Kyu -Panna 2:Shayri for Khumar -e- Ishq

Pooja

Guest

«Reply #15 on: October 10, 2007, 11:38:13 PM »

Wah maan gaye Amit, bahoot hi pyara , sucha aor bhawnao se bhara hua jawab diya hai apne!!!

Hue bina kisi ke yah pahchan na hogi
Sagar kinare se to moti ki raah na hogi

Masoom hai ki hai awaara koi nigah
Bin nigahon mai dale nighah, yah jaan (jaankari) na hogi

Kab tak rakhoge soona dil aor tanha jeevan
Bin patjhar dekhein, baharo ki maan (respect) na hogi

Dhoondte ho suchi muhobat bin muhobat kiye
Bina kiye muhobat. Yah muhobat hasil na hogi!!!!!


	Logged

thycreator

Guest

Kyu

«Reply #16 on: October 11, 2007, 01:30:47 AM »

Thanks U ji...... laughing4

Kam aap bhi nahi ho...

Gir ke jo sambhale usse insaan kehte hain,
Par har bar yu girna bhi jaruri toh nahi...

Suna muhabbat insaan ko uthati hai upar,
Phir thokar kha kar uthna majburi toh nahi...

Mana adhuri hai zindagi kissi ke pyar bina,
Bewafai se par hogi ye kami poori toh nahi.. Usual Smile


	Logged

Pooja

Guest

Kyu

«Reply #17 on: October 11, 2007, 01:48:01 AM »

wah ji kaya baat hai.. sixer per sixer Usual Smile

Gir kar ek baar main kuchlog jo nahi hai sambhal paate
Iska matlab yah nahi ki wo insaan nahi ban paate

Muhobaat apni ho jo suchi sidhi
Uske samne koi tufaan nahi hai ruk paate

Kis liye amda hai tu tanhaa adhoora jeene per
Mil gaya ek bar jo dilbar, aise khaylaat kahi nahi tik paate


	Logged

farawaynuts123

Guest

bahut khoob

«Reply #18 on: October 11, 2007, 05:18:31 PM »

hello there,

bahut time baad itni pyaari poem padi hai..
appreciated......
keep writing in...


	Logged

thycreator

Guest

Kyu

«Reply #19 on: October 11, 2007, 09:49:07 PM »

Quote from: "Pooja"

wah ji kaya baat hai.. sixer per sixer Usual Smile

Pooja ji.......sahi kaha

Ye sach hai muhabbat ho sacchi toh bhagwan milte hain,
Par kissi haal mein phir nahi yahan insaan milte hain...

Sacchai ka zamana toh sadiyon pehle hi nikal gaya,
Ab toh har ek bhesh mein bas yahan haiwaan milte hain...

Karo sacchi muhabbat phir bhi, jane kab kahan kaise,
Par kehte hain ki kissi bhi roop mein bhagwaan milte hain...


	Logged

thycreator

Guest

Re: bahut khoob

«Reply #20 on: October 11, 2007, 09:52:53 PM »

Quote from: "farawaynuts123"

hello there,

bahut time baad itni pyaari poem padi hai..
appreciated......
keep writing in...

Thanks a lot agar aapne mere liye likha hai toh.... Usual Smile

Mujhe maloom nahi aap kaun hai, kya naam hai,
Lekin inn baton se bhala humko kya kaam hai,
Gar daad mujhko hai toh tahedil se shukriya aye dost,
Aap se kadardano se hi toh hamari mehfil-e-jaam hai.... Usual Smile


	Logged

Pooja

Guest

Kyu

«Reply #21 on: October 12, 2007, 12:36:49 AM »

Quote from: "thycreator"

Quote from: "Pooja"

wah ji kaya baat hai.. sixer per sixer Usual Smile

hummm... apki kavita padte hi yah ek saans mai likh gai... abhi dobara se sahi jawab likhati hu

Such hai ki app tanhaai ke maare ho
Khumar main bhi suchai ke maare ho :idea:

Jab tak na karoge payar kisi se
Meri baat na samjh apko ayegi
Aise to samjhate samjhate apko
Meri sari zindagi nikal jayegi :evil:

Bhagwan hai khud ke ander
Usko app na dhunda karo
Tanha hai jo yah apki zindagi
Uski koi dawa karo :lol:

Tali bajati nahi ek hath se
Kisi ne such hi kaha hai
Baj jaati hai jab do hath se
Shor to phir hota hi hai :D

Baat aa gai ho samjh
To jaladi se band bajao tongue3

Na aai ho to likho phir
Mujhse dobara dant khao :evil:


	Logged

Pooja

Guest

Kyu

«Reply #22 on: October 12, 2007, 12:43:12 AM »

Ok ji ab apki kavita ka sahi dhang se jawab!!!

Insaano ki nahi kami, insaaniyat najar nahi atti
Magar dhondo jo dil se, her chees hai mil jaati

Jhootho ki duniya main, abhi bhi suchai baki hai
Warna teri meri yah takraar itani na badti jaati

Karoge jo suchi muhobat, shayad ek baar dhoka khaoge
Her bar to taqdir se bhi, aise maat khai nahi jaati

Ek bar jo ishaq-e-khumar main tum jee lo
Uske baad umar-bhar, tanha zindagi bitai nahi jaati!!!!


	Logged

thycreator

Guest

Kyu

«Reply #23 on: October 12, 2007, 01:17:05 AM »

Ha ha ha.........

Khumar ishq ka thehra hai na thehrega,
Ye nasha ek din khud-b-khud hi utrega..

Diya hai gar jo dil kissi ne jahan mein,
Ek na ek din wo toot kar hi bikharega..

Par nashae-ishq hai aisa, sir chad bolta hai,
Har bar girega magar insaa na sudhrega.. tongue3


	Logged

Pooja

Guest

Kyu

«Reply #24 on: October 12, 2007, 01:26:11 AM »

wah kaya baat hai...

Mile jo sucha sathi
Yah khumar badta hi jaata hai
Bin jaane yah khumar
Kisi ko iska arth samjh nahi atta hai

Diya hai dil kisi ne to
Usko bhi pehchan chahiye
Bikhrega kaha wo
Bikharne ko dil mai jagah chahiye

Khumar-e-ishaq sahi kaha
Sir chrd kar bolta hai
Bin jaane,magar na jaane
kyun insaan isko tolta hai!!


	Logged

thycreator

Guest

Kyu

«Reply #25 on: October 12, 2007, 01:43:19 AM »

Huh........advocate-e-muhabbat.......... tongue3

Chalo gar man.na bhi hai toh kya maane bhala kaho,
Koi chahat toh ho aisi jisspe tum armaan-e-dil kholo..

Sochenge hum iss bat par, wo shaks toh mile,
Tab tak khumar-e-ishq ki tum baat na bolo.... tongue3


	Logged

Pooja

Guest

Kyu

«Reply #26 on: October 12, 2007, 01:52:09 AM »

advocate-e-muhabbat Puzzled !

wah janab kaya kah rahe hai app....

Ishaq se bad kar koi khumar nahi
Nahi aisa ek bhi insaan, jisko hua pyar nahi :lol:

Mano yahi ki, muhobat se badi ibaadat nahi
Hume NA kahne ki apko izazat nahi :evil:

Milega jab wo shakas to sochna bhool jaoge
Na rahege hosh koi, apni pehchan tak bhool jaoge

Khumar-e-ishaq hai, kaise na khumar per bole
App jara apne deemag per lagi patti khole tongue3


	Logged

thycreator

Guest

Kyu

«Reply #27 on: October 12, 2007, 01:59:32 AM »

Ufffffffffffffffff............

Pyar toh har roz hota hai, ektarfa hi sahi tongue3

Uska dil na dhadka, mera hi sahi....
Kabhi toh kahin se jawab aayega,
Tab tak main aur mera intezaar hi sahi tongue3


	Logged

Pooja

Guest

Kyu

«Reply #28 on: October 12, 2007, 02:12:14 AM »

her roj

ek tarfa :evil:

bahoot chulbula likha hai Amit Usual Smile

Ek tarfa pyaar ka ikraar nahi hota
Kyun khuli ankhon se bhi tu hai sota

Jab tak na karoge izhaar
Ikraar kaha se paoge
Koi insaan kaya itna bhi hai
Pagal hota :evil:

Ladki hai wo koi jadugar nahi
Bin kahe to dil ki baat ka pata nahi hota

Waise ek baat yah bhi batate jaaye
Ho jaaye jo roj roj, wo pyar nahi hota :evil:


	Logged

thycreator

Guest

Kyu

«Reply #29 on: October 12, 2007, 03:52:42 AM »

Ha ha ha...........

Kyu bandhte ho pyar ko inn kacche dhago mein,
Pyar kab kissi seema mein bandh paaya hai...

Jab bhi dekhi koi haseen ladki humne toh,
Dil ne khud hi dhadkano ko badhaya hai...

Shayad ye pyar nahi hai toh na hua kare bhale,
Humne toh bas ismein hi din bitaya hai... tongue3

Tareef-e-sabaahat hai koi jurm toh nahi,
Karishma-e-khuda ko gale se lagaya hai... tongue3


	Logged

Pages: 1 [2] 3 4 5 6

Yoindia ShayariAdab > Shayri ( Poetry ) or Shayari > Shayri for Khumar -e- Ishq > Topic: Kyu