kaam mein woh professional aise nahi tha, aaj khud ek hatyara aaj apne humpeshe ka shikar karne jaa raha tha, club mein dakhil hote hi waha acha khaasa andhera music ka shorr aur reh rehke chamkati rang birangi roshni dhyan bhatkane ke liye kafi thi, bheedh bhi achi khasi thi, uska chashma asal mein night vision goggles tha, usne dur sultan ko ek sofey pe do aurato ke sohbat mein jaam peeta paaya is baat se bekhabar ki hatyar uske kalai par us waqt mauzud tha,

Wo uske kareeb badhne hi laga tha ki achanak oose ahesas hua ki andhere mein koi oose notice kar raha tha wo log uski taraf badhne lage, mark x khali muskuraya usne topi sar se utaari aur usme se rubber ka fita apne hatho mein le liya, wo sidha galiyara paar karta club ke bheedhbhad aur shor se dur washroom pahucha waha usne fauran toilet ke kamod pe baithke apne jurab ke Astin se wo nanha sa folding slingshot handle nikala, ooske dono sirhe ko upar umetha fhir uspe teen sirho ka woh rubber lagaya, woh bahar nikla toh woh teen aadmi waha khade oosi ka intejar kar rahe they,

Woh siti bajata hua unke beech se nikalne laga.."get some side bro, u comin in my way"

"Kahan se aaya hai?"

Mark x ne aise munh banaya jaise wo samajh nahi paa raha tha wo kya bole?, Tab dusre ne wohi baat angrezi mein kahi, "all the way from heaven".....usne natak karte huye unse kaha

"Kya?"

"Switzerland have u ever heard? The heaven of earth, bytheway what in the hell u guys want from me? Get the FK out of my way"

tabhi kisi ne uski kalai thaami....mark x saanjh chuka tha Fernandes apne hatyaro ke sath tamam aadmiyo ko chaukas kiye tha wo anjan tha isliye unka shaq uspar ban Raha tha, par ab chara nahi tha, usne ghumaake ek ghussa kalai thaame aadmi ke chehre pe diya tabhi kisi ne banduk nikaali uska hath wohi teher gaya, mark x ne uske jabde pe kohni ka vaar kiya fhir usne chaar kadam piche hokar duri banai aur unke uspe koi harqat karne se pehle apna belt mein fase slingshot ka muth thaame charra pouch mein fasate huye ek ke baad ek unpar daaga, woh wohi dhair ho gaye usne washroom ki batti bhujai aur bahar aaya, woh furati se aage badha, tabhi jo bahar pehra de raha tha oose akela washroom se aate dekh wo andar bhaaga waha uske aadmi mare pade they usne fauran bahar nikalte huye bheedh ko thelta oose dhundhne laga, mark x sultan ki taraf badh raha tha, tabhi beech mein do bouncer jaise aadmi oose roke...."kya kam hai?"

"Sultan bhai se baat karne ka"

"Bhaiiiii oose roko wohh mark x hai"

Isse pehle bouncer piche se chilla rahe oos aadmi ki baat samajh paate, mark x ne slingshot ka charra dono ke pait pe nishana saadhte huye de maara, woh dohra hoke dance floor pe gir gaye, piche waale aadmi ne gun nikaalke oospe daag diya, goli ki awaz se bhagdad mach gayi, mark x furati se bheedh mein bhaagne laga, baaki aadmi andhere mein huye is achanak goli ki awaz aur hamle se bhaukla gaye, mark x ko apne kareeb goli chalti mehsus huyi usne furati se slingshot kheechkar bheedh mein jhukke uspe nishana sadha, wo aadmi gardan thaame wohi gir pada, sultan bhaukla gaya, bheedh mein oose samajh nahi aaya ki aakhir uske aadmi ko maara kisne? Usne ladki ko dhakela aur counter pe rakhke tir ke bag ko apne kandhe pe fasate huye usme se ek tir set kiya,

Piche se bheedh se nikalte mark x ko do haatho mein thaam liya, mark x ne haath mein peetal ke mukke ka vaar baazu thaame aadmi pe kiya, usne dusre ka hath madod diya aur tabhi sultan ke maarte tir se bachne ke liye oose apne aage kar diya tir oosi ke aadmi ke chaati pe paibast ho gayi, wo munh se khoon ugalta wohi gir pada,

Sultan awaak mark x ko dekh raha tha wo dusri taraf bhaga uspe dusri taraf se goli chali, wo counter ke piche chup gaya sultan uspe tir chodhne laga upar saje sharab aur glasses pe tir aur goli lagte hi sab counter ke niche kaanch aur sharab bikherkar girne lage, mark x furati se dusre sirhe se nikalkar slingshot ka vaar silently goli thaame aadmi pe karne laga, jaha se slingshot chali waha baaki log goli chalane lage, bheedh se afra tafri mach gayi, sultan aur baki ke aadmi ko oose dhundhna andhere lights aur music ke shorr mein khoj pana namumkin laga, bheedh se nikalte huye mark x ne dobara slingshot kheecha aur ek ke baad ek tamam goli thaame aadmi ko piche se maarna shuru kiya, ek goli sansanati uske mathe se upar nikal gayi jo sidha ek ladke ko lagi, waqt kam tha,

Sultan uspar tir maarne laga par wo andhere ke saaye aur bheedh mein gayab ho jata, entrance gate se sab bahar bhaag rahe they, helin ghabrai toh ruksar ne oose andar hi baithe rehne kaha, itne mein club mein mark x ne mare huye asdmiyo ki banduk Li aur sidha sultan ke aas paas khade uske aadmi par chalai wo akela Bachta hua bhaaga, mark x ne slingshot pe charra chadhane ke bajay, tute kaanch ka tukda utha liya isse pehle sultan uspar dobara nishana laga paata, ek kaanch ka tukda sidha uske gale ko cheerta khoon se tarr farsh pe gir pada, dusra tukda ooske pait mein aa dhasa, sultan dard se bilbila gaya, mark x uske kareeb aa raha tha tabhi firing ki awaz sun oose samajh aaya ya to police wale aa chuke they ya fhir uske aur aadmi, sultan ghutno ke bal baitha oose dekh raha tha mark x oose alvida kaha aur sidha usse 30 haath dur khade faasle se uspe ek aakhri baar nishana saadha, kaanch uske aankh ko bhedte huye andar dakhil ho gayi, wo wohi dhair ho gaya,

Mark x bheedh mein sabko thelta hua jo bhi oose pehchan Raha tha un aadmiyo par slingshot ka vaar kiye ja raha tha, wo bahar nikla baaki bheedh ke sath toh helin ne paaya piche uspe kayi log goli daagne waale they, helin bahar nikli aur usne chillaya mark x raste se hata toh helin ne dandanake unpe goli chala di jawabi hamla ekdum se wo sambhal na sake aur wohi girke marr gaye, helin aur mark x gaadi mein aa dakhil huye ruksar ne furati se gaadi raste par baaki park gaadi se takrate huye dauda di,

Fernandes us waqt sharab pee raha tha jab reshma ne aakar oose ye buri khabar sunai, unka ek aur hatyara sultan maara ja chuka tha, Fernandes ne fauran jaam se bhara glass sidha saamne sliding door ke sheeshe pe de maara tamam sheeshe farsh pe bikhar gaye, reshma siham uthi

Gaadi teji se ruksar chala rahe they, mark x santusht tha usne helin ki taraf dekha aur uska shukriyada kiya, tabhi oose apne piche ek kaali gadi aati dikhi, usme baitha shaks uska pehchana hua tha...."mustaq Ali Khan ye kaise hamare piche lag gaya?"

Mustaq pichle kayi dino se mark x aur helin ko talash kar raha tha uska pehla shaq tha ki mark x dhundh dhundkar Fernandes ke jannewale clients aur humpesha hatyaro ko nishana bana raha tha, oose diler ki maut ke baad ab sultan ke upar mark x ka mandrata aafat lagne laga, isliye wo oose locate kar raha tha aur wohi hua jabtak wo waha pahucha usne bhagdad aur shootout hote dekha fhir club se mark x ko helin ke sath mauka e vardat ko anjam dekar farar hota dekha, mustaq ne ek bhi waqt zaaya nahi kiya, uska maqsad mark x ko dhundhkar uske piche lagke oose maar girana tha, isliye wo uski gadi ke piche lag saaye ki tarah lag gaya...

Ruksar jo gadi chala raha tha wo ekdum se rear glass se us piche aati gadi ko dekhne laga, uske chehre pe gehen chinta ke bhaav they, mark x gambhir ho chuka tha wo unhe overtake nahi kar raha tha woh toh apne slingshot rifle ko load karta car ke upari window se bahar nikla, uska nishana gadi ka  pichla windshield tha, tabhi ek firing se sheeshe pe bhaari dent pad gaya, helin ko mark x ne jhukaya aur usne bahar nikalte huye slingshot ka vaar sidha uske gaadi ke headlights pe kiya headlight tut gayi, mustaq ruka nahi wo jawabi hamla dobara karne laga,

"Ruksar Bhai gaadi ko aur tej karo"

Usne fauran apna shareer gadi ke ander kiya, agar aisa nahi karta to mustaq uske maathe pe surakh kar deta uska charra hawa mein laga, "gaadi unke bagal mein lao"....Fernandes ka driver gaadi ko aur speed mein us gadi ke bagal mein laane ki koshish karne laga, is baar mark x ne furati se charra load kiya aur uspe tabadtod nishana lagaya nateeja mustaq ki gadi ke dono daaye taraf ke sheeshe tut gaye, usne bhi firing ki jisse ruksar ke gadi ko damage hua, is baar mark x ne slingshot ka vaar uske ek bagal mein baithe aadmi pe kiya, charra usko laga aur woh wohi gadi mein baitha baitha marr gaya, dono gaadi ekdum barabar raftar se chal rahi thi, mustaq unke saamne bilkul aa gaya tha, wo dobara window shield se nikla

"Ruksar Bhai fauran"......mark x ke itna kehte hi gaadi ruksar Bhai ne dusre taraf ki sadak pe mod kaatte huye ghuma di ab gaadi sadak ke ulti taraf wapsi raste pe daudh rahi thi,

"Dammnn it".....mustaq ne mutthi bheechi

Uski gaadi bhi u turn modte huye unke piche lapki, "ye aise picha nahi chodhega ruksar Bhai mujhe aap logo se yahi alag hona hoga aur helin meri tarf dekho bhale hi mujhe kuch ho jaaye jaisa ruksar Bhai kare waisa karna, aur haan mere baad ho sake toh mere maa baba ko kuch hone mat dena Fernandes bahut gira hua insan hai unki hifazat ab tumhara zimma hai ye lo ye meri diary hai unka pata!"

"Ye tum kya keh rahe ho?".....helin pehli dafa uski parwah karte huye keh rahi thi helin ka din ghabraya hua tha

"Aaj agar hum alag nahi huye to kabhi Jeet nahi payenge, bhale hi meri jaan jaaye par tum ye ladai jaari rakhna inshallah tum zarur jeetogi"

Gaadi overbridge par aa gayi, mustaq ne jawabi hamla shuru kar diya tha, ruksar ne gaadi ko dheemi kar di, helin kuch samajh nahi payi, tabhi mark x ne muskuraya uski taraf dekha fhir ruksar Bhai ko salam kiya aur apne seat ka darwaja khol bahar ki taraf kud gaya, oose zameen pe girta dekh helin cheekh uthi,..."ruksar Bhai gadi rokiye"....helin ke baat ki parwah kiye bagair ruksar ne gaadi ko badastur fhir tej kar diya

Piche aa rahi gadi mein mustaq ne gadi se kudte mark x ko dekha usne driver pe chillaya...driver ne oose raundne ki koshish ki par wo furati se sadak pe saamne ki taraf daudne laga, gaadi mustaq ko rokni padi, mark x ne furati se uski gadi pe slingshot ka nishana tabadtod lagaya, gaadi ka tyre fhat gaya gaadi bekabu hokar sidha pillar se ja takrai, mustaq tabtalak gadi se apni slingshot rifle leke kud gaya usne mark x pe nishana sadha, mark x overbridge ke railing pe chadh gaya niche dariya beh raha tha, pehla nishana chuka par agla do nishana sidha uske kandhe aur peeth ko laga, usne ek aahhh bhari uska shareer hawa mein dohra hua, mustaq ko uski aankhe ulatti mehsus huyi aur wo waise hi sidha hawa mein tairta 50 ft niche dariya mein ja gira


Mustaq ne ghumkar dekha mark x ki gadi waha se gayab thi, wo log kafi aage nikal chuke they, uske aadmi aur woh khud bridge se niche jhaake unhe paani mein khoon behta ek jagah dikha, oose apne nishane pe naaz tha, aajtak koi shikar uske hath se bacha kahan tha?,

Bridge se koso dur dariya ke kinare sadak par ruksar ne gaadi roki, helin nam aankho se wo nazara dekh chuki thi, usne ruksar Bhai ki taraf fariyadi nazaro se dekha unhone apna sar jhuka liya, helin ko samajh aaya shayad mark x ab nahi raha tha, ruksar ne mauka gawaye bina gaadi waha se jitna jaldi ho sakta tha nikaal di...

To be continued

Fernandes us waqt sote se jaga, police inspector zohri ka phone tha, usne phone uthaya aur rukhe andaz mein phone karne ka sawal pucha....."kya hua? Gharwalo ki lash thikane lagane ka khabar diya?"

Zohri phase gale se kuch bol nahi paa raha tha fhir usne sihamte aur ahetiyat se dheere dheere jo kehna shuru kiya, Fernandes jaise bistar par aisa sidha hua jaise koi bura khwab dekhkar jaaga ho, uske aankhe phat padne ko thi, "bhai gazab ho gaya wo apna mustaq jisko helin ke piche lagaya, wo aur apna aadmi sab khallas chaurahe pe kisi ne maathe pe surakh kiya oosi slingshot hathyar se aala afsar adhikari ko body mil gayi, paas jyada fatka nahi apun, mustaq bhai ko helin ka pata bataya wo saali turkey dustavas waali apni legal attache se milane ka program banayi, dutavas mein apna ek khabri officer tha wohi mere ko bataya, lekin gazab wo saali toh mari nahi apna mustaq bhai ulte mara"

"Saala wo itni si jaan vilayati policewali mustaq ko maarne ka jigra nahi rakh sakti"

"Pata nahi kaise Karishma hua? Waha ke chashmadid ne bataya ki koi budha aadmi oose leke waha se gayab hua, ladki pe apne aadmi goli chalaye bhi logo ne saaf dekha aur jawabi hamle mein us buddhe ne unhe shoot kiya"

"Ye wohi hoga jo us raat gaadi mein mark x aur us ladki ka driver bana fhir raha tha, lekin mustaq ko maarne ka tariqa wohi same janta hai iska matlab wo saala mark x kabhi mara hi nahi mustaq khamokah victorious ban Raha tha saala ulta wo uska maut ka saaman kiya aur aaj khud kutte ki maut marr gaya uske maa baap ko maar diya?"

"N..nahi abhi tak nahi"....zohri ne darr se sihamte huye kaha

"Ab maarna nahi uthane ka ab main khelega uske sath mujhe barbad kiya mere aadmi ko maar raha hai saala ab main maarega uske apno ko oose tadpa tadpakar tab jaake jhukega aur mere paas khud Chalke aayega harami saala"

"Jaisa aap kahe"

Zohri ne phone cut kar diya toh Fernandes jaise Mann hi mann mark x ki maut ka plan banane laga, zohri oose hazaar hazaar gaali de raha tha agar sheher mein uska dabdaba na hota ya woh uche rasukh wala na hota ya underworld mein uski dhaak na hoti, toh shayad wo abtak uske hath hazaar baar goli kha chuka hota, woh toh khud uska maut ka tammannai tha, sarkar ka order milta aur wo khud uska encounter karta, ek mawali ke haatho uski sareaam toh kabhi gairo mein beizzati hoti thi, oose hamesha gira hua aur do kaudi ka aukwad wala kaha jaata, kis wajah se kyunki woh bhrasht tha chaar paise haram ki usse kamai karta tha, police mein agar wo imandari se chalta toh apne pichle afsaro ki tarah ya toh tabadla ya zyada taang adaane pe oose bemaut maar diya jata lash ka bhi Fernandes pata na chalne deta,

Wo khoon ka ghont pee raha tha, tabhi saamne oose izhar ka ghar dikha usne jeep ghar ke paas roki, ye kya pehli baar tha jo woh gair kanooni kaam kar raha tha, uske jaise hazaro afsar they jo Fernandes jaiso ke jeb mein they, ya toh kisi bhrasht mantri ke, kya kya nahi oose karna tha? Ek police wala hokar wo uthaigiri ka kaam us waqt kar raha tha, department ke kisi bhi aadmi ko wo apne sath nahi laaya tha warna koi bhi upar walo ko uske harqato ke baare mein chugli kar sakta tha, na hi sirf uski kirkiri hoti balki kal ko agar Fernandes fassta toh sabse pehle daayre mein zohri aata, kyunki woh Fernandes ka sarkari aadmi tha, wo gadi se utara toh oose aisa laga ki koi saaya uske paas aa raha tha, "kaun hai?"....usne rukhe lehze mein piche mudkar kaha

Jab wo chehra saamne aaya uska gala sookh gaya, saamne izhar urf mark x khada tha, zohri oose fati aankho se dekhne laga aur woh ek tak gambhirta se oose, zohri ne fhat se banduk nikaali aur uske aage taan di, "hilna nahi bheje mein goli utar dunga, shaane aakhir tu saamne aa hi gaya, par tujhe toh Fernandes ka aadmi mustaq maar chuka tha?"

"Pehle dhang se banduk taan le, haath kaanp rahe hai tere dusri baat main bacha kaise lambi kahani hai, filhal tu mere ghar ke aage kya kar raha hai ye bata"

"Saale policewale ko hul deta hai, haan tujhe geraftkar karne mujhe malum ki saala tere gharwalo ko tera pata malum, isliye tere sath sath unhe bhi uthaane aaya hoo ab zyada bakc**di nahi, sidha gadi mein baith hath upar karke"

"Hahahaha saala do take ki jiski aukwad mawaliyo ke aage wo mujhe police ki dhamki de raha hai, kahan le jayega bade Ghar ya apne baap ke ghar baap bole toh Tera big boss Fernandes"

"Haramzaade"....baaki gaali uske munh mein reh gayi kyunki uski kanpatti par helin ne bagal mein aakar banduk rakh di thi, helin par nazar padte hi wo dehshat mein aa gaya

"Police ka naam kharab mat kar bhadwe, tere jaise sadakchap sarkari kutte sirf Fernandes jaiso ka talwa aur bahut kuch chatte hai, main batau teri mansha uska farman ke mutabik mere maa baba ko uthakar unke hawale kar shikar ka chara banane ka tha, shikar bole to main"

"K..kaun bola? Main Fernandes ka aadmi?"

"U r already f**ked up, bastard banduk niche faikh and bent down just like u always bent down in front of ur daddy"

Us zaleel baat ne zohri ke kas bal dheele kar diye apmaan se woh jal gaya, usne banduk faikh di par taav mein aake furati se usne helin ka banduk thama hath jhatka aur gaali deta jaise ulte taraf bhaaga tabhi uske taang mein mark x ka waar hua, usne slingshot se uske taang ko nishana banaya, wo karhata taang pakde wohi gir gaya, us waqt sadak sunsan tha, helin ne aage aakar uske mathe pe banduk ke naal ka ek gehra dasta diya, oose apne aankho ke aage andhera chaata dikha, fhir woh sadak se lipat gaya, mark x ki chaal ab bhi dheemi thi daaye jaangh pe mustaq ka laga charra nikal to gaya par wo usse zyada chal fhir nahi paa raha tha, usne bori ki tarah helin ki madad se zohri ke hath pao bandhkar oosi ke gadi mein piche daal diyaa, izhar fhir apne ghar pahucha jab dastak dene par uske maa baba ne darwaja khola uski aankhe nam thi aur wo unke gale lag gaya, kayi saal baad wo unke rubaru tha ek baar mein hi apne badle huye bete ke chehre ko dekh wo pehchan gaye they, izhar ne fhir unhe helin se milwaya

"Abhi kuch mat kaho, aap logo se dur hona meri mazburi thi, taaki aap log pe mera bura saaya na padta ye helin hai jo mujhe is musibat se nikalne mein madad kar rahi hai"

"Aap log shaant ho jaaye fikar na kare izhar aapke paas hoga par oose filhal jaana hai lekin aap log bhi ab yaha akele nahi reh sakte khatra ho sakta hai aapki Jaan ko"

"Helin aap dono ko surakshit jagah le jayegi aap log fikar na kare waha aaptak us kameene Fernandes ka saaya tak nahi pahuchega"

Apne maa baap ko tuta aur bikhra dekh jaise izhar ro pada, uski aankhe gusse se laal aur dehekne lagi, uske samne Fernandes ka tahaka lagata chehra ghum raha tha,

                         ----------

Jab zohri ko hosh aaya toh woh ek band basement ke kamre mein chair se bandha tha, upar tubelight se kamra Roshan tha aur saamne jallad ki surat mein ruksar, mark x urf izhar aur helin khade ooske uthne ka jaise intejar kar rahe they, jab wo fhir behosh hone laga toh helin ko ishara milte hi usne ek dasta banduk ke naal ka uske khopdi pe kiya, zohri ko apna bheja nikalta mehsus hua wo dard se bilbila gaya

Jab usne karhana band kiya toh ruksar ne uske baalo ko pakadke sar ko apni taraf kheecha, "t..tu ruksar Bhai tu Zinda hai? Tu toh marr gaya tha na?"

"Jaisa main maara gaya tha mustaq ke hatho waise ruksar Bhai bhi mare faraq itna tha ki maut se gale milke wapis aa gaye"

"D..ekho ye sab kyu kar rahe ho tum log? Ek police wale ko yaha agwah karke torture karoge toh mu..sibat mein jaoge pura police department tumhare piche madhumakhi ki tarah lag jayega"

Mark x tahaka lagake hassne laga ruksar Bhai ne uska sath diya fhir usne ghumake ek thappad apne bhari haatho se zohri ke gaal pe de mara, zohri ko apna jabda aur gaal sunn hota mehsus hua koro se halka khoon aa gaya aur aankh mein aansu ubal gaye,

"Haramzaade police toh tu raha nahi ek mawali ke tukdo pe palne wala kutta hai tu"

"T..tum log chahte kya ho mujhse?"......ab oose apne saamne maut nachti dikh rahi thi usne bhari gale se fariyad bhare lavzo mein pucha

"Fernandes ko kadam kadam ki khabar tu deta hai police mehekme ki bhi tamam baate tu oose batata hai main tujhe chodh bhi du toh ab mehekme walo ko ye baat pata chalke rahegi ki apni duty se zyada tu Fernandes ko duty bharta hai uske kiye qatalo ko chupata hai laash tak thikane lagata hai aur unke gharwalo ko bhi agwah karta hai"

Usse jawab dete na bana, "chauk mat ye undercover cop helin iski talash thi na tujhe, tu embassy mein haya baksh ke piche bhi apna ek aadmi lagaya jaha helin Milne aane wali thi apni legal attache haya baksh se wohi iski maut ka saman karne laga mustaq ko khabar karke, mustaq ko main maara, tamam fernandes ke aadmiyo ko maine maara, helin bahut gusse mein hai dilris ko Fernandes ne kya kiya hai pehle ye sach bata"

"M..ere ko nahi malum sach bolta hai dekho Fernandes ko halke mein mat lo apni jaan ki socho"

"Dilris kahan hai?".....helin ne sard lavzo se kaha toh zohri kaanp gaya

"Dilris ki khabar Fernandes ko maine hi di thi ki wo sarkari turkey ka jasoos hai koi tourist nahi, uska thikane ka pata maine diya tha pehle oose geraftkari ka hul diya par ulta wo mujhe hi dhamkane laga ki wo mere saare Raaz janta hai ki main Fernandes ke hatho bika hua hoo maine zabran oose gunpoint pe Dhaka port jaisa Fernandes ne kaha tha kiya baaki Fernandes ke aadmi oose apne sath le gaye dekho helin meri usse koi adawat nahi thi, Fernandes ke sath toh mehekme ke kai bade naam Jude hai main nahi karta toh wo mujhe vardi se nahi utarwata sidha maaarkar dariya mein daal deta jaha machli laasho ko khati hai, Fernandes ka yahi tariqa hai apne dushman ko maarne ka"

Helin ko dilris ka kuch waisa hi aziyat nazaro ke aage ghumta dikha uski aankhe bhar aayi fhir usne qeher bhari nazaro se zohri ko taraf dekha, zohri ki nazare niche thi, ghabrahat se uski halat kharab ho Rahi thi, ruksar uske kareeb jhuka aur astura ki dhaar ka muana karne laga, zohri ghabra gaya "k...kya kar raha hai yeh? Aye bhai dekh mujhe kaahe vaaste maarna chahta hai arre maarna hai toh Fernandes ke aadmiyo ko maar main toh mazbur tha aye mark x bhai sab bata diya na? Tu bol toh main sheher se bhaag jau naukri se istifa de du kal hi"

"Tu kahi nahi jaane wala siway ek thikane ke, jaha hum khud tujhe pahuchayenge tune mere gharwalo pe hamesha dabav banaya unhe mere lapata hone ke liye saza di, aaj toh unhe tu kahi le jaake maar hi deta"

"Nahi nahi khuda kasam Fernandes ne unhe uthane waaste kaha tere ko apne pass bulane ke liye, mera unhe maarne ka!"

"Main kya janta nahi? Tujhse zyada saal guzare hai uske sath wo badla apne dushman ke sath sath uske parivar ko bhi deta hai, jab mark x ki tune oose Zinda hone ki khabar di hogi toh usne tujhe maarne ke bajay iske gharwalo ko uthane kaha hoga".....ruksar ne uski taraf jhuke jhuke astura uske pao ke ungli pe rakhte huye kaha

Zohri ne zor se thook nigali, ab uski harqate oose aur daraa rahi thi, mark x oose gusse se dekhne laga, "arre mere baap mujhe maf kar de iski baat mein mat aa mark x ise samjha ki astura dur rakhe"

"Jo cd aur diary sarkar ke hath ayegi usme Tera naam aala darje sarkari mehekme ke logo mein sabse upar hai, main chodh bhi doo toh tujhpe enquiry baithegi suspend ya kayi saalon tak court case tujhpe chalne se pehle shayad Fernandes tujhe thikane laga de"

Ab toh jaise zohri ko kaato to khoon nahi, wo safed pad gaya, "itne der se tujhe Zinda rakhka hai ki aakhri baar ek acha kaam karke jaa"

"Mere biwi bacche hai mujhe wo nahi chodhega mere parivar ko nesnabut kar dega"

"Ro mat chehre pe ghabaraht aur tension badastur rakh helin iska phone ise dikhao, tu sabse ucche darze ke superintendent ko phone laga unse bol tujhe video call karke bahut zaruri baat kehni hai aur tamam fernandes ke kaale chitte khol aur ye bhi keh ki tu uske sath tha ab tujhe aatam glani ho chuki hai zameer dhikkarta hai haram ki roti khayi nahi ja rahi, Fernandes ke badhte khauff se ab tu jeena nahi chahta uske dabe koi gair kanooni kaam nahi karna chahta uske baad jo kuch tu janta hai sarasar commissioner ko bol aur aakhir mein ye keh mujhe jaan ka khatra hai fernandes mujhe marwa dega, dilris Turkish ka aaya sarkari intelligence ka aadmi tha oose tune jaanke Fernandes ko saunpa taaki wo Fernandes ko sarkar ke aage expose na kar paaye"

"Bhai main bemaut maara jaunga"

"Helin bahut gusse mein hai tu khud dekh sakta hai tu nahi manega tu ruksar Bhai ek ek kar tere anguthe ko kaat denge tu toh janta hai ruksar Bhai kitne berehem aur apne zamane ke Fernandes ke khas aadmi they"

Ruksar ne itna sunte hi uske anguthe pe halka sa astura fhiraya toh khacch se uska angutha se khoon nikalne laga, wo dard ki leher se zohri sar patakne laga "abhi angutha nahi kaata cooperate karega ya shuru kare".....mark x ne kaha

Zohri fauran raazi ho gaya, uske bataye commissioner ko video call oosi ke phone se kiya gaya, line pe aate hi commisioner ne dekha zohri bahut sehma hua tha camra is angle mein uske aage rakhka gaya tha, ki niche ka badan chupa hua tha ye dekh nahi paaya commsioner ki wo bandha hua tha uske anguthe se khoon beh raha tha aur waha mark x helin aur ruksar jo niche jhukkar uske anguthe ko ab kaatne ko amada astura zakhmi anguthe pe rakhke baitha tha,

"Commissioner Sahab main suicide kar lunga main kuch baatein hai jo kehna chahta hu Fernandes mujhe nahi chodhega"

"Kya Bak rahe ho? Kahan ho tum? Aur ye Fernandes kaun?"

"Akram khan sahab wo safedposh karobari sahab bahut khatarnak mafia hai woh, contract killing ka thekedar kayi antarrashtriya aur rashtriya mein high profile qatal jo hote hai wohi karwata hai abhi haal hi mein jo padosi mulk ke ruiling party ke neta ko sareaam Manch pe maara wohi tha, sahab yahi kaam usne turkey mein kiya waha ki sarkar uske piche lag gayi, uske paas aise kahi hatyare hai jo aise specialist hai uske hukam ke ishare pe qatal karte fhirte hai aur inka asal thikana Bangladesh hai hamara mulk, maine kayi saal tak uske liye kai gair kanooni kaam kiye apne mehekme se gaddari ko imandar afsaro ko uske aage chaara banaya, laashe tak uthai, dilris hayat turkey se aaya wohi undercover agent tha maine hi oose geraftkar karke Fernandes ke hatho saunpa, taaki wo yaha ki sarkar ke aage unhe expose na kar sake"

"Tum jante ho tum kya keh rahe ho? Tum jaha bhi ho fauran yaha pahucho zohri, I want u to come immediately"

"Sorry sahab, Main chupa hua hoo agar main bahar nikla toh Fernandes ke admi jo mere piche Lage mujhe maar denge"....itna kehkar usne jo kuch bhi oose malum tha sab Fernandes ke khilaf bak diya

Uske baad mark x ne phone cut kar diya, fhir usne phone band kar diya, ruksar astura leke uth gaye, helin uske piche aake khadi huyi, zohri mark x ko ghabrake dekhne laga,

"Shukriya officer, ab jo gunah ka duniya mein kiye oose bakshwane upar ke adalat mein teri haziri hai"

Isse pehle wo kuch samjh pata, dilris ki maut ka badla helin ne uske khopdi pe silencer lagi banduk lagake fauran trigger kheechke kiya, wo batane layak manzar nahi tha, zohri waise hi laash banke kursi par pada tha, uske khopdi mein gehra ched ho chuka tha jisse khoon aur dhua nikal rha tha,

Agli subah police waalo ko zohri ki laash gande naale mein tairti paayi gai, mehekme waale jaan chuke they ki zohri ki baat sach sabit huyi thi Fernandes ke aadmiyo ne oose dhundh liya tha!

To be continued

Akram khan aise hi sheher mein barso se kaabiz nahi tha, chahe uske kayi aadmi maare gaye ya pakde jaane ke dehshat se bhaag khade huye lekin kuch aadmi abhi bache they jo uske saaf saaf mureed they, aur wo kisi hadtak apne boss ke liye ja sakte they, oose aadmiyo se khabar mili thi ki uske maa baba ko haya baksh ke sath sarkari awaas mein dekha gaya tha,

Fernandes waha pehle pahucha, security checking ho rahi thi sheesha jaise niche hua tabhi security ke maathe pe Fernandes ne bejhijhak goli maar di, banduk mein silencer chadha tha, uske aadmi ne dwar khulwa diya, gaadi andwr dakhil huyi, uske aadmi bahar nikalte ke sath tabadtod tainat bodyguard pe fire kar diye, wo log Ghar mein dakhil ho gaye waha jo bhi unhe dikha wo oose shoot karte rahe, Fernandes reshma ke sath dining hall pahucha jaha turkey ki haya baksh oose fhati nazaro se dekhne lagi, Fernandes ne oose mauke pe goli maar di, dusri taraf izhar ke maa baap ye manzar dekhkar chilla uthe, Fernandes ne bina unpar nazar kiye reshma ko ishara kiya uske baad usme aadmi ne tabadtod unpar goli daag di, farsh khoon se tarr tha,

Fernandes bina piche mude lambe dag bharta chashma lagaye gadi mein dobara aake baith gaya, ab uska agli manzil marina beach ke us location pe pahuchne ki thi, sarkari aavas par huye shootout ki khabar jald hi aag ki tarah failne wali thi,

               -------

Uska andaza sahi nikla wo wohi uska bhula thikana tha jo kabhi uske rival hashim Pasha ka hota tha, apne contract killing ke dino mein jab wo blue Fernandes bana tab hashim bhai ko maarkar usne underworld mein uski jagah li thi, hashim apne aakhri dino mein yahi aakr chupa tha, jaha Fernandes ne oose dhundhkar maar giraya tha, us waqt ruksar uske dhandhe mein Naya Naya aaya tha jiske sath milkar usne hashim ko thikane lagaya tha, wo khud ko kosne laga itni bhuli baat oose pehle kyu na sujhi? Toh shayad abtak mark x ka kaam tamam ho jata, wo ilaka banjar pipeline aur beach ke paas rait ke beech ek khandarnuma tehkane jaise darwaje se niche ki or sidi se basement ki taraf jata tha, koi zamana tha ki waha ek factory hone wali thi jo khandar mein baad mein tabdil huyi aur uska basement waisa hi reh gaya khandar ke ansh mein ab kuch tuti khuli chatt ki diware hi bachi thi,

Ruksar Bhai apne puri taqat se unse ladne ki koshish kiye par wo log na sirf andar utar aaye balki ruksar par tut pade, waha base tamam monitor room, shooting range, kitchen, rehne ka saaman sabkuch Fernandes ne apne machine gun ki goliyo se tabah kar diya, ruksar khoon se lathpath larkharaye uthne lage, Fernandes ki ek hi laat mein woh slingshot purjo ki diwar pe de takraye, saare purje bikherte huye unpar gir gaye,

"Waahhh re aastin ke saanp tabhi main Sochu us haramzade ko itni himmat aur back up kahan se mili? Tu saala bahut neech aadmi nikala re, bhai ki tarah tujhe manta tha aur tu mere hi khilaf ho gaya re bhadwe mere hi maut ka saaman karne laga, namak haram mujhe laga tu waqayi marr gaya khud teri laash ko kafan mein dekha tha tatola bhi, par saala bada badhiya game khela re tu? Mustaq ne khud mark x ko maara tera hi shagird tha woh bhi, par saala wo bhi maut ko cheating kiya akkha gang ko bewakuf banaya aakhir tera hi toh chela tha"

"Hahahaha".....ruksar zakhmi halat mein apne khoon nikal rahe kohni aur baazu ko thame uski taraf hassne laga, uske munh se khoon aa raha tha lekin oose apni chot ki parwah nahi thi

"Bhaga toh Diya hoga dono ko ab to yaha aane se wo rahe"

"Haan Fernandes haan mujhe pata tha tu ek din yaha zarur pahuchega par hassta main isliye hoo ki dekh khud munh chupaye fhir raha hai itne aadmi tere bache hai soch raha hoo bhagte bhoot ki langoti hi sahi tu mujhe maarke tassali kar le, wo toh tere hath aane se ab raha aur agar lag bhi gaya toh ye tera bacha kucha gang bhi maara jayega"

Reshma ne apne heel ki nokdar juti uske seene pe lage zakhm pe de maari, wo dard se tadap utha, Fernandes ne oose piche hatne ka ishara kiya, wo khud uske aage baithte huye jhuka...."wajah bata?"

"Tere haram ka kaam karne se tang tha, farman aata toh begunahh ko maarke aur taqleef pata, masum naujawan ki nasal ko apne jaisa banane mein taqleef hota tere unpar hote zulm se tang tha, kahi Jaa nahi sakta police encounter kar deti tu hi maut ka saaman kar deta isliye bete ki tarah oose is kabil banaya wo tha mark x slingshot killer par ab wo apradhi nahi tere jaiso ka shikar karna us qatil ki khubi hai aur!"

Fernandes ne chura nikaalkar ek hi baar mein uske aur kehne se pehle hi gala ret diya, khoon fhuhare ki tarah uske gale se beh nikla, wo waise hi tadapta zamen pe kaanpte huye gir pada, "jise main bana sakta hoo oose tabah bhi kar sakta hu ab tere baad uski hi baari hai".....Fernandes uske kaanpte shareer ko dekhte huye keh raha tha

                        ---------

Mark x jab helin ke sath waha pahucha to waha ka manzar aisa tha jaise koi tufan waha se abhi abhi hoke guzra tha, sabkuch tehes nehes tha, farsh par kaanch aur tuta saaman bikhra pada tha waha jagah jagah andhera tha, izhar aur helin sidiyo se hi shaq ke ghere mein they aur kisi khauf-o-zehan ki baat lekar waha utare they helin piche oose gun se cover kiye thi par uska dil reh rehke bure khyalat se bhara tha,

Tabhi kareeb unhe ruksar Bhai ki laash dikhi, wo dono uske kareeb jaldi se aa baithe jab usne oonhe apne taraf palta toh ek pal ko helin ne nazare fhair li, mark x ne unki pathrayi aankho ko apne khoon se sane hath se band kar diya, usne gulabi nazaro se sabtaraf dekha sabkuch tehes nehes tha, uska Godfather uska Sahara jaise cheen gaya tha, zazbat se bahar aakar wo helin ki taraf nam aankho se dekhne laga, tabhi waha koi call Baja, ye phone unme se kisi ka nahi tha,

Usne paaya phone ruksar ke body ke paas pada tha, usne oose uthaya aur speaker pe kiya, "kaisa laga tohfa mere bete? Abhi toh shayad ye pehli kisht mili hogi tujhe toh soch tere asal maa baap ka kya kiya hoga maine? Khabar nikaalke dekh aaj ki surkhi mein sirf main mashoor nahi hua, koi aur bhi hua hai?"

Bina koi jawab diye hadbadaye mark x ne apna phone nikaala aur uspe aaj ki khabar dhundhne laga, tabhi jo saamne aaya usse uska hath se phone zameen pe gir pada, turkey ki legal attache haya baksh ko uske sarkari aavas mein point blank shoot kiya gaya tha sath hi marrne waalo mein waha ke bodyguards aur do Jane aur they jinki laasho ko stretcher par ambulance mein le jaya ja raha tha, tabhi jis phone se mark x Fernandes se baat kar raha tha us par message aaya, usme teen laashe usne saf dekhi aur pehchani, mark wohi ghutno ke bal gir pada, helin oose sambhalne lagi uske gaal ko thapthapane lagi jaise wo bhi wohi dhair ho jayega,

"Kaash tune ruksar ki hidayat na maani hoti toh aaj tere maa baap Zinda hote wo bhi zinda hota aur shayad tujhe bhi maarne ka maine aisa koi irada nahi kiya hota, main toh jaa raha hoo jaldi desh chodhkar aur tu isi tadap mein Zinda lash ki tarah jiyega mark x ki meri barbadi ki chah mein tu khud tabah ho gaya"

Tabhi mark x ne bikhre kaanch pe pade phone ko hath mein lete huye sard awaz mein kaha "abhi ye kahani khatam nahi huyi hai akram khan, mujhe Bina maare jaane wala namard mat ban, agar asal mard hai toh mujhe maarke jaa, kyunki agar tune mujhe zinda chodh diya toh main dozakh bhi aakar tujhe dhundh lunga fhir Tera wo hashr karunga jo tune kabhi socha nahi hoga"

"Apne aadmi se milne ka saubhagya main khona afford nahi kar sakta, agar maut chahat hai toh aaja warna zinda lash banke meri maut ki hamesha dua maagna, kyunki tab main tujhe dhundhe nahi milunga"

Mark x ne phone cut kar diya wo janta tha oose Fernandes kahan chupa mil sakta tha? Uske aankho mein apno ki maut ka khoon utar chuka tha, usne jab helin ki taraf dekha toh helin bhi kuch na keh payi, wo bahar nikle aur apni gadi ke paas aaye, waha bandargah ke warehouse mein aag lagane se pehle waha se kuch hatyar mark x aur helin ne aage ki ladai ke liye chura liye they,

"Helin tum chaho toh mujhe is raste pe akele chodh ke chali jao, ab koi dagar nahi hai ho sakta hai meri jaan chali jaaye, main wapas na laut pau lekin main apne apno ke katil ko zinda nahi bakashne wala"

"Tum jaha jaoge main bhi tumhare sath jaungi, usne sirf tumhare nahi mere bhi apne ko maara hai"

Helin aur mark x ne ekdusre ki nazaro mein dekha, helin ne uska hath tham liya, fhir woh gaadi mein sawar hokar puri taqat se gaadi ko highway ki taraf mod diye, gaadi Dhaka ke aabadi se dur purbachal town ki taraf guzarne lagi, mark x janta tha ek wohi aakhri thikana tha jaha oose Fernandes urf akram khan mil sakta tha,

                         -------

"देश की राजधानी से सनसनीखेज वारदात, तुर्की दूतावास की महिला राजनयिक की हत्या! Bataya jaa raha hai ki diplomat haya baksh apne gulshan ke sarkari awaas mein thi jab ek kaali gadi unke entrance pe aake ruki, security ko point blank shoot kar maar diya gaya, kathit guspathiye fhir andar dakhil huye goli bari ki uske baad mukhya kamre mein aakar unhone na sirf haya baksh balki unke sath unke do rishtedar ko wohi goli maarke hatya kar di, cctv mein kaid ghuspatiyo ki pehchan akram khan ke taur par huyi hai, jo kal se apne aadmiyo ke sath farar hai bataya ja raha hai akram khan ka dusra naam blue Fernandes hai jo underworld ka raja kaha jata hai, unke avaid thikano par jab chaape Mari shuru ki gayi toh rahasmayi taur par bandargah mein unke warehouse mein aag lagne ki khabar aayi jaha bataya jaa raha hai ki golibari chali aur waha se kayi Jale huye logo ke shav baramad huye sath mein waha bhari matra mein jala barood aur hatyaro ka avsesh paaya gaya, kehna wajib hoga ki waha par hathyaro ko bada stock tha jiski taskari ya karobar dhake chupe Fernandes kiya karta tha, sawal ye hai kya ye unki khud ki lagai aag thi? Jaanch agency iske piche hai, commisioner ne kal farman jaari karke police ko oose pakadne ke liye surrender na karne par shoot at sight ka order diya hai, bataya ja raha hai ki sarkar par antarrashtriya dabav pada hai, jisme turkey intelligence ka bada nam shamil hai, sutro ke maane toh wo abhi bhi faraar hai par unse Jude log police custody mein hai, wohi unke niji aavas mein chaapemari huyi jaha croro dollars paaye gaye, unke faraar mein shamil ek khas naam reshma Shah ka hai, unke tamam offices par taala laga diya gaya hai, unki sargarmi se police taftish kar rahi hai, kayio ka manna hai ki wo desh chodhkar bhaag chuke, unpar kayi bade jaane maane rashtriya aur antarrashtriya hastiyo ke qatal ya uski sazish ka aarop hai jiske kade sabut prashasan ko videshi sutro se mile hai, unpar logo ko agwah karne aur bhi kayi jaghaniye apradh ka mamla darz kiya gaya hai, hamari samaj mein chupi aise khatarnak logo ka wajud apne aap mein sawal khada karta hai ki itne waqt se prashansan ne is par karyavahi kyu nahi? Is ghatna mein aag ka ghee kaam mrit police officer zohri ke qatal ne kiya hai, jo apni zindagi mein Fernandes ka sarkari aadmi kaha jata hai, kayi naami log is saazish mein shamil hai jaise jaise naam ujagar ho rahe hai unpar geraftkari aur kathor karyavahi ki ja rahi hai, baaki khabar ke liye!"

Tv par prasaran chal raha tha aur oos khabar ko sun Fernandes bilkul khamosh sofe chair pe baitha tha, ye uska gupniye thikana tha jaha police ya koi bhi pahuch nahi sakta tha, halaki oose Siberia ke liye kashti mein sawar hona tha par wo ek din intejar kar sakta tha, sheher mein uski talashi jaari thi, aur woh waha apne bache kuche aadmi ke sath chupa baitha tha, reshma bahut zyada pareshan thi aur sharab toh kabhi cigarette pee Rahi thi, wo gusse se nischint baithe Fernandes ke pass aayi

"Aapko apni jaan ki parwah nahi, hamara itna nuqsan ho gaya hamare aadmi ya toh maare gaye ya geraftar ho chuke, hamari zameen jayejad sab par sarkar ne kabaza kar liya hai, hamara dhandha samjho toh gaya, sarkar ke paas aapke khilaf kade sabut hai kuch desho mein toh hum chahkar bhi nahi Jaa sakte, us haramzade ko tabah karke bhi usne hamare liye aakhirat ka bandobas kar hi Diya"

"Bas itne mein dum tod diya tune reshma, mera sab kuch lut chuka toh kya? Haram ki itni kamai maine yu hi nahi lutaai, ek baar Siberia pahuch jaaye kuch saal thanda padne de uske baad main lunga na supari jis jis ne mere ko halaq kiya abhi is damage se mere ko recover mangta hai"

"Dekhte hi maar dene ka hukam hai hamare aadmi kam hai jitna jaldi ho sake to yaha se bhi!"

"Ghabra mat aane de oose, usne kaha hai ki agar main aise gaya toh namard, main bhi chahta hoo ki wo yaha aaye taaki main oose apne hatho se badtar maut doo"

"Agar usne police ko yaha ke baare mein"

"Wo kisi ko kuch nahi batayega ab wo mere maut ka tammannai hai, wo khud yaha aayega afterall isi thikane par toh oose agwah karke hum yaha laaye they"

"Uske sath wo ladki helin bhi ho sakti hai jo sazish rache"

"Mera ek aadmi unke piche saaye ki tarah unke adde se laga hua hai wo dono yaha kisi bhi waqt pahuchte honge, tu bhi tayyar ho ja aakhir tu hi toh meri aakhri contract killer bachi hai"

Reshma ne muskurakar saqt chehra kiye kamar mein fase un kunai pe hath phaira, jo ek kisam ke chote tej dhar wale nok se chaku hote they, wo ek aisi katil thi jisne kayio ko apne bachpan se maut ke ghaat utara tha!