Girgat kee tarah Rand Badalna seekho!!

Mere ustaad mohtarum Dar Kashmiri  marhoom ke chand tanzia ashaar yaad aa gaye the jinhein yehan qalamband kar reha hoon. Ummed he ye band aapko bhi pasand aaye ga!!

''bewaqoofi he hukumat se baghawat karna
  jaise ik sher se bakri ka adawat karna
  bhool kar tum na kabhi aisee himaqat karna
  hashr se pehle na tum aisi qiamat karna


 Kuch jo ban-na he tu waaday se mukarna seekho
 Yaani girhat kee tarah rang badalna seekho!!''

shukriya...mere ustaad marhoom qalandar aur baghi shayer the. Afsoas unke kalaam ka majmooa napaid ho gaya he, meri apni copy bhi guum ho gayee he warna bahut  achhi achi nazmein hazir e khidmat karta. Sirf yehi band aur chand aik ashaar hafizay mein baqi bachay hein....agar un ka majmooa kalam kabhi mil gaya tu zarur pesh e khidmat karun ga.


aik baar jalsa e aam mein mehngai ke khilaaf ye ashaar parh diyay aur jail kee hawa khani pari..

din ba din barh rehi he mehngai
food minister teri duhaee he
food minister ka kuch qasoor nahi
sadr e millat kee _ma ******_____(kaarwai samajh leejiye) he



jab woh zamanay se naaraaz huay tu bolay

is dor e be nazir mein d***** ka raaj he
etc etc

aur mazay kee baat he k woh private mehfiloan ke ilawa bhi aise ashaar
majlison mein bhi parhne se nahi chooktay the

Khuda unhein waasil e jannat kare...ameen!!:)

sorry, I just noticed a mistake in the header, please read RANG instead of rand. Thanks