Shoq hi bad gumaan hota ha,QABIL AJMERI

Aam faizan-e gham nahi hota
Har nafas mohtaram nahi hota,

Ya mohabat main gham nahi hota
Ya mera shoq kam nahi hota,

Na muradi ne kar dia khud daar
Ab sar-e shoq kham nahi hota,

Shoq hi bad gumaan hota ha
Us taraf se sitam nahi hota,

Raasta hai k kat'ta jata ha
Faasla ha k kam nahi hota,

Waqt karta hai parwarish barson
Hadisa ek dam nahi hota,

Toot jata hai dil magar QABIL
Ishq manoos-e gham nahi hota.!

QABIL AJMERI