Parchai ke piche (horror story)

by asif biswas on October 23, 2018, 05:51:06 PM
Pages: [1]
Print
Author  (Read 2963 times)
asif biswas
Guest
Koi bhi ghatna jo charchit ho jati hai jis ghatna ko log kalam ki syaahi se likh dete hai wo ghatna ghatna nahi daastan ban jaati hai....lekin aise na jaane kitne saikdo ghatnaaye hamare roz marha ki zindagi mein hote hai jinpe hum koi khaas tawajjoh nhai dete aur kuch aisi bhi ghatna ho jati hai jo hamare dilo dimaag se utarta nahi...aur jab wohi ghatna hum kisi ko sunaate hai ya kisi madhyam se oonhein logo tak pahuchaate hai to wo ghatna sacchi daastan ka roop le leti hai....

main aapka aashif aapka purana writer rubaru kar raha hoo aapko apni ek nayi horror kahani ke saath is kahani ka naam maine rakha hai "parchai ke piche" aur iski asal rachna jinhone ki hai oonhone mujhe inki mehez ghatna sunaai hai....haalaki daastan mehez ghatna se hi nahi bante hum apne dimaag ki kalpanik cheezo ko jab likhte hai to wo ek fictional story ban jati hai....lekin jab ghatna ko kissa banaya jaaye tab zaahiri taur par hum oose ek sacchi daastan hi kahenge Winking kabhi kabhi yahi ghatna ka jab koi gawaah oose batane wala logo tak nahi pahuch paata to kabhi kabhi aisi kayi ghatnaaye hoti hai jo aafrupi taur par logo ke saamne pesh ho jati hai aur wo ek daastan ban jaati hai....


Apni past horror stories aapka chahtita writer asif waapis lauta hai apne  aseem kamyabi aur aapke prashansa ki prerna se mazbur hokar :D aapka ye writer fhir lauta hai is baar ek ghatna ki daastan sunaane....to chaliye is kahani ko shuru karte hai aur shuru karne se pehle main ye keh doo ki ye ghatna meri khud ki nahi hai mere sage ki di huyi hai jinka request tha mujhse ki main ye kahani ke roop mein aapke saamne pesh karu yun keh lijiye ki oonki batayi ye kahani hai...toh padhiye meri daastan "Parchai Ke Piche"....This story is a fictional story any characters places events whatever written is written by the pure fantasy mind of mine so don't copy it...keep enjoy

X--------------------X---------------------X-----------------------------


Arifin ek 22 saal ka naujawan ladka tha....jo haal hi mein apni graduation puri karke farig hua tha...ooske ghar mein ooski ek bari didi thi jiska naam sonal tha....jo oose ooske maa-baap se bhi zyada pyaar karti thi aur ooski care karti thi...arifin bhi apni behan sonal se kuch bhi nahi chupata tha chahe wo maa-baap se liye pocket money ho ya koi bhi kaam jo oosne kisi ko bataya na ho wo apni behan sonal se kuch nahi chupata tha....

sonal ko yakeen tha ki ooska bhai bahut hi naik aur bahut hi oosse mohabbat karta hai bhai-behan ke is pyaar ki baatein maa-baap se bhi na chupi thi dono ke atut bandhan ko dekhkar oonhein bhi accha lagta tha....arifin ka koi dost nahi tha na college mein aur na hi school mein kabhi raha....lekin jabse wo ghar mein baitha tha toh oosmein kuch azeeb badlaav se aa gaye they...wo laptop par pure pure din na jaane kya karta rehta tha? lekin behan sonal jaanti thi ki ooska bhai koi bhi galat rasta kabhi ikhtiyar nahi kar sakta ye baat bhi sach thi....

lekin dheere dheere sonal ko ye ahesas nahi hua ki arifin kis situation ko face kar raha tha...aajkal wo gum gum sa tha chup chup sa kuch dino se rehne laga tha sonal ne kayi baar oose kohni maarke pucha bhi lekin oosne khaas koi baat khulkar na kahi....dheere dheere sonal ab band kamre mein laite laptop ke sath arifin ki jasoosi karne lagi....

lekin jab bhi wo aisa kuch karne ki koshish karti ya toh arifin oose dekh leta ya fhir wo chaukanna ho jata laptop band kar deta to kabhi behan pe aaziz aake jaise baras padta ki tum mere kamre mein? kyu jhaanka taaki kar rahi thi ? kya mere laptop ke sath kar rahi thi?

sonal oose sambhal to leti lekin arifin se dil ki baat wo nikaal nahi paa rahi thi oose laga shayad kahi arifin kisi ladki ko chahne to nahi laga....shayad ooski ye baat sau aane sach hoti kyunki umar kuch waisi thi aur sonal padhi likhi samajhdar ladki thi social networking sites ki baatein wo bakhubi jaanti thi na jaane kitni baar oosne aise kayi kayi dosti chat ke kisso ko crime story mein bante huye dekha tha kya malum ? kahi wo koi online girl to nahi jo ooske bhai ko apni taraf kheech rahi ho? ya fhir wo kahi kisi galat addiction ka to shikar nahi ho raha din pe din arifin ka chidchidapan aur pareshan udaas chehra raunak aur hardum muskan bhare chehre ko badal chuka tha....wo pehle jaisa nahi raha tha...

sonal ko ooski fikar hone lagi aur ek din ooski maa ne bhi oose tok diya...."sonal beta main kuch din se dekh rahi hoo arifin kuch badla badla sa ho gaya hai kaafi pareshan rehta hai akela ladka na koi dost aisi kya baat ho gayi jo wo itna pareshan rehta hai tu toh shaam ko apne call centre se aati hai aur pure din wo apne kamre mein band rehta hai na jane laptop pe kya karta rehta hai? mujhe to darr lagta hai"

"arre maa tum kyu chinta karti ho? apna arifin aisa waisa ladka nahi hai zaahir hai pareshan hai career ko leke hi hoga jo ladka apne pure college life mein kisi ladki ke sath ghuma fhiri nahi kiya hamesha padhai karta raha aur apne mein hi magan raha aisa ladke ke zindagi mein kisi ladki ka hona toh muskil hai aap bewajah arifin pe shaq kar rahi hai"

"beta jitni tu meri ikaluti beti hai wo bhi mera iklauta beta hai aur har maa ke dil mein hamesha aise khauff lage rehte hai tu oosse baat kar oose samjha agar aisa kuch hai bhi to aise chakkaro mein na pade aajkal ki ladkiya uff"..........kehte kehte maa chali to gayi lekin sonal kitna apni maa ko samjhati

arifin ki chinta to oose bhi ho rahi thi....lekin shayad oose arifin se kisi kisam ka andesha shayad hi milanewala hoga ye sochkar wo fhir apne apne zindagiyo mein jaise busy ho gaye...is beech kareeb 2 din baad ek subah sonal ke paas subah subah arifin nashte ke liye uthkar baitha tha....is waqt arifin soya rehta hai kyunki puri dair raat wo laptop par apne kamre mein baitha oose milata raha hai par aaj itni subah ooski neend kaise khul gayi?

"good morning di"...........arifin ke chehre pe khushi dekh aur ooska chehekta chehra dekh sonal ko behad hairani huyi aur khushi bhi....

arifin apni behan se gale lagkar ooske sath waale chair pe baith gaya....maa ne bete se pucha ki itni subah tu kaise utha? to oosne jawab aise lehze mein diya jaise kitna samjhdar suljha shaks keh raha ho "arre maa kya har insan ke zindagi mein nayi subah nahi hoti? kya mujhe soye rehna chahiye sote wo hai jo sapne dekhte hai aur main sapne nahi haqeeqat dekhna chahta hoo"

is baat ko sun jaise sonal bhi arifin ki taraf mutassir ho gayi...oose badi hairangi huyi ki jo itne dino se band kamre mein laptop par laga rehta tha ooska chidhidapan ooska pareshan udaas chehra kaise itne jaldi gaayab ho gaya...jo bhi ho oose khushi thi lekin jaan to wo nahi sakti thi..ki ooska bhai kisi matter mein toh nahi fasa tha...

nashta farig hone ke baad sonal uthkar jaa hi rahi thi...ki arifin ne sonal ka haath thaama....."didi tumse kuch baat karni hai? akele mein"............."accha th..theek hai chal raaste mein baat karenge meri cab bhi aa jayegi na"

"theek hai"........sonal ko laga ki kahi arifin oosse apni baat rakhne toh nahi wala agar aisa tha toh wo betaab thi kayi dino se wo janna chahti thi ki aakhir wo kya wajah thi ooske maayus ooske akele kamre mein band raat raat gaye jaagne ka aur khaaskarke oos laptop ko leke....

raaste mein sonal ne apne bhai ko toka....."ab bata bhi".............arifin jaise gehri soch mein tehelta hua apna dhyaan tode muskuraya..."uhh haan haan di"..........."dekh arifin main teri badi didi hoo tu mujhse kuch nahi chupata humare beech kuch bhi parda nahi to kya baat hai? tu maa-baba ko na sahi kam se kam mujhe to bata aakhir teri ye ekdum se attitude change hone waali wajah kya huyi?"

"main jaanta hoo didi ki main bahut dino se tension mein tha pareshan tha lekin meri wajah wo nahi jo tum aur maa shayad samajh rahe they main janta hoo aap log soch rahe honge ki main kisi ladki se chatting karta hoo ya fhir kuch galat dekh raha hoo to aisa nahi hai"

"to baat kya hai? dekh agar career ko leke hai toh main tere liye kuch karungi arre tujhe koi pressure nahi baba to keh diye ki jabtera mann kare tab tu koi bhi line choose kar lena humhe koi dikkat nahi hai aise paiso ki aur main bhi kar rahi hoo na job"

"didi career ki fikar nahi hai"

"toh fhir"

"didi bachpan se main akela raha hoo dost tum hi thi jisse main share karta tha lekin aaj mujhe ahesas hota hai ki main kitna akela hoo main dosti ka haath badhata hoo to koi mujhse dosti shayad mere haisiyat ke wajah se nahi karti mujhe parwah nahi di lekin main aapse chupaunga nahi di main chahta hoo ki meri zindagi mein koi ladki aaye koi khubsurat ladki jise ek jhalak mein hi main apna dil de baithu"

"dekh arifin main tere liye bhale ke liye tujhe ek baat kahu tu ye sab kya sochne laga hai? tere piche puri zindagi hai aur ladki toh zindagi mein aa hi jayegi kya tu chahta hai? ki koi tere zindagi mein aaye maa aur mujhse tujhe alag kar de"

"arre nahi di aisa mat socho aisa kuch nahi hai darasal main bas mere dil mein aaya agar meri baat se aapko thes pahuchti hai to main apne dil ko samjha lunga"

"arre arifin aisa nahi hai tu galat samajh raha hai main toh khud chahti hoo ki teri zindagi mein aaye koi tujhe maa aur mujhse bhi zyada pyaar kare lekin distance relationship maine bahut kahaniya suni hai ye sab khubsurati ye sab ek dikhawa hai aur kuch nahi tu janta bhi hai ki oos chehre ke piche kaun ho sakta hai? kya maalum tu kisi musibat mein oos ladki ke hi wajah se fass jaaye dekh main tujhe pyaar karne se nahi rok rahi frankly kahu lekin kabhi kabhi jise hum jaante nahi jise humne dekha nahi oosse ekdum personal ho jana ye theek nahi hai arifin main bas tujhe itna kahungi aur main janti hoo teri choice gaalt nahi ho sakti par waqt de khud ko rishte upar se bankar aate hai jaldbaazi se nahi"

sonal ne bare pyaar se apne bhai ke kandhe pe haath rakhke oose sahi aur bure ki pehchan sikhaayi arifin ne bhi acche aur bure ki samajh lete huye sonal ki baat ko maana lekin kahi na kahi oose bura sa bhi laga....cab aayi aur ooski behan cab par baithkar oose piche chodh chali gayi.....pure raaste arifin sochte huye ghar lauta...

Raat koi 11 baj chuke they.....sonal thakkar aayi thi aur wo khaana khaakar apne kamre mein sone chali gayi thi aaj bare din baad hassi khushi sabne ek sang khaana khaaya tha arifin ke chehre pe gam ke badal nahi they na udaasi lekin ek umeed zarur thi ki shayad ooske zindagi mein koi ladki aa jaaye...

raat ke khaamoshi aur veeranepan mein ekaant apne andhere kamre mein laptop ki screen ke saamne baitha arifin aaj fhir type karne laga tha....google pe oose saikdo khubsurat ladkiyo ke tasveer dikhe...kuch to wo jaanta tha...lekin personal profile kiski ho ye dhundhna muskil tha...achanak laptop hang kar gaya...."ufff ye kya ho gaya?".....arifin laptop ko hilaane laga aur hilaate hilaate achanak laptop pe ek tasveer aa lagi shayad searches mein kisi tasveer pe baar baar click karne se wo tasveer khuli thi...

behad khubsurat ladki thi woh...oose ek pal ko arifin dekhte hi jaise madhosh ho gaya oosne aajtak apne jeevan mein aisi khubsurat ladki nahi dekhi thi...."wow she is so beautiful kya naam hai iska?"....wo safed t-shirt mein kisi chatt ke upar selfie liye huyi thi ooske gale pe ek muffler tha aur ooske gore chehre aur kajal lage aankho mein jaise arifin teher sa gaya...fhir oosne ooske side ke details pe click kiya oose laga shayad koi model ho lekin pic ko dekhke yakeenan wo mobile se liya hua tha kisi ka personal pic ho sakta hai ya shayad chori se kisi ne daala ho aksar aise tasveerein internet pe uploaded mauzud hote hai....

arifin jab detail ko click karta hai toh ooska naam bade bade aksharo mein oose milata hai....wo badbadate huye oos naam ko padhta hai "sana noor waahh jaisa naam waisi khubsurati"....sana noor type karte huye arifin ko ooske fhir kuch aur pics milte hai shayad wo internet pe famous thi...jiske search karte hi ooski itni tasveerein nikal aayi...halaki ooske naam ki to kayi ladkiya thi lekin ooski tasveer sabse zyada thi...

arifin reh nahi paaya har ek adaao waali ooski tasveer jaise ooske mann mein basti chali gayi kisi bhi ladki mein oose wo attraction aajtak na hua jo oos ladki ko ektarfa dekhkar oose ho gaya tha....arifin ne kuch tasveerein download kar li fhir ose apne mobile ke memory chip mein dalkar apne mobile mein ooski tasveer ko dekhne laga.....na jaane kyu? arifin ne ye na socha ki wo kaun thi? kya woh sach mein koi sana noor naam ki ladki thi? ya fhir koi ooski fake tasveere post karta tha....arifin ne dheere dheere sana noor naam se ooske har social networking sites pe search karna shuru kar diya aur achanak oose har fake id mein ek id aisi mili jo ooski real hone ka kahi na kahi sabut de rahi thi...

ye tasveerein kareeb 2 saal purani thi....aur ooske baad abtak koi bhi nayi tasveer oos ladki ne nahi di thi apne profile par khubsurat thi shayad yahi wajah thi ki har koi ooski tasveer download karke ooski fake id bana chuka tha aur aisa aksar hota bhi hai....lekin arifin oos ek raat mein oos ladki ki tasveer se na sirf mila balki wo jaise oos ladki ko apna dil hi de baitha...

ooski ye naadani thi ya ooski bhul jaanenge agle episode mein Winking
Logged
Similar Poetry and Posts (Note: Find replies to above post after the related posts and poetry)
.....Real Horror Story..... by sweet_raabii in SMS , mobile & JOKES
Tehkhaana (Horror story) by asif biswas in General Stories
Raj mahal (horror story) by asif biswas in General Stories
pretjaal (horror story) by raj1111 in General Stories
Amavasya ki Woh Raat...(Horror Story) by asif biswas in Inspirational Stories and real life Incidences.
asif biswas
Guest
«Reply #1 on: October 24, 2018, 04:57:35 PM »
Hamesha aksar jab hamari family ya hamare koi bade jab humhein raay ya mashwara dete hai toh hum oonke oon raay aur mashwaro ko oonki hidayat ko seriously nahi lete ye sochkar ki inhein itna maalum nahi jitna hum jaante hai....aur yahi wajah hoti hai ki hum bina jaane sune kuch bhi kar baithte hai...

arifin ke saath bhi kuch waisa hi ho raha tha...wohh haqeeqat ke pehlu ko samajhne se zyada wo bahari oos dikhaawe oos fantasy ki taraf kheecha chala jaa raha tha jo kuch ooske aankho ne dikha aur dil ne kiya.....sana noor naam ki wo ladki aakhirkaar arifin ke oos ek raat mein hi ooski ektarfa mohabbat ban baithi...

arifin ne oose apne dil mein basaa liya...aur kaaran bhi tha ki wo beintehaa khubsurat thi....arifin oos raat kareeb aur 1 ghante laptop par laga raha oon tasveero ko dekhta raha ghurrta raha.....ooske baad jab ooska dil bhar gaya tab jaakar oosne apne laptop ko band kiya aur so gaya....

ye sirf oos raat ka sisila nahi tha ye sisila to har raat jaise shuru hua tha....arifin ki family arifin se behad khush thi oonka beta har baat par hassi mazaak karta tha harpal parivaar ke kaam mein aage aage aata tha....maa ko laga ki ooska beta shayad sonal ka samjhaane se theek ho gaya hai...lekin yaha sonal bhi hairaan thi ki arifin mein achanak itna badlaav kaise aa gaya tha?

pure din apne parivaar ke saath waqt bitaane aur shaam ko apni behan papa maa sab ke saath dinner karke faarig hoke wo apne kamre mein jaa ghusta to ooske baad andhere mein sirf aur sirf laptop ki screen ki roshni pure kamre mein ujagar hoti oos waqt wo oon tasveero ko ghurrta rehta....achanak oose sana noor ki oos profile page mein friend request bhejne ka dil jaise hua....jo ladki itni khubsurat itni dikhne mein bholi hai to ooski baatein kaisi hogi? kya wo bhi mujhe utna pasand karegi...ooska swabhav kaisa hai? agar itni khubsurat hai to zaahir hai koi boyfriend wagaira to hoga ki nahi? shayad nahi arifin ne jitna jaankari ikhatta kiya oosmein oose maalum chala ki wo bhi bengali thi aur kisi aur sheher mein wo rehti thi jaisa ooske facebook page pe likha tha...

arifin ko ye sab baatein jaankar aisa laga ki chalo jisse dil lagaya hai ooske kareeb jaana itna mushkil bhi nai...oosne sana ko friend request bhej diya...lekin kuch ghante baad bhi jab koi response nahi aaya to oose laga shayad offline ho so rahi ho subah uthegi to nazar padegi....ye sochkar arifin laptop band karke lait gaya...neend aankho se koso dur thi aur jab bhi aankhe mundi sana ka chehra muskurata hua oose apni taraf nazakat se bulata hua oose dikhne laga....

agle din sonal ki chutti thi to wo ghar par aaram kar rahi thi subah koi sava 9 baje ka waqt tha aaj arifin jaaga nahi to oose laga kyu na oose uthaa diyaa jaaye...maa kitchen mein kaam kar rahi thi oosne beti ko kaha ki jaake apne bhai ko jaga de..

sonal arifin ke kamre mein pahuchi aur oosne darwaje pe dastak deni chahi to darwaje ka khul gaya..."arre arifin to hamesha darwaja locked karke sota hai lagta hai anjaane mein bhul gaya arifin arifin"...........sonal apne bhai ko awaz lagate huye andar dakhil huyi..

saamne bistar par arifin ke upar chadar tha...sonal muskurakar ooske paas aayi aur ooske chehre pe halke haatho se thapthapane lagi..."arifin uth jaa arifin subah ho gayi chal uth"............"ummm plsss sana sone do na"...........sonal thithak padi ooska bhai kiska naam keh raha tha

"arifin ohh arifin utthh arre uth bhi".............arifin askataye bhaav se angraai lete huye ubaasi bharte huye uth baitha

"ohh good morning di".........sonal oose hairani se dekh rahi thi oosne sawaal kiya

"ohh arifin ye sana kaun hai re?".........sunkar jaisa arifin hadbada sa gaya

"k..kya bol rahi ho?"......shayad neend mein arifin itna madhosh ho gaya ki tab bhi oose sana ka hi ahesas ho raha tha oose darr hua ki kahi didi ko malum na chal jaye isliye wo pehlu badalne laga

"arre bol na kaun hai yeh sana? oh toh is sana ne mere bhai ki raaton ki neend uda rakhi hai".........sonal mazaak bhare lehze se hass padi

"tum bhi na di hahaha aisa kuch nahi hai"

"toh fhir bata kaun hai yeh ladki? tune iska naam se kyu mujhe pukara? bol bol arre sharma mat"

"nahi nahi darasal wo kal ek film dekh raha tha oosmein ladki ka naam sana tha"

"tu bhi na accha arifin chal tayyar ho ja maa nashta laga rahi hai haath munh dho le brush kar lena".........kehte huye sonal jaane lagi ki tabhi ooski nigaah arifin ke phone pe huyi

oos waqt arifin ke number pe koi call aaya tha...mobile ki screen par ek ladki ki tasveer baar baar dikh rahi thi bujh rahi thi...wo ladki oose kareeban apne arifin ke umar ki hi lagi sonal mobile ke kareeb haath badhane ke liye jhuki hi thi ki kisi baagh ki tarah furati se arifin ne sonal ke haath pahuchne se pehle wo phone apne haath mein jhatke se le liya...

sonal oose hairat se dekhne lagi...."dikha dikha kaun hai?"..........."arre kaun baba arre ye toh scheme ka number hai chodho na".........arifin ne na hi sirf phone kant kiya balki oose apne jeb mein bhar liya...sonal kuch aur keh paati maa ne awaz di....beheral sonal bina arifin se puche ooske kamre se nikal gayi...

arifin jaisa apne maathe ka pasina ponch raha tha agar aaj sonal dekh leti to ooski to shaamat aa jati sawalo ki line laga deti....lekin agar koi bhi dekh le to kya harz hai...arifin ne apne phone pe lage sana ke oos tasveer ke wallpaper ko ghurrte huye oose jaise chum liya...

kaam mein ulajhe rehne se sonal wo waaqya bhul gayi thi warna wo fhir arifin se puchti dopahar tak oose yaad bhi tha lekin arifin oos waqt ghar se kisi zaruri kaam se bahar nikal gaya tha...aur sonal ne ye baat maa ko bhi nahi batayi thi...wo janna chahti thi ki aakhir mein arifin ke zindagi mein koi aa to nahi gayi...

x-----------------------------------x---------------------------------

Oos raat bhi arifin ne laptop on karke fhir sana ke fb ko check kiya abtak oose koi bhi sana ki taraf request accept ka message nahi mila tha....aakhir mein haar pachtaaye wo laptop band karke rakh deta hai....2 din aise beet jaate hai teesra din bhi aise hi arifin ke intejar mein kant jata hai....udhar sonal oosse ooske mobile ke  wallpaper wali ladki ki baat oosse puch nahi paati.....dheere dheere arifin ko ye lagta hai ki ya to wo fb ab chalati nahi ya fhir oosne oose anjaan vyakti samjhke ooska fb request nahi accept kiya...

arifin ko laga ki ooske baarein mein thoda aur maalumat kiya jaaye...lekin ooske fb id mein ooske friend list tak ko show nahi kiya gaya tha...ya shayad sana ne wo auro ko show nahi karne diya tha....iske liye arifin ko ooska fb friend banna zaruri tha...aakhir mein chauthe din arifin sana ko ek message likhta hai...

"Hi sana how r u? main"...........arifin thoda teher gaya kya aisa likhe ki jisse oosse insecure na lage shayad kuch agar zyada likh diya to fhir shayad oose azeeb lage...ye ariifn ka pehla anubhav tha isliye wo typing bade ghabraye lekin himmat ke saath kar raha tha kyunki sana ke oos khubsurat chehre ne jaise oose mazbur kar diya tha...aakhir mein oosne likhkar hi chodha

"hi sana how r u? i am arifin kaisi ho? maine tumhari tasveerein dekhi bahut khubsurat hai...mujhe ye jannke khushi huyi ki u belong to the same region where i am belong from? umm shayad meri baatein tumhein azeeb lage aur hum toh kabhi ekdusre ko dekhe bhi nahi na jaante hai lekin jaan pehchaan toh dosti se hi shruu hoti hai kya tum mujhse friendship karogi? pls mujhe baakiyo ki tarah mat samjhna jo tumhari khubsurati ke diwaane hai main sirf tumse dosti karna chahta hoo and that's all"

type karte karte arifin ne socha ki shayad itna kehna theek rahega...oosne oos message ko sana ke inbox mein send kar diya....lekin sana ne oos message ko shayad tawajjoh nahi diya lekin oospe kuch dair baad arifin ne dekha ki ooske niche mark lag chuka tha matlab wo message sana tak pahuch gaya tha aur sana ne oose accept karte huye padh bhi liya tha...

chalo is baat ki arifin ko khushi huyi ki oosne oos tak message to pahucha hi diya tha....lekin dil mein sawaal tha kya sach mein wo ooski real id hi thi agar fake ho to shayad wo jaldi response de ya fhir shayad wo real bhi ho sakti hai lekin saboot tha ki wo ooski apni id thi kyunki oosne friend list ko chodhkar apni saari tasveerein show ki huyi thi....

laptop khule reh gaya aur arifin intejaar ke maarien neend ki aagosh mein wohi so gaya....agle subah jab ooski aankh khuli to wo kaafi subah jag gaya tha...angraai lete huye ooosne ek baar khidki se bahar jhaanka halki halki roshni suraj ki aa rahi thi aasman andhero se saaf ho chuka tha....

arifin ko khyaal aaya to wo ulte pao bistar pe chadhte huye laptop ko on karta hai laptop kal raat se on tha....screen pe jo is baar show kiya oose dekhkar arifin ke chehre pe khushi ki leher daud gayi...wo chehek utha sana ne ooske friend request ko na hi sirf qabool kar liya tha....balki oose message bhi kiya tha....agar oos ladki ko oosse problem hoti to wo oose sidha block kar deti jawab bhi nahi deti lekin yaha ooska ulta hua...

arifin ne message kholkar jab oose padha to jaise ooske dil ki dhadkane tej tej uthne lagi...oosmein likha tha jo oose sana ke awaaz mein mehsus ho raha tha

"hi arifin sorry tumhara reply maine dekha nahi tha....tum to jante ho mujhe kayi log messages karte hai main aaziz aa chuki hoo...lekin tumhare message ko padhkar aur tumhein dekhkar aur tumhari baatein sunkar mujhe mehsus hua ki tum mere dosti ke kaabil ho....you are really handsome tum padhte ho?"

arifin ne message ka waqt dekha isshh sirf 1 ghante pehle oos message ke wo soya tha wo message 1 bajkar 26 min yaani raat gaye ka tha yaani wo online thi kaash wo ek ghanta aur online rehta jaga rehta to oosse acchi khaasi baat ho jati

arifin ne fauran ooske message ka jawaab diya oosne likha...."shukriya qabool karne ka aapne mujhe is qaabil samjha main auro ki tarah nahi pehle keh chuka aur aaziz to aapke chehre ne aapko kiya hai lekin main samjhta hoo ki khubsurati dil se byaan hoti hai chehre se nahi"

arifin ka jawab sent ho gaya lekin wo abtak sana ne padha nahi...abhi arifin intejar karta ki oose niche se maa ki awaaz lagi...arifin ko laga ki shayad wo online nahi shayad ho ki baad mein wo online ho jaaye aur oose padh le...arifin ne ek aur message oospar likha..."tum online kab hoti ho? mujhe batao main tumse baat karna chahta hoo bahut baat"

type karke arifin kamre se bahar nikal gaya....itne jaldi kisi pe bharosa karna ye naa jaante huye ki kya wo sachmuch koi sana hi thi ya koi aur ? ya fhir koi kisi ki shararat ya fhir sach mein wo sana hi thi? ye andaza arifin ne lagaya nahi oose atut yakeen ho gaya ki ye pakka sana hogi aur is baar toh sana ne jawab bhi diya aur wo oose accha laga ye baat jankar arifin to fhulo nahi samaya ki sabko chodhkar oosne oosse friendship ki...

faarig hokar jab arifin ne laptop on kiya to sana ka reply aaya hua tha oosne oose jaldi jaldi padha..."main bhi tumse baat karna chahti hoo bahut kuch bataungi apne baarein mein aur tum bhi mujhe batana i will be online at 11 pm bye for now"

sunkar jaise arifin ke chehre pe khilkhilati muskurahat aa gayi....aaj jaise zindagi ki kitne badi khushi oose mili thi ek khubsurat ladki jo ooske zindagi mein aayi oosse dosti ka haath badha rahi thi ooske saath baat karna chah rahi thi...aksar yahi samajh lete hai aur oose feel kar lete hai kuch naujawaan ladke ki ladkiya oonhein kitna importance de rahi....

sonal ko arifin ki ye gupchup dosti ka maalumat chala ya nahi? sonal kya jaan paayegi oos ladki sana ke baarein mein arifin se? kya ye sachmuch wohi sana thi jo arifin ki dosti qabool kar baithi thi? aur aage kya hoga aage arifin ke zindagi mein jaanenge agle episode mein Winking
Logged
asif biswas
Guest
«Reply #2 on: October 25, 2018, 03:00:31 PM »
Pure din arifin jaise raat 11 baje ke intejaar mein tha...ki kab raat hogi kab 11 bajega? aur kab wo apni dil-e-mohabbat se pehli baar baat karega...sonal oos din ghar dairi se pahuchi thi toh ooski maa ne oosse fresh ho jaane ko kaha....jab fresh hokar wo dinner table pe pahuchi to maa-baba ke alawa waha arifin oose nahi dikha...

sonal ko ye khatka laga ki arre arifin kahan hai? oosne maa-baba se pucha...."beta wo kya hai ki laptop par koi zaruri kaam kar raha hai keh raha tha ki main wohi dinner kar lunga oose aadhe ghante pehle hi khaana de aayi".....sonal ko maa se ye sunkar hairani huyi...

jo ladka dair raat gaye dinner table pe aata tha wo ladka aaj itna jaldi dinner karke faarig ho gaya itne jaldi khaana khaa liya oosne aur aaj apni behan tak ka oosne intejaar kiya jabki wo hamesha kehta hai ki main bina apni sonal ke nahi khaana nahi khaunga oose ye azeeb sa arifin ke prati badlaav dekh waaqayi bahut hi azib laga....lekin sonal ne is baat ko zyada mind mein nahi liya agar oosne pehle dinner kar bhi liya to kya hua? lekin itne jaldi dinner karke ooski kya jaldbaazi thi aisa kya wo kaam laptop par kar raha tha? achanak ooske zehan mein oos subah ki wo ladki waali tasveer wo wallpaper yaad ayai jo oosne arifin ka phone bajne waqt ooske screen pe lagi dekhi thi..wo sawal wo abtak arifin se puch nahi paayi thi aur arifin ne jaise ooske haath se phone chune se pehle hi cheen liya yakeenan wo kuch baat thi...

wo ek personal tasveer thi kisi ladki ki isliye sonal janne ko betaab thi....udhar raat 11 bajte bajte arifin aaj jaldi dinner karke bina apne parivar ke sath ek waqt raat ko bitaaye apne kamre mein darwaje ki kundi lagaye baitha hua tha...laptop khula tha wo bahut dair se online tha aur abhi sana noor ki oosi profile page pe ooske tasveero ko dekh raha tha....waha itni tasveerein thi ki oose scroll down karte karte ungliyo mein thakaan hone lagi na jaane sana noor ki kitni waha tasveerein ooske fb profile page pe mauzud hoti....

"pls online ho jao pls online ho jao plss".........jaise mann hi mann arifin dua kar raha tha abtak oose sana online nahi dikhi thi oosne waada kiya tha fhir kaise bhul gayi?

sochte sochte achanak ek laal notification nishaan oose theek profile page ke upar dikha....oosne oospe click kiya to sana noor ki bheji ek message oose dikhi jispe likha tha "hi arifin".......matlab wo online ho chuki thi....arifin jaise khushi se jhoom utha

oosne turant jawab diya...."hi sana oh my god main bahut dair se tumhare intejaar mein tha?".............jawab sana ne padh liya tha oospar mark lag chuka tha...arifin ooske jawab ke intejaar mein tha

fhir message ki awaz huyi is baar sana ne oose reply diya tha....arifin oosse baat karne laga aur kareeban jaise ooske chehre pe muskurahat badhti chali gayi

"sorry meri wajah se tumne wait kiya kya karu? bahut busy thi"

"acha tum koi job wob karti ho?"

"nahi main ghar par hi rehti hoo"

"oh i see....anyway tumne apna wada nibhaya mujhe is baat ki behad khushi huyi sana"

sana ne oose ek ka symbol bheja.....arifin ko laga ki oose accha laga ooska ye kehna....arifin fhir jawab dene laga

"aur mujhe khushi huyi ki tumne mujhse baat karne ke liye pehel ki"

"hmmm ab pehel to mardo ko pehle hi karni hoti hai na"

"hahahaha"............sana hass padi ooski msg ko dekhke laga

"accha ye batao ki tum akele ho ya koi behan bhai bhi hai tumhara"....arifin ne sawal karte huye type kiya

"haan behan bhi thi par bhai hai mere close relatives mein"

"oh yaani bahut badi family hai tumhari"

"hmmm".......sana ne sirf itna jawab bheja

"accha toh tum apni profile update kyu nahi karti ho? itne waqt ho gaye tumhari itni khubsurat tasveerein hai ab to aur nikhar gayi ho gi tum hahaha"

"nahi arifin aur tasveer isliye nahi bhejti ki mujhe ab aur apni tasveerein kheechna pasand nahi"

"kyu? tum itni khubsurat ho toh fhir kaayi ki bandish...oh samjha samjha kisi ki nazar na lag jaaye hahaha...post karo lekin kam pics diya karo tum nahi janti tumhari tasveerein kitne logo ne apne apne profile pe daale rakhi hai aur to aur oonmein ladkiya shaamil hai"

"hahahahhaa".............sana jaise hass padi

"chalo hamare kehne se aap hassi to sahi"

"waaqayi arifin tum baatein bahut dilchasp karte ho? accha ab apne baarein mein bhi toh batao"

"hmmm mere baarein mein main toh iklauta beta hoo apni maa ka behan hai bari didi bahut maanti hai mujhe pata hai bachpan se meri maa se bhi zyada mujhe pyaar karti hai hamesha meri care karti rehti hai mera koi dost nahi hai jo koi hai bas wohi"

"hmmm Usual Smile"............sana ka jawab paakar arifin jaise muskuraya

"accha tumhare to friend list mein bahut dost hai personally tumhare kitne friends hai?"

"hmmm bahut they kuch acche to kuch selfish"

"aisa kyu keh rahi ho?"

"bas jalte they mujhse meri khubsurati se isliye maine oonse dosti tod di"

"hmm accha hi kiya aise logo se dur rehna chahiye jo humse jale anyway"....ab arifin ko laga ki aage kya kahu?

tabhi sana ne jawab diya...."Accha tumne jab mujhe pehli baar dekha to kya feel kiya?"..........is sawaal se yakeenan koi bhi kunwara naujawan ladka kisi khubsurat ladki ke diye aise sawal se sharma zarur jaayega

"hmm ab kya kahu? tum ye sochogi ki main flat ho gaya lekin haan kuch aisa hi "

"ohh ho yaani main tumhein bahut pasand aayi"

"dil se kahu to sirf chehre se nahi antaraatma se tum mujhe bahut pasand aayi aur ab tumse jo ye baat kar raha hoo toh aur bhi zyada pasand aayi ho tum"

"okay i am really glad ki tum mere zindagi mein aaye"

"khushi to mujhe hone chahiye tumhein malum hai aajse pehle meri zindagi mein kabhi koi ladki nahi aayi i am pure hahaha jaane do"

"virgin kehna chahte ho na"..........sana ki is baat ko sunke arifin jaise khilkhilaake hass pada

x---------------------------x--------------------x---------------------

sana se baat karke jaise arifin ka dil baagh baagh ho gaya oose ye nahi malum tha ki sirf shakal surat se nahi wo baaton se bhi kitni acchi thi ooske baaton mein kitni mithaas thi...lekin aksar log ye bhul jaate hai ki zyada mithaas accha nahi hota

arifin jo oos raat oosse chat pe laga to ooske baad kareeban 2 ghante tak oosse baat karta raha....aakhir mein jab oose neend aane lagi to oose ascharya hua ki ye sana kaisi hai? kya iske aankho mein neend nahi?

oosne sana se pucha to sana ne hasskar kaha ki jab mujhse baat karne ko itne betaab huye they tohh kya ab hamara conversation end karna chahte ho.....ye baat sunke arifin chaunk utha oosne sawal kiya tumhein kaise pata?

sana ke reply mein arifin ne paaya ki wo hass padi thi...oosne fhir typing karte huye arifin ko likha....jab dil se tumne mujhe like kiya hai tohh mera bhi dil is baat ko samjhne laga hai...

"matlab tumne ek hi raat ke is conversation mein itna kuch"

"ab zyada socho mat arifin tum koshish karke dekho tum bhi utna jaan jaoge jitna mera dil tumhein jaan gaya hai"

arifin ne is baat ko seriously nahi liya oose laga shayad kahi na kahi arifin ne hi oose hint di thi ki wo oosse baat karne ko kitna bechain tha shayad ooski baaton se sana ko aisa laga....aur yakeenan arifin ko bhi sana dil hi dil mein chahne laga tha kyunki wo khud shayad ooski tasveer dekhkar hi sahi aur ooski baat sunkar hi sahi oose chah baithi thi...

"ab tum so jao arifin subah ho jayegi main fhir kal raat tumse baat karungi aur haan sona nahi jaldi okay hahahaa goodnight"............sana ka wo aakhri message tha ooske baad wo offline ho gayi...

arifin ke dil mein sana ki baatein jaise ghar kar gayi arifin ek hi raat ke oos chatt mein jaise oose apna dil hi de baitha...waaqayi kya azab ladki thi? aisi ki hi to oose talaash thi sach kaha tha ooski didi ne shayad ye khuda ko manzur tha jisne rishta upar se bankar oose diya tha...

agli subah sonal arifin ke kamre mein aayi wo oos waqt bathroom mein tha....ye accha mauka tha ooske liye....oosne arifin ke mobile ko thaam liya...aur oose on kiya achanak oospe wohi oos subah wali tasveer wallpaper pe dikhi....ek ladki thi kareeban ooske bhai ke umar ki jo kaatil adaao se dekh rahi thi oosne white t-shirt aur oospe muffler lapait rakha tha...kaafi gori aur khubsurat thi....sonal bhi oose dekhkar waahh kehte na reh paayi..

kya ye wohi ladki hai jo ooske bhai ke zindagi mein hai? kahi yahi sana to nahi?....achanak bathroom ka darwaja khulne ka jab sonal ko ahesas hua to oosne jhatpat mobile bed pe faikha aur khadi ye sochti rahi ki wo aage arifin se puchegi...

"arre didi tum?"...........arifin tauliye se apne baalon ko ponchte huye behan ko apne kamre mein mauzud dekhte huye kehta hai

"h..haan arifin wo maa nashta ke liye bula rahi hai accha ek baat bata tu dinner karne kyu nahi aaya table pe apni behan ke bina khaana khaa liya janta hai mom dad kaisa feel kar rahe honge"

"hahaha i am sorry di i am really sorry".........arifin sonal ke kandhe pe dono haath rakhke oose bistar pe bithata hai sonal fhir ooske chehre pe wohi khushi bhari muskurahat dekhti hai

"wo kya hai na? main soch raha hoo ki kabtak ghar par hi yun baitha rahunga bas job ki application tayyar kar raha tha"

"job ki application ya fhir koi ladki ka maamla hai hahaha"

"didi tum fhir taang khech rahi ho meri don't pull my leg please mujhe gussa aa jayega"........ariifin naak sikudte huye bola

"arre baba maanf kar main to mazak kar rahi thi"........sonal ne ooske kandhe pe haath rakhte huye kaha

"mujhe to pata hai ki mera bhai apne career ko leke kitna focused hai ? chal nashta karne chal main bhi nikal rahi hoo"

"okay di chalo"...........arifin waapis se muskurate huye kamre se nikal gaya lekin piche sonal ko sawalat ke ghere mein chodh gaya ooske bhai ne kabhi oosse kuch chupaya nahi tha bas yahi wo chahti thi ki ooska bhai oose is baar bhi oos ladki ke baarein mein oose bata de...

x------------------------------x------------------------x---------------------

wo ek raat ka chat nahi sisila banta gaya....arifin har roz raat dair dair raat gaye sana se baatein karta raha.....aur sana bhi....dono jaise ekdusre se kaafi gehre hote chale gaye they....ab to pusht ho gaya tha ki sana arifin ko chahne lagi hai aur arifin to pehle se hi oose chahta tha aur oose ikraar bhi kar chuka tha...despite ye na jaante huye ki kya wo reality mein oose bepanaah chahti thi kya ooske zindagi mein koi pehle se tha ya nahi? arifin ne is baat pe khaas tawajjoh nahi daali ek baar oosne sana se chat ke dauran baatcheet mein iska zikar bhi kiya....toh sana ne sirf itna oosse kaha jo ki oose imaandari bhara jawab laga..."har kisi ke zindagi mein koi na koi hota hai mera bhi tha lekin ab hum saath nahi"...........ye jawab sunkar oos din ke baad se arifin ko pura yakeen ho gaya ki sana akeli hai aur ab ooske zindagi mein ooske siwaah aur koi nahi...

sana aur arifin ka rishta dosti se gehra hote chala gaya....is dair dair raat waali chat ko ek din khud sonal ne bhi dekha tha arifin ke aad huye darwaje se oos waqt oosne saaf oos tasveer waali ladki ko dekha jo ki ooska profile page tha waha ooske tasveero ko dekhte huye arifin oosse inbox mein chat kar raha tha...sonal ko yakeen ho gaya ki ooske bhai ke zindagi mein ek ladki aa chuki hai jiska naam hai sana...lekin ooske bhai ne oose ye tak batane ki zehmat nahi ki...

jabki wo khud apni behan se koi baat nahi chupata...sonal ko bura to laga lekin oose umeed naa thi ki ooska bhai oosse itna bada baat chupayega ki wo relationship mein hai? kyu? jabki wo janta hai ki ooski behan ooske kisi bhi maamle mein taang nahi adaane wali thi wo to khud chahti thi ki ooski zindagi dukeli ho koi ooske zindagi mein aaye..

khair is chat conversation ke dauran ek din arifin ne sana ko apna number de daala....oos number ke theek dusre hi shaam arifin ko whatsapp aaya number unknown lekin jab whatsapp pe jaake oosne wo hi ka message padha to oosmein oose sana ki tasveer dikhi wohi ek tasveer jo ooske fb pe post ki huyi thi....

fhir chatting ka daur whatsapp pe bhi shuru ho gaya...dheere dheere arifin sana ke pyaar mein dub gaya....ab to ooska koi bhi kaam se zyada phone pe hi apne nazar hota jo harwaqt wo leke apne sang chalta tha....ek din arifin ko kya sujha oosne pucha

"ki main tumse video chat karna chahta hoo hum to sirf aajtak chat hi kiye kabhi direct baat nahi main tumhari awaz sunna chahta hoo sana tumhein dekhna chahta hoo"

toh sana ne oosi raat jawab mein oose call kar diya....jab arifin ne phone uthaya toh ek bari hi meethi awaz ooske kaano mein aayi jo ooska naam keh rahi thi...

"Arifin hello kaise ho arifin? meri awaz sunaai de rahi hai tumhein?"

"haan sana"

"tum chahte they na toh maine tumhein khud hi call kar liya"

"sana sach mein tumhari awaz bahut mujhe acchi lagti hai kaash hum ek dusre ko dekh paate par tumhare izazat se koi jaldbaazi nahi agar tum insecure"

"kisne kaha insecure kya hum sirf anjaan hai arifin nahi itne dino se hum ekdusre se baat kar rahe hai main to khud chahti hoo ki main tumhare aur kareeb aau bas savr karo main tumse video chat bhi karungi aur ab tumse milungi bhi"

"kyu sana aakhir savr kaisa? kya tum apne parents se darrti ho?"

"nahi arifin wo toh mujhe bahut chahte hai wo toh chahe to tumhein yaha bulaa le agar kahu toh"

"nahi nahi main khud aake oonse milunga"

"zarur mil lena ab hum chat nahi karenge ab hum ekdusre ko dekhkar baat karenge haan arifin aaj hi ki raat"

"ok..okay chalo abhi rakhta hoo maa awaz de rahi hai"

"okay bye for now love you"

"bye sana love you too"

aaj tak kisi ladki ne arifin ko i love you tak nahi kaha tha sana ke munh se sunne ke baad jaise ooska dil dhak dhak kar baitha....

x----------------------x--------------------x-----------------------x------

sonal apne kamre mein chupchap baithi huyi thi aaj gumsum thi..apne bhai ke aise bartav se kitne khush they wo dono aur aaj ooske zindagi mein koi aaya to oosne apni behan se baat karna kitna kam kar diya harpal laptop ya phone par laga wo apne kamre mein ghusa rehta tha...aaj sonal ko apne bhai ki fikar thi aur andar hi andar oose jaise dukh tha...

achanak kamre pe dastak huyi to oosne paaya ki arifin waha khada tha....

mohabbat pyaar kheechav ye cheezein jab ek insaan ke zindagi mein aati hai to oose kisi gair se jitna kareeb kar deti hai utna hi oose apne apno se dur haalaki distance relationship mein aisa arifin fasaa ki oosne apni azeez dost apni bari behan ko ye tak na bataya ki wo kiske sath relationship mein tha? dheere dheere sana arifin ke aur kareeb aati jaa rahi thi aur arifin bhi ooski taraf chalte jaa raha tha....kya hua aage? kyu aaya tha arifin sonal ke kamre mein jaanenge agle episode mein... Winking
Logged
asif biswas
Guest
«Reply #3 on: October 27, 2018, 12:44:53 PM »
Kahani ab aage....raat 10 baj chuke they aur aise ghari mein apne kamre mein apne bhai arifin ki mazudgi paakar sonal thodi achraj thi...jo ladka raat 11 bajte bajte apne kamre mein band ho jata hai aur apni nayi girlfriend ke saath chatting pe laga rehta hai aaj wo kaise apni behan ke paas aaya? kya aaj oose apne parivaar ki mazudgi ka ahesaas hua tha....arifin ko muskurata dekh bahar darwaje pe khada paakar

sonal ne muskurate hue oose andar aane kaha...."arre waha kyu khada hai? aa andar"......arifin nazarein jhukaaye muskuraye kamre mein aaya sonal ke...

"hmmm toh aaj mere bhai ko apni behan ke liye fursat mili oosse baat karne ki warna apni behan pe to ooska dhyaan hi nahi"

"arre didi tum aisa kyu keh rahi ho?"

"aur nahi toh kya? jabse tu oos ladki se mila hai tabse bas apne kamre mein hi ghusa pada rehta hai aur dinner table pe apne parivar ko akela chodhkar oosse baat karne ke chakkar mein akele khaana laga hai tu"

arifin samajh na paaya fhir jab oose ahesas hua toh oose bura bhi laga aur oosne apni nazarein apne galti ka ahesas karte huye jhuka li...sonal hass padi

"arre aise munh na fhula main toh bas mazaak kar rahi thi"

"arre nahi di mujhe maalum hai ki tum sach keh rahi ho galti meri hi hai itna zyada main apni dosti ko dekhne laga ki mera dhyaan apne parivaar par hi nahi gaya mujhe maanf kar do didi ki maine aap logo ka dil dukhaya"

"Arre pagle ismein dil dukhaana kaisa? main samajhti hoo pehla pehla payar hai na hota hai chori toh teri oos din hi pakdi gayi thi jab maine tere phone pe oos ladki ki tasveer wallpaper ke taur pe lagi dekhi"...........sonal muskurate huye arifin ke kandhe pe haath rakhke jaise oose batati hai

arifin sharma jata hai...."ab bata kaise aana hua?"

"Arre di jab sab jaan hi chuki ho toh mera batana kaisa? socha main surprise dunga aur ye bhi socha ki kahi tum meri nayi friendship ki wajah se hurt na ho jao main janta hoo tum mujhse bahut pyaar karti ho aur ye nahi chahti ki main kisi ki taraf itna dhyaan doo"

"tum fhir mujhe galat samajh rahe ho arifin maine aisa kab kaha? ki tumhare zindagi mein agar koi aa jayegi toh main bura maanungi accha chodho aur baitho yaha aur mujhe batao ki wo kaun hai?"

"wohi toh di wohi toh batane aaya tha tumhein....asal mein didi jiski mujhe talaash thi wo talash meri ab jaakar puri huyi hai tumne oos din sahi kaha tha rishte upar se bankar aate hai aur main chahta tha ki jab mujhe koi aisi ladki mil jayegi toh main khud ooska izhaar aapse maa se sabse karunga lekin pehle aapko batana chahta tha na ye hai wo tasveer"

sonal ko arifin ne wo tasveer dikhaayi....ektak sonal oose dekhne lagi oose dil hi dil mein wo kaafi khubsurat dikhi lekin kahi na kahi oose ek anjaan ladki ko dekhkar ek azib sa baat bhi laga kya maalum? wo koi rayizaadi ho kya maalum koi kharab kisam ki ho lekin chote bhai ko samjhaana ab itna aasan kaha...

"pehle ye batao ki ye lagi kaisi tumhein?"

"accha to ye hai teri sana noor bahut hi khubsurat hai lekin tum isse aakhir mile kaise?"

"bas talash talashta raha aur ye ekdum se mere saamne aa gayi chatting se dosti huyi hai aur isse baat bhi ki hai bahut meethi awaz hai iski bahut samjhati hai aap oosse ek baar baat karogi na toh aap kahogi waaqayi kya ladki hai? sirf surat se nahi sirat se bhi ye bahut naik hai"

"hmm to iska matlab mera chota bhai isse bepanaah pyaar karne laga hai kyu? hahaha".........sonal arifin ki taang khechte huye hass padti hai...arifin sharma jata hai

"lekin arifin ek baat kahungi hamesha yaad rakhna ki jo kuch dikhta hai na kabhi kabhi wohh sach nahi hota humhe nahi maalum ki oos awaz ke piche ya oos chehre ke piche kaun hai? aur itne jaldi kisi pe trust!"

"di maine sabkuch soch vichaar ke oosse dosti ka haath badhaya hai aur she is right for me kya aapko ismein kharabi dikhti hai agar ye fake hoti toh kya mujhse baat karti"

"arre arifin baat samajhne ki koshish karo tum nahi jante is cyber world ko"

"di i know it better aur aap pls meri fikar mat kijiye aapka bhai koi galat decision kabhi nahi le sakta".............apni fikarmand behan ke dono kandho pe haath rakhke arifin jaise oose samjhata hai

"theek hai main toh oos rishte ke liye haan hi hoo lekin tu ise kab humse milwayega agar ye itni hi sacchi hai toh tu isse mujhe zarur milaayega aur maa-baba se bhi"

"bilkul di bilkul aap dekhna sana ko main aap sabke saamne laakar rahunga accha main chalta hoo".......sonal samajh gayi thi ki arifin jaane ki izazat kisliye maang raha tha? arifin kamre se nikal gaya...

arifin ke jaate hi jaise sonal ke chehre pe bhai ke liye khushi bhi thi aur thodhi tension bhi khush iis baat ki ki jo wo soch rahi thi waisa nahi hua aur ooska bhai ne ooske samane aakhir mein sana ki baat zaahir kar di isse sonal ke dil mein koi shikwa nahi raha arifin se lekin tension is baat ki...zaahir tha ki wo ek distance relationship mein parh chuka tha....jiska naam sana tha aur jo ki oose bhi pasand karti thi lekin kitno bhi ho wo sonal ke liye ek stranger thi jise na to ooska parivar janta tha na khud arifin personally...toh kaun thi ye sana? aur kya ooska bhai arifin kahi kisi problem toh nahi fass jayega sochte sochte bechari sonal kashmakash ke ghere mein parh gayi....

x-----------------------x-----------------------x------------------x--------


Raat 11 12 ki or badhta chala jaa raha tha....lekin abtak sana ne arifin ko call nahi kiya tha...arifin ne fhir whatsapp kiya wo kareeb ek ghante se apne kamre mein mauzud apne bistar par laita sana ke whatsapp ko ghurr raha tha ki shayad hi koi jawab mil jaaye....aaj oon dono ke beech video chat pehli baar hone ka vaada tha...

"kya hua sana why don't u just responding?"........arifin ne fhir typing ki aur apna sawal oose bheja lekin reply aaya nahi arifin jaise khishiyaane se laga...

bahar khidki se tej hawaye kamre mein daakhil ho rahi thi...ho ho karti hawao ka shorr arifin ke kaan se guzar raha tha achanak hawa bahut tej ho gayi toh andar hawa aur dhool dono pravesh karne lage....aur ekdum khidki tej hawa se ekdusre se jaa takrayi...arifin ka dhyaan tuta jo ab bhi online baitha hua tha....

"ufff lagta hai tufaan aa gaya uff aise mein network nahi milega isshh aankho mein dhool parh raha hai"

arifin ne uthte huye sidhe jaakar khidki kasske laga di....khidki ki kundi jaise hi lagakar oosne khidki ka palla lagaya hi tha ki hawao ka shorr tham gaya kamre mein gup khaamoshi chaayi huyi thi...arifin abhi waapis palata hi tha ki itne mein ooska phone baj utha....arifin daudta hua bistar par chadhte huye oos number ko dekhne laga.....jispe likha tha sana aur wo video call tha...

"my god sana ne finally mujhe video call kiya"........abtak baatein phone chatting tak huyi thi awaz tak oosne sana ko suna tha lekin aaj wo oose apne saamne dekhne walaa tha....oosne apne baal sawaarein aur apne khule badan pe ek half t-shirt daali

fhir oosne jaldi se sana ka video call accept kiya....connect pe swipe karte hi....arifin ke maathe ki shikar ekdum se gaayab ho gayi aur dil bahut zyada dhak dhak karne laga....saamne phone ki screen par wohi tasveer waali ladki wohi sana ka chehra mauzud tha....jaha wo thi ooske charo taraf andhera tha ooske chhere pe jo roshni padh rahi thi wo phone ke screen ki thi....

ektak arifin oose dekhta raha ooske latki zulfein ooska gora chehra aur ooski band aankhe oos jaisi khubsurat ladki oosne kabhi nahi dekhi thi..."hey sana are you listening me? arre tumne aankhe kyu band ki?"

ekdum se sana ne apni aankhe kholi...oos pal arifin ko ek azib sa darr bhi laga kyunki kuch seconds tak phone uthaane ke baad sana ne koi jawab oose na diya balki aankhe mundi ooski taraf jaise mauzud thi...dheere dheere sana ne aankhe kholi to ooski neeli aankhe dekh aur ooske hontho ko muskurahat mein tabdil hota dekh arifin jaise muskura pada

"arifin".........is baar sana ke munh se oosne apni awaz suni

"haan sana kya tum mujhe dekh paa rahi ho?"

"haan arifin main tumhein dekh paa rahi hoo"...........ooski nigaahein jaise tehri huyi thi oosne ek bar bhi apni palake nahi jhapkaayi thi ab oos khubsurat chehre mein arifin ko ab ek halka sa khauff lag raha tha

"sana tumne aankhe kyu band kar li thi?

"hahaha wo bas tumhare intejaar mein thi socha ki jab tum mujhe awaz doge toh main tumhari taraf tab dekhungi"

"ohh"........arifin ka chehra sharam se laal ho gaya

"waise tum so rahi thi kya? tabhi sochu tumhare kamre mein itna andhera kyu hai? koi saath mein hai kya tum itna dheeme dheeme jo keh rahi ho"

"hahahahhaa".........sana fhir hass padi ooski hassi na jaane arifin ko azib si lagi

"nahi main nahi so rahi thi mujhe andhere mein hi baat karna accha lagta hai"

"hmmm jara main bhi toh dekhu ki tumhara ghar kaisa hai? abtak to phone pe sirf baat kiya hai humne aaj ekdusre ko dekh rahe hai"

"haan arifin aaj ekdusre ko hum pehli dafa dekh rahe hai"..........sana fhir khaamosh ho gayi aur ektak arifin ko jaise dekhne lagi arifin ko bahut azib lagne laga

"arre sana kya baat hai? tum mujhe itna dekh kyu rahi ho?"

"dekhne ke liye hi toh tum betaab they na jaise mujhse chat pe baat karne ke liye"......sana ki baat ko sun arifin muskuraya

"haan sana chalo tumne meri ye khwahish bhi puri kar daali pata hai maine apni didi ko tumhare barein mein bataya wo tumhein dekhke waahh keh uthi sach mein tum itni khubsurat ho jab oonka ye haal hai toh dekhna maa baba ka kya hoga hahahaha anyway maine apne family se ek wada kiya hai ki main tumhein oonse milwaunga"

sana muskurayi lekin oosne koi jawab nahi diya...."sana tum mere zindagi mein pehli baar aayi ho aur sach pucho dil pe haath rakhke tumse kehta hoo ki main tumse bepanah pyar karne laga kya tum mujhe utna hi pyaar karti ho? aaj tum please mere is sawaal ka ekdum sahi jawab dena"

sana ekdum se muskurakar nazarein jhukaa li fhir oosne tirchi nigaaho se arifin ki or dekha aur fhir nazakat se chehra ghumaate huye kehna shuru kiya

"main bhi tumhein utna hi chahti hoo arifin sach pucho toh tumhare jaise ladka mere zindagi mein kabhi nahi aayaa hai aur tum sabmein alag ho jitno se bhi aaj main mili hoo tum yahi janna chahte they na"

"haan haan sana"....arifin jaise deewano ki tarah ye sunkar haan mein sar hilaate huye kehne laga

"hmmmm bas ab ek aur vaada jo hamara raha hai wo ab tumhein pura karna hai"

"w..ada kaisa vaada?"

"tum hi ne toh kaha na ki tum mujhse milana chahte ho mujhe dilo jaan se chahte ho toh kya tum mujhse milane nahi aaoge?"

"h..haan sana tumse hi toh mulaqat karna hai mujhe jab main tumhein apne aamne saamne rubaru hote dekhunga"

"toh bas ab ye vaada tumhein nibhaana hai main tumhein apna address send kar dungi...lekin tumhein mere sheher aana hoga aaoge na"

"haan aaunga zarur aaunga aur jab main waha pahuchunga toh tumhein is baat ki ikhtila kar dunga"

"bas ab socho ki ye hum dono ki tamanna hai aaoge na"............sana nazakat se kehte huye apne meethe awaz mein arifin se sawal karti hai

"haan sana zarur aaunga main aaunga tumse vaada karta hoo".....sana bas khaamoshi se arifin ki or dekhte huye muskurayein jaa rahi thi

arifin ne phone ko thamte huye oose chum liya toh sana sharma si gayi....wo hassti huyi apni zulfo ke saath khelti huyi arifin ko bas ghurrte huye fhir kehti hai

"ab so jao arifin subah ho jayegi hum fhir baat karenge aur mujhe oos din ka intejaar hai jab tum aaoge mujhse milane okay now goodnight"

"ok goodnight sana mujhe bhi oos din ka intejaar hai".....arifin ne phone cut kar diya....aaj jaise ooske chehre pe behad khushi si umadi huyi thi....

wo oos din ka intejaar manane laga jis din wo sana se milega....lekin baat tha ki kaise aakhir kaise wo dusre sheher ja paayega kyunki ooski family oose kabhi aisi ijajat nahi di thi....lekin wo janta tha ki oose ye vaada ab khud pura karna kyunki do vaadein sana ne ooske pure kiye they....aur ab ye aakhri vaada tha mulaqat ka jo oose pura karna tha..

x----------------------------------x-----------------------------x------------

Sana wo ladki jiski tasveer arifin ko ek milati hai net par...oos tasveer ke maadhyam se ooske naam ke madhyam se wo sana noor ki naam ki oos ladki se fb pe milata hai dono chat karte hai dono mein dosti bhi ho jati hai aur fhir dosti pyaar mein badal jati hai....sana ki khubsurati hi arifin ko ooske prati attract karti hai fhir wo sana ka deewana ho jata hai ooski baaton se ooske khubsurati se...aur dheere hi dheere ye dosti itni gehri hone lagti ki wo din bhi aa jata hai ki dono ekdusre se mulaqat karne waale hote hai....

ab yaha zaahir taur pe kahein toh itne jaldi aksar aisa hota hai ki bahut se log bina ekdusre ko jaane bina mulaqat kiye jaise ekdusre ko na jaante huye bhi bahut janne lagte hai chahne lagte hai jaise kitne saalo se ekdusre ko jaante ho pehchaante ho....aur ye jaan pehchan ka sisila aksar dosti aur mohabbat se hi shuru hota hai....

arifin jo kaafi samjhdar padha likha ladka tha wo ek anjaan ladki ke chakkar mein aisa pada ki wo bina jaane sune oospe harpal yakeen karne laga ooski har baaton par yakeen karne laga oosne behan ko to bataya par ye na samjha ki naa jisse hum kabhi mile na jise humne kabhi asliyat mein dekha hai oosse mehez do pal baatein aur dur se dekhkar hi ooske itne kareeb jaane lagte hai....

arifin toh deewana ho chuka tha aur oosne ab ye bhi thaan liya tha ki sana ke bataye ooske pate pe jaayega jo ki dusra sheher tha haalaki wo kabhi aise kahi akele sheher se bahar nahi gaya tha....lekin yaha arifin ko pura yakeen tha ki koi muskil ooske liye khadi nahi hai sana naik ladki hai aur wo oosse bepanah pyar karti hai aur ooske zariye wo ooske parivar aur ooske zindagi se bhi rubaru hoga...aur mulaqat hona toh ek na ekdin hona tayy hi tha....

Kya hoga is arifin ke faisle ka? kya arifin aur sana ekdusre se mil paayege? aur agar jis din ye ekdusre ke kareeb pahuchenge jab rubaru honge toh kya asliyat hogi aur kya nahi? kya sonal apne bhai ke faisle se khush hogi ya ooske khilaf ho jayegi? kya hoga arifin ka? ye sabse bada sawaal hai jaanenge is kahani ke agle hi episode mein Winking
Logged
asif biswas
Guest
«Reply #4 on: October 28, 2018, 12:25:30 PM »
Guftgaoo ka ye silsila chatting aur phone se jo arifin ke zindagi mein sana ke saath shuru hua tha...wo sisila ab ek alag hi rukh lene wala tha....arifin ka sana ko leke jo shaq tha wo ooske dil-o-dimaag se toh dur ho gaya tha kyunki sana ne oosse video chat ki oose phone par apni awaz sunaai aur sabse badi baat oosse mohabbat ka izhaar kar diya.....aur arifin jaise kunware naujawan ladke ke liye ye ek pehla bahut hi beshkimati anubhav tha....wo sana ko apna dil de baitha tha aur oosse milane ko arifin beqarar tha is baat mein ab koi shaq nahi bacha tha...

arifin jaha ek taraf ye iraada kar chuka tha wohi dusri taraf sonal ko oosne jab ye baat izhaar karni chahi taaki ooske madhyam se ooske parivaar waale oose jaane de dusre sheher aur sana se milane de....lekin ye itna aasan nahi tha kyunki parivar walo ko to sana ka maalumat tha hi nahi aur sirf sonal hi is baat ko jaanti thi jo khud bhai ke liye fikarmand thi...lekin arifin jo deewana pagal ho chuka tha oosne haar nahi maani.....oosne khud apni maa ko sana ki wo tasveerein dikhaai aur sirf oonhein hi nahi jo jo ooske khaas they oonhein bhi chahe wo ooski mausi ho ya fhir ooski rishte mein koi behan ya bhabhi ya koi ghar ke bilkul kareebi log...

jisne bhi sana ki tasveer dekhi wo toh bas oose dekhta hi reh gaya wo thi jo bala ki khubsurat aur yahi bala aur yahi khubsurati arifin ko ooske taraf kheechkar bulaa rahi thi.....ab sonal ko maalum chal chuka tha ki arifin ke khud parivaar ke aage oos ladki ka izhaar kar diya hai maa-baap to arifin ko bahut chahte hi they ooski is pasand ko bhi wo log neglect na kar paaye...

haalaki arifin ne mulaqat ka izhaar ek dafa kiya bhi baaton baaton mein toh sonal is baat ke khilaaf ho gayi arifin ki maa-baba bhi yahi kahe ki jinka beta kabhi ghar se itna dur bahar gaya nahi wo ek anjaan jagah bhala akele kaise jaa sakta hai aur wo log oose jaane de bhi kaise sakte hai?

arifin is baat ke virudh ho gaya ab baatein behas mein ho uthi..."maa-baba dosti isi liye hi to ki hai ki kabhi na kabhi hum mile aur chatting dosti ekdusre se nata jodne ke liye hi to hoti hai bhale hi wo humse kitna dur ho?"

"jo bhi rahe beta lekin"

"maa pls main kaun sa desh se bahar jaa raha hoo bas is sheher se thoda dur dusre sheher mein jaa raha hoo aur waha to oonke parivar ne mujhe bulaaya hai"

"accha beta theek hai lekin kam se kam hamari oosse baat to karwaao tum"

"h..haan maa karwaunga zarur karaunga lekin mujhe mera ye vaada nibhaane dijiye"

"par beta aise kaise? itne jaldi hum soch le"......arifin baba ki baaton se jaise dukhi hokar khaane ke table se hi uthkar apne kamre mein chala gaya

"Arre arifin arifin beta ohh ho"...........arifin ke maa-baba oose pukaarte reh gaye lekin wo bina sune apne kamre mein chala gaya....sonal ye sabkuch chupchaap khaamoshi se dekh rahi thi airifn ki maa ne oosse kaha ki ab tu hi apne bhai ko samjha....lekin sonal janti thi ki is qadar sana ooske bhai arifin ke sar pe sawar huyi hai ki ab ooske zehan mein sirf aur sirf ooski deewangi chayi huyi hai

paaye nahi toh abhi ghar chodhkar ooske paas chala jaaye aisi haalat arifin ki ho chuki thi....wo sirf haan chah raha tha apne maa-baap se lekin bina kisi nateeje pe pahuchte huye kaise ooske maa-baap aisa nirnay le sakte they? ki ek anjaan sheher anjaan ladki se milane oose bhej de...

sonal arifin ke kamre mein jab aayi toh wo chuchaap gumsum khidki pe baitha hua tha....sonal muskurate huye ooske paas aakar ooske kandhe pe haath rakhti hai....arifin apni behan ki mazudgi ka khyaal kar fhirse dukhi mann se dusri or munh fhair leta hai..

"Arifin kya ho gaya hai tumhein? mere bhai maa-baba ki baat ka kaisa ye bura manna?"

"bas didi bas main tang aa gaya hoo mera intejaar badhta jaa raha hai aur mujhe savr nahi ho paa raha didi main sana se milana chahta hoo ooske paas janaa chahta hoo"

"arre mere pagle bhai to ismein itna pareshaan aur dukhi waali kya baat? kaun sa oonhone tujhe zanjeero mein baandh rakha hai tu jaa sakta hai lekin maa-baba hai tere even mujhe bhi fikar hai teri kal ke ek naye dosti ke liye tu apne maa-baba se berukhi kar raha hai"

"arre didi yahi to dosh hai oonka yahi to baat wo samajhna nahi chah rahe sana koi gair nahi hai didi jabse wo meri zindagi mein aayi hai mera shaq shuba sab oosne gaayab kar diya hai aur mujhe pura yakeen hai ki ooske paas jaane se mujhe koi problem nahi hogi wo anjaan thi par ab wo mere zindagi mein bhaut khaas hai"...........arifin gusse mein aakar khade huye apni behan se kuch faasle dur jaakar ye baatein aaziz aaye kehta hai

"arifin look at me"............sonal oose apni or kheechti hai.....arifin ke aankhein gulaabi ho chuki thi

"maine kabhi tujhe kisi aur ke liye apne maa-baba se is tarah peshaate nahi dekha hai mehez ek tasveer aur kuch phone par baat aur oose asliyat mein video chat pe dekh lene ke baad tu ye samajh raha hai ki sabkuch bilkul theek hai arifin tu nahi janta na jaane tere jaise kitne hi ladke aise ladkiyo ke chakkar mein aakar kayi kayi musibato mein phass chuke hai tu in sab cheezon ko halke mein mat le"

"didi meri baat jhutlaane ka koi fayeda nahi aur sacchai yahi ki wo mujhse mohabbat karti hai aur main oosse aur dekh lena di isi ghar mein main oose lekar aaunga jab tasveer dekhke sabka munh khula ka khula reh gaya to sochiye jab wo is ghar mein aayegi meri biwi bankar tab sabka kya haal hoga?"

"arifin tum pagal ho gaye ho itne jaldi jaldi ye kaise decisions tum le rahe ho? khyaali pulao banana chodho aur haqeeqat se rubaru ho abhi tak tum dono ekdusre se mile tak nahi ho aur na jante ho ooske gharwalo ke baarein mein ooske baarein mein kya maalum sana ooska naam bhi hai ya nahi? theek hai kam se kam tu oosse hamari baat kara de yaa fhir ma baba oonse oose baat karwa to shayad maa-baba tere liye kuch soche"

"bas di bas ab kuch sochna samajhna nahi hai kisi ko ab aap bhi maa-baba ki tarah ho rahi hai maine toh socha ki aap mere is faisle mein mera saath dengi aur mujhe jaane dengi lekin lagta hai main galat tha aap bhi oonki tarah soch rakhi huyi hai aur rahi baat haqeeqat ki toh didi dekh lena main oose milunga bhi aur jo haqeeqat hai oose aap sabke saamne la khada karunga aur rahi baat karwaane ki toh intejar kijiye main oose aap sabse baat karwaunga aap sabke samane oose pesh karunga"

arifin gusse mein aakar apni behan se vaada karte huye apne kamre se bahar chala gaya...sonal oose pukarti reh gayi lekin oosne socha ki oose kuch din ka waqt de toh shayad ooska gussa thanda ho jaaye isi din ka oose darr tha jab ooske bhai ne kisi ladki se dosti karne ka faisla liya tha....

x----------------------x------------------------x-----------------x-----------

Sonal apne bhai ke liye fikar kar rahi thi aur ooske maa-baap bhi kahi na kahi apni jagah bilkul sahi they bhala koi apne bete ya beti ko kisi gair insaan se aise kaise milane dene bhej sakta hai wo bhi akele....idhar arifin ki bardasht ki had paar ho chuki thi wo deewangi mein is qadar chur ho gaya tha ki ab wo bagawat pe utar aaya tha...idhar sonal oosne ye thaan liya ki wo ab khud sana se baat karegi...isliye oosne arifin ke gusse mein oos raat kamre se jaate hi sabse pehle ooska laptop apne haath mein kiya aur fhir sana se judi details wo nikaalne lagi

bari mushkkat aur bari mehnat ke baad apne bhai ke fikar mein pagal behan sonal ne paaya ki ooske bhai ka fb page logged out nahi tha matlab wo ooske profile mein jaa sakti thi oosne sana ko ooske friend list mein paaya aur fhir ooski posts aur tasveerein dekhne lagi oosne wo naam yad kar liya tha fhir oosne inbox mein jaakar arifin aur ooske beech huyi conversations ko padha aakhir mein oosmein ooske haath wo clue laga jiska oose intejaar tha sana ka phone number...

sonal ne oos number ko bhi note kar liya aur fhir laptop band kiye arifin ke kamre se nikal bhaagi....

x----------------------x---------------------x----------------x--------------

Sonal oos raat soyi nahi apne kamre mein aakar oosne jab wo number apne mobile pe save karte huye oose whatsapp mein check kiya....toh ek azib si hairani oose huyi....oos number ka koi whatsapp mauzud nahi tha...

"ye kaise ho sakta hai jabki isi number pe toh arifin roz ghanto ghanta oosse whatsapp karte rehta hai"......sonal acharaj se ekdum hairaan phone ke screen pe dekhte huye badbadaati hai

is baar wo oos number ko wo imo pe check karti hai....lekin oos number koi imo profile bhi nahi tha....jis ladki ke number pe whatsapp nahi imo nahi wo ladki aakhir kaise arifin se baat karti hai kyunki arifin ne oose khud kaha ki oosne oosse kayi dafa video chat kiya hai whatsapp messages kiya hai...

sonal ke dimaag mein ab azib sa khauff samane lagaa....kya wajah thi? kya? tabhi ooske dimaag mein oos number ko dial karke sidhe sana se baat karne ka hi soch umada...sonal ne turant number dial kiya aur fhir oose apne kaan mein dheere dheere le jaate huye lagaya

sonal ke haath halke se kaanp rahe they....abhi tak ringing nahi huyi thi...aur tabhi jo sonal ne suna oose kuch bhi samajh nahi aaya aur wo ekdum jaise aasman se giri...kyunki dusri taraf se jawab ye aaya tha...

"dial kiya hua number uplabdh nahi hai this number is not valid"...........ye sunkar jaise sonal ne fhir phone ko ghuraa aur fhir re-dial kiya fhir wohi jawab

ek baar 2 baar kayi dafa sonal ne call pe call kiya ho sakta hai shayad network kharabi ho ya fhir oosne switch off kar rakha ho par itne dair baad bhi jawab wohi tha...sonal ka shaq jaise yakeen mein tabdil hone laga

oosne turant sana ka profile page fb pe open kiya....oon tasveero ko ek baar ghuraa jo ooska bhai harpal ghurrta rehta tha...jab ooska number hi valid nahi to arifin kisse roz raat ko baat karta hai kya koi aur number tha? jo oose sana ne de rakha tha...."c'mon c'mon kuch toh maalum chalega mujhe".........lagbhag ooske purane sab posts ko ghurrte huye lagatar sonal puri koshish kiye jaa rahi thi...

oose ek pal ko laga shayad koi fake id naam ki hi ladki ho jisse ooska bhai bina dekhe ooske diye sana ke tasveer ko samajh baitha hai ki wohi ooska pyaar hai..shayad is tasveer ke piche koi aur ho ya koi aur baat...lekin oosmein anginat sana ki tasveerein mazud thi...profile page ka joining 2009 se pehle ka bata raha tha

"aur tabse leke aajtak wohi purani tasveer abtak kya is ladki ne koi apna naya tasveer nahi diya naa hi iske chehre pe koi badlav aaya"...sonal oon purani sana ki tasveero ko ghurrte huye aakhir mein tham jati hai..

oosmein bahut tasveerein mauzud thi sonal ke haath thak gaye ooske ek ek selfie liye huye chehro ko dekh ab oose oos ladki ki khubsurati se zyada oosse nafrat ho rahi thi....jisne ooske bhai ko andha kar diya tha....achanak ghurrte hi ghurrte ooski nazar ek aise tasveer pe padi jise dekh ooske hosh ud gaye aur ooske baad jo ek ek tasveer scroll down karte huye dikhne lagi toh bas oosne apne chehre pe haath rakh liya...oos tasveer mein ek ladka tha jo kareeban sana se bada dikh rha tha aur wo sana se lipate huye tha kisi mein sana ooske chehre pe haath rakhke apna chehra ooske seene pe sataye huye thi....

sonal ko samajhne mein dairi na lagi ki ye tasveer sana ke kisi boyfriend ki thi jiska naam ahmed qureshi tha...ho na ho agar sonal oos ahmed se baat kare to sana ka maalumat chal sakta hai....lekin jab oosne ahmed ka profile taalasha to oose wo profile nahi mila...sonal aakhir mein thak gayi to oosne laptop band kar diya..

ab ooske mann mein bahut sawalat ubalne lage uljhane hone lagi...dil pe ek anchaha kahuff dastak dene laga..ki ooska bhai kahi kisi musibat mein toh nahi faste jaa raha tha...

thak thak thak.....darwaja khula toh achraj se arifin ne apni gusse mein tamtamati behan ko ghuraa...wo andar aayi aur laptop aur phone ko ooske ghurrne lagi..."kya hua didi aap yaha par itni raat gaye?"

"aaj ooska phone nahi aaya?"

arifin khaamosh ho gaya fhir oosne kaha...."nahi aaj nahi kyu kya hua ab?"....sonal arifin ko dekhte huye ek pal ko apne gusko shaant karti hai taaki ooske bhai ko kuch malum na chale jo oose maalum chala hai

"arifin wo umm mera phone mil nahi raha tere phone se dial karna hai tu apna phone de zara"..........."main dial karta hoo".........arifin ne phone apne haath mein liya tha ki sonal ne oosse wo phone le liya...arifin ekdum se oose dekhne laga..

"arre de de mujhe de"......sonal ne jhoot moot ka contact details mein apna numbe talashne ke bahane sana ka wo number aakhir mein khoj nikaala lekin dhak to oose tab laga jab oose wohi number saved mila jo number oosne dial kiya tha

sonal ekdum se hairat se arifin ki or to kabhi oos number ki or dekh rahi thi...."kya ghurr rahi ho?"....arifin ne mobile sonal se cheena aur paaya ki saving list khuli thi

"ye teri sana ka number hai"............sonal ne sawal kiya
"haan".......arifin ne bhari awaz mein kaha

fhir arifin ne khud sonal ke phone pe call kiya phone oosi waqt ooske kamre mein baj utha..."lo di tumhara phone tumhare kamre mein hi hai jao".....sonal chupchaap waha se nikal gayi oosne ek baar palatkar apne bhai ki or dekha jo ab bhi shayad gum aur gusse mein tha...kaise samjhati oose? ki jiske liye wo lad raha hai wo asal mein aakhir oose bhi nahi maalum ki wo kaun hai?

tabhi sana ne do kadam aage chala hi tha ki arifin ke phone pe ring hua...sonal ekdum se dusri taraf arifin ke kamre ke aade ho gayi...arifin ne bahar ki or dekha aur darwaja laga diya...sonal ne darwaje ko kholna chaha to wo khul gaya ooske aad hote hi arifin ko kisi se hass hass kar muskurate huye baat karte dekha wo kisi ko dekh raha tha phone par.....lekin sonal ooske bhavve uthi kyunki na phone se kisi ki awaz aa rahi thi aur naa hi phone screen pe koi dikh raha tha...

lekin arifin ye kisko dekh raha tha kisse baatein kar raha tha wo bhi hass hasske...tabhi ooske kaano mein awaz aayi arifin ki..."tum nahi jaanti sana main bahut pareshaan hoo aaj bahut sahi kehti hoo haan"............jaise oose wo sana kuch keh rahi thi lekin ooski awaz oose kyu nahi sunai de rahi aur phone pe wo kyu nahi dikh rahi? ye sab kya ho raha tha

dekhte hi dekhte sonal ka dil dhak dhak kart huye bajne laga aur wo ulte pao apne kamre ki or bhaagi....kamre mein aakar wo bahut kaanp rahi thi oose kuch samajh nahi aa raha tha jab wo number valid nahi to oospe video call kaise aur na koi dikh raha tha aur arifin oose dekh bhi rhaa tha aur oosse baat bhi kar raha tha...aakhir ye sana kaun hai? aur yeh ooske bhai ke zindagi mein kaise aa gayi?

To be continued....
Logged
asif biswas
Guest
«Reply #5 on: October 29, 2018, 12:49:20 PM »
Arifin ke zindagi mein jo kuch ghat raha tha...oose agar koi bhi insaan samajhta toh waaqayi oos ghatna ko behad darawana hi maanta...sana naam ki wo ladki ab sonal ke liye ek gutthi ban chuki thi? jiska naa koi maalumat sonal ko tha...kaun thi ye ladki aakhir is tasveer ke piche kaisa rahasya tha? arifin ko jab sonal ne sana naam ki oos ladki se baat karte huye suna toh oose azib sa khauff ho gaya...

kya ooska bhai sach mein kisi ladki ko apna dil de baitha tha? ya fhir akelepan mein oosne kisi hi tasveer ki ladki ko apni girlfriend bana liya aur oose naam bhi de diya sana jo kahi hadtak oos tasveer waali ladki ka asli naam tha...internet se huyi ye mulaqat arifin ki sana ke saath...sonal ke liye jaise koi azeeb waqya ban gayi...

wo sidha sidha kamre se oos raat bahar nahi nikli oosne apne bhai ke kamre mein dastak nahi di naa oosse sidha jaakar pucha ki wo phone ke screen pe kisko dekh raha tha kisse baat kar raha tha? jo number valid nahi tha jispar call nahi jaa raha tha aur jis fb ki post laghbhag 3-4 saal purani thi aise mein ye saaf tha ki kya sach mein koi sana naam ki ladki arifin ke zindagi mein hai? ya ye sirf ek bhram hai jo arifin ne paal liya....oose pehle to laga ki shayad ooska bhai kisi dimaagi tanaav se jhunjh raha hai...lekin oose dobara oos cheez ka khyaal hua ki jise oosne apni zindagi mein kabhi wajud nahi diya tha

aur woh tha aatmao par wishwas....sonal ab samajh chuki thi ki ye koi upari situation si thi koi hawa koi saaya koi parchai ooske bhai par lag chuki thi....lekin ye muskil tha ki wo arifin se kaise jud gayi?.....sonal ne ahmed naam ke oos ladke ki profile page kuch din tak check karti rahi lekin ahmed naam ka oos tasveer wala koi ladka oose nahi mila...

dheere dheere sonal ne socha ki ye baat wo maa-baba se kahe fhir ooske dil mein aaya ki wo khaamokhah tension mein aa jayenge sabse zyada fikar toh oosi ko thi apne bhai ki kahi wo kisi musibat mein na fass jaaye....oos raat ka ghatna sonal ke zehan se na utara agle din bhi oosne ye baat arifin se zaahir na ki....aur arifin jo waise hi sonal se behasbaazi karke ukhadha hua tha oosne toh jaise behan se kinara hi kar liya tha na oosse baatcheet karta tha aur naa ooske paas hota tha...

kayi din aise hi beet gaye....par sonal ke haath kuch na laga..wo bahut zyada oos raat ke ghatna se darr gayi thi is wajah se wo bimar bhi padh gayi thi maa ooske liye thodi pareshaan huyi lekin sonal ne koi bhi jawab apni maa ko na diya arifin ke baarein mein....wo chahti thi ki wo khud apne bhai ko oos ladki ke saaye se nikaale wo oos sana tak pahuchna chahti thi....

sonal ne call centre se kuch din ki chutti le li thi isliye wo pure din ghar mein hoti thi...lekin pure din arifin normal hi oose dikhta tha ab ooski phone pe koi khaas tawajjoh nahi hoti thi....dining table par bhi aajkal arifin parivaar ke sang khaana khaane laga tha aur ooske baad fhir sidha apne kamre mein chala jata...

oos raat sonal kareeban 12 baje ke lagbhag arifin ke kamre ke paas pahuchi toh oosne paaya ki andar se arifin ki awaz aa rahi thi.....wo dheeme par dabe savr pe baat kar raha tha....beech beech mein hass bhi raha tha...sonal ko kuch samajh nhi aa raha tha....aur oosne aaj fhir darwaje pe haath rakhkar oose aar karte huye kholna chaha...lekin tabhi oosne paaya ki darwaja andar se band kiya hua tha...

ooske handle ghumaa dene se arifin ki awaz jaise band ho gayi andar se aani wo jaise chaukkna ho gaya...sonal turant waha se dabe pao apne kamre ki or daudi...aur parde ki aad mein waqt pe ho gayi....oosi waqt arifin darwaja kholkar ekdum se bahar aaya...oosne ek baar charo taraf nigaah daudaayi oose ahesas hua tha jaise kisi ne darwaje ke handle ko ghumaayaa tha....

wo waapis charo taraf dekhte huye darwaja lagaye andar ghus gaya....sonal ke jaan mein jaise jaan aayi....agar wo sonal ko dekh leta to fhir oosse puchtach karta aur wo janti thi ki ooska bhai pe aisa jaadu ho rakha tha oos sana ka ki wo sonal ki kisi bhi baat ko na hi manne wala tha...

x------------------------------x-----------------------x---------------------


Arifin kamre ka darwaja lagaye jab phone ko haath mein liye waapis bistar par baithta hai toh paata hai ki phone ke screen pe saaf video mein sana jaise khaamoshi se oose sawaali nigaaho se ghurr rahi thi....

"kya hua? koi aaya tha kya?"..........sana ne dheeme awaz mein pucha

"nahi mujhe shaq hua waise bhi raat gaye mere ghar mein har koi so jata hai"

"hmmm dekho arifin tumhein mauka to ab nikaalna hi hoga mere paas tumhein aana hi hoga"..........sana ki baat ekdum gaur se arifin kisi sammohit insana ki tarah sun raha tha

"haan sana main aaunga main tumhare paas zarur aaunga bas mujhe kuch din aur waqt do main kasam khaata hoon main tumhare paas bahut jald aaunga bahut jald".............sana jaise muskura padi arifin ki deewangi ko dekhte huye arifin oose gaur se dekh raha tha

sana ne apne zulfo ko samaitte huye oose muskurayi nigaho se dekh rahi thi...."mujhe to bas oosi din ka intejaar hai jab tum mere paas mere kareeb aaoge ab hum aur duriya nahi rehne denge apne beech arifin nahi rehne denge"

"haan sana bilkul".........arifin sana ki baaton mein sehmati se har hilaate huye kehta hai aur muskurata hai

"maine tumhein apna address message kar diya hai taaki tumhein mujhe dhundhne mein muskhil na ho"

"haan sana main bas tang aa chuka hoo in duriyo se main khud ab yahi chahta hoo na jaane kaise samjhaau apne parivar waalo ko ki mujhe tumse milane de"

"tum fikar mat karo arifin hum bahut jald milenge bahut jald"......sana jaise camere ke theek paas apne chehre ko laaye apne labo se ye kehti hai

arifin apne labo ko phone ke screen pe jaise jod leta hai ooske baad dono ekdusre ko jaise muskurake dekhte hai....

x----------------------------x----------------------------x------------------


Phone cut ho jaane ke baad arifin ne paaya ki ooske whatsapp pe sana ka diya message tha...oosne ooske house address ko save kar liya....ooske baad mauka talaashne laga ki ab kaise bhi karke dusre sheher jaakar oosse mil paaye..lekin iske pehle oose apne parivar ko manana tha....

arifin pyaar mein andha ho chuka tha oosne ye faisla liya ki wo agle hi hafte sana se milane ooske sheher jaakar rahega....oosne pehle to bahut saare jhoot gad liye fhir jab oose apna jhoot pakka na laga toh oosne yaha ek bahut hi shaatir chaal chali jisse ooska parivaar maan bhi jata aur wo log kuch keh bhi nahi paate oosse..

agle din sonal dining table pe aakar baithi.....aise hi wo bhai ko leke fikarmand aur oos sana naam ki oos ladki ko leke pareshaan thi....itne mein ooski maa ne oose toka..."arre beta nashta kyu nahi kar rahi hai tu?".....sonal ka dhyaan tuta aur oosne maa ko gaur karte huye paaya

"haan maa kar rahi hoo baba office chale gaye?"

"haan office gaye aur arifin bhi ghar mein nahi hai"

"Arifin ghar mein nahi hai maa kaha gaya?"............sonal ne pareshan bhare nigaho se maa ki or dekhte huye kaha

"keh raha tha koi kaam hai subah subah hi utha wo kareeban 7 baje pata nahi abhitak kyu nahi aaya?"

sonal jaise sawalat ke kasmakash mein ghirr si gayi  wohi phone ko dekhte huye arifin ka kisise baat karna wo invalid number oon purani sana ki tasveero mein wo ladka ahmed yahi sab to ooske dimaag mein kayi din se chal raha tha...achanak aise mein arifin kahan chala gaya aisa kaun sa kaam aa pada oose jo itni subah subah wo ghar se nikal gaya....

itne mein arifin ghar lauta....sonal oose dekh sawalato se oose ghurrne lagi...."arre beta arifin tu aa gaya kahan gaya tha aakhir? chal pehle nashta kar le"

"haan maa"....arifin apni behan ko dekhkar fika muskurahat dete huye nashta karne laga

sonal chupchaap oose dekh rahi thi..."kahan gaya tha tu?"..........arifin ne ekdum se sonal ki or dekha

"wo cyber cafe print out nikaalne apna resume"

"resume?"

"haan resume wo mail karna tha mujhe ek company ko"

"oh matlab tu naukri karna chah raha hai?"

"ab baithe baithe ghar par rehne se toh yahi accha"......arifin nashta khatam kiye apne kamre mein laut gaya tha

sonal ko samajh nahi aa raha tha ki aakhir ekdum se arifin mein aisa badlav kaise aa gaya kahi ye oos ladki ka toh chakkar nahi tha?.....

x-------------------x---------------------x--------------------x-------------

Pure din sonal arifin ke kamre mein nahi gayi...oose ye tak malum nahi chalne diya ki pichle kuch din ooski behan ne kya jaana tha? aur agar wo sana ko leke arifin se behas karti bhi toh arifin ooski baat par yakeen nahi karta na wo manta ki sana naam ki ladki asal mein koi hai hi nahi?

sonal ko ye khatka lage jaa raha tha ki agar oose wo sana nahi dikhi toh arifin ko wo kaise dikh rahi thi? aajtak arifin ne oosse aur ooske parivar se sana ki baat kabhi kyu nahi karaai jabki oosne vaada bhi kiya tha.....udhar arifin ne acchi chaal chali thi sana se jo vada kiya tha oose wo pura kar raha tha...

oosne jhoot moot ka resume tayar kar liya aur sbako ye kaha ki oose job offer mila hai....oosne oosi raat dining table pe apna baba aur maa ko bataya ki ooska selection hua hai aur oose interview ke liye ane waali 10 tarik ko naigaon ko bulaya gaya hai sana oosi sheher ki thi....oos sheher ka zikar arifin ne pehle kabhi apni family se nahi kiya tha baat sunkar arifin ke maa-baba thode pareshan fhir huye

"beta itna dur job par kyu?"

"maa ye mnc company hai aur koi fraud nahi hai agar ek baar selection ho gaya aur agar job mil gayi toh mujhe bahut fayeda hoga aage chalke main america canada bhi jaa sakta hoo aur koi choti moti post thodi na de rahe hai acchi well reputed post hai kya maalum interview mein fail bhi ho jau"

sonal chupchaap apne bhai ki baat sun rahi thi....aur arifin apne maa-baba ko manipulate kar raha tha..."naam kya hai company ka?"......sonal ne ekdum se sawal kiya

arifin ne company ka naam sonal ko utne hi jald bataya....arifin ne pehle se hi computer par search kiya hua tha ki oos company ke naam ko jo ki naigaon sheher mein tha....sunne ke baad sonal kuch nahi boli

"maine oonke company website pe apna resume bheja tha oonhone mujhe email bhi kiya aur mujhse baat bhi ki tabhi main is nateeje pe pahucha hoo pls daddy pls maa mujhe jaane dijiye"

"hmm bahut badi company mein interview dena koi buri baat nahi kya maalum uparwale ki daya se tumhara selection ho gaya to fhir toh vaare nyaare".....arifin ke baba ne kaha

arifin muskuraya....."par aise arifin ko jaane kaise denge hum?"............arifin ki maa ne sawal kiya....arifin fhir thoda pareshan hua

"Arre maa kaun sa yaha se dur hai main ek din hotel mein reh lunga aur agar selection ho gaya toh wohi se aap logo ko call kar dunga warna agar nahi ho paaya to bhi main waapis aa jaunga pure zindagi ke liye thodi na jaa raha hoo hahahaa"

sonal chupchaap bas sune jaa rahi thi....."maa theek hi toh keh rahi hai arifin kabhi tum bahar kahi akele gaye nahi"

"oh pls didi aap fikar mat kijiye pls baba mujhe jaane djiye"

arifin ke baba kuch dair tak soche fhir oonhone taarik puchi....arifin ne taarik bataya....."theek hai tum mujhe waha ke kisi hotel ka number dena main oonse pukhta karke baat kar lunga theek hai"

"oh thank u babaa".......arifin jaise khush ho gaya mann ki muraad ooski jaise puri huyi thi

sonal ko ekdum azib lag raha tha ki ekdum se arifin ka dhyaan sana se hatkar job ke prati kaise ho gaya tha? oosne aakhir mein arifin se puch hi dala toh arifin ne kaha wohi to chahti hai aur main bhi chahta hoo ki main apne pairo pe khada ho jau...sonal se koi jawab dete na bana oose samajh nahi aa raha tha kiske liye jo asal mein ooske zindagi mein hai bhi ya nahi? jiska koi wajud bhi hai ya nahi? mann mein arifin ke chale jaane ka ek azib sa darr sonal ko lag raha tha

agle hafte hi arifin ne ticket karwa liya tha jaane ka...ooske pita ne ooske diye number par hotel waalo se bhi baat kar li thi.....sabkuch bahut jaldi jaldi ho raha tha....na sonal ka oospe bas tha aur naa hi sonal ki maa ka....

arifin oos raat apni khushi ki izhaari sana se kar raha tha....jo oose muskurakar bare pyaar se dekh rahi thi...."aane waali 10 tarik ko main tumhare paas milane aaunga sana maine tumse vada kiya tha na dekha"

"wohi toh dekh rahi hoo kitni besabri hai tummein mujhse mil lene ke liye"

"hahahaha sach kaha tumne bahut besabr ho raha hoo main theek hai sana ab main tumse kal baat karta hoo waise bhi taarik nazdeek hai thoda bahut packing toh karna hoga na"

sana sirf muskurayi ooske baad oosne goodnight kehte huye phone cut kar diya....arifin muskuraye waapis apne palang par lait gaya....wo bechaini se sana tak pahuchne ke liye betaab tha....

x-----------------------------x-----------------------------------x-----------

Sach kaha hai kisi ne ki pyaar insaan ko andha kar deta hai oos is qadar pagal kar deta hai ki wo sudh budh khokar apne dimaag se kaam lena hi chodh deta hai...ooske andar samjhdaari samajhdar hote huye bhi nahi reh paati....arifin ka bhi kuch wohi haal ho raha tha....sana se kiye vaade ko wo nibhaa raha tha oosne jhoot moot ka bada tagda planning kiya akele sana ke paas pahuch jaane ke liye.....udhar sonal ke haath kuch nahi laga na wo sana ke baarein mein kuch khaas maalumat kar paayi aur ekdum se bhai ke jhaanse mein wo bhi maa-baba ki tarah apne aa gayi..

kya parinaam hoga arifin ke is faisle ka? sana ki asliyat se jab wo rubaru hoga toh ooska anjaam kya hoga? sonal kya apne bhai ko waqt rehte sana tak pahuchne se rok paayegi? kya wo samajh paayegi ki kya asliyat hai aur kya jhoot? kya arifin mehez kisi maansik bimaari ka victim tha sana koi asal mein thi hi nahi? bahut sawaal jude gaye hai is kahani se..toh intejaar kijiye jawab ka is kahani ke agle aur dusre antim episode mein Winking
Logged
asif biswas
Guest
«Reply #6 on: October 31, 2018, 01:58:57 PM »
Kahani ab aage...arifin aur sana ka rishta jo kuch mahino pehle shuru hua tha ab wo mohabbat arifin ke rubaru hone waali thi...arifin apne maa-baba ko mana chuka tha ooske maa-baba ooska career ka liya ye jhoota faisle mein ooske saath they jabki asliyat mein oonhein yahi maalum nahi tha ki oonka beta dushre sheher sirf aur sirf sana se mulaqat karne pehli baar jaa raha hai...

sonal apne bhai ko na samjhaa paayi thi aur naa oose rok paayi thi...halanki oosne ek behan ke naate apne bhai ko sana jaisi mysterious ladki se dur karne ke liye behad koshish ki thi lekin na to oose sana se juda koi pukhta sabut aur naa hi wo badhte arifin ke kadam sana ke prati rok paayi ab toh agar wo ek shabd bura sana ko kehti to arifin jaise oospar baras hi padta isliye oose samjhaana ab sonal ke bas mein nahi tha...

10 taarik nazdeek aa gayi thi...aur arifin pichle hi taarik se packing shuru kar chuka tha...sonal ki tabiyat jaise theek huyi oose dobara kaam par jaana pada...isliye pure din ghar par na hoke call centre mein rehne se wo apne bhai ke kareeb nahi reh paayi jisse wo harwaqt arifin ke kaarnaamo ko dekh paati....oose to yahi laga ki ooska bhai shayad career ko leke hi focus mein hai jo mehez ek jhoot arifin ka gada hua tha....

oos raat sonal jab apne ghar pahuchi to oosne paaya ki arifin ne jaldi jaldi dinner kar liya tha aaj sana se baat karne ke liye nahi balki kal rawangi dene ke liye...sonal arifin ke kamre mein jab pahuchi toh oosne paaya ki arifin bag pack kar raha tha kapde rakh raha tha.....

kuch dair sochne ke baad sonal ooske paas ayai aur ooske kandhe pe haath rakha..arifin ne piche mudkar oose dekha aur fhir gambhirta se kapde bag mein daalne laga...."tu kal nikal raha hai?".....sonal ne sawal kiya

"haan kal jaa raha hoo didi"

"to itne kapde le jaane ki kya zarurat?"

"kya pata agar company mohlat na degi toh mujhe fhir parso se hi joining karna pade"

"bhala aisi koi company karti hai kya? kya mujhe itna maalum nahi?"

"didi main is baarein mein aapse behas nahi kar sakta"

"yaani tu ab bhi mujhse rutha hua hai sirf isliye ki teri behan ne tujhe sana se na milane diya maine tujhe kab roka hai arifin? tu kyu nahi samajhta ki kabhi kabhi aankho dekhi sacchai sacchai nahi hoti theek hai main is baarein mein khaaskar oos ladki ke baarein mein tujhse kuch nahi puchungi apna khyaal rakhna pehli baar tu jaa raha hai na fikar lagti hai teri"

arifin ne muskurakar apni behan ki or dekha jo zazbati si ho gayi thi.."i am sorry di agar maine tumhein kuch bura bhala kaha ho anyway agar mera kaam ban gaya to main oosi waqt aapko khushkhabri dunga"

"mujhe to lagta hai ki tu mujhe khushkhabri oos baat ki dega jisse tu kabhi mila hi nahi kya is qadr sana ne tujhe itna andha kar diya kis ladki ke liye tu itna bagawat pe utar aaya jo reality mein koi hai nahi aur agar hai to kahan hai? tujhe hi kyu dikhti hai wohh? kisse kahun kaun sunega aur kaun yakeen karega meri baaton par aisa lagta hai jaise tu hamesha hamesha ke liye humse dur jaa raha hai kaash kaise rok pau tujhe?".........mann hi mann jaise sonal apne dil ke haal ko byaan kar rahi thi...oosne apne aansu ponche

"arre didi kya hua?".........arifin ne sonal ke dono kandhe pe haath rakhte huye pucha

"kuch nahi bas aise hi"........arifin sirf muskuraya......"tu apna khyaal rakhna aur phone zarur karna chalti hoo kal mujhe bhi office jaana hai"......sonal kamre se nikal gayi arifin jaise mann hi mann yahi tassavur kar raha tha ki sana se milane ke baad wo jab sana ko apni behan aur apne parivar milaayega to oonka sara shaq aur fikar dur ho jayega...

Par oose kya maalum? ki fikar to oose apni sabse pehle karni chahiye thi....ki kya pata? jo aankho dekha wo soch raha hai samajh raha hai wo haqeeqat mein zaahir nahi ki ho.....ek anjaan sheher anjaan ladki se milane jaana arifin ke zindagi ka sabse bada faisla tha...sonal to oose kuch bata na paayi ki sana ki haqeeqat ka ki na ooska number valid hai aur na wo oos video chat ki raat ko oose dikhi aur upar se ooska wo ahmed naam ka boyfriend jiska purana tasveer ooske profile page pe tha kuch na bata sakegi sonal arifin ko aur bata bhi deti toh kaun sa andha arifin yakeen karne wala tha...

x------------------------x--------------------------x-------------------------

Arifin agle din tayyar ho chuka tha ooski maa ooski badi fikar kar rahi thi...arifin ke baba ko chutti nahi mili thi daftar se isliye wo ooske sang dusre sheher nahi jaa paye ye bhi ek accha mauka mil gaya tha arifin ko....ooski behan sonal jaane se pehle apne bhai se milkar gayi thi..pure raaste aur office pauchne ke bawjud sonal ke dil mein jaise ek azib sa darr arifin ke liye laga hua tha...

arifin apne pita ke saath railway station ke liye ghar se nikalta hai train mein baithte waqt arifin ke pita toh oose acche bure sab cheezo ki jaise samajh de rahe they chotte bacho ki tarah aakhir arifin pehli baar ghar se dur jaa raha tha....arifin ne pita ko aashwashan diya ki wo phone karke ikhtila kardega aur koi dikkat huyi to call kar dega...train chuttne lagi arifin ke pita arifin ko vida karte huye chale gaye...

jaise hi train ne sheher chodha waise hi arifin mann hi mann ye soch raha tha ki ab wo sana ke aur kareeb aata jaa raha hai....train puri raftar se badh rahi thi...aur arifin bas sana se milane ki intejaar mein whatsapp par oose msg kiye jaa raha tha...intejaar ki ghari khatam hone ke kagaar pe pahuch gayi aur agle hi din jab arifin neend se jaaga to naigaon station pe gaadi pahuch chuki thi...

arifin jaldi jaldi bag liye train se utara...bahut passengers aazu baazu they oonhein thelte huye wo naye sheher mein pahuch chuka tha....oosne bag baazu mein rakha aur pehle to ek pyaali chai pee....ghar se call aaya hua tha socha ki hotel jaakar hi sabse baat kare....aur fhir oosne yeh socha ki pehli baar oosne parivar se kitna bada jhoot bola tha mehez sana se milane ke liye...

arifin ne sana ko pehle message kiya ooske baad wo station se hotel ki taraf taxi mein rawana hua...taxi hotel mein pahuchi aur arifin ko ooske reserved room ki chaabi mil gayi ooske pita ki wo shukraguzaari karne laga jaise...arifin hotel room pahucha....bahut khubsurat kamra tha....oosne palang pe bag rakha fhir thoda fresh hua aur parivarwalo ko call kiya....maa ne pehle uthaaya

"haan maa main pahuch gaya maa haan baba ko keh dena ki raat ko mujhse baat kar le haan haan fikar karne ki zarurat nahi main janta hoo ma main janta hoo tum bahut mere liye pareshan thi par ye toh zaruri tha na mera aana...accha chalo main baad mein baat karta hoo haan thoda aaram kar lu"

arifin ne phone cut kiya khair khawahi bata dene ke baad jaise wo apne parivar se nischint tha fhir oosne jhat se sana ko call kiya....sana ne phone uthaya aur ooski hasti meethi awaz arifin ke kaano mein aayi arifin muskuraya wo palang par thandi aahein jaise bharte huye lait gaya

"toh tum pahuch gaye?"

"haan main pahuch gaya sana ab bas kuch hi faasle dur hoo tumse"

"hmm maine tumhein apna address whatsapp kar diya hai"

"okay kahan milana hai?"

"mere ghar par arifin".............arifin sunkar jaise thoda hairan hua

"tumhare ghar par but tumhare maa-baba"

"wo log abhi yaha nahi hai tum aa jao aur abhi toh tumhein yahi rehna hai na"

"hahaha sahi kaha tumne sana main aa raha hoo aaj hi abhi kyunki main savr nahi kar sakta"

"main bhi nahi jaldi aao main palke bichaaye tumhara intejaar kar rahi hoo"

sana ki baat sunkar arifin ka dil jaise dhak dhak karne laga sana ne phone rakh diya tha...arifin jaldi jaldi tayyar hokar jaldi jaldi dopahar ka lunch aadha adhura kiye hi nikal gaya...whatsapp par jo sana ka address tha wo kuch yun tha....12th floor,tower no.5 naigaon....jab arifin oos address pe taxi se pahucha to waha kaafi ucchi ucchi imaartein thi..arifin taxi se nikalta hua waah keh utha

"waaqayi lagta hai sana bahut rayiz hai aise paush ilaake mein ooska ghar hai wo bhi building mein wow...beta arifin ooske saamne accha impression rakhna warna teri haisiyat ooske saamne kharab ho jayegi"...arifin badbadata hua sana ka ghar talashne laga oon ucchi imaarto ko dekhte huye...tabhi tower no.5 pe ooski nigah huyi saamne ek bahut hi ucchi building thi....

arifin main gate ko paar karke dekhta hai building ke paas do watchman baithe huye they....aas paas koi nahi tha..."excuse me yeh umm 12th floor yahi hai tower no.5"...........arifin ke puchne pe jaise wo dono jo kisi baat ko leke hass rahe they wo ekdum se chupchaap oose khaamoshi se ghurrne lage

"haan 12th floor wo ucche wala maala hai yahi building hai".....ek guard ne tatkal uttar diya

"tumhein kisse milane upar jaana hai? kahan se aaye ho?".......dusre guard ne sawal kiya

arifin ne apna parichay diya aur fhir jab naam sana noor kaha toh jaise wo dono aur ghurr ghurrkar arifin ko dekhne lage...arifin ne oonke saamne register pe apna details tak likh diya..."theek hai mujhe direction bata dijiye kidhar se jana hoga"....."hmm waha se wahan lift hai"

arifin oonhein dekhte huye aage badh gaya...."arre tune oose aise jaane kyu diya? kya tujhe malum nahi ki 12th floor!"............"ho sakta hai ki yeh by mistake yaha pahuch gaya apna kya hai khud ghumkar yahi aayega hahahaha".........watchman log jaise arifin ki baat ko gaur karke oose ansuna kar chuke they.....kaash wo log oose sacchai pehle hi bata dete

arifin lift mein chadha fhir oosne apne baalo ko sheeshe pe dekhte huye theek kiya....haatho mein flower ka booket liye jise oosne raste waqt kharida tha oose ek baar sungha fhir apne kapre mein se aa rahi khushboo ko wo sana ke saamne handsome bankar mazud hona chahta tha...

lift 12th floor pe aake ruki...waha saamne ek darwaja tha...dono or bhi do darwaje they jinpe tala laga hua tha...andhere oos veeran darwaje ke paas kadam badhaate huye jab wo waha pahucha to oospar oose koi tala nahi dikha...oosne darwaje pe dastak di ooska dil har ek second mein jaise dhak dhak kiye jaa raha tha...

do baar fhir arifin ne knock kiya lekin darwaja kisi ne khola nahi...is baar arifin ne khud hi handle ghumaaya to darwaja apne aap chrr chr ki awaz nikaalta hua khul gaya....andar sab cheezein kaafi rayizi lag rahi thi....ek ek kadam andar rakhte huye arifin ne charo taraf dekha waha do kamre they...."excuse me ummm sana".......lekin kisi ne bhi ooske awaz ka jawab nahi diya aisa laga jaise ghar pe koi mauzud nahi tha....achanak arifin ka phone baj utha arifin oos khaamoshi mein phone bajne se hadbada gaya...oosne phone pe number dekha ye sana ka tha...

"haan sana haan main tumhare ghar mein khada hoo kahan ho tum?".....tatkal phone uthate hi jaise arifin ne kaha

"arifinnn arifinnn mere paas aao arifin main yaha hoo tumhare intejaar mein aao mere paas arifin chale aao".........arifin ko wo awaz na hi sirf apne phone par balki asliyat mein sunaai di...wo awaz thek bayi kamre se aa rahi thi....

arifin dheere dheere aage badha....ghar pe koi mauzud nahi tha...arifin muskurate huye sana ki awz ko sun jaise oos or badhne laga...ek kamra bedroom tha oosse thoda aage jaate hi oose bagal wala kamra dikha waha bhi andhera tha...arifin ne dheere se oos darwaje ki handle ko ghumaaya...aur jaise hi oose dhakela toh darwaja khul gaya aur bahar balcony se aa rahi roshni ooske chehre pe lagi....dopahar dhal raha tha....

wo bhi ek bedroom tha...andar aate hi oosne paaya ki charo taraf ek azib si khushbu si thi aur diwaaro par tasveerein ksii aur ki nahi balki sana ki....itni khamoshi thi ki farsh pe kadamo ki awaz oose khud sunaai de rahe they..."sana sana"....arifin ekdum se thithak gaya kyunki balcony par ek jhula tha

jispar ek 22 saal ki ladki ooski taraf peeth kiye baithi huyi thi jhule pe...jhula halke halke hawao se jaise aage piche hil raha tha ooski zulfo ko dekhte hi arifin oose pehchan gaya....arifin muskurate huye sana ke behad kareeb aaya aur theek ooske saamne jaa khada hua...

"sanaa dekho main aa gaya"........sana ne ooski taraf dekha aur muskurakar jaise ooske kehne se pehle hi gale se lipat gayi

"oh sana tum nahi janti ki main tumse milane ko kitna kitna beqarar tha?"

"main bhi arifin"....sana arifin ke gale se alag hote huye boli

"Waaqayi kaafi khubsurat nazara hai yaha se pure sheher ka mujhe yakeen nahi ho raha ki main tumhein apni saamne dekh paa raha hoo"

sana sirf muskurai arifin ne aajtak oos tasveer ko jeete jaagte asliyat mein nahi dekha tha wo ektak sana ko bas dekhe jaa rhaa tha....."aao mere saath main tumhara hi intejar mein thi"....sana arifin ka haath pakde oose apne bistar par bithaati hai....fhir dheere jaakar balcony ke darwaje pe parde barabar se laga deti hai....

"tum kuch loge bahut dur se aaye ho na mujhse milane?"...........sana arifin ke paas akar baithkar kehti hai

"Sana tumhein dekh liya ab mujhe kuch nahi chahiye aur waise bhi main sabkuch bhul gaya wo duriya wo intejaar aisa lagta hai jaise kitne saalo baad ekdusre ko dekh rhe ho"

"waaqayi arifin mujhe maalum tha ki tum mujhe bahut chahte ho lekin kya tum sachmuch mujhe pyaar karte ho"

"ofcourse apni jaan se bhi zyada"..........sana sirf muskurayi

"accha sana tumse to mil liya lekin tumhare parivar waale agar wo hote to main oonse bhi mil leta waise bhi kis baat ka darr ab toh maine faisla kar liya hai ki main oonse tumhara haath maangunga"

"hahahaha".....sana hass pari khilkhilaaye

fhir ekdum se khaamosh aur gambhir hote huye zazbat bhari nigaho se tassavur karte huye oosne arifin se kaha "wo log bahut dur chale gaye hai wo waapis nahi aa payenge"

"kya matlab?".......arifin ne sawal kiya

"haan arifin khair chodho chalo"

"kahan? kya koi tumhare ghar mein nahi hai abhi?"

Logged
asif biswas
Guest
«Reply #7 on: October 31, 2018, 01:59:53 PM »
"nahi arifin main akeli hoo khair chalo mere saath main tumhe waha le jaungi jo meri sabse favouraite jagah hai aao mere saath"....arifin ka haath pakadte huye sana oose apne sang le jaa rahi hoti hai

arifin ooska haath thaamein muskuraye ooske sang piche piche chalne lagta hai...dono ghar se bahar nikalte hai...fhir lift ke kareeb pahuchte hai....lift open huyii dono oosmein savar ho jaate hai ...kuch dair baad wo building ke antim floor yaani chatt par aa pahuchte hai.....

oos waqt suraj badalo ke beech jaise dubne ko tha...shaam ka waqt tha...hawa tej chal rahi thi.."wow what a beautiful roof sach mein kitna shaant hai yaha ka vatavaran kitni khaamoshi na koi chehel pehel aur na koi disturbance"....arifin charo ke taraf dekhte huye sana se kehte hai....sana oose ektak muskuraye dekh rahi thi...

sana ooske kareeb aakar ooske kandhe pe haath rakhti hai....."aao arifin aao mere saath"...dono chatt ke behad kareeb pillar ke paas aakar khade ho jaate hai waha se pura sheher oonhein dikhta hai charo taraf ki ucchi imaartein aur kahi road to kahi dur hari bhari vaadiya".......sana ooski taraf apni nigaaho se dekhti hai

"pata hai arifin mujhe ye jagah bahut pasand hai hamesha chahti thi ki yahi rahu aur dekho zindagi ne kya khel khela? maut bhi yahi se ho gayi"

arifin ekdum se sana ke taraf dekhte huye chaunk utha...."kya bakwas kar rahi ho? maut! hahahaha".......arifin ko laga jaise sana mazaak kar rahi thi

"it's not a joke arifin".....arifin jaise ekdum se sana ki or dekhne laga

"sana kya keh rahi ho?"

"aajse kareeb 2 saal pehle isi chatt se kudkar maine apni jaan di thi oosi ke wajah se jisse main mohabbat karti thi jaisa tum mujhe karte ho"

arifin sunkar jaise aasman se gira oosne mudkar sana ko khaamoshi se dekha...."ye kya keh rahi ho tum sana aisa kaise ho sakta hai? tum kya anab shanab keh rahi ho mere saamne tum khadi ho fit and alive dekho sana agar ye koi baddha mazak hai to mujhe!"

"mazaak nahi hai ye arifin mazaak nahi hai"........sana jaise mudkar apni bari bari nigaho se arifin ko daantte huye kehti hai...arifin ooski tej awaz aur ooske aankho ko pehli baar dekhke jaise darr gaya tha

"haqeeqat se rubaru huye to tum haan ye asliyat hai jo main tumhare saamne hoo wo jo tum samajh rahe ho wo main nahi hoo haan main zinda nahi hoo auro ke liye lekin mera wajud wo hai"

"iss..ka matlab tum".....arifin jaise gambhirta se bola

"haan jaisa tum samajh rahe ho wohi"..........arifin jo samajh raha tha oose ooske dil ko khauff mein ab dubana shuru kar diya tha....arifin samajh chuka tha ki wo sana nahi koi aatma thi...tab oose ahesas hua ki wo guard oose is tarah kyu ghurr rahe they? kyu ooski behan ki agaah karne waali wo baatein sach thi ki kbhi kabhi aankho dekhi sacchai haqeeqat nahi hoti arifin dekhte hi dekhte sanaa ke jitna kareeb khada tha oosse dur hone laga

sana dheere dheere ooske kareeb badhne lagi..."kya hua arifin? tum ghabra se kyu rahe ho?

"na..nahi sana d..ekho jo koi bhi ho tum pls mu..jhse dur raho pls sana plsss"....arifin jaise bahut darr gaya

sana tahaka lagaye hassne lagi ooski awaz jaise arifin ke kaan mein chubb si rahi thi....oosne aage badhte huye arifin ko jaise thaam liya ooske saqt thande haath ki pakad aisi thi jaise arifin ko kisi bhaari cheez ne thaam liya tha....

"kahan jaoge tum? ab koi duriya nahi hai arifin tumhein ab apna aakhri vaada karna hoga tumhein talash thi na meri...to main tumhare zindagi mein aa gayi theek waise hi jaise tumse pehle auro ne bhi meri jaisi khubsurat ladki ki tamanna ki kya tum chahte nahi ki tum mere saath yahi raho? mere paas hahahaha tumse pehle auro ne bhi mana kiya to mazburan mujhe oonke fareb ke liye oonhein maarna pada bahut taqleef pahuchaayi thi oonhone mujhe arifin"

arifin jaise pagalo ki tarah bhauklaaye nigaho se sehme darrein sana ke chehre ko dekh raha tha..."pls mujhe jaane do sana main tumhara kya bigaada hai? mujhe malum nahi tha main tumhari asliyat se waqif nahi tha plss sana plss"

"to kya tum bhi wohi chahte ho jo tumse pehle auro ne mujhse maangi"..........arifin k osamajh aaya ki wo ooske haatho huyi maut dene ki baat keh rahi thi

"n..nahi sana mujhe mat maaro tum jo kahogi main karunga maine tumse pyaar kiya tha saccha pyaar lekin main!".........sana ne arifin ko ekdum se chodh diya

ooske nigaho mein aansu jaise ubal rahe they aur wo muskura rahi thi....ooski khaamoshi dekh arifin seheme gulabi nigaho se oose ghurr hi raha tha bas kaise bh ikarke wo yaha se bhaag jaye bas...tabhi sana ne chuppi todi

"pyar karte ho mujhse jaise tumne mujhse vaada kiya tha chat par aur mujhe dekhkar hmmm"....arifin ne koi jawab nahi diya

"toh mera imtihaan mera wo aakhri vada bhi pura kar do"

"kaun sa vaada?".......arifin ne aakhir mein ghabrate huye keh hi dala

"mera haath pakadkar mere saath kud jao yaha se"........wo baat sunkar arifin ko tej dhakka laga oose ahesas hua ki ooske pair bhaagne ke liye jo betaab they wo jam se gaye they oonmein jaise jaan na thi bas wo oon pairo par khada tha

"n..nahi n..nahii sana nahiii nahiii"....arifin jaise rone laga

"haan arifin ye aakhri vaada hai ooske baad hum dono ek ho jayege chalo arifin mere saath chalo"........."nnahii sana nahiii nahiiii"...kisi saqt haath ne arifin ko pakada hua tha sana ooske haath ko thaamein jaise chatt ke kinaare aa khadi huyi

niche ka nazara dekhkar jaise ab arifin ko dehshat hone laga oosne prayatan kiya bhi lekin sana ne ooska haath nahi chodha....bas kuch aur kadam aur wo dono chatt se niche gir jaane waale they...arifin dil hi dil mein dua karne laga ki is aafat se koi oose bachaa le lekin shayad ooske andhe pyar ne oose is qadar pagal kar diya tha ki wo aaj apni jaan dene ke iraade se aisi situation mein fasa tha...

tabhi achanak sana ne oose dekha..."kya hua arifin tumhein kis baat ne roke rakha hai aao aao arifin aao"

"nahii nahii nahiii"...arifin ne jaise pure taqat se apna haath chudaa liya..sana ne oose ghuraa...wo aage badhkar jaise hi ooske seene pe haath rakhti hai tabhi achanak ooska haath arifin ke gale mein tange oos tabeez se jaa lagta hai....oos tabeez ko chute hi jaise sana cheek uthti hai....

arifin oose bhauklaaye dehshat bhare nigaho se dekhta hai sana ka haath oose jalta mehsus hota hai maans jalne jaisi badbu oose apne naak par lagti hai aur theek tabhi sana oose jaise dhakel deti hai....oos dhakka se arifin larkharate huye tabhi sidhe chatt se niche gir jata hai.....

arifin ko tej hawa ka ahesas hua aur jaise hi wo zameen pe aa gira to jaise ooske gale se ek ghutti dahadhti cheekh nikal gayi.....oos waqt oose apni aankhe band hoti nazar aayi aur pura shareer dard se behaal mehsus hua....charo or bheedh lag chuki thi society ke log kisi ladke ki cheekh sunkar aur oose girte hi ooske kareeb aa pahuche wo sab chatt ki or dekhne lage....lekin arifin ko sirf itna dikha ki waha ab koi mauzud nahi tha....arifin ka shareer thode dair kaanpa ooske baad oosne apni aankhe mund li....oose itna hi sunaai diya shorr mein ki

"arre baap re ye ladka bhi kuch dair pehle aaya tha....arre oosi chatt se giraa ye...kahi wohi 12th floor waali vaardat to nahi...arre koi ambulance call karo faurann....fauran call karo ambulance ko fauran"

to be continued....

Ye daastan jo aapne padhi ye arifin ke zindagi mein hua tha....ooski deewangi ooski mohabbat jo ektarfa thi ya mehez koi chalawa oosne oose apne ant tak pahucha diya tha.....behan ke dil ka darr sach nikla tha....lekin ab baat yaha aa kar ruki ki daastan ne agla mor kya liya? kya arifin ki jaan chali gayi theek waise hi jaise aajse pehle oon ladko ki li jo oosse theek waise hi mohabbat kar baithe they? kya hoga jab sonal aur ooske parivar walo ko apne bete arifin ka maalumat chalega? aur sabse bara aur aehem sawal kya tha wo raaz jisne sana ko sucide karne pe mazbur kar diya? aur oose ek rooh bana diya jo qatal wo kiya karti thi? kya hoga anjaam janenge is kahani ke agle aur sesh episode mein
Logged
asif biswas
Guest
«Reply #8 on: November 01, 2018, 12:30:03 PM »
"doctor doctorrr doctorrr"...........ek hospital mein nurse bhauklaayi jaldi se doctors ke cabin mein aa prastut hoti hai....doctor ko jab maalum chalta hai ki patient ko fhir waise daure pad rahe hai toh wohh aanan fanan apni kursi chodhta hua ward room ki taraf daud parta hai nurse ke saath...

ward room ke bahar khade arifin ke pitaji aur ooski behan sonal jo ekdum bhauklaaye huye sadmein mein dube ro rahe they wo ekdum se doctor ko dekhkar oose apne bete ko bachaane ki guhaar lagane lage...."pls shaant ho jaiye aap log pls shaant aap log baithiye plss sir pls try to understand"............sonal ko aakhir mein khud hi apne pitaji ko rokna pada

doctor ward room mein dakhil huye fhir oonhone paaya ki patient jiska naam arifin tha jiske kandhe se leke baazuyo tak patiya thi aur poore sar par jaha ek or khoon ka dhabba ban sa gaya...paas aakar doctor ne ooske kaanpte shareer ko roka oxygen mask ko oosne ooske chehre pe acche se theek kiya aur fhir ooske seene ko sehlaate huye oose jaise relax karne laga

"calm down arifin pls relax ho jao kuch nahi hua hai tumhein kuch nahii".....beshud pada arifin doctor ke awazo ko apni kaan mein gunzte huye sun sakta tha...lekin oos awaz ke saath theek aur ek gunzti aur tahaka lagati wo hassti awaz bhi thi aur band nigaho ke saamne wohi drishya....wohi chehra wohi sana noor..

abhitak arifin ka shareer kaanpte jaa raha tha...bahar khade ooski behan sonal aur ooske pita apne bete ko leke bahut fikarmand aur pareshan ho rahe they ooski halaat ko dekhkar....behoshi ki haalat mein bhi arifin jaise tadap raha tha..."oh my god iski dhadkane tej ho rahi hai nurse jaldi se injection do abhi immediately".....doctor ne jaise arifin ko thaame huye nurse ko aadesh diya

jald hi injection ka ek baar fhir ek dose arifin ko lagaya jaa chuka tha...injection ki suyi jaise hi doctor ne ooske nass se bahar kheechi toh dheere dheere arifin fhir normal hone laga ooska kaanpta shareer tham gaya....machine mein ooske dhadakno ki raftar fhir normal ho gayi thi...

doctor apne maathe ka pasina pochte huye ward room se bahar nikle oonhone arifin ke parivar walo ko dekha aur oonhein apne saath cabin mein aane ko kaha...."aaiye mere saath pls".....sonal apne pita ko royi nazaro se dekhte huye ek baar piche ward room ki khidki se beshud pade arifin ko dekh doctor ki taraf apne pita ke saath badh gayi...

cabin mein pahuchkar doctor ne jo baatein kehni shuru ki wo dono bade dhyaan se oon baaton ko sun rahe they khaaskarke sonal......"doctor saahab mera beta kya ho gaya hai oose? aise kareeb oose 3 daure pade hai hamesha behoshi halaat mein jaise kaanpne lag jata hai aisi hi ooski nazuk halaat dekhkar mera jee kaanp gaya hai aur ooski ye problem meri bechaini ko badha deti hai"

"dekhiye sir arifin ki jo halaat hai oose dekhte huye yeh kehna normal hai ki wo ek bahut hi sudden shock mein pahuch gaya hai mujhe nahi maalum ki ooske saath kya hua tha? kya oose kisi ne dhakka diya tha ya fhir oosne jaanbhujkar khudkhushi karni chahi thi"

"aisa nahi ho sakta mera bhai khudkhushi kyu karega? wo to bahut khush tha bahut khushi khushi wo naigaon ke liye nikla tha aur main jaan chuki hoo ki oosne sirf aur sirf jhoot kaha tha humse ki oose koi interview ke liye bulayaa gaya hai asal mein wo oos ladki sana se milane aaya tha"..........sonal ne ekdum se doctor ki baat ko kaantte huye nafrat bhare andaaz mein sana ko yaad karte huye kaha

"pls aap shaant ho jaiye well jitne ucchai se arifin gira tha oosmein kisi ka bach paana na mumkin hai ooske sar par aur ooske shareer ke kayi hisso par kaafi chotein aayi hai baye haath ki haddi tut chuki hai iske alawa koi pareshani waali baat nahi hai well arifin theek to ho jayega par ooska treatment lamba chalega baaki jo sudden shock se oose daura pad raha hai ye koi psychological problem ho sakta hai ho sakta hai ki jo haadsa ooske sath hua oosse wo buri tarike se darr gaya hai jo oose reh rehkar baar baar yaad raha hai"

doctor ki baaton ko sunkar chupchap sonal apne pita ki or dekhne lagti hai...mann hi mann oose ab samajh aa chuka tha ki kahi ooske bhai ko sana ka raaz maalum to nahi chal gaya tha ye toh arifin ke hosh mein aane par hi maalum chalta...."aap log fikar mat kijiye haalat sab theek kar dete hai waqt ke saath arifin ka ye darr jo ooske dil mein dehshat ban gaya hai oosse bhi oose nijaat mil jayegi umm but sir jo hadsa ooske sath hua tha oosse police case bana hai aur police do baar waise hi aa chuki hai wo log arifin ke hosh mein aane ki bas intejar kar rahe hai

"aur kab tak mere bete ko hosh aayega?".....pita ne fhir sawal kiya
"kuch din aur lag jayenge but he will definetely became conscious".......doctor ke jawab ko sun jaise arifin ke parivar ko himmat mili thi...

doctor ke cabin se bahar nikalne ke baad jaise arifin ke pita apne zazbato ko rok na paaye....sonal apne pita ko fhir samjhaane lagi...."na jaane beta kyu maine oose yaha aane diya? mujhe nahi malum tha ki aisi manhus khabar mujhe milegi ooske yaha aane se?".....arifin ke pita ne rote huye kaha

"papa pls aap shaant ho jaiye haalat ka bas kispar chala hai? sab galti arifin ki hai maine oose kitna mana kiya tha? lekin wo itni badi naadani kar baitha ki aaj wo hamare zindagi se bahut dur chala jata ye toh rehem hai uparwaale ka ki ooski jaan bach gayi warna main ye sadma bardasht nahi kar pati".....sonal ke bhi aankho mein kehte kehte aansu aa gaye

"teri maa ko jab ye khabar lagi hai aur jab oosne tere bhai ko is haal mein paya yaha dekhkar tabse gehre sadme mein hai main oose hotel hi chodh aaya nahi bardasht ho pata oosse"

"sab theek ho jayega sab theek ho jayega suna nahi doctor ne kya kaha arifin theek ho jayega?".........sonal ne jaise apne pita ko shaant kiya

x----------------------x-----------------------------x------------------------

Jab arifin pehle hi din sheher pahucha tha to sidhe sana se milane ooske wohi address tower no.5 12th floor par pahucha....sana se wo jab rubaru hua to aisa laga jaise ooski zindagi ka ye aehem waqt tha lekin oos nadan ko kya pata tha? ki jis waqt ko wo aehem samajh raha tha wo waqt ooske liye hamesha ke liye ooski zindagi ka aakhri waqt banne ko tha...sana jab oose chatt par le gayi aur jab oose apne wajud ka ahesas karaya to arifin jaise kaanp utha....aur oosi waqt sana ka haath ooske seene pe pade oos tazib pe ja laga aur ekdum se sana ne oose dhakel diya...gira wo zarur lekin ye kisi khuda ke karishme se tha ki itni uchaai se jaha se pehle bhi bahut haadse huye they bawjud wo zinda bach gaya tha...

arifin jaise hi lahulhuhan zameen par gira logo ko dikha to aas paas ke society ke logo mein afra tafri mach gayi sabne ise oosi haadso se joda jo abtak oos 12th floor ki wajah se hote aaya tha....waqt par ambulance bulaayi aur ghayal arifin ko hospital le jaaya gaya jaha kareeb 10 din tak i.c.u ward mein ooska ilaaj chalta rhaa....jab parivar waalo ko khabar lagi toh oonke ghar mein jaise aag lag gayi....behaal pareshan arifin ke maa-baba aur sonal teeno jald hi naigaon pahuche...ikhtila police ne ki thi aur ab ye ek police case ban chuka tha...arifin ke baramad huye phone se oonhone ooske parivar ki details nikali thi jiske tehet arifin ke maa-baba aur sonal arifin tak pahuch paaye hospital....

sawalo ki jaise barish kar di police par aur gawaho par lekin kisi ne kuch bhi dhang se oonhein na bataya siwaay iske jo oonhein malum chala ki wo oosi 12th floor tower no.5 ki building mein gaya tha ooske baad wo sidhe niche aa gira...arifin ke parivar par qeher sa gira tha....arifin aakhir ek anjaan sheher mein ek anjaan address par kyu gaya tha? jawab sonal ne apne parivar ko diya oose samajh aa gaya ki kya jaldbaazi aur kya hadbadahat thi arifin ke dil mein jo wo naigaon pahucha....sana ki baat khulkar oosne sabki saamne rakhi aur ooske baad oosne ooski aatma hone waali baat bhi na chupaayi...police ko jab ye malum chala to wo jaise pehle to yakeen hi nahi kar paaye aur jab gutthi suljhaane oosi building pahuche to onke guard aur waha ke society waalo se jo maalum chala ooske baad oonhe toh aur yakeen nahi hua....lekin jo kuch malum oonse arifin ke parivar walo ko pata chala tohh oonhein sabkuch saaf saaf samajh aa gaya tha...

kareeb 1 mahine baad arifin ko hosh aa gaya tha...ooske hosh aane par jaise oosse ooski maa pehle hi lipatkar rone lagi sabkoi waha mazud tha aur police bhi....arifin dheere dheere uthne ki koshish karne laga lekin doctor ne oose mana kar diya...arifin waise hi laita sabko dekh raha tha sonal jaise apne bhai pe baras padi aur ooske pita bhi...arifin ke zehan fhir ek baar sabkuch ghumne laga fhir apne parivar walo se ki berukhi aur jhoot se wo apne sar ko jhukaaye huye mann hi mann jaise rone lgaa ooske paas maafi kehne ka bhi shabd nahi tha

"baba m..aa s..sab meri g.altti hai maine sonal didi ki baat ko nahi samjhaa hamesha yahi laga ki main sahi hoo aur wo galat lekin sach mein mujhe apne karmo ki saza mili haii".....arifin jaise ro pada

"arifin ab tum ro mat sab theek ho gaya ab hum tumhein lene aaye hai tumehin pata hai hum kitna tadpe tumhare liye ye to shukar hai ki tumhein uparwale ki daya se koi bada nuksan nahi hua tum bach gaye aakhir kyu gaye they tum waha?"....sonal arifin ke sar ko sehlaate huye ooske paas baithkar rote huye oosse jaise kehti hai

"mr arifin"..........is baar awaz policewalo ki taraf se huyi...arifin ki nigaah huyi wo thoda sehem gaya lekin fhir oose samajh aaya ki ye sab oos waaqye se juda hua tha jo ooske sath ghata yakeenan police case bana tha oonhein laga hoga ki ye suicidal case hai

"jab aap hosh mein aa hi gaye hai toh aapko apna byaan humhe dena hoga ki aappar jaanbujhkar kaatilanaa hamla kiya gaya tha ya fhir aapne sach mein hi khudkhushi karni chahi thi sabse pehle to hum yahi jaanna chahte hai ki aap waha kyu gaye they? kya sach mein koi sana naam ki ladki ke saath aapka relation tha? jo chat se shruu hua tha?"

"j.ji sir m..main sana noor naam ki oos ladki se ooski ek tasveer par nihaal hokar oosse friendship ki thi....ooske baad humare beech kaye din tak waartalap huyi humne video chat bhi kiya fhir oosne khud kaha ki oose mujhse milana hai"

"aur aap oosse milane naigaon aaye is dusre sheher mein"

"ji sir"..........arifin ne police walo ke jawab ko bahut sehejta se diya

"lekin aapko malum hai ki humne aapka fb id aur imo whatsapp sab check kiya aur aapko ye hairani hogi ki is naam ki na koi ladki ka number mazuud hai aur naa hi ooska koi whatsapp ya imo hai"

"sirr ye kaise keh sakte hai maine itne mahine se oosse chat kiya hai hum ekdusre se phone par baatein karte they even aap mera fb id"

"humne check kiya tha oosmein sirf aapne ooske fb page ko like kiya hua hai aur oosse zyada kuch bhi nahi"

arifin ko jaise bhaari dhakka laga sonal arifin ko ektak aise dekh rahi thi jaise ab ooska sach arifin ko bhi sach lag raha tha aajtak oosne ye baat arifin se na kahi lekin aaj sonal ne ye baat bhi arifin se keh di ki oosne sana ki jasoosi ki thi lekin jaisa policewalo ke haath laga theek waisa ooske haath laga tha...arifin ekdum hairan....ooske saamne policewalo ne ooske smartphone pe oos number pe call bhi lagaya to wo valid nahi tha aur na hi ooska koi whatsapp wagaira tha

"fhir wo messages wo baatein? maine oose khud inhi aankho se dekha tha main samajh chuka hoo sir wo sirf aur sirf ek chalawa thi oosne mujhe apne paas maut ke liye bulaana chaha"

"main nahi janta ki kya sach hai aur kya nahi? lekin tumhari baatei ntumhari behan ki baatein aur society waalo ki baatein sab ek jaisi mil rahi hai".............policewale ne jaise jawab diya

arifin ko ekdum shock laga tha.....oos ghatna ko yaad karte hi jaise ooska dil sihar utha..."accha jab tum waha pahuche toh fhir kya hua?"...........arifin ne fhir policewalo ko jo kuch ghata tha ooske saath oos aakhri din sabkuch saaf saaf bata diya

"humne oon dono guards ko arrest kar liya hai ki oonhone jaanbhujkar jaante huye ek haadse ke baarein mein tumhein 12th floor pe jaane diya aur oonhone bhi wohi sach ugala oon society waalo aur oon logo ka asliyat mein kehna hai ki aajse kareeb 4 saal pehle 2014 ke waqt oos 12th floor mein ek ladki jiska naam sana hai aur jo fb id pe ooski profile page mili wohi ladki raha karti thi she was a model ooske maa-baap aur kayi relatives they lekin ek haadsa ho gaya tha society waalo ne jaha tak bataya ooske mutabik she was raped by her boyfriend ahmed jiska naam tha jiski laash hamare co-police officers ko 2 saal pehle sheher ke bahar mili thi ahmed naam ka wo ladka sana ka fiance hone wala tha lekin ooski khubsurati aur ooske hawas mein churr hokar oosne sana ko apne jaal mein fasaya aur jab oosse apni sahawat puri kar li toh sana ye sehan na kar paayi osoke parivarwalo ko jab maalum chala to oonhone zeher khaa liya ooske maa-baap ki wohi death ho gayi beti ne oosse ek din pehle aatam hatya kar li thi oosi chatt se jaha ka zikar tum kiye wohi se kudkar oosne apni jaan de di thi tabse se leke aajtak oos 12th floor par ek taala jhul raha hai police ne oos ghar ko seize kar diya hai"

arifin aur ooske parivarwale sab hairaan ekdum shock mein they ki aakhir ye kaise possible ho sakta tha? ki ooska beta ek mari huyi ladki ke sath dosti kar baitha tha jisne oose apne ghar bulaya bhi aur oose jaan se maar dena chaha jiska ab koi sabut nahi ki wo arifin se baat karti thi ya oosse video chat karti thi...sonal ne iska khulaasa kiya

"haan arifin ye log sach keh rahe hai maine khud dekha hai tumhein tum kisi se bhi nahi baat kar rahe they fhir bhi tum naa jaane kiske sath badbada rahe they phone ki screen ko dekhte huye pehle to mujhe laga ki shayad tum ko koi psychological problem hai lekin mujhe sab saaf samajh aa gaya ahmed ka profile mujhe kyu nahi mila? wo bhi samajh aa gaya tha kyunki oose to pehle hi oos sana ki aatma ne maar diya tha jabki wo police se bachta raha ye sochkar ki kabhi ooske gunaho se parda nahi uthega"

"haan sonal tum theek keh rahi ho ab mujhe sab samajh aa chuka hai aur oosne khud zikar kiya tha ki oosne mujhse pehle auro ko bhi maara tha theek waise jaise oosne mujhe maarna chaha oosi chatt se faikkar lekin wo tabeez"...........arifin ne apne seene pe lage oos tabeez ko apne parivar waalo ki dikhaya

"ye tabeez hi ne meri jaise lagta hai jaan bachaayi ooska haath mere seene pe jaise aaya mujhe ooska haath jalta mehsus hua ab bhi mujhe ooske oos jalte haath ka drishya yaad hai aur wo badbu ooske jalte haath ki ab bhi jaise mujhe mehsus hai"

policwale azib nazaro se arifin ko dekh rahe they...."mujhe to ab bhi aisa nahi lagta ki tum sach keh rahe ho aatma kanoon kisi aatma waatma ko nahi manta hona ho ho aatma ki aad mein koi toh hai waha jo tumhari hi tarah ladko ko chatt ke zariye bulaati hai aur fhir oonhein chatt se dhakka dekar oonki jaan le leti hai isse pehle society waalo ne 2-3 ladko ki aisi hi maut ki wajah batayi details maalum pe chala wo log bhi kuch is sheher ke they to ek bahari sheher ka lekin oonmein se koi bach na paaya siwaaye tumhare"

har koi khaamosh ho chuka tha....arifin ekdum sadme mein aa gaya tha....arifin ki maa ne oose oos tabeez ki baat batayi jo har bala musibat se salamati rakhno ko oosne ek dargah se apne dono baccho ko pehnane ke waaste laayi thi....ab bhi ye yakeen karna policewalo ke liye arifin ke liye muskil tha ki chat imo jisse arifin apne apne phonse baat karta tha wo sab kaise gaayab ho gaya....policewalo ne case ki kuch din aur taftish ki aur shocked arifin ko ooske parivar waalo ke sath sheher chodh dene ki izazat kuch din baad de daali....

jab arifin apne ghar pahucha toh oose rahat mehsus huyi lekin wo ghatna wo chehra wo yaad ooske zehan se nahi utari thi wo ab bhi seheme huye sota tha raat ke kareeb oose aisa lagta jaise oose fhir video chatt ya koi call aayega aur fhir oose wohi sana ki awaz sunaai degi...zindagi mein ye ek pehli ghatna ooske sath ghati jo ooske zindagi ko ulat pulat karke chali gayi....sonal ne apne bhai ko khub support kiya ooski maa oose apne saath dargah le gayi oose jhaar phukh karwaya ooske bete ke upar jo sana ki parchai thi oosse salamat karne ke liye....

sonal ko yahi laga ki arifin ki jaan khuda ke rehem se hi bach paayi thi warna ooska bhai zinda lautkar waapis nahi aata ooska bhi wohi anjaam hota jaise auro ka hua....sonal apne parivar ke sath oos 12th floor tower no.5 ki wo building dekhi thi jaha ab bhi ek taala bada sa jhul raha tha jab darwaja khola gaya to andar makdi ke jaaliyo aur dhool mitti aur band ghar ke siwaah kuch nahi tha waha wo kayi saalo se band pada tha....sonal ne jab ye baat arifin ko batayi thi to wo ekdum sann reh gaya...ki kya dekha tha oosne kisse mila tha wohh kisne ooski jaan leni chahi thi ? lekin jo kuch bhi ho ab mohabbat jaise na kabhi karne ki usne kasam khaa li thi....oos din ke baad se oose kabhi dobara koi call nahi aaya aur agar aaya bhi toh sonal ne hi ooska phone uthaya lekin koi bhi call ab sana ka nahi aata tha...

arifin ne apni fb id delete kar di thi...sana ki tasveer ab bhi searches website pe mauzud thi oose kabhi yakeen hi nahi hua tha ki oos jaisi khubsurat dikhne wali masum ladki ek rooh bankar ooske saamne aa khadi hogi...oos din ke baad aajtak arifin ke zindagi mein kabhi kuch na ghata aur na kabhi sana naam ki oos ladki ne ooski zindagi mein dobara dastak di....

The end....
Logged
asif biswas
Guest
«Reply #9 on: November 01, 2018, 12:47:35 PM »
Ye jo ghatna thi isne sach mein ek ghatna ko ek daastan ka rup de diya....arifin ki ek bhool ne oose ek mari huyi ladki ek aatma se rubaru kara diya....theek waise jaise aajtak oos aatma ke haatho aur victims hote aaye they....lekin arifin ke victim banne se pehle hi jaise khuda ne oose ooske haatho marne se bacha liya...

halanki wo gira bhi wohh marte marte bacha bhi...lekin ek ibrat is ghatna ko dekhkar milati hai ki kabhi bhi mohabbat mein itne churr na ho jana itne magrur na ho jana kisi pe itna andha wishwas na kar baithna tu..ki oos jhoot ko hi tu haqeeqat maan le....

Ye toh thi ek ansuljhi rahasya jiski shuruwat prem ki syaahi se khatam huyi ghatna-e-horror par Winking lekin aisi bahut si ghatna hai jo hamare zindagi mein ghatti rehti hai....kuch ghatna kaafi dilchasp hoti hai to kuch sirhan pure jism par daal deti hai...hum horror films ko dekhna bahut pasand karte hai lekin kabhi horror film jaisi kahani hamare sath agar ghat jaaye hahahaha to oos ghatna ko kabhi bhi hum yaad nahi karna chahenge aur na oos ghatna se hum kabhi dobara rubaru hona chahenge aur na hi ye chahenge ki aisi koi bhi daastan jo ghati ho hamare sath ghate...

Ek baar ek kaafi naami horror writer apni gaadi mein kohre ki sard raat ko dusre sheher se apne sheher ki or jaa raha tha.....raasta veeran aur sunsaan tha raat 12 baje ka waqt ka ho chala tha...gaadi abtak sheher mein nahi pahuchi thi aur dono veeran andhera aur khaamoshi headlights ki roshni bhi jo saamne faikh rahi thi oos andhere mein kohre ki chadar ko jaise dhundh sa dikha rahi thi....

achanak oosne paaya ki ek ladki kareeban kuch faasle hi dur lift ke liye haath dikhaa rahi thi....oose laga ho sakta hai koi beraah ho ya fhir koi is anjaan raaste par koi ghaat lagaye baithe lootere lekin oosne fhir bhi apni gaadi wohi oos ladki ke paas hi rok di....

oosne jaise darwaje ka shessha ka khola to ek thand sa sard hawa oose apne chehre pe mehsus hua hawao ka ho ho karta shor oose apne kaan mein sunaai deta gaya....saamne oosne paaya ek bari hi khubsurat ladki ooske paas aakar oosse muskurakar lift maangti hai...jo jawab mein oosse puchta hai ki wo itni raat gaye is sunsan sadak par kya kar rahi hai?....lekin tabhi ooske jawab dene se pehle oose ahesas hota hai ki ooske piche ek purana sa kabrustan hai jiske lohe ka darwaja adhkhula hai....

ab aisi dilchasp ghatna sirf aap sunna chahenge lekin kya aap chahenge ki aisi hi kuch ghatna apake saath ghate hargiz nahi.....toh main aashif aapka writer aapse izazat leta hoo aur shukraguzar karta hoo jo keemati waqt aapne meri is nayi horror story "parchai ke piche" ki ghanta-e-daastan ko padhkar di Winking

to fhir milunga aapse fhir kabhi kisi naye daastan ke sath Winking ijajat dijiye alvida  icon_salut icon_salut
Logged
Nahid Ayaz
Shayarana Mizaaj
**

Rau: 1
Offline Offline

Gender: Female
Waqt Bitaya:
16 hours and 0 minutes.
Posts: 85
Member Since: Aug 2019


View Profile
«Reply #10 on: May 30, 2020, 07:12:39 PM »
Amazing story bro  Clapping Smiley Clapping Smiley Love it your way to express  full feeling  n describe  the situation.. N happy  ending  love4
Logged
Pages: [1]
Print
Jump to:  


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
June 25, 2022, 01:31:46 PM

Login with username, password and session length
Recent Replies
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.22 seconds with 25 queries.
[x] Join now community of 8450 Real Poets and poetry admirer