AaGaaz to hotaa hai anjaam nahii.n hotaa
jab merii kahaanii me.n vo naam nahii.n hotaa

jab zulf kii kaalikh mei.n ghul jaaye ko_ii rahii
bad_naam sahii lekin gum_naam nahii.n hotaa

ha.Ns ha.Ns ke javaa.N dil ke ham kyo.n na chune.n Tuk.De
har shaKhs kii qismat mei.n inaam nahiin hotaa

behate hue aa.Nsuu ne aa.Nkho.n se kahaa tham kar
jo mai se pighal jaaye wo jaam nahii.n hotaa

din Duube hai.n yaa Duubii baaraat liye kashtii
saahil pe magar ko_ii koharaam nahiin hotaa...

kahan ye bus main k hum khud ko hosla dete
yehi bohut tha k her ghum pe muskera dete

hawa ke door ulajhti jo ungliyon say kabhi
hum aasman pe tera naam tak saja dete

humare aks main hoti jo zakhm-e-dil ke jhalak
hum aynay ko bhi apni terha rula dete

humain bhi jo roshniyon pe dastras hoti
kabhi cheraagh jalate, kabhi bujha dete

humaray paon hawaon ke zad main thay werna
guzerti umer ko ruk ruk k hum sada dete

ab is ke yad say us ka badan terashtay hain
woh khuab bhi to na tha k hum bhula dete

is waste mohsin` kahi hai taza ghazal
hum us ke salgirah pe ab aur kia dete..!!

Husn-e-mah, garche ba_haNgaam-e-kamaal achcha hai
us'se mera mah-e-KHursheed-e-jamaal achcha hai

bosa dete naheeN aur dil pe hai har lahja nigaah
jee meiN kehte haiN, muft aaye to maal achcha hai

aur baazaar se le aaye agar TooT gaya
saaGHar-e-jam se mera jaam-e-sifaal achcha hai

be_talab daiN to maza usme siwa milta hai
woh gada jisko na ho KHoo-e-sawaal achcha hai

unke dekhe se jo aa jaatee hai muNh par raunaq
woh samajhte haiN ke beemaar ka haal achcha hai

dekhiye paate haiN ushshaaq butoN se kya faiz?
ik birahaman ne kaha hai, ke yeh saal achcha hai

ham_suKHan teshe ne farhaad ko sheereeN se kiya
jis tarah ka bhee kisee meiN ho kamaal achcha hai

qatra dariya meiN jo mil jaaye to dariya ho jaaye
kaam achchaa hai woh, jiska ma'aal achcha hai

KHijr SultaaN ko rakhe KHaaliq-e-akbar sar_sabz
shaah ke baaGH meiN yeh taaza nihaal achcha hai

hamko ma'aloom hai jannat ki haqeeqat lekin
dil ke KHush rakhne ko, 'GHalib' yeh KHayaal achcha hai
{Mirza ghalib}