DUNIYA MEIN SABHI BUDDH NAHI HOTE

Duniya mein sabhi buddh nahi hote
Mann se saaf aur aatma se shudh nahi hote
Hota hai fark unki kathni aur karni mein
Yadi aisa nahi hota to har chaurahe par
Ek budhh khada hota
Jo badalta har angulimar jo
Yeh jahaan barbaadi ke kagaar par yu na khada hota!

Aaj yun to hai bahut duniya mein taaranhaar
Par pata nahi kyu parivartan nahi hota?
Aj zarurat hai ek Mahavir aur Nanak ki
Jo tyaag apne sukh, parvah kare jahaan ki
Shaant kare ashant man ko
Kar unki shanka ka samadhan
Bana de sabko apne mein hi mahaan!

Dharam ke thekedaar yadi karte udhhar
To na hota maut ka taandav har baar
Na roti manavta zaar-zaar
Saup na khudko haath in chalaavon ke
Khud hi bann ja tu apne sahare

Na doond buddh ko kahi baahar
Apne mein hi buddh ki alakh jalaa le
Kraantikaari badlaav aaega
Jab har koi apne me hi buddh ban jaaega!

dhanyavaad..