baat karo

 

Paas baitho bhi zara baat suno baat karo,

Do Qadam aur chalo saath sanam baat karo.

 

Itani sadiyon se taki hamane teri rah sanam,

Aaye ho aaj to kuchh Lamhe ruko baat karo.

 

Mere dukh dard , mere marz ki jaane do ,

Apni khush haal bahaaron ki to baat karo.

 

Mere hothon pe hain rok kai rasmon ki,

Tum ho aazad jee chahe wahi baat karo .

 

Jinke ho unke raho hamko kahaan shikawaa hai,

Saamane aa hi gaye ho to zara baat karo.

 

Unke sar Taj rahe , unka hi Taj bane ,

Mere khwaabon ke sartaj hanso baat karo.

 

Bhigi Ankhon se nahin saaf dikhai dete

Ho yakeen aap hi ho aap koi baat karo.