ક્યાં સુધી ....

    પ્યાસ હોઠે,આંખમાં જળ ક્યાં સુધી
    લાગણી નું આ કહો છળ ક્યાં સુધી

    ઝીલવા ધરતી ન તત્પર હોય તો
    આભથી વરસે આ વાદળ ક્યાં સુધી

    કોઈ તો આજે પિવાડો જળ મને
    પી શકું હું માત્ર મૃગજળ ક્યાં સુધી

    માત્ર આપી એક પળ મળવા તમે
    ને અમે લંબાવીએ પળ ક્યાં સુધી

    શબ્દ આવી સામટા હલ્લો કરે
    મૌન આ રહેશે અવિચળ ક્યાં સુધી

If you want to read more of my work, please visit http://poetrybypilakmehta.webs.com

Thank you!