Dil se bhi sharm'saar hue koey yar men,QABIL AJMERI

Dil se bhi sharm'saar hue koey yar men
Ham ja k aur khawar hue koey yar men.

Dunya-e rang o bu men ye raahat kaha'n naseeb
Sho'lon se ham'kinaar hue koey yar men.

Kaif o nishaat hasrat-e didaar ab kahaa'n
Jalway bhi na'gawar hue koey yar men.

Jin k sahaary manzil-e gham ham ne kaat di
Wo hously shikaar hue koey yar men.

Mudat se hans rahy thay gham-e rozgaar par
Ji bhar k ashk'baar hue koey yar men.

QABIL gaye na saaya-e diwaar chhorr kar
Kaya kaya jiger figaar hue koey yar men.

QABIL AJMERI