Qatah:"Aman' ab aur kya misaal doge,tum us qaatil ki,
          Ghaayal ho chuke ho uske shabaab se,yeh kya kam hai.
           koi Aisa Bhi.....
 
Kacche rang dil par,lagaa gaya koi,
Pyaar ke diye ko,jalaa gaya koi.

Paimaane mein,ab woh baat kahaa.n 'saaki',
Peechli raat aankho.n se,pilaa gaya koi.
Pyaar ke diye ko.....

Amaavas ki raat,aur woh andhera safar,
Achaanak dhuaa.n utha,maahataab dikha gaya koi.
Pyaar ke diye ko.....

Na jaane dekh kar unko,kyu.n hua yeh ehsaas,
ke Khwaabo.n ko mere,haqiqat bana gaya koi.
Pyaar ke diye ko.....
 
Ab har taraf,jannat-numaa samaa hai "Aman',
Mere soone ghar ko jaise,sajaa gaya koi.

Kacche rang dil par,lagaa gaya koi,
Pyaar ke diye ko,jalaa gaya koi.

Aman Sarhadi.