Judi daikha hoye aik baar - A Sad love drama (hindi short story)

by ASIF on August 24, 2021, 09:25:49 AM
Pages: [1]
Print
Author  (Read 1450 times)
ASIF
Shayarana Mizaaj
**

Rau: 0
Offline Offline

Waqt Bitaya:
8 hours and 24 minutes.
Posts: 84
Member Since: Feb 2021


View Profile
Hello guys,

kaise hai aap sab? and this time i have brought another new short love sad drama story which will u definitely like it and i hope so....kayi dino baad kahani likh raha hoo aur yoidia pe waapsi huyi hai aap logo se darkhwast hai ki meri pichli kahani is saal ki pehli khooni dil : reboot zarur padhiyega baaki iske title se jaisa aap logo ko maalum hua hai "Judi daikha hoye aik baar" ye bengali title hai jiska matlab hai agar milana hua ek baar haalaki hindi title se main satisfy nahi tha par main hindi readers ka dil nahi todna chahta hoo so isliye pls is story ko bengali language story na samjhe par ye bangladesh pe based ek choti si sad love drama story hai so pls zarur padhe aur apna review de thank u  hello


This story is a fictional story...have no relation with any incident,person,place etc....not intended to hurt any religious sentiments fully authentic pure written fictional story by it's original writer all rights reserved by the sole writer asif biswas and by his will this story posted in his official yoindia id...pls don't copy paste and imitate this story u have only right to share it with it's original link....If anything seems copied or related to real life elements that maybe co-incident....ur feedback of all types will be appreciate :)

kahani agle post se jaari  read2
Logged
Similar Poetry and Posts (Note: Find replies to above post after the related posts and poetry)
A Nice n' Short Story by TOUCHY in Inspirational Stories and real life Incidences.
A SHORT LOVE STORY by dashing_agarwal in SMS , mobile & JOKES
My Real Love Story In Hindi ....By SuneeL by suneel kumar in Share:Love Poetry
Teri nigaahein - A short sad love story (2015) by asif biswas in General Stories
Hifazat - a thriller love short story (2017) by asif biswas in General Stories
ASIF
Shayarana Mizaaj
**

Rau: 0
Offline Offline

Waqt Bitaya:
8 hours and 24 minutes.
Posts: 84
Member Since: Feb 2021


View Profile
«Reply #1 on: August 24, 2021, 09:49:17 AM »
"Wo bhi ek aam subah thi,
 Na jaane kyu? fhir bhi mujhko shuba thi?
 Fajr ki ibadat mein sajde par jhuka tha
 uthkar haath jab failaaya toh
 aaj bhi dil mein bas wohi dua thi"
Usual Smile"

Subah kitna waqt hua tha is baat ka mujhe andaaza nahi par jab neend ki aagosh se jaaga toh kamre mein halka halka neemandhera ab bhi chaaya sa tha...neend tutne ki wajah ilaake ke masjid se aa rahi azaan thi....fajr ki namaaz aur din ka pehla ibadat ka waqt ho chala tha....main bistar se uthkar haapi chodhte huye khidki khola toh bahar ki thandi hawa ka jhonka jaise mere chehre par pada....

wuzu karke kapre badalte huye main sidha janamaaz bichaaye uspar khada hua niyat baandhte huye kalma padhte huye main sajde mein jhuk gaya...har subah uthkar apni fajr namaaz padha karta tha....jab subah ki roshni ab bhi na nikali hoti thi....jab dua padhkar namaz se faarig hua....toh fauran apne chote se kitchen mein aakar chai ka patila chulhe par chadhaaya paani aur patti dono daalkar uske ubaal ka intejaar kiya fhir usmein apne laayak chai banaane ke liye doodh daala aur fhir shakkar...

kuch dair baad aasman dheere dheere roshan hone laga main garam garam chai ka pyaali haath mein liye khidki pe baithkar peene laga....aaj bhi wohi subah thi wohi aam din ki shuruwaat na jaane kab se yun akela roz aisi hi fajr ki waqt mein uthkar namaaz padhkar bas khud ke liye chai banaate huye tayyar ho jata tha apni rozi ke kaam par nikalne ke liye...

is sheher mein aaye mujhe kayi mahine ho chale they.....ek baar kamre ke diwaar par tangi apne parivar ki tasveer par nazar uthi....shayad wo ab bhi so rahe honge apne desh mein....bahut waqt ho gaya tha unse dur huye...lekin na jaane kyu dil mein aaj ki subah kuch shuba (doubt) mein thi? aisa lagta tha jaise aaj ka din hamesha ki din ki tarah nahi hai na jaane kyu? main jawaab dhudhne mein khud mein itna ulajh gaya ki kab suraj ki tej roshni mere chehre pe aakar padi mujhe maalum hi nahi hua...

main hadbadaate huye khaali cup ko kitchen mein laakar rakhte huye fauran nashta tayyar karne laga aaj lunch nahi tayyar karunga bahut waqt ho jaata hai aur cab service waale paisa kaant lete hai....ji haan khuda ke fazal se mere paas khud ki taxi thi jo ki main ek online cab service ke liye kaam par lagaaya hua tha....aajkal daur badal chuka tha log ab peeli taxi ya sheher ke 1000rs se shuru hone waale fair private cab ke mohtaj nahi they ab ola uber se aasani se log ghar baithe bina phone calling kiye minuto mein bookings kar lete hai...

mera schedule tha subah 7:30 tak ghar se rawana ho jaana....berehaal maine jaise nashta hadbadaake kiya aur tayyar hokar ghar se niklaa....taxi pe sawaar hua aur fauran gully ka modh kaantte huye kuch hi seconda mein main road par taxi sidha chalaane laga....system on kar chuka tha main fhir apne kaam mein vyast ho gaya....

Dopahar kahi jaakar lunch mein 15 mins ka break liya....taxi ek masjid ke kinaare rok di....do passengers abtak sirf mile they.....jinhe unke manzil par chodh aaya tha....is desh mein aane ke baad se main yaha ke mahoul mein dhal gaya tha paanch waqti namazi ho gaya tha aur koi bhi namaaz nahi chodhta tha kabhi kabhi tight schedule ki wajah se passengers ko jaha chodhne jaata tha wohi kahi park mein ya kahi dur daraaz kisi khaali pak jagah par namaaz padh liya karta tha lekin kayi dafa padh nahi paata tha ya fhir namaaz qaza ho jaaya karti thi...

parivar waale mere naa hi sirf yaha aane ke iraade se khilaaf they balki mere peshe se bhi unko nafrat thi...unka ek hi zumla tha ki itna padh likhkar tujhe koi dhang ka kaam nahi mila wo bhi itne dusre desh jaakar....lekin mera bhi wohi kehna tha ki white collar aur corporate job ki izzatdaar seniors ke bejjati se acha ye aasan dhanda tha mera duniya ko dekhne ka nazariya badal chuka tha....kabhi ek waqt tha ki main masjid ki shakal bhi nahi dekhta tha aur naa namaz padhta tha main adharmi tha khuda par bharosa nahi tha mera.....par main kitna galat aur gunaahgaar tha main hi jaanta tha...

achanak fhir apni beeti baaton se udaas hokar jaaga gaadi park ki aur sanjog se paas ke is masjid ka maalumaat chala zuhar ka waqt tha aur mere paas 15 minute se kayi ek aad minute kam huya break.....main beparwaah se masjid mein daakhil hua wohi nal ke paas baithkar wudu banaaya aur khutba sunte huye topi pehnte huye majlis mein jaa baitha.....aaj din mujhpar meherbaan tha aisa kabhi hi hota aaya hai ki ek waqt mein namaz padhne ka muqarrar masjid aur lunch break mil jaaye....

ibadat se faarig hokar jab main bahar lauta to apna silent phone dekha uspe kayi unknown passengers ke number flash huye they.....yakeenan meri kamaai to gayi lekin meri namaaz puri adaa thi is baat se mujhe koi farq nahi padta tha...

main paas ke thele waale ke paas khada hoke kuch kharidkar oose hi khaane laga yahi mera lunch tha kabhi kabhi to dopahar ka khaana naseeb hi nahi hita tha...aisi hi kuch naukri hoti hai taxiwaalo ki...itne mein faarig hokar main gaadi ke taraf badh hi raha tha ki itne mein passenger request maine fauran oose accept kar liya...kuch kadam aur chala to sidha phone call aaya

"hello?".....maine sawaali nigaho se beparwa hokar gaadi mein sawaar hua

"hello"......wo awaz kisi ladki ki thi mere liye aam baat thi koi lady passenger milane waali thi

"haan ji aapka location kya hai?"

"ji shahjalaal airport"

"great umm to theek hai main 10 min mein pahuchta hoo aap medical college ke paas hai na?".....maine location ki taraf screen par dekhte huye kaha

"ji bus stand ke kareeb okay pls jaldi aaiyega cancel mat kijiyega"

"koi baat nahi main pahuchta hoo aap wohi rahiye".....maine phone bagal waali seat pe rakha aur taxi start ki

main fhir main road par tha medical college masjid se mehez 15 min ke faasle par tha par raasta bhaari bheedh se tha main sochne laga shayad main waqt pe na pahucha to wo lady passenger bhi cancel kar degi....khair khuda ke ghar se nikla tha aafat kya rukawat banta....turant green signal huyi aur main fhir taxi chalaane lagaa....lekin jab medical college ke paas pahucha to waha ke bus stand par ikka dukka log they par unmein koi meri waali lady passenger to maalum nahi hoti thi...

Maine taxi side lagayi aur band karte huye apne passenger ka wait karne laga ho sakta hai aas paas hi kahi ho...kuch dair intezaar ke baad lagne laga ki lagta hai shayad usne ride cancel kar diya....aksar aisa hota bhi hai khair maine phone par check kiya to ride cancel nahi huyi thi...5 min aur guzar gaye dil mein aaya naa ab main hi cancel kar deta hun par naa jaane kyu? mujhe gawara nahi hua usne mujhse request kiya tha na cancel karne ka wo cab ki imdaad mein thi aise mein mera cancel kar dena oose airport hi jaana hai intezar mein hogi warna uski flight miss ho jaayegi...

achanak soch hi raha tha ki itne mein phone baja....wohi number flash ho raha tha....turant receive karte huye wohi awaaz mere kaano mein padi,
Logged
ASIF
Shayarana Mizaaj
**

Rau: 0
Offline Offline

Waqt Bitaya:
8 hours and 24 minutes.
Posts: 84
Member Since: Feb 2021


View Profile
«Reply #2 on: August 24, 2021, 09:51:20 AM »
"hello? ji kahan tak pahuche aap?".......yakeenan wo intezar hi kar rahi thi aur mere call back ke shayad intezar mein thi

"ji main medical college ke saamne khada hun aap to kahi nazar nahi aa rahi".......maine sawaal karte huye medical college aur fhir ek baar sarsari nigaaho se charo taraf raaste par dekha

"darasal main saamne khadi hun bus stand par ek baar gaur kijiye"

lekin wo meri nigaaho mein nahi aayi achanak meri nazar opposite direction ki taraf huyi bus stand par waha kuch log khade they aur theek unke kinaare ek ladki bhi khadi thi usne jeans aur upar kameez kaale rang ka jispar koi chamkila designing dress pehen rakha tha chehre par gulaabi dupatta se usne naqaab kar rakha tha jisse uski nigaahe sirf dekhi jaa sakti thi phone cut ho chuka tha lekin baar baar meri nigaah oosi par ho rahi thi achanak maine paaya wo bus stand par chadhte huye apna luggage theek kar rahi thi...

"ye wohi thi"......dil ne ek hi baar mein keh daala....main gaadi se utara aur bheedh bhare gaadiyo ki aawajaahi ke khaali hote huye sidha raasta paar kiya aur us taraf ke bus stand par pahucha achanak uski nigaah mujhse mili

"ji aapne cab ride book kiya tha airport ke liye"

mere kehne ki dairi thi uske jaise jaan mein jaan aayi...."jjii ji aap hi ka intezaar kar rahi thi sorry wo bag bhaari tha isliye road cross nahi kar paayi aapko mei wajah se opposite taraf aana pada"

"arre koi baat nahi ye to hamara kaam hai aap fikar mat kijiye luggage dijiye"....maine uska bhaari luggage utha liya wo mere piche piche road cross karne lagi

achanak itne mein uska koi call aaya bengali mein wo bat karne lag gayi ki mujhe cab mil gaya hai aur ab main pahuch jaungi....kyunki dhaka muslim desh ka sheher hai to aam si baat thi ki yaha ladkiya parda karne waali zyada hoti hai isliye mere liye usko na pehchaan paana aam baat tha...khair main gaadi ke paas aaya usne sambhalte huye mere saath road cross kiya

"dhaka sheher ka traffic allah bachaaye".....maine mazaak bhare lehze se kaha wo hass padi

maine gaadi ka piche ka gate khol diya wo baith gayi...fhir piche dikki ke paas aate huye uska luggage dikki kholkar usmein rakhke band kar diya...waapis modh kaantte huye gaadi mein baitha aur tatkal sidha sadak ki taraf dauda di...

"actual mein mera phone dead ho gaya hai aap pls otp number entry kar dijiye".....uske bataaye maine otp enter kar diya....naam mention hua mrs.ahmed

"acha hua ki aapne bataa diya warna agar phone pehle hi dead ho jaata to fhir na main aapko dhundh paata aur mazburan ride cancel ho jaati".....main drive karte huye usse kaha

"ji allah ka shukar hai asal mein yaha main mausi ke yaha ruki thi warna mujhe yaha se airport ke liye cab leni nahi padti"

"oh acha acha to aap dhaka sheher mein nahi rehti?"......maine sawaal kiya

"nahi yahi rehti thi par sasural waale apne hometown ki taraf bas gaye hai to ab wohi rehna padega"......kehte kehte wo chup ho gayi

fhir hamare beech koi baat nahi huyi hota hai aksar passengers khaas karke akeli aurat kisi anjaan driver se yun khulke baat nahi karne lagti....muje aadat thi isliye main chupchap bas saamne raaste ki taraf dekhte huye drive karta raha...

achanak kuch dair baad usne sawaal kiya "yaha se airport kitna dur hai?".....mera dhyaan tuta

"yahi koi 1 ghanta lagega kyunki aaj week day hai aur aap to janti hai achi khaasi logo ki aavajaahi hoti hai par fikar mat kijiye time se pahuch jaoge"......maine muskurakar kaha

fhir khaamoshi yakeenan aaj bheedh bahut zyada thi baar baar red signal mein gaadi fass rahi thi ya to jam mein....1 ghante se yakeenan zyada lagne waala tha maine upar ke view mirror se dekha toh wo phone ko chaalu karne mein vyast thi par uske on na hone se aaziz ho chuki thi oose shayad phone karna tha...bahar raaste ki bheedh aur jam ko dekhkar oose bhi lagne laga ki dair ho jayegi....

"ummm agar aapko family mein baat karna hai toh main apna phone de sakta hun?"

"ji parr!".....oose thodi hichkichahat huyi par zariya na paakar usne mere haath se phone le liya

fhir traffic khul gaya gaadi dobara chalaane laga....usne tabtalak call shayad apne husband ko lagaaya tha..

"haan diggy yaa main taxi pakad li hoo haan thoda late ho jayega okay kya tum pahuch bhi gaye mujhe chodhkar aati hoo fhir bataati hoo nahi nahi cab waale bhaiya ne diya phone unhi ka number hai jaano mera phone to dead ho gaya kya? i did a great job tehro tum zara acha okay bye love you".....wo hasskar nokjhok bhari baatein kehkar apne shouhar se phone kaant chuki thi

usne phone mujhe waapis kiya maine haath badhaakar piche se phone uske haatho se le liya uski ungliya mujhe apne haatho ko touch huyi......

"hahaha lagta hai aap dono ekdusre mein bahut mazaak masti karte hai".....maine baat chedhi

"hahaha haan asal mein he is very funny aur dekhiye mujhse pehle pahuch gaye airport koi baat nahi late hi sahi aaj unhein intezar karwa dungi"......usne hasste huye mazaakiya lehze mein kaha main bhi hass pada

"acha hai ki aap dono mein itna bondness hai warna bahut se couples dekhe hai maine har waqt jhagadna larrna aur ekdusre se duri banake rehna without love there is no relationship even if that's married one"

shayad jajzaati mein main kuch zyada keh baitha mujhe galat laga to main khaamosh ho gaya....
"i m sorry maine kuch zyada keh diya ho to"......maine maanfi mangaa

"arre nahi nahi aapne kuch galat nahi kaha asal mein humari love mariage hi huyi thi".....usne sharmaaya main muskurane laga

"shaadi ko kitne saal huye aapke?".....maine steering baayi taraf ghumaate huye mod kaantte huye pucha

"yahi koi 7 saal"

"waah maashallah toh aap yahi se hai dhaka se?"

"ji nahi tangail se"

us baat ko sunkar mere zehan mein meri oos mohabbat ka aks ubhara jise main aajtak nahi bhul paaya tha wo bhi to wohi se thi fhir uske baat ne mera dhyaan toda

"aur ye they narayanganj se"

"acha acha to aapki flight wohi ki hai?"

"ji"

"hmmm".......main fhir chup ho gaya

"aap bhi shaadi shuda hai?"......ye uske taraf se pehla niji sawaal tha

"ji nahi i am bachelor"

"oh matlab abtak koi pasand nahi aayi ya socha nahi hai?"

"pasand to thi par kya kahein nahi mili isliye soch liya ki bas aise hi reh jaaye"

"kisi ek ke liye baithe rhna kahan ki samajhdaari allah ne koi na koi joda muqarrar kiya hoga aap talasho mil jayegi"

"asal mein main kisi ki zindagi barbaad nahi karna chahta aap mujhe family ki tarah lagti hai to aapko batata hun safar bhi kant jayega aur mera dil bhi halka ho jayega asal mein mujhe jo pasand thi wo mere naseeb mein nahi thi aur kisi aur mein oose taalashna bewakufi hai pyaar ek se kiya jaata hai hazaar se nahi jab main wo khushi oosmein dhundh nahi paunga to kaisi shaadi aur kaisa rishta mujhse nahi ho paayega"

main udaasi se khaamosh hokar fhir saamne raste ki taraf muttawaja hua....."i m sorry ki meri wajah se aapko taqleef huyi"......maine oose maanfi maangte suna

"arre nahi nahi it's alright aapko kya maalum tha? aur ismein mujhe bura lagne ki to koi baat hi nahi hoti anyway"

"aap kahan se hai?"

"main?"...... wo anjaan passenger thi kya oosse keh paata ki main kahan se tha fhir bhi wo 1 ghante ki mehmaan thi uske baad ooska mere se kya raabta rehna tha isliye oosse kuch chupaana mere dil ko nagawar na guzara

"actual mein main west bengal se hoo india se"

"aap indian hokar yaha par reh rahe ho?".....oose hairaani huyi jab maine oose bataana shuru kiya

"ji darasal yahi koi 4-5 saal pehle ki baat hain main apne ghar ka iklauta beta hoo mere maa baba wohi hindustan mein rehte hai main bachpan se bahut gareebi uthaaya hoo haalaki mere baba acche position pe job karte they lekin main unki tarah nahi hua....ghar ke haalat bhi naukri baar baar chutt jaane se bigad jaaya karte they humhe financial bahut problem uthaani padi tann pe acha kapra nahi hota tha hamare har koi humhe hinastaayi (bad view) nazaro se dekhta tha...hometown ki karz aur gareebi se tang aakar mere parivar waale delhi aa gaye jaha main palha bada bachpan se akela raha tha koi dost nahi tha aur jo bane bhi wo dushman jaise they jalan mazaak udaana hurt karna yahi unko aata tha i was a bit introvert main akele rehne lag gaya mera bachpan bahut kharab guzara school life to dozakh thi main to ab jaake khush hoo ki main un sab wahiyat dino se alag hua jaha na koi dost na koi dushman aur even na koi parivaar"

"parivaar? aakhir unse kya shikayat?"......usne sunte huye beech mein tokte huye pucha

"bahut ki mujhe paida kyu kiya? jab paal nahi sakte they wo mujhe samajhte nahi they aur agar samajh bhi jate to kya khwahish puri kar dete bolo zara...wo bechaare to khud besahara they koi madad nahi kiya hamara fhir bhi galti mere baba ki thi jinhone jabardasti meri maa se niqaah kiya aur unki zindagi barbaad ki lekin barbaad to maa ne khud apni zindagi bhi ki thi khair wo juda maamla bas unhi ki nafrat mein meri paidaishi huyi jaanti ho mujhe sab se zyada kisne samjha meri nani ne jo aaj is duniya mein nahi hai"

uske chehre pe dukh ke bhaav they......maine aage kehna shuru kiya......"tum soch rahi hogi ki main yaha ekdum se kaise aaya itna padh likhkar ye cab service ki naukri kyu kar raha hoo? jabki aap jaanti hai ki yaha is naukri ko sabse niche aude ka maana jaata hai yaha par usne koi jawaab nahi diya yakeenan sach tha

"mazburi bhi aur marzi bhi oosi 4-5 saal pehle ki baat hai main adharmi ho chuka tha sidhe munh kisi se baat nahi karta maa baba ki izzat nahi allah ki ibadat nahi karta tha unhe hi apne haalat ka kasurwaar tehraata tha oosi dauran internet par ek ladki mili bahut khubsurat maine uski tasveer download kar li aur fhir oosse apni maa aur jannewaale rishtedar mein mazaak karne laga ki ise main chahta hoo aur isi se shaadi karunga meri pehli pasand ko dekhkar sab hairat mein aa gaye mujhe bahut acha laga par kisko pata tha? ki mera ye mazaak mujhe sach mein dubo dega....dheere dheere oose dekhne ki aadat si ho gayi aur fhir ekdin oos gumnaam chehre se ektarfa mohabbat kar baitha bas wohi gunaah-e-azeem ho gaya mujhse mere zindagi mein manhusiyat ka pehra baithne laga pehle main depression mein aaya aur fhir ghar ki stithi bigadi....bahut koshish kiya oosse khud ko alag karne ka par nahi kar paaya bas oose talash karne laga aur lagbhag 3 saal mein mujhe itna hi malum chala ki wo bangladesh tangail se thi model reh chuki thi...pehle se shaadi shuda thi uski ek behan thi maa thi aur uska ek shouhar tha jo bahut amir tha aur uske sang uski kayi tasveer thi fake id mein khair bahut messages kiye they oose lekin usne ek baar bhi nahi padha ignore karne laga aur agar zyada puchta to yakeenan block kar deta aur naa hi us ladki ki behan ne mere msgs ko check kiya.....main bahut zyada taqleef mein aa gaya oose na paane ki lakeer jab apne taqder mein dekhi to dil tut gaya"

"us ladki ka kya? uski id"......usne sawaal kiya

"nahi mili uski koi id nahi thi aur jo thi bhi wo delete kar di gayi thi uske naam par bahut id bani huyi thi chunki wo khubsurat thi khair ab to maine oose dhundhna bhi band kar diya hai jo taqdeer mein nahi oose kya dhundhna?".....red signal aate hi maine gaadi rokte huye steering pe haath rakhte huye piche ki aad li aankhe mund li ek pal ko usne mere nazaro mein aansu ghulte paaya


"uske baad main sadme mein aa gaya gharwaale pareshan hone lag gaye unke aapsi jhagado ko dekhkar aur main chidhne laga aur ekdin gusse mein aakar yaha aane ka faisla kiya koi kaam nahi mil raha tha berozgaari alag tension de rahi thi maine gaadi chalaane ka faisla kiya aur isi line mein aa gaya yaha mere jannewaale rishtedaar hai par main gumnaam hoo unhe mere yaha hone ka malumaat nahi aur main ab kisi se milana bhi nahi chahta yaha aane ke baad mujhe apni galti ka ahesaas hua yakeenan ye azmaish thi ye duniya kya hai 4 din ki azmaish khuda ki taraf se jise hum insaano ko samajhna behad zaruri hai bas fhir kya tha? maine allah par imaan laate huye paancho waqt ki namaz roza rakhne laga masjid jaane laga aur mujhe ahesaas hua ki main kitne bade gunaah se bach gaya ab mujhe koi dukh nahi kyunki mujhe aakhirat par yakeen hai haan ek baat khalti hai ki mere maa baba yaha nahi aana chahte aur oos ladki ko ek baar bhi main dekh na sakaa ki wo kaisi hai? yakeenan achi mein hogi khush hogi aur daulatmand bhi khair jaane do kya faraq padta hai?"

Baat khatam karte huye maine gaadi ko thoda speed mein main road par daudaaya.....bas 10 min bache they pahuchne mein airport...itne mein usne kaha

"Zaruri nahi ki aapki aukwad nahi thi ya aap oosse dur they to wo aapke naseeb mein nahi thi ye rishta khuda taala banaate hai ho sakta hai uska aapke naseeb mein na hona koi wajah thi jaisa aapne kaha main bhi oosi aazmaish se sehmat hoo mere waalid nahi hai main bhi zyada amir nahi thi par naseeb mein jo likha tha wohi hua kitne hi mushkilo mein main fassi thi agar wo naa hote to mujhe koi dhang ka sahara nahi milta that's why i really love him khair aaj meeting mein fass gaye warna mujhe yun akela aane nahi dete"

"khushnaseeb hai aap allah kare aapki ye jodi aakhirat tak salamat rahe"....maine palatkar osse muskurakar jawab diya usne haami bhara

"main bhi dua karungi ki aapki family aapko samajh jaaye aur aapko is gam se nijaat mile".......usne meri taraf dekhte huye kaha

achanak phone baj utha....number kisi unknown ka tha maine oose ek baar dikhaaya...."haan unhi ka hai"......kehkar usne mere haath se phone lete huye receive kiya

"haan bas pahuchne waale hai acha okay"........kehkar usne phone kaantte huye mujhe diya

"bas kuch dair mein hum airport checking se guzarne waale hai".......mera dhyaan fhir raaste ki taraf hua
Logged
ASIF
Shayarana Mizaaj
**

Rau: 0
Offline Offline

Waqt Bitaya:
8 hours and 24 minutes.
Posts: 84
Member Since: Feb 2021


View Profile
«Reply #3 on: August 24, 2021, 09:52:57 AM »
is beech hamare beech koi baat nahi huyi......"accha naam kya tha uska?".......usne toka maine gaadi chalaate huye oose naam bataaya

"arnisha arnisha ahmed"........sunkar wo khaamosh ho gayi

"husband ka naam digonto ahmed".......maine fhir bataaya

uske baad meri oospar nigaah nahi huyi itne mein usne mujhse uski tasveer dekhni chahi.....maine phone bina uski taraf dekhe oos pakada diya....gallery mein uski tasveer hai aap dekh lijiye"......maine gaadi chalaate huye saamne check post ki taraf dekhte huye kaha

uske baad gaadi ruki checking hua us ladki se policewaalo ne ticket dikhaane kaha uske baad wo bina kuch kahein raaste se muana karke hat gaye...maine gaadi start ki kuch dair mein hum airport ke saamne aa daakhil huye gaadi park karte huye....maine seatbelt kholkar uski taraf dekha wo purse se paise nikaal rahi thi....maine oose fare bataaya...usne paisa adaa kiye

"chaliye aapke husband intezar mein honge main luggage nikaal deta hoo".....usne muskurakar phone mujhe de diya maine phone seat par chodhte huye uske saath gaadi se bahar aaya

passengers ki aawajaahi thi terminal gate no.3 ke saamne hum khade they...maine furati se dikki kholkar luggage bahar nikaala aur oose zameen pe kinaare rakh diya dikki band karte huye main ek baar us ladki ke rubaru hua...."yaha zyada dair parking manaahi hai toh chaliye main fhir chalta hun"

"dekhiye apna khyaal rakhiyega aur dil mein koi gila nahi rakhiyega allah hum sabke gunaah maaf kare wo aapko zarur aapke savr aur naik aamal ke silhe acha azr zarur denge"

"thank u ji waaqayi aapse milkar khushi huyi hope ki dobara mile chaliye chalta hun".....itna kehkar main modh kaantte huye gaadi pe baith gaya wo tab bhi wohi khadi thi....maine phone ki taraf nigaah arnisha ki tasveer uspar ab bhi thi shayad unhone dekhkar oose hataya nahi tha.....maine palatkar piche ki seat par unka rumaal dekha......lagta hai hadbadahat mein wo bhul gayi thi...

jabtak main bahar aaya to oose dur kisi aadmi ke paas jaata dekha....us aadmi ne apna chashma utara aur apne tye aur suit ko theek karte huye oose muskurakar dekha.....dheere dheere uski shakal mujhe kuch jaani pehchaani si lgate huye bilkul waqif ho gayi...wo koi aur nahi digoni ahmed tha

aur wo ladki jo itni dair se mere saath piche baithi meri passenger thi wo koi aur nahi arnisha thi jiske dupatta apne chehre se hatte hi mere nazaro ne fauran oose pehchaan liya.....itne saal baad pehli dafa nazaro ke rubaru wo khadi thi haalaki wo khubsurati ab pehle jaisi nahi rahi thi par umar ke saath halki dhal si gayi thi....

"hey baby sorry tumko late hona pada kya hai na important meeting u know family waale sab jaa chuke lekin main nahi gaya keh diya main apni arnisha ko liye bagair nahi jaunga"......digonto uske gale se alag hote huye uske baazu ko thaamein bolne laga arnisha muskurayi

"nahi koi baat nahi aur tum mujhe lene nahi aa sakte they khair".......arnisha fhir kehkar uljhan mein khaamosh si ho gayi abhi kuch dair pehle jo driver oosse apni aap beeti sunaa raha tha wo uska hi ziqr kar raha tha wo bechara anjaan tha khud ko kasoorwaar mehsus kar rahi thi wo...kisi ki zindagi uske wajah se yun kharab ho jayegi ye kya usne socha tha? agar wo oose pehchaan leta to fhir kya hota? mann hi mann soch ki uljhan mein fassi arnisha nazarein jhukaaye huye thi

"arre my baby girl kya hua? what's wrong? is everything alright? chalo flight ke liye late ho jaayega?"........digonto ne soch mein dubi arnisha ka dhyaan toda

uske kandhe pe haath rakhkar digonto ne oose apne se sataaya...dono sang sang terminal gate ki taraf badhne lage ki itne mein piche se ek anchahi jaani pehchani awaz ne arnisha ka dhyaan kheecha wo ekdum sakte mein aa gayi ye to oosi driver ki awaz thi...

usne ghabraate huye piche palatkar dekha digonto bhi apni biwi ka naam sunkar piche palata.....arnisha chupchaap khaamoshi se saamne khade oos shaks ko dekhne lagi.....

main ab bhi wohi khada tha arnisha ne palatkar jab mujhe khada paaya to wo jaan gayi ki main oose pehchan chuka tha shayad isi liye maine awaaz di...uski ghabrahat bechaini mein tabdil ho gayi digonto ki mauzudgi ka ahesaas bhi tha wo chupchaap kabhi arnisha ko kabhi mujhe ghurr raha tha

main paas aaya to arnisha ko mere haatho mein apna rumaal dikhaa....."actually mam aap apna rumaal gaadi mein bhul gayi main bas nikalne hi wala tha ki nazar padi"

arnisha ne bina kuch kahein fiki muskurahat dekar dheere dheere apna haath aage badhaate huye mere haatho se oos rumaal ko thaam liya......wo mujhse nazar nahi milaa paa rahi thi par oose hairat thi ki maine oose pehchaankar bhi anjaan sa bana raha

"thanks for dropping my wife bhai and for this as well"......digonto ne hasskar kaha

"ye mera farz tha sir okay mam ijajat dijiye chalta hun and have a safe journey khuda hafiz".....maine hasskar unse kaha

digonto ne muskurakar fhir shukriya kiya main ulte kadam waapis unse dur jaane laga.... digonto us driver ko jaata dekh fhir arnisha ke rubaru hua arnisha is baar oose jaate huye dekh rahi thi..."kya hua? chale"......digonto ne dhyaan se todte huye arnisha ko kaha

"h..haan"

"kya baat hai badi khoyi si huyi ho aaj?"

"kuch nahi bas ek lambi kahani hai".....arnisha tab bhi oose jaate huye dekh rahi thi

"main sunna chahunga"....digonto ne nazakat se kaha

"chalo"....arnisha digonto ke baazuyo ko thaamein huye uske saath ulte kadam entrance gate ki taraf badh gayi ek baar usne palatkar aakhri baar oos ki taraf dekha

maine palatkar uski taraf dekha uski nazarein mujhse mili...wo apne husband ka baazu pakade entrance gate pe khadi thi...digonto documents dikhaane mein vyast tha....maine bas muskuraya aur haath dikhate huye oose alvida ka ishara kiya usne bhi muskuraaya uske nazaro mein mujhe zazbat dikhe...wo samajh chuki thi ki main waqif tha aur hota bhi kyu na jab wo gaadi mein baithi thi main tab hi uski nazaro se oose pehchan gaya mujhe ahesaas hua ki aaj ka din auro din ki tarah kyu nahi tha?.....dono entrance gate pass kar gaye...aur meri gaadi airport se nikal chuki thi......

"Aaj ki mulaqat ka
mujhko ahesaas kahan tha?
Jab oosse milaana allah ko
 Kyu na aasan tha?
Tab ahesaas aaya dil mein
kyu aaj ke din ko lekar mujhe shuba tha"


The end.....
Logged
ASIF
Shayarana Mizaaj
**

Rau: 0
Offline Offline

Waqt Bitaya:
8 hours and 24 minutes.
Posts: 84
Member Since: Feb 2021


View Profile
«Reply #4 on: October 06, 2021, 01:44:15 PM »
Kaisi lagi aapko meri ye kahani??kuch lines mein zarur byaan kijiyega kyunki dil ki gehraai se is kahani ko likha hoo aap sabse request hai ✍️
Logged
Pages: [1]
Print
Jump to:  


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
August 18, 2022, 02:31:28 AM

Login with username, password and session length
Recent Replies
[August 17, 2022, 02:18:55 AM]

[August 17, 2022, 02:12:26 AM]

[August 16, 2022, 10:13:36 AM]

[August 16, 2022, 08:48:33 AM]

[August 16, 2022, 08:47:54 AM]

[August 16, 2022, 02:28:36 AM]

[August 13, 2022, 02:26:53 AM]

[August 12, 2022, 11:08:20 AM]

[August 11, 2022, 06:51:51 AM]

[August 11, 2022, 03:10:42 AM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.167 seconds with 25 queries.
[x] Join now community of 8451 Real Poets and poetry admirer