kuhmaar-e-ishq meiN khud ko bhula ke jeete haiN
haraik saaNs meiN tujh ko basaa ke jeete haiN

hai lamha lamha qazaa zindagi ye tere bina
sitam ye hai ki sada muskura ke jeete haiN

hawaa hai mehki ya khushboo kisi khayaal ki hai
ya zehan-o-dil mein hum usko basaa ke jeete haiN

gunaah kya kiya dil meiN basaa liya jo tumhe
ye dard dil ka gale se laga ke jeete haiN

sataaya yaadoN ne aisa k ashq dhal hi pade
ye aansoo shaam-o-sahar hum bahaa ke jeete haiN

mileiNgay roz-e-qayaamat mein sab se ho ke juda
sunehra khwaab ye khud ko dikha ke jeete haiN

wah waheed bahi kya baat hai .............     bohot khoob .........  bohot hi acha likha hai aapne

zakhm dete haiN dil ke tum hi ko duaa
tu salaamat rahe apna haafiz khudaa

kiski chaukhaT pe hum jaan deNge sanam
na milaa gar hameN tere Ghar ka pataa

khat jalaa daale tasveereiN bhi phaaD diiN
dil se yaadoN ko hum kar sake na judaa

dard-e-dil meiN hai shiddat baDii dosto
raastaa maikadey ka bataa do zaraa

ab naa "HUSAIN" mulaaqaat hogi kabhii
kar ke neechii nazar keh gaye, alvidaa

Is mohabbat se kisiko kyaa hua hai haasil
Is aag mein jalkar bas barbaad hua hai masoom dil

Ye ishq to bas ek khwab,ek haseen khayal hai
Jo mehkaati kisi deewane shaa'ir kii mehfil

Sadiyon se is aag mein kitne jalte aayen hain
chalo,aaj hum bhi hue un hazaron mein shaamil

Jab khud tabaahi ke raaste par hain chal pade
Hum to ban jaayenge khud ke hi kaatil

Woh to hai sitara,aasmaanon mein jo hain basta
Zameen ka koi zarra kaise bane us sitare ke kaabil

thax nidhi ji..............................................

thax waheed bhai, aryan and meena ji


Hum tumko bhulana chahte the,
magar koshish bhi na kar paaye.

Koi kitni bhi koshish kar le,
apne saaye ko kaise chudaaye.
 
Waqt bhi itna tez thehra,kambaqht!
voh guzre lamhe vaapas kaise laaye.
 
Jab ikhtlaat ki tamanna hi na rahi,
koi aise ruthe rishte kyon nibhaaye.
 
Waakif-ul-haal hai ye zamaana,
ab hum kisko voh dastaan sunaaye.
 
Tamaasha-e-dil dekh chuke sab,
kashaan ki tabaahi kyon dikhaaye.
 
Intezaar-e-najaat kab tak kare,
ashkon ki nadiyan kab tak bahaaye.
 
Uske aane ki umeed toh na rahi,
ab is dil mein kaun si aas jagaaye.
 
Taraste rahe zindagii bhar usko,
raahat-e-tishnagi afshaan kahaan dilaaye.

Laash to kab ke ban chuke hum,
Intezaar bas yahi,ke koi janaaza uthaaye.

thax waheed bhai, toshaji, sam, nidhiji, khushiji and meenaji

mili hai bohot saza unhe dost banane ki,
nazar lag gayi hamari kushi ko zamane ki
kafan se nikle dono haath yehi kehte hain,
aarzo rah gayi unse wafa pane ki

Nahin hota hai sachchaa koi rishta, koi naata
Jhoothe yeh zamaane aur jahaan hote hain

Tha maatam jo kisi toote hue sapne kaa
Apne bhi begaane aur kahaan hote hain

wah kya baat  hai .......  bohot khoob meena ji bohot hi acha likha hai aapne

Kaisi hai meri  halat, kya bataoon na poocho tum,
khaye hai kitne zakhm, kya bataoon na poocho tum

ab to tanha rahne ki aadat daal li hai humne,
dasti hai kaisi tanhai, kya bataoon na poocho tum

dhadkan bhi saath chodne lagi ab to dil ka mere,
zinda  rehne ki nahi bachi ab to himmat, kya bataoon na poocho tum

ab use yaad karke haasil hoga kya tujhe e HUSAIN,
usne bas ki hai bewafai, kya bataoon na poocho tum

Be rabt dharkano k siwa kuch nahin bacha
Dunya mein abb dukhon k siwa kuch nahin bacha

Aik dour tha mohabbat karamat thi magar abb
Be faiz shiddaton k siwa kuch nahin bacha

Tum saath thay tou karne ko batain bohat si theeen
Lekin abb uljhanon k siwa kuch nahin bacha

panay ki chah aur bus choonay ki hie kashish
chahat mein qurbaton k siwa kuch nahin bacha

Kesa khaloos kesee mohabbat kahaan ka dard
Rishton mein matlabon k siwa kuch nahin bacha

Hirs-o-hawas ki aag mein ruhain fana hoen
Jismon mein turbaton k siwa kuch nahin bacha.

bohot khoob sanya ji

Tumhaare ghum nigaahoN meiN basaa ke
Nazar aate nahiiN rustay wafaa ke

KahaaN baitha hai tuu chhup ke nazar se
Merii palkoN meiN chingaari chhupa ke

Jalaa baithay uunhiN ke vastay ghar
Chaley woh aaj bhi humse apna daaman bachaa ke

qismat se jo milaa thaa mujhe do ghaRii kaa vaqt
kaise kaTaa, na puuchh, mirii zindagiii kaa vaqt!

baRhtii hai aur shiddat-e-takleef sau gunaa
aataa hai jab bhii yaad GhamoN meN Khushii kaa vaqt

dar dar bhaTak rahaa huuN vafaa kii talaash meN
dunyaa dikhaa rahaa hai ye aavaaragii kaa vaqt

kam hai tamaam umr nibhaane ko dostii
miltaa hai kaise aap ko phir dushmanii kaa vaqt?

saayaa bhii saath chhoR ke gum ho gayaa kahiiN
aayaa hai jab kabhii bhii buraa aadmii ka vaqt        (NM)

thax nishita ji........

thax nidhi ji, meena ji, isha ji and seema ji for appreciating my work


oos thi ya wo khawb thay aankhaiN nami say bhar gaey
raat thi apni zindagi subha hoi to mar gaey

rail ki patRiaN mujhay apni taraf bulaeN kiyoN
shauq wo zinda rehnay kay mujh maiN thay jo kidhar gaey