Ajjab din thay muhabbat ke
Ajjab mausam thay chaahat ke
Kabhi gar yaad ajayain tu palkoon per sitare jhilmilatay hain
Kisi ki yaad mein raatoon ko aksar jagna mamool thaa apna
Kabhi gar neend ajaati tu hum yeh soch lete thay
Abhi tu woh hamaare wastay roya nahee hoga
Abhi soya nahee hoga
Abhi hum bhi nahee rotay
Abhi hum bhi nahee sotay
So phir hum jaagtay aur us ko yaad karte thay
Akele beth kar weraan dil abaad karte thay
Hamaare saamne taroon ke jhurmat mein akela chaand hota thaa
Jo us ke husn ke agay bahut hi maand hota thaa
Falak per raqs karte an-ginnat raushan sitaroon ko
Jo hum tarteeb dete thay
Tu US ka naam banta thaa
Hum agle roz jab miltay
Tu guzri raat ki har be-kali ka zikar karte thay
Har ek qissa bataate thay
Kahaan kis wakt kis tarah se dil dharka bataate thay
Main jab kehta ke janaan, aaj tu mein raat ko ek pal nahee soya
Tu woh khamoosh rehti thee
Per us ki neend mein doobi huwei do jheel si aankhain
Achanak bol uth'tee theen
Mein jab us ko bataata thaa
Ke mein ne raat ko raushan sitaroon mein
Tumharaara naam dekha thaa
Tu woh kehti, nahi tum jhoot kehtay ho
Sitaray mein ne dekhay thay
Aur un raushan sitaaroon mein tumhaara naam likha thaa
Ajjab masoom larki thee
Mujhe kehti thee lagta hai ke
Ab apne sitaaray mil hi jaayenge
Magar us ko khabar kya thee
Kinaray mil nahin saktay
Muhabbat ki kahaani mein
Muhabbat karne waaloon ke
Sitaaray mil nahee saktay...(nm)


Aapki..............Aarzuu.....................

Aji janaab.............hum to bas yun hi apni adhuuri aarzuu ko kaagaz ki kashti pe likh ke baha dete hain.............aur aap wah wah karte hain..............

Shukriya...............