muskaan

Uske chehre pe
Ek ajeeb sa bhaav tha
Silvatein jaise khuda se kee gayin shikaytein thi
Jo dua puri na hone pe kee gayin thi
uske khichdi baal jo uljhe bhi the
Uski zindagi bayaan karte the
Haathon kee lakeerein patthar todte todte
Patthar kee ho gayin thi
Jaise keh rahin ho ab hum nahin badal sakte
In sab ke beech uskee muskurahat bhi thi
jo hathode kee tarah
In lakeeron pe padti thi
Aur unhe badal to nahin pati thi
Par kamjor jarur kar deti thi.......