Lazawaal Muhabbat

Tum husn ka aik paiker ho
Shahkaar hai jism tumhara
Ghuroor bhi tumhara
Koi bharam nahin hai
Tumhari shookh adaian
Hazaroon diloon ko
Tumhare qadmon mein
Ser nagon ker deti hain
Tumhare jism ke lams ke liye
Bejan hath bhi
Qudrat ki bargah mein
Tadap tadap ker
Gid gidate nazer aate hain
Ke bus chand lamhon ke liye
Phir se jaan dal de

Tum husn ka aik paiker ho
Shahkaar hai jism tumhara

Khoobsurat mahlon ke
Be lagaam shahzade
Tumko apni Jannat ki
Basharat dia karte hain
Jis ke her der mein
Mayoos aur bebas Shahzadiyan
Dasiyoon ka jism oodhe
Her bad rooh ki aawaz per
Labbaik kahne ko majboor hain
Tumne jab bhi
Aasmaan pakadne ki koshish ki hai
To fareb zadah nigahon ke bharam ne
Hamesha sarab ka kaam kia hai

Tumhain yaad hai
Jab tum ne mere khuwaboon se
Apne khuwab jagaiye they
Meri muhabbat se
Apni maang sajaiye thee
Murjhaiye si aik kali mein
Aik naiye joot jagaiye thee
Shaid tum ne woh sare khuwab
Gudiyoon ke sath hi
Sanduqche main saja ker rakh deye hain
Aur aaj
Jawani ki madhooshi
Jazbon se khel rahi hai
Ta'luq kia hai jismoon ka
Na jane kia khooj rahi hai

Purani kahaniyon ki
Koi jild utha ker dekhoo
Anjam jalti jawani ka
Aankhon mein saja ker dekhoo
Lazawaal muhabbat mein
Kab jism samaaN paya hai
Baad bhadakte shoolon ke
Dhuan hi dhuan nazer aaya hai

Main abhi gaya waqt nahin hun
Muhabbat main meri jila paugi tum
Warna phir gaye waqt ki tarah
Khoojti khoojti khud bhi kho jaogi tum

apke aur bhi ache kalaam yaha hain
hume to malum hi nahi tha

Shukria



aap ka bahut bahut








javed

Janabe man





nawazish hai aap ki


aap ne  pasand fermaya






javed

Kaash


Shukria   batane ka



javed