aa.g paanee meN laGaa lun toh chaluN
DaR.d koh dil meN baSaa lun toh chaluN
dil ke chehrey par hein gham kee silvaten
maslahat mein sab chuPaa lun toh chaluN..
ab kisee bhee mou.d per milnaa nahiN
roo.h aur dil koh bataa lun toh chaluN...
baa.t dil kee maa.n lee hy jub main ney....
hAq mohabbat kaa chuKaa lun toh chaluN
ab koyee waadaa waFaa karnaa na tum
sab Ahad dil se miTaa luN toh chaluN...
laf.z meiRey ghumzada reh jaayen geN...
aaKhRee khat bhee jaLaa lun toh chaluN
Laaibaa shah
Mohtarma laaiba sahiba! salam
buhat shandaar ghazal hay... is k radeef ne isay buhat khoobsurti bakhshi hay... hamaari taraf se bharpoor daad qabool kejay...
ek-do ash'aar se mutaliq kuch khayalaat hen so pesh hen, ummeed hay k waja-e-naaraazgi na banen gay...
..........
baa.t dil kee maa.n lee hy jub main ney....
hAq mohabbat kaa chuKaa lun toh chaluN
mandarja-baala sher k pehlay misra men "jub main ney (212)" ki "main (1)" ki adaaigi giraaN guzarti hay... aap chaahen tu isay "main ne jub (212)" bhi ker sakti hen..
..........
ab koyee waadaa waFaa karnaa na tum
sab Ahad dil se miTaa luN toh chaluN...
mandarja-bala sher k doosray misra men "Ahad" ka talaffuz aap ne durst nahi baandhaa hay... aap chaahen tu "sab ahad (221)" ko "Ahd sab (212)" ker sakti hen...
............
naacheez ki gustaakhi muaaf farmaiyay ga...
ghazal per aik baar phir bharpoor daad k saath
dua-go