Din pareshaa'n ha,raat bhaari ha.QABIL AJMERI

Din pareshaa'n ha,raat bhaari ha.
Zindgi ha k phir bhi piyaari ha.

Tere maston ki zindgi ae dost.
Ik saroor-e khush etbaari ha.

Dil ki dharkan ka etbaar nhin.
Warna awaz to tumhaari ha.

Un k husn-e sitm ka kaya kehna.
Log samjhy khata hamaari ha.

Be'niyaazi ko apni khu na bana.
Ye adda bhi kisi ko piyaari ha.

Lutf-e subh-e nishaat mujh se poochh.
Men ne shaam-e almm guzaari ha.

Apne lab hi nhin siye ham ne.
Aap ki zulf bhi sanwaari ha.

Kitni shammen bujha k ae QABIL.
Dil men ik roshni utaari ha.

QABIL AJMERI