અહીં, દિવસો વીતી જાય છે......

અહીં, દિવસો વીતી જાય છે......

અહીં, દિવસો વીતી જાય છે, ને સમય પણ વહી જાય છે
હથેળી માંથી રેતી ની જેમ બધું સરકી જાય છે

અહીં, માણસ મટી ગયો માનવીમાંથી ને એની માણસાઈ પણ ભૂલાઈ છે
અહીં, ભાગતી-દોડતી "લાઈફ" ની વચ્ચે ક્યાંક "જિંદગી" રોકાઈ છે

અહીં, સંબંધો પણ ક્યાં હુષ્ટપુષ્ટ દેખાય છે
એ તો સ્વાર્થ ના "વેન્ટીલેટર" પર જીવન જોલા ખાય છે

અહીં, નકદ નારાયણ ની જય જય કાર છે
બાકી તો અહીં સ્વયમ નારાયણ ની પણ શું વિસાત છે

અહીં, પૈસાથી તોલાય છે માનવી ને પૈસાથી જ તો મુલાય છે
અહીં, સારા સંસ્કારો નું ક્યાં કોઈ ને કામ છે?

અહીં,સિધ્ધાંતો પર ચાલતા માણસો ની ભારે તંગી વર્તાય છે
અને તક સાધુ ઓ ને ભ્રષ્ટાચારીઓ થી આ દુનિયા આખી ઉભરાય છે

અહીં, નાની અમથી વાતો માં લોકો ના કાસળ કઢાય છે
અરે અહીં તો દુકાનો માં પણ માણસ મોંઘવારી ની ધારે કપાય છે

અહીં ગાંધી ના ગુજરાત ના નામે ઘણા કાળા ધંધા થાય છે
અહીં, પોલીસ સ્ટેશન ની સામે જ તો દારૂ વેચાય છે

અહીં, માણસ મટી ગયો માનવીમાંથી ને એની માણસાઈ પણ ભૂલાઈ છે
અહીં, ભાગતી-દોડતી "લાઈફ" ની વચ્ચે ક્યાંક "જિંદગી" રોકાઈ છે

-હાર્દિક ઓઝા નો વ્યર્થ પ્રયત્ન-

good going.