köï ÿääd hümäïñ ßhï kä®tä hö

Is ajnabi anjaan nagar main
is be raham weeran shahar main
jahan na apna hay na paraya koi
na saathi hay na sangi koi
in tanhayo'n kay dairay main
na umeedion kay ghairay main
aur gham kay ghor andhairay main
jab bhi aas ka dia bujhnay laga
aur umeed ka daman chutnay laga
to aisay main bas jugno hain kuch yaado'n kay
kuch beetay dino'n ki baato'n kay
yaadain kuch beeti baharon ki
kuch apno ki kuch pyaro'n ki
jo hum ko yaad dilati hain
jeenay ki aas dilati hain
kay shaid kisi ki baato'n main
aur shaid kisi ki aankho'n main
apni yaad ka deep bhi jalta ho
aur shaid kahin par door bohat
koi yaad humain bhi karta ho....!!!