Kitni mushkil sy kati kal ki meri raat na pooch,

Kitni mushkil sy kati kal ki meri raat na pooch,
Dil sy nikli hui honton main dabi baat na pooch,

Wo kis adaa sy merey samney sy guzraa abhi,
Kis tarah main ny sambhaley merey jazbaat na pooch,

Waqat jo badley to insaan badal jaty hain,
Kya nahi dikhlaatey yeh gardish-e-halaat na pooch,

Wo kisi ka ho b gaya or mujhey khabar na hui,
Kis tarah usny chudaya hai mujh sy haath na pooch,

Is tarah pal main mujhey begana kar diya usny,
Kis tarah apno sy khaai hai main ny maat na pooch,

Ab tera pyaar nahi hai to sanam kuch b nahi,
Kitni mushkil sy bani thi dil ki kayenaat na pooch.