 Show Posts
|
|
Pages: [1] 2 3 4 5 ... 15
|
|
1
|
Shayri ( Poetry ) or Shayari / Ghazals / Kiya Karein Log Jab KhuDa Ho Jayen
|
on: July 07, 2007, 04:12:14 AM
|
|
is se pahale ke bevafaa ho jaaye.n
kyo.n na ai dost ham judaa ho jaaye.n
tuu bhii hiire se ban gayaa patthar
ham bhii kal kyaa se kyaa ho jaaye.n
ham bhii majabuuriyo.n kaa uzr kare.n
aur kahii.n aur mubtalaa ho jaaye.n
ishq bhii khel hai nasiibo.n kaa
Khaak ho jaaye.n kimiyaa ho jaaye.n
ab ke gar tuu mile to ham tujh se
aise lipaTe.n terii qabaa ho jaaye.n
bandagii ham ne chho.D dii hai 'Faraz'
kyaa kare.n log jab Khudaa ho jaaye.n
Ahmed Faraz
|
|
|
|
|
2
|
Shayri ( Poetry ) or Shayari / Ghazals / Pyaare aansu
|
on: March 22, 2007, 03:26:20 PM
|
|
hazaar Gam the merii zindagii akelii thii
Khushii jahaa.N kii mere vaaste pahelii thii
[pahelii=riddle]
vo aaj bach ke nikalate hai.n mere saaye se
ki mai.n ne jin ke liye Gam kii dhuup jhelii thii
judaa hu_ii na kabhii mujh se gardish-e-dauraa.N
merii hayaat kii bachapan se ye sahelii thii
[gardish-e-dauraa.N=wheel of time; hayaat=life]
cha.Dhaa rahe hai.n vo hii aaj aastii.n mujh par
ki jin kii piiTh pe kal tak merii hathelii thii
[aastii.n=sleeve]
ab un kii qabr pe jalataa nahii.n diyaa ko_ii
ki jin kii dahar me.n roshan bahut havelii thii
[qabr=grave; dahar=world]
vo jhuk ke phir merii turbat pe kar rahe hai.n salaam
isii adaa ne to "Dewana_Dil" kii jaan le lii thii
[turbat=grave]
|
|
|
|
|
3
|
Shayri ( Poetry ) or Shayari / Ghazals / Pyaare aansu
|
on: March 22, 2007, 03:11:53 PM
|
|
haaye vo vaqt-e-judaa_ii ke tumhaare aa.Nsuu
gir ke daaman pe bane the jo sitaare aa.Nsuu
laal-o-gauhar ke Khazaane hai.n ye saare aa.Nsuu
ko_ii aa.Nkho.n se churaa le na tumhaare aa.Nsuu
[laal-o-gauhar = rubies and pearls (precious gems)]
terii aa.Nkho.n me.n agar ho.n to sitaare aa.Nsuu
merii aa.Nkho.n me.n agar ho.n to bechaare aa.Nsuu
in ko 'mobeen' na kabhii aa.Nkh se girane denaa
un ko lagate hai.n merii aa.Nkh me.n pyaare aa.Nsuu
|
|
|
|
|
4
|
Shayri ( Poetry ) or Shayari / Ghazals / Dhoondtay rahay
|
on: March 22, 2007, 02:39:11 PM
|
|
dekhaa to meraa saayaa bhii mujh se judaa milaa
sochaa to har kisii se meraa sil_silaa milaa
shahar-e-vafaa me.n ab kise ahal-e-vafaa kahe.n
ham se gale milaa to vo hii bevafaa milaa
fursat kise thii jo merii haalaat puuchhataa
har shaKhs apane baare me.n kuchh sochataa milaa
us ne to Khair apano.n se muraa thaa muu.Nh haaye
mai.n ne ye kyaa kiyaa ke mai.n Gairo.n se jaa milaa
|
|
|
|
|
5
|
Shayri ( Poetry ) or Shayari / Ghazals / Dhoondtay rahay
|
on: March 22, 2007, 02:31:55 PM
|
|
dekh lo Khvaab magar Khvaab kaa charchaa na karo
log jal jaayenge suuraj kii tamannaa na karo
vaqt kaa kyaa hai kisii pal bhii badal sakataa hai
ho sake tum se to tum mujh pe bharosaa na karo
kirchiyaa.N TuuTe hue aks kii chubh jaayengii
aur kuchh roz abhii aa_iinaa dekhaa na karo
[aks = reflection]
ajanabii lagane lage Khud tumhe.n apanaa hii vajuud
apane din raat ko itanaa bhii akelaa na karo
Khvaab bachcho.n ke khilauno.n kii tarah hote hai.n
Khvaab dekhaa na karo Khvaab dikhaayaa na karo
be-Khayaalii me.n kabhii u.Ngaliyaa.N jal jaayengii
raakh guzare hue lamho.n kii kuredaa na karo
mom ke rishte hai.n garmii se pighal jaayenge
dhuup ke shahar me.n "Dewana_Dil ye tamaashaa na karo
[mom = wax]
|
|
|
|
|
6
|
Shayri ( Poetry ) or Shayari / Ghazals / Dhoondtay rahay
|
on: March 22, 2007, 02:22:49 PM
|
|
Shukriya parne ka!! bas ji app ki mohobbat kheech liyee
dard se meraa daaman bhar de yaa allaah
phir chaahe diivaanaa kar de yaa allaah
mai.n ne tujhase chaa.Nd sitaare kab maa.Nge
raushan dil bedaar nazar de yaa allaah
suuraj sii ik chiiz to ham sab dekh chuke
sach-much kii ab koii sahar de yaa allaah
yaa dhartii ke zaKhmo.n par maraham rakh de
yaa meraa dil patthar kar de yaa allaah
|
|
|
|
|
11
|
Shayri ( Poetry ) or Shayari / Ghazals / Dhoondtay rahay
|
on: March 12, 2007, 03:01:03 AM
|
|
Kal sehan mein hum baad-saba dhoondtay rahay
Bichar kar tujhse, tera patta dhoondtay rahay…
Jo dekha bhi kisi ko, dekha teray tasavar mein
Hum chehroon mein chehra tera dhoondtay rahay…
Jo baat bhi ki kisi se to, ki tera hawalay se
Hum Lehjoon mein, lehja tera dhoondtay rahay…
Meri dewaangi mein kuch kasoor mera to na tha
Tamaam kissay mein hum apni khataa dhoondtay rahay…
Kabhi kho kar paya tujh ko, kabhi paa ke khoya
Teri jaffaoon mein hum, apni wafa dhoondtay rahay….
|
|
|
|
|
12
|
Shayri ( Poetry ) or Shayari / Mazahiya Shayri(Funny Shayari) / Duniya Badal Gayi Hai ChaTTing Se
|
on: March 12, 2007, 02:58:25 AM
|
|
Duniya badal gayi hai chatting se
Hoti hai ab hacking chatting se
Hoti thi ladkian subah shaam hamari gali mein
Nikalna hogaya unka band chatting se
Kyunki hoti hain ab to setting chatting se
Duniya ho gayi hai bekar chatting se
Hoti hain kharab aakhein chatting se
Pehle karte hum dost baatein hotelon mein
Peetay the chai waghera hotelon mein
Khoob hoti thi masti hotelon mein
Khailte they mazaak kia karte they
Ab to hoti hai baat to who bhi chatting se
Bekaar hogaya hai telephone chatting se
Hojaati hai ab voice chat chatting se
Pata nahin tha kya matlab hota hai asl ka
Pata chal gaye sare matlab chatting se
Ho rahein hain badnam Log chatting se
Karta nahin koi angrez baatein humse chatting se
Kehtay hain key aati hai English chatting se
Main kehtha hoon hogayi hai English kharab chatting se
ho geya khana kharab chatting se
Hoti thi bari dhoom dhaam se shadi
Nikah ho raha hain ab chatting se
Ab to aisa lagta hai key janab
Mohabbat hogayee hai chatting se !
|
|
|
|
|
13
|
Shayri ( Poetry ) or Shayari / Ghazals / KASHH
|
on: March 12, 2007, 02:33:59 AM
|
|
woh phool si muskurahat merey liye hoti
woh masoom shararat merey liye hoti
main us zulf ki chaaon main soo jaata
woh kaali raat merey liye hoti
raat bhar woh ghomaati apna kangan
woh bechayni woh betaabi merey liye hoti
woh ek taara tha khuley aasmaan main
aey kaash woh roshni merey liye hoti
merey wujood main bhi zindagi ka suraagh milta
jo woh munawar nazar merey liye hoti
rishtaa kuch to ban jaata apna bhi
mohabbat nahi na sahi,nafrat merey liye hoti
|
|
|
|
|
|