rehguzar aashiyaaN hai ab mera

dil panaahoN meiN laga kab mera
rehguzar aashiyaaN hai ab mera

jee raha hooN yehi pehchaan bahaut
mar gaya naam kahaaN tab mera

kab tha sood-o-ziyaaN ka ilm mujhe
poochh bik’ne ka mat sabab mera
(sood-o-ziyaan = profit and loss)

kaam haajat jo karaaye kam hai
baagh meiN khalq ke kartab mera
(haajat = necessity, khalq = people / public)

man’ne-waaloN mujhe butt dekho
haal tum mai’kade meiN shab mera

muNh chhhupaata hooN sharm se jinse
naam yaad aaye unheiN kab mera

be-wajah de mujhe ilzaam jahaaN
yaar rootha hai be-sabab mera

kuchh to mere bhi liye chhut jaata
kab ye maine kaha ho sab mera

zauq-e-nazzara-e-zulmat ka junooN
aur badhta hai harik shab mera
(zauq = taste, nazzara = to see/admire, zulmat = darkness)

nek rakhta hooN iraade zarraa
bas bayaaN hi hai be-adab mera

- zarraa