AGAR EXAM NA HOTA..

Agar exam na hota..

Subah-Shaam,raat-dopehar
Kis pal maine fikar ki,
Na jaan kar,na galti se
Kitaabon pe nazar di,
Ab raat-raat jaag kar
Main pareshaan na hota,
Agar exam na hota..

Band mutthi aaye the
Band mutthi hi jana hai,
Ek manzil humare naam ki
Par pehle usko pana hai,
Raasta bhi aasan hota
Mushkil na mukam hota,
Agar exam na hota..

Kaun nahi chaahta ye
Ki log usko pehchaane,
Uske naam ko har koi
Acche naam se hi jaane,
Accha banane ki chaah me
Main badnaam na hota,
Agar exam na hota..