Ghotala.....Ghotala....Ghotala

[Surindernarang]

Ghotala ek nahin, Ghotale hazaron ho gaye,
Rishwat ke aankde, bhi bahut zyada ho gaye.

Vakt ne lee, kuchh is tarah angdai,
Jo kabhi the abhiyukt,aaj neta ho gaye.

Pashuon ka chara ho, ya ho khel maidan,
Sabhi jagah rishwat khori, rishwat hi bhagwan.

Neta to neta, afsar bhi dhanwan ho gaye,
Shiksha ke mandir, bhi badnam ho gaye.

Jis ke pass hai paisa, vo izatdar ho gaye,
Sanskriti ki dharohar wale, karzdar ho gaye.

Pados ke deshon ko ,malum hai humari kamzori,
Kal tak jo dabang the, aaj pahelwan ho gaye.

Antakwad charon aur, nahi shanti ka naam,
Yahi to hai visheshta, mera Bharat mahan.