WHO IMPRESSED YOU ON YOINDIA ....................

Pooja Di......

    Shes soooooooooooooooooooo sweettttt......nd is reli carring....shes sooo hardworking nd always thinking of her family first.....she doesn't kno it but shes been so comforting..... all i want to do is put my head in her lap nd cry myself to sleep in her comforting nd motherly arms.....

     LUV U POOJA DI!!!!!!!!!!!!........

      LUV U SOOOOOOOO MUCH!!!!!!!!!!......just wrote whats in my heart............       

Thanks Di............im waiting till i turn 18......then i'll b sure to cum nd visit.....thanks!!...........

are ye to aaj hi padha maine....
to iska matlab ye ki maine aapko rula kar impress kiya...
 
thik hai koi to impress hua....

Thanx honey you are really a sweet one at this Forum.....Tumne hameshaan hameiN  yaad rakha hai....Aap jaise log iss forum ki rounaq hain..God bless you always....

Doston aaj samay aa gaya hai..ki mai is thread me kuch likhun…….ab pata nahi itna frequently yahan aana ho bhi payega ya nahi…..
Yun har ek bande ko uparwale ne unique banaya hai aur har ek ki khaas pahchan hai…fir bhi kabhi kabhi kisi ki baat se hum impress ho jaate hain..jaisa ki harsh ji ne likha hai….
Meri ye list ant-heen hogi…isme anant naam honge...pata nhai kab kiski baat impress kar jaye to jab tak mai jinda hun hamesha is list me naam add hote rahenge…..
Pooja:-
inki hazirzawabi, har ek ko likhne ke liye prerit karna, jyada se jyada poetry ko padh-kar jawab dena…inhe sach me ek alag si pah-chan deta hai….inka behad suljha aur santulit vyvhaar bhi inke prati ek ankahe samman ko janm de jaata hai…..
Han inse nok-jhonk karne me bhi bada maza aata hai…ye baat alag hai ki yondia me mai hi inse kuch mazak kar leta hun..warna baaqi sabko to ye dara kar rakhti hain
Maine personally bhi inse baat ki hai….aur ek baat me nishchit tour par kah sakta hun ki ek sampoorn naari ka vyktitv samete hue hain apne aap me,..bachchon ki si nishchal, kabhi mamta se bhari hui to kabhi mazbooti se toofano ka samna karti hui…jitna inhe samjha tha usase adhik suljha hua paaya…mujhe bahoot khushi hai ki yo ke madhyam se main ek behtar dost bana paaya….

Mahiya:-
ek behtreen shayra ke roop me mai inhe humesha yaad rakhunga, inki kuch kavitayen padhna mujhe behad pasand hai…antakshari me gar ye amne-samne (face to face) muqabala ho to mai inhe aasani se hara sakta hun……music ke mamle me humari pasand lagbhag ek si hai…khule man se yo ki charcha karne me bhi inka jawab nahi….itna kamal hai inki aawaz me aur vyvhaar me ki kabhi lagta hi nahi…ki abhi pah-chan hui hai…bilkul ek parivaarik mitra ki tarah..…shayriyon ko lekar inki samajh behad gahri hai aur kisi bhi achche kalam par inke comments mil hi jaate hain….mere kalamon ki baat aur hai mai to phone karke bhi comments maang leta hun… .ab itne besharm aadmi ko koi khali haath thodi loutayega… …
Meri khushkismati hai ki aapne khud ko mere doston me shumaar karne ka mouka diya…
Prateek mardia:-
Pahle yoindian jinse meri face to face mulakaat hui…..ek kavi hriday vyakti..bahoot gahri soch aur napi tuli sargarbhit baaten karne wale insaan hain…..apni ek vishisht shaily se likhnte hain, kisi aur ki kavita par inke utashvardhak jawab.inko bheed se alag khada kar dete hain…..inko padhne me bada anand aata hai..par agar ye mood me hon to inke saath likhne me paseena aa jata hai, “haathon me jam aaya” bhula nahi hun mai. .aur zanab ab peena to door sunghta tak nahi…..
Haan ek baat aur kisi get together me inse kavitaen sunna na bhulen…behad umda tareeke se sunate hain ye,
Ye thode vyast jaroor rahte hain par baaten hoti rahti hai….
aap jaisa dost kismat se hi milta hai
Punam:-
Wo mere bahoot bure waqt ki raaten thi aur ek nanha farishta kahin aasman se aake kahne laga bhaiya kya baat hai…kyun udaas ho ..mai hun na… bas wo inse meri pahli baar baat hui..mano mujhe ek choti bahan mil gai jise bhale mai apne gum na baant paanu par kuch der ke liye bhul to sakta hi hun….24 ghante kabhi bhi mai ise pareshaan kar leta hun…..aur apni betuki baton se hairaan karta rahta hun kuch kah to sakti nahi bada jo hun…… ..
Syednaami:-
Ek behtreen shayar, itna jyada caring hai ki kabhi kabhi to ashchary hone lagta hai….yo par hamesha inka ek anushasit aur maryadit vyvhaar mujhe bahoot pasand hai…har baat me iska behad adab se pesh aana mujhe soch me daal deta hai…….ye mujh jaise vyakti ko bhaiya kyun kahta hai… inki urdu bhi kamal hai hindi bhi dhamal hai..aur angrezi se bhi malamaal hai…..
Mujhe bahoot khushi hai ki mere parivaar me tum jaisa chota bhai bhi hai..
Natural:-
Inse sirf  phone par hi baat ho paai hai..lekin baat karte samay humesha milne ke liye koshish karte rahna inke sachche utsaah ka saboot hota hai….in dino kuch pareshaniyon se do chaar hain isliye likhte kuch kam hain….yoindia me lagbhag sabhi inko pasand karte hain…… inki jo baat mujhe prabhavit karti hai wo hai humesha yo ko saath lekar chalne ka zazba….jab bhi mouka mile yoindian se milne ka time nikaal hi lenge.
Chalo is baar gar get together hogi to mulakaat to hogi hi par sabhi ko apni likhi kanvita bhi sunani padegi..samjhe…nattu
Talat:-
Yo ke purane shayron me se ek…inhe janne ke baad maaloom hua ki vaigyanik bhi shayar..ho sakte hain wo bhi behtreen…… .behad komal dil aur saaf saaf shayri…inki pahchan hai..naye shayr hon ya purane sabhi ke kalam padhti hain aur jawab bhi deti hain par lagta hai abhi kuch busy hain……har mudde ko poori gmbheerta se sunna aur jo dil kahe wo jawab dena..inki ek aur visheshta hai….jyada baaten to nahi hui….. kuch pm se hi hui. Han ek baat aur…inhe apne desh se bahoot pyaar hai…poori tarah se parivarik charitr hai inka….
Ab naa jane kab time milega inhe.
to be continue

honeyrose
chahe kahin bhi ho yaad karna nahi bhoolti..aur to aur yoindia par kisi ne mujhe bhai banaya to kisi ne dost aur inhone meri wife ko hi sister bana liya
inka caring attitude mujhe behad impress karta hai....ek baat mai inke baare me kah sakta hun ki koi bhi jyada din inse naraz nahi rah sakta...

Rajvir bhai
humari jyaada baaten to nahi hui......lekin jitna bhi jaan paya hun...
chahe kitni bhi udaasi ho rajvir ji ke aate hi use jana hota hai...inka aur udaasi ka to mano chattis ka ankda hai....inke liye mai ek hi baat kah sakta hun "yo" ka muskrata chehra   =))funny section me inke bina maza hi nahi aata
sab ke dil par raaj karne wale sabhi ke chahete.....shadi shuda aadmi ko hi ladkiyan kyun prefrence detin hain
lekin achchi shayri par inke behtreen comments jaroor hote hain.... ..
pata nahi mujhe ye likhna chahiye ya nahi fir bhi aapko dekhkar ek sher yaad aaa jata hai
tum itna jo muskara rahe ho
kya gum hai jisko chupa rahe ho..

to be continue

likhte likhte haath dukhne lage hai bhai mere....abhi jitna likha utna post kar diya aur aapka naam to hai hi...ab mujhe kya pata tha ki idhar mai post karunga udhar aapka jawab aa jayega.