ahad tera ustwaar nahiN hai

tere ahad par aitbaar bhi nahiN hai
ab shab-e-wisaal ka intazaar bhi nahiN hai

labon pe mera naam rakhti ho magar
tere is ishq meiN khumar bhi nahiN hai

shiddat-e-toofan-e-dasht ko ye dekho
hila na ik waraq, ghubaar bhi nahiN hai

kash ke karuN tere qasam par yaqeeN
qasam tera bekaar nahiN, ustwaar bhi nahiN hai

tere dashna-e-ghamza se qatl hote the ham bhi
ab tere husn-o-jamal ka koi shikaar bhi nahiN hai

tere bina ye zindagi guzaar rahe haiN hum bhi
aasaan to nahiN hai, magar dushwaar bhi nahiN hai

remzi