doston aaj meri shaadi ki doosri varshganth hai aur ye kavita maine apni wife liye likhi hai ...
aap logon  ke sath share karne ka dil hua..

Dil me dafan jo dard hain, kabhi inko bhi samajho tum,
Beawaz ubharati ja rahi, har aah ko samjho tum,
Kabhi jo bah nahi paaye, un ashqon ko samjho tum,
Abhi sookha hua hai jo, wo ashqon ka samandar tha…..

Mai gahri neeend me so jaun, dheeme dheeme tum aao,
Mere adharon ko choomo tum, mere maathe ko sahlao,
Mai fir chounk ke jagun, hans ke tum chitak jaao,
Kabhi mai kah nahi paaya, jo mere dil ke ander tha………

Ye nanhi “prince” ki baaten, ye uske khel ye muskaan,
Iska bhola sa chehra, wo iski pyaari si pahchan,
Mujhe kuch yaad dilate hain, mujhe peeche le jaate hain,
Abhi "sanzeeda" baitha hun, kabhi mai bhi khilandad tha,

Kabhi tha rounak-e-mahfil, abhi bilkul akela hun,
Kabhi khushiyon ka mazma tha, abhi dukhon ka mela hun,
“Moula” ne mera “maan” kuch is tarah toda,
Abhi "haara" hua hun mai, kabhi mai bhi sikander tha……..

Mujhpar uthati ungaliyon ka kya zawab dun,
In fabtiyon aur taano ka kya zawab dun,
Mujhpe hansane wale shayad jaante nahi,
Jo 'boot" sa bana baitha hun, mai bhi dhurndhar tha,

Mujhe mom kar do tum pighalna chahta hun mai,
Wo bholapan mujhe de do, machclna chahta hun mai,
Mere toote hue dil ko, sameto aur sahejo tum,
Abhi jo toota-bikhra lagata hai, kabhi pakiza mandar tha

Janaab bekarar ji,

Sarvpratham to aap badhai ke patra hein...aur bhabhi aapse bhee jyada badhai ki patra hein..-ki aapke saath nibha rahi he!!(janab,doston ko to mazaak maaf he na).Khuda aapki jodi salaamat rakhe aur ishwar usme pyaar ki bharmaar kare..duayen hein..

Kher unhe to aapne kavitayon se behla diya..hume to daavat chahiye...hur koi aapki baaton mein nahi uljhega yahan!!


Kabhi tha rounak-e-mahfil, abhi bilkul akela hun,
Kabhi khushiyon ka mazma tha, abhi dukhon ka mela hun,
“Moula” ne mera “maan” kuch is tarah toda,
Abhi "haara" hua hun mai, kabhi mai bhi sikander tha……..


Kamaal likha he sub ka sub...'sikandar' sahab aapne..aapki agali shaadi-saalgirah ka intzaar rahega...ub hur saal!!
mubaarak ho mitra..kayi baar.

Prateek

mahiya ji aapki badhai sweekar karte hue mai wahi baat dohrana chahunga jo maine prateek ji ko kahi hai...

..

Aapka bohat bohat shukriya bekarar ji..

Ek koshish:

Dil ki awaz jo na samjhe to khul kar samjhao tum
Apne he Ander na yah gum rakh kar chup ho jaao tum
Apne bhawnao main lao awaz, bebas se na rah jao tum
Apne is samunder main, apne jeevansathi ko bheego jao tum

Hai pyas jo adhro per, uske sone per honto se usko jagao tum
Jis ada ke ho deewane, un adao ko usko dikhlao tum
Pyar apne se chonka kar use, aoro ko chonkana sikhlao tum
Pyar se bhara hai yah jo dil tumhara, her pal use dikhao tum

Nanhe se Prince se dil beshak apna her roj behlao tum
Per apne Ander ke bache ko na tarsaao tum
Na socho jee loge prince ke bachpane ke Sath apna bachpna
Dil se dua dost, her waqat khilkhilaao tum

Ronak-e-mehfil ajj bhi ho, Kaise maan liya khud ko tanha
Lekar muskaan honto per dekhon, abhi kaha baithe ho tum
Maan apna na laga khud ka khud ke khayalo main
Humari najar se bhi dekh, kis tarah ke insaan ho tum

Unglia uthana dunia ka kaam hai, uthane do
Kyun aise choti choti baato se preshan ho tum
Bana kar lakshy bado tum agge he agge
Kyun ki hum jante hai, dhurndhar ho tum

Zindagi ko jeena itna asaan nahi yah hum jante hai
Dil se samjhate hai yah jo gumsaar ho tum
Khud ko khud bekhairoge to bikharte he jaoge
Aor kaya kahe hum, jante hai, bahoot samjhdaar ho tum!!!

bahoot bahoot shukaria Prateek ji!! dosto ka kaam hamesha samjhate rahna hai!!

aaj kuch bhi post karne ka dil nahi tha sirf punamko wish karne keb liye hi yahan abhi baith....
lekin aapke jawab ne mujhe mazboor kar diya ke mai likhun......
aur sath hi is kavita ke yo par post karne ke mere uddeshya ko bhi poora kar diya...
aapke jawab ko pichale 45 minutes se baar baar pad raha hun.....
lagta hai aapne meri kavita ke har shabd ki gahrai me jaa ke socha hai....
filhaal bas itna hi kahne ki sthiti me hun ....
shukriya...aapne khasa waqt diya mujhe..............