aao guzry waqt main rahien
sachi aor piyari batein karen

choti si duniyaan choty ghar
haathon main haath ghoomen phiren

pathar hon phool kaanty phool
phool saary phoolon sy milen

phool insaan phool saa jahaan
esy piyary chaman main chalen

muhabbat ho khana aor peena
muhabbat main sab se milen

khuahishen esi hon jo pori
mati ke khilonon per laren

sab ke gham hon apny gham
sab ki khushi main khush rahein

chand taary khilty hon jahaan
esi bazm e janan main milen

ishq aor wafa ho jis mein
sabaq esa mil ker parhen

sach ki duniyaan sachy log
sach ke jhandy uthaay phiren

piyaar esa ke sharmaay piyaar
piyaar ke naghmy gaaty rahen

samjhen ager gulzar ki baaten
kabhi na log logon se laren

gulzar figar