Show Posts
Kisi dasht mein kisi shehar mein
kisi waqt bhi kisi dehar mein
kisi raah ke kisi morr par
jo kabhi miley mera hamnwa
mera dilruba... mera baa-wafa
mere meharbaan usey bolna
ke phira karey na yuun dar ba-dar
kabhi is ke ghar kabhi os ke ghar
mere mo-atabir meire charah gar
kabhi aa miley toh yeh bolna
yuun gali gali na phira karey
meri justajoo na kiya karey
mujhai ab na yaad kia karey
mera naam hee na liya karey
yeh bhi bolna mere hamnasheen
koyee kaz-ada koyee bewafa
kisi ultey seedhe khayal mein
isi waqt ki kisi chaal mein
tere baad tujh se badal gaya
kaheen door tujh se nikal gaya
mere naama bar yeh bhi bolna
woh jo shakhs tera habeeb tha
woh jo had se tere qareeb tha
woh sitam shuaar wo kaz-ada
badi berukhi se hai lab kusha
mein hoon bewafa mujhai bhool ja!
(NM)
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||