aaj phir shaam say (by vb):Ghazals

Guest

Goonj uthaa hay meray dil main taraana us ka
Aaj phir sham say mausam hay divaana us ka

Hayay marmar say tarashi huvi baanhen us ki
Hayay wo zulf ko aariz pay jhukana us ka

Aanch deti thi usay meri nigaahon ki tapish
Or chehray ko hatheli say chhupana us ka

Aaj wo paas nahi hay tu mujhay yaad aaya
Haath pay likh k mera naam, mitaana us ka

Jhoot kehta hay mera tarz-e-takhatub lekin
Khaab ban ban k ubharta hay fasaana us ka

Jaan paaya na koi us ko faqat meray siva
Raaz ho koi, faqat mujh ko bataanaa us ka

Baat ik us ne kahi thi mujhay, jaatay jaatay
Kaamptay honton say zaahir tha bahaana us ka

Kon samjhaayay usay, wo jo karay, jaisa karay
Zaat bhi us ki, zameen us ki, zamaana us ka

Yaad aati hay jyun, seenay main chubha ho naavak
Bhool jaaun tu magar kaisay, bhulana us ka

Koi lehjay main tarap, ab na ayaan ho vb
Sher kehtay ho kaho, dil na dukhana us ka

*-----------------------------------------------------*


	Logged

Similar Poetry and Posts (Note: Find replies to above post after the related posts and poetry)
	phir shaam dhali phir raat hui by HumTum in Shayri-E-Dard
	Aaj Phir Woh Shaam Aai Hai ... by tamanna_me in Share Poetry You Like
	Subah Ki Phir Shaam (CSET) by MANOJ6568 in Shayri for Dard -e- Judai
	Phir wohi shaam by saahill in Ghazals
	shaam phir yaad teri by saahill in Ghazals

Advo.RavinderaRavi

Guest

Re: aaj phir shaam say (by vb)

«Reply #1 on: October 12, 2013, 12:19:47 AM »

Quote from: vb on October 11, 2013, 11:17:01 PM

Bahut Khoob.!!


	Logged

aqsh

Guest

Re: aaj phir shaam say (by vb)

«Reply #2 on: October 12, 2013, 12:24:13 PM »

waaaaah waah waah kya kehne VB ji.. behad khoob kalaam se nawaza hai aapne.. bahut hi pyaari peshkash.. is khoobsurat kalaam ke liye dheron dheron daaaaaaaaaad..


	Logged

sidra04

Guest

Re: aaj phir shaam say (by vb)

«Reply #3 on: October 12, 2013, 12:32:34 PM »

Hayay marmar say tarashi huvi baanhen us ki
Hayay wo zulf ko aariz pay jhukana us ka..

Aanch deti thi usay meri nigaahon ki tapish
Or chehray ko hatheli say chhupana us ka

waahhh behad khoobsurat sher hai.

Baat ik us ne kahi thi mujhay, jaatay jaatay
Kaamptay honton say zaahir tha bahaana us ka

waahhh again superbbb

Koi lehjay main tarap, ab na ayaan ho vb
Sher kehtay ho kaho, dil na dukhana us ka

bahot bahot bahoooot khoob... behad muqammal kalaam hai ye.. meri taraf se bahot duaaen aur mubarakbaad.. likhte rahiye

Sidra


	Logged

Shihab

Yoindian Shayar

Rau: 27

Offline

Gender: Male

Waqt Bitaya:
29 days, 2 hours and 38 minutes.

Maut To Ek Shuruaat Hai...

Posts: 2082
Member Since: Dec 2006

Re: aaj phir shaam say (by vb)

«Reply #4 on: October 12, 2013, 12:39:30 PM »

Aapki Ghazal Ne To Dil Ki Zameen Ko
Andar Tak Bheego Diya Sidha Dil Pe Lagi

Kon samjhaayay usay, wo jo karay, jaisa karay
Zaat bhi us ki, zameen us ki, zamaana us ka

Is Sher Ko Chhorhkar Baaki Sab Dilko
Bahut Hi Achcha Laga Bhai. Clapping Smiley

Shad o Aabaad Rahiye

Shihab


	Logged

sksaini4

Ustaad ae Shayari

Rau: 853

Offline

Gender: Male

Waqt Bitaya:
112 days, 8 hours and 51 minutes.
Posts: 36414
Member Since: Apr 2011

Re: aaj phir shaam say (by vb)

«Reply #5 on: October 12, 2013, 09:23:28 PM »

waah waah bahut khoob


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: aaj phir shaam say (by vb)

«Reply #6 on: October 13, 2013, 12:21:07 AM »


	Logged

Guest

Re: aaj phir shaam say (by vb)

«Reply #7 on: October 14, 2013, 02:48:45 PM »

Advo.RavinderaRa! shukirya aap ka

aqsh jee! buhat shukriya.. waqt denay and taareefi comments chhornay ka...

sidra04 jee! aap ka bhi shukriya k pasand kiya and wo sher aap ne filter kar diyay jo pasand aayay aap ko..

Shihab jee! buhat shukriya aap ka... aap ki saaf-goi ka bhe shukriya. Aap ki baat durust hay, ye sher Haqeeqi ka hay... yahan is ki jaga nahi... hum amooman nazam-goi ki koshish kartay hen.. ghazal hamari sar-zameen he nahi... aisay he khud ko kisi ro main beh jaanay say roktay roktay hum pata nahi kya kya fazooliyat likh gayay... taareefi kaleman ka shukriya...

sksaini4 jee! shukriya parnay aur pasand karnay ka..

~Hriday~ jee! aap ki taaliyon ki goonj ka shukriya... tareefi kalemaat na chhore kar aap ye ehsaan kar detay hen.. k hamen apni likhi fazooliyat ki tareefen sun kar sharmindagi nahi hoti...


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: aaj phir shaam say (by vb)