#Zuban Se Shabd Ghoom Gaye#

poora post vistaar se padha,aur saath he padha ''attention please -by sonia'.aur zuban se shabd gum ho gaye.fir bhee dil ko rok paana namumkin he,kuch to bayaan karna he.

agli kuch panktiyaan yo admin ji ko samarpit karta hu,yeh kavita aage badhaane ki chaah rakhta hu,samay milne pur shayad sambhav kar saku.agar double post ka khauf na hota to shaayd ''attention please '' mein bhee yahi likhta.




Zindgi ki uljhano mein thaa bhatakta dar-badar
teri* mehfilon mein 'sakoon' hoga
 aaya thaa yeh sochkar!
pur tera pehlu bhee he ek pehali
subah tammasha-shaamo kehar

pratidwandta ka khauf kyon he
kyon dilon mein he zehar
meri raahe to aisi nahi he
yeh nahi mera shehar!
teri mehfilon mein 'sakoon' hoga
 aaya thaa yeh sochkar!

Prateek
teri*--''Yo india''

Mahiya ji----Mein apni iterference ki maafi pehle he mangta hu,daatiyega mut.aapki khoj aapki budhimata ka pramaan he.

Poonam ji----aapne jo ikraar kiya he fir kisi ko bhee yahan koi aapatti nahi reh jaati.mujhe aisa mehsoos hota he-hum yahan pyaar ki khussboo failaane ke liye aate,apni vyasta bhari zindgi mein kuch aaramdayak pul khojne na ki koi bhee mun-mutaav ke liye.Aapse mera nivedan he-aap 'subah ka bhoola jo shaam ko aaye to bhoola nahi kehte' pankti to yatharth kare-aap yaha bane reh kar 'zindadili' ka udahaaran de sakti he,yahan se chor kar nahi.dil to ek bar he dukha he na--khushi to yahan sekdon mili hongi-ek dukh sub sukho pur haavi mut hone deejiye-koshish kijiye.


Syeednaami ji-----mitr--aapne sada aasha ki kiran dikhayi he--yeh andhere ki baat kyon? surya ko roshni diya nahi dikhaata to mein aapka maardarshan karu to yeh atishyokti kehlaayegi-aap fir se poore masle ko thande dimmag se-gambheerta se sooche aur poore prakaran pur fir se drishti daale-aur faisla le.mujhe poora bharosa he aap sahi disha mein kadam uthhayenge,aapka to saath chahiye apitu poonam ji ke bane rehne me.raatri mein mulaakat hogi,isi aasha ke saath.

Aapka
Prateek

I again request that we should not drag this topic and should maintain Yoindia's Poetic Spirit.
There can not be any solution until people members do not take it with open mind and be supportive. Going with ego is not the solution at all.