*~*Ek Kahani*~*:Miscellaneous Shayri

*~*Ek Kahani*~*

by Roja on February 26, 2009, 05:44:57 PM

Pages: [1]

Author

(Read 879 times)

Jeevan ke shuruvati shanon ki ek kahani avikal hu
Apna maun samhale behti sarita ki mai kalkal hu..
Vijay-parajai dono mere tumhi kaho kya sunana hai
Mujhko toh abhimanrahit ho aaj sabhi kuch kehna hai
Aage ki kya kahu kahani mai toh apna beeta kal hu..

Jeene ko maine pattar samaja ve toh sachmuch paavan hai
Jinhe samajti thi mai reeta ve toh bhojil sawan hai
Girne ko bhi rahi tarasti ek adhuri halchal hu..

Her aandhi ko bheja maine dulhan ka shubh saaj sajakar
Veeranon mein kiya basera jinhe bahare gayee rulakar
Hasne ka avkaash na jisko aisi gam ki ek gazal hu..

Pat ki dhuri naapi maine manzil naap nahi payee
Pakar bhi jo rahi parayi aisi sooni manzil payee
Mujhmein nahi ujala fir bhi jalti varthi sneh sajal hu..

Sooraj kab nikla kab dooba tam-aalok nahi dekha
Jisko koyi nahi padega vidhi ka aisa hu lekha
Khud hi apna parichai deti tooti mith.ti taan vikal hu..

yahi suna tha maine abtak pooja ka apman na hota
Grahan kare ya kare na Bhagwan kabhi pujari dukhit na rota
Ut.ta-girta hai khud hi da.ka-da.ka-sa aancha hu..

Phool chadaye jab-jab maine badale mai uphas mila
Fir bhi maine kabhi kisi se nahi kiya koyi khaas gila
Jiska koyi nahi kinara aisi dhara urmila hu..

Jagwalon se kabhi na manga loot jane ka maine mol
Jis kisi ko dekha bhikte deti thi mai aansoo tol
Khud hi apna bhar naapti aisi reeti tula achal hu..

Jisko koyi rok na paya aisi dhar umadti hu
Avrodhon ke aage mai toh aur veg(jaldi) se badti hu
Aahon ka avsaad na jismein aisi meeti kalkal hu..

Mandir hu ya moorat hu mai aakar koyi samja de
Palak-haas se koyi apne mera soona mehal jaga de
Saanj-sakare jisne khoye us gadi ka parichit pal hu..

Nahi suna sakti mai tumko mere man ki sacchi ghata
Dard-bere un ehsaason ko keh payegi kya bhasha?
Khud hi pigla, sadan ho gaya aisa soona samtal hu..

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.