thanx ms pooja

Kaho ab kia kahoon tum se,
Batao kia likhoon tum ko...

Mujhe tamheed do koi,
Mujhe umeed do koi,
Naya ek lafz ho koi...

Jahan se baat chal nikley,
Meri mushkil ka hal nikley...

Batao lehja kesa ho,
K tum se baat karni hai...

Mujhe thora ujaala do,
Basar ek raat kjarni hai...

Tum apni roshan Aankhon ko,
Agar kholo to main likhoon....

Kaho ab kia iraada hai,
mujhe izhaar karna hai...

Aaj iqraar karna hai,
       
        K

    Tum se pyaar karna hai
    Tum se pyaar karna hai........ (Not Mine)

Meri muhabbat ka hisaab jo lagao gay,
To meri muhabbat ko be-hisaab pao gay...

Paani ki boondh se bani hui hai meri chahat,
Zara si thais lagi to dhoondte reh jao gay........By (X@!N)

Ek raat hui barsaat buhat,
Main tarpa saari raat buhat...

Her gham tha zamane ka lekin,
Main tanha tha us raat buhat...

Phir aankh se ek saawan barsa,
Jab sehar hui to kia dekha...

Woh baadal kitna thnha tha,
Jo barsa saari raat buhat........By (X@!N)

Zindagi mili kuch zara si thi,
Kuch is main kami bhi zara si thi...

Woh roz hote gaye paas se paas mere,
Lekin doorei phir bhi kuch zara si thi...

Chaand jaagte jaagte Aakhir so hi gaya,
Raat abhi beeti kuch zara si thi...

Muhaabat banti unhon ne zamane bhar main,
Per jo hamarey hissey main Aayi woh zara si thi........By (X@!N)

Muhabbat teri dil lagi ho shaayad,
Tere seene main bhi ye aag lagi ho shaayad...

Naa mujhe aazmaa itna k jaan se guzar jaon,
Mere wujood main teri bhi zindagi ho Shaayad.......By (X@!N)

Ek pal bhi chen se guzra ho to..

  Qasam Le Lo.......

Siwaaye yadon k koi aur sahara ho to..

  Qasam Le Lo.......

Pehle to baat aur thi,
Jo tum pe haq jata te the hum...
Ab to khud per bhi koi haq hamara ho to..

  Qasam Le Lo.......

Tum hi ne kaha tha k tumhare labon per,
mera hi naam aaye...
Us k baad jo liya ho naam kisi ka to..

  Qasam Le Lo.......By (X@!N)

MOHABBAT
        MEHARBAAN
                 HOGI......

Pareshaan tum nahin hona
Kabhi chhup kar nahin rona...

Judai zehar hoti hai
Mujhe maaloom hai lekin...

Firaq-o-hijr ka mausam
Yaqeenan beet jayega...

Yaqeenan wasl k lamhay
Doobara loat Aayengay...

Wohi shamain, Wohi raatein
Wohi Qisse, Wohi Baatein
Wohi phir Daastaan hogi...

MUHABBAT
        MEHARBAAN
                 HOGI
                     .............By (X@!N)

Ek Ghazal woh bhi sunaye to maza Aayega,
Kuch Aansoo woh bhi bahaye to maza Aayega...

Kehdo sabhi se mere gham buhat gehrey hain,
Gar woh marham lagaye to maza Aayega...

Sun k mera gham woh buhat roye gi,
Aaj phir mehfil main Aaye to maza Aayega...

Nafrat hi sahi koi rishta to hain qaayam,
Woh dushmani bhi nibhaye to maza Aayega...

Us zehar ko bhi hum jaam samajh laingay,
Woh apney haathon se pilaye to maza Aayega.......By (X@!N)

Yeh hum tasleem karte hain,
Hamain fursat nahi milti...

Magar Oo meri soch k mehvar,
Kabhi yeh bhi zara socho...

K tumhain hum yaad karte hain,
To khud ko bhool jaate hain.....By (X@!N)

Mere aaney se yun chhup na jaya karo,
Saaf kehdo k mere ghar na aaya karo...

Jab bhi barsaat ho to rooth jaati ho,
Tum Aese mausam main dil na jalaya karo...

Tum jo rootho to tum ko manata hoon,
Main bhi roothoon to mujh ko manaya karo...

Bholi bhali bhi ho, khoosurat bhi ho,
Ghar se tanha kahin na jaya karo...

Baat ulti na tujhko sikhade koi,
Yun na kaandhe pe zulfain giraya karo...

Mere jazbat sachay hain saadiq hoon main,
Shoq se tum mujhe aazmaya karo...

Mere Aaney se yun chhup na jaya karo,
Saaf kehdo k mere ghar na aaya karo........By (X@!N)

Kisi ki yaad main palkain zara bhigo letay,
Udaas raat ki tanhaiyon main ro letay...

Dukhon ka bojh akele nahi sambhalta hai,
Kahin woh milta to us se lipat k ro letay...

Agar safar main hamara bhi hamsafar hota,
Bari khushi se in hi pattharon pe so letay...

Tumhari raah main shakhon pe phool sookh gaye,
Kabhi hawa ki tarhan is taraf bhi ho letay...

Yeh kia k roz wohi chandni ka bister ho,
Kabhi to dhoop ki chaadar bicha k so letay.......By (X@!N)

Saddion se uski dehleez pe khara hoon,
Jo mujhse milne k lamhaat gina karta tha...

Ehsaas dilaya hai to milta hi nahin,
Ajnabi tha to roz mila karta tha........BY (X@!N)

Thanx doston
Aap logon k rply parh kar mujhe buhat khushi hui k aap ne mera kalaam pasand kia

ones again thanx buddeis

Khuwaab main aakar woh meri neend urati thi buhat,
Har ghari woh mujhko dekh kar muskuraati thi buhat...

Chor hi dena para ghabra kar us k shehar ko,
Yaad uski raat din mujhko rulati thi buhat...

Apni banhon main jab jakar leti thi woh mujhe,
Aa k ek andaaz main mujhko hansati thi buhat...

Apne dil ki baat ko woh mujhse kabhi kehti na thi,
Doosron k pyaar k qissay sunaati thi buhat...

Chahti thi sirf meri hi nazar us pe parey,
Ghair ki nazron se woh khud ko bachati thi buhat...

Din to kat jata tha mera doston k saath main,
Raat main lekin woh mujhko yaad aati thi buhat......By (X@!N)