Qatl sey, khoon eik boond bhi naheen niklaa!

'Aaj fir, jaam sey, maykhwaar ney madad lee hai!
 Un key aaney ki khabar sey, yeh fazaa badlee hai!!

 Qatl sey, khoon eik boond bhi naheen niklaa:
 Apney saiyaad sey, meiney abhi sanad lee hai!

 Yeh hai aab-e-hayaat: pyaas raheigee kaisey?
 Woh bhi, bey-bas ho, khaaksaar ney naqad lee hai!

 Koyee batlaaye, bhalaa, kyaa gunaah hai is mein?
 Chand qatroun mein, sarey aam, naamzad lee hai!

 Hosh mein hoon! magar, jahaan ko huaa hai kyaa?
 Durd, gulcheen sey, mahaz ghoont ik adad lee hai!

 Meyrey saaqee ney to, khum rakh diye hain peeney ko:
 Meiney chushkee hi, numoodaar neem-qad lee hai!

 Khaak hi khaak hai har simt; yahaan kuchh bhi naheen!
 Kyaa haqeeqat, nirey pyaaloun ki, kabhi badlee hai?

 Mujh ko jaanaa hai wahaan: kooch ki hai taiyaaree;
 Kyoun abhi tak naheen tooney, 'abd', rasad lee hai?'

                                        - abd bundeli