zindagi kya hai?

bahut dino ke baad kuch likh rahi hun..hope u all like it

na paon rakhne ke liye zameen apni
na saans lene ke liye khula aasman apna

log to begane the hi
ab to ghar mein rehne vala koi sadasya hi na raha apna

khud ke khayalon mein bhi khud ko tanha paati hun
abb to na raha soch ka bhi karwan apna

zindagi asafal si lagti hai
har armaan adhoora sa reh jaata hai
kismat likhne vale ki ..meri kismat likhte waqt
rukk gayi kalam si lagti hai

yun to himmat juta kar jeene ki koshish karti hun
magar na jaane kyun fir bhi har mod par zindagi bikharti si nazar aati hai

yeh chaar din ka jeevan aasan na tha mere liye
mayusiyon ke saaye har dum humko ghera kiye

har waqt koi na koi dukh hi yaad aaya mujhe
na jaane kyun aaj takk koi samajh na paaya mujhe

kehne ko to jee liye hun bhi
magar kya yeh jeevan-jeevan tha

kya iss zindagi ko main shukriya kahun
jo yeh mujhe chod kar ja rahi hai

ya fir shiqayat karun
ke isne bhi na saath nibhaya mera

maine har mumkin tareekhe se sabke dard baatein
magar aaj sochkar ajeeb sa lagta hai
kyun koi bhi khud ko na keh paaya mera

kya kissi ke hokar reh jaana hi zindagi hai?
kya kissi ko apna kehna hi zindagi hai?

kya unka jeevan hi jeevan hai jo auron ke liye jeete hain?
ya fir khud ke jeevan ko sawaar paana hi zindagi hai...

Very Nice....  Some very good questions here.. Nikki...

"kya unka jeevan hi jeevan hai jo auron ke liye jeete hain?
ya fir khud ke jeevan ko sawaar paana hi zindagi hai..."

I think, Kisi aur ke liye jeene se bhi apna jeevan sawar jaata hai... lekin woh kehte hai naa, khuda bhi unki madad karta hai, jo apni madad khud karte hai... So... Zindagi mein hisaab kitaab kya rakhna, ki hum unke liye kuch kar rahe hai to woh humaare liye bhi kuch karey...
Zindagi to chalne ka naam... Keep Walking and Keep Smiling...

Very nice Nikki =D> =D> bohot sahi likha hai...........and Shikha you are absolutely write and a nice sharing

First of all thank u so much Rajbir, Shikha sis n Talat sis..

Its a beautifull Gazal Shikha sis..thanx for sharing...haan kuch aisi hi hai zindagi

dhoop si tapti hui
chaon si sakoon bhari

suraj ki kirnon jaisi umeed aur ujale se bhari
kaale badal ki tarah gumon mein simti hui

baarish ki tarah rahat laati hai yeh zindagi
bas yunhi din raat mein kat jaati hai zindagi

thank u so much Shikha sis...

aaj maine zindagi ko zindagi ke haathon bikharte dekha
insaan ko insaan se bichardte dekha
nafrat to sabke dilon mein ghar karte dekha

har koi issi koshish mein laga rehta hai
kuch aisa karun ke dosron se aage nikal jaon
itna aage badh jaon fir vaapis na aane paon
magar kya kabhi socha hai..
bhala aage hai kya?
jab hum apni hi nasal se aage nikal jayenge
to bhala aage kya payenge..kamyabi?
fir uss kamyabi ka jashan hum kiske sang manayenge
jab hum uske liye apno ko hi rond kar jayenge

kya tab yeh kamyabi humein pehle si khushi de payegi?
jab jeb mein athanni bhi nahi hua karti thi magar hum sikhandar kehlate the
har galli mein..har nukkad par logon ke jhund nazar aate the
woh keh-kahe..woh khushiya kahan gayi
woh log kahan chale gaye...woh din kyun guzar gaye
kyun zindagi abb virani si lagti hai
kabhi baith kar sochti hun to ek khoobsurat guzri hui kahani si lagti hai

BAHUT KHOOB NIKKI..UMDA LIKHA HAI AAPNE

good one nikki and Nice sharing Shikha!!

zindagi kaya hai yah kaise batlaaye hum
kabhi dukh to kabhi sukh ke pal paaye hum
chahe bahoot chahte aor kuch pa jaaye hum
kabhi kabhi bin chahe, Rub de jaaye gum...

zindagi kaya hai, yah kaise batlaaye hum
apne de jaaye dhoka, dekhte rah jaaye hum
ajnabi koi ab hath badaye to dar jaaye hum
apni hi ghootan mai ghoot kar rah jaaye hum

zindagi kaya hai yah kaise batlaaye hum
shayad kuch ho jaaye,zindagi ko samjh jaaye hum
issi soch mai ek din dunia chor chale jayege hum
zindagi kaya hai yah kaise batlaaye hum...............