Talab ki aag kisi shola'ru se roshan ha.QABIL AJMERI

Talab ki aag kisi shola'ru se roshan ha.
Khayal ho k nazr aarzu se roshan ha.

Janam janam k andheron ko de raha ha shikast.
Wo ik charagh k apne lahu se roshan ha.

Kahin hajoom-e hawadis men kho k reh jata.
Jamal-e yar meri justaju se roshan ha.

Ye tabish-e lab la'lee'n,ye shola awaz.
Tamam bazm teri guftagu se roshan ha.

Wisaal-e yar to mumkin nhin magr naaseh.
Rukh-e hayat isi aarzu se roshan ha.

QABIL AJMERI