Mat karo(personal)

Udasi k chehrey parha mat karo
Ghazal aansooon se likha mat karo
beherhaal ye aag hi aag hein
charaghon ko aisey choa mat karo

Dua,aansooon mein khila phool hai
kisi k liye baddua mat karo

Tumhein log kehney lagein bewafa
zamaney se itni wafa mat karo

agar waqai tum pareshan ho
kisi or se tazkira mat karo

Khuda k liye chandni raat mein
akeley akeley phira mat karo