USS PAAR..

Sookhe patte batorkar
Tinka-tinka jod kar,
Ek naav banaaunga
Main uss paar jaaunga..

Mushkilen kayi aayengi
raah me meri,
Mushkilon se takrakar hi
to manzil ko paaunga,
Bujhte diye batorkar
Unki roshani jodkar,
Nayi ummid jagaaunga
Main uss paar jaaunga..

Adchane bhi aayengi
chaah me meri,
par kuchh bhi karke
Main kuch kar dikhaaunga,
Aaansuon ko batorkar
Unka bahaav jodkar,
Nayi leher banaaunga
Main uss paar jaaunga..

Ghum koi bhi aayega
Baanh me meri,
Hanste huye uss ghum ko
main seh jaaunga,
Nafaraton ko batorkar
Har dard ko jodkar,
Khushiyon se hissab chukaaunga
Main uss paar jaaunga..

very nice friend ji!!!! humesha aise positiv sochna chahiye!!! keep it up!!!!

 :D