Uljhan

by thycreator on October 08, 2007, 09:11:03 PM
Pages: [1] 2 3 4 5
ReplyPrint
Author  (Read 6173 times)
thycreator
Guest
Reply with quote
Ek aur koshish, ummeed hai apko pasand aayegi.....Usual Smile

Gulistan-e-jeewan jane kyu, kaaton ko chunte jati hai,
Uljhan jitni bhi suljhao, utni hi uljhe jati hai…

Dhaage kuch aise bune gaye, jo sulajh nahi paye ab tak,
Kuch rang hai aise bhare gaye, jo theher nahi paye ab tak.
Koshish toh har pal sacchi hai, naakami lekin hath aati hai,
Uljhan jitni bhi suljhao, utni hi uljhe jati hai…

Har rishta saccha lagta hai, har aakhon mein sacchai hai,
Phir bhi har kadam pe dhoka hai, nafrat hi humne payi hai.
Aagaz toh pak kiya kar le, anjaam ki chinta khati hai,
Uljhan jitni bhi suljhao, utni hi uljhe jati hai…

Na chah kabhi thi galat kare, na ilm ki galti kab kyu ho,
Na samajh ki chuk kahan hoti, na pata hua kyu hua hai jo.
Hum toh seedhe hi chalte hain, par rahen mudti jati hain,
Uljhan jitni bhi suljhao, utni hi uljhe jati hai…

Aye khuda tu kar insaaf mera, tu hi ab mujhko rah dikha,
Iss tedhi dunia ke raste par, seedha chalna ab mujhe sikha.
Tere iss dunia mein toh khud, teri hansi udai jati hai,
Uljhan jitni bhi suljhao, utni hi uljhe jati hai…
Logged
Similar Poetry and Posts (Note: Find replies to above post after the related posts and poetry)
? by majid in Shayri for Khumar -e- Ishq
ULJHAN..(K_A) by khamosh_aawaaz in Miscellaneous Shayri « 1 2 3  All »
zingi ki uljhan by dalbir_ss_sandhu in Shayari -e- Husn
ULJHAN by pritam tripathi in Shayri-E-Dard
Uljhan..!! by Áɑѕӈίգ in Ghazals « 1 2  All »
Rajbir
Guest
«Reply #1 on: October 09, 2007, 06:14:59 AM »
Reply with quote
Amit,

Bahut umda koshish tumhari har baar ki tarah =D>

Quote from: "thycreator"
Uljhan jitni bhi suljhao, utni hi uljhe jati hai…


Keep going :arrow:
Logged
Ricky
Yoindian Shayar
******

Rau: 8
Offline Offline

Gender: Male
Waqt Bitaya:
4 days, 3 hours and 56 minutes.

Posts: 2455
Member Since: Dec 2003


View Profile
«Reply #2 on: October 09, 2007, 04:22:34 PM »
Reply with quote
Nice one thycreator, well balanced and expressive. Speaking truth of life.
Logged
thycreator
Guest
«Reply #3 on: October 09, 2007, 05:11:52 PM »
Reply with quote
Thanks a lot Rajbir ji and Ricky ji...........bahut dino se yoindia ko miss kar raha tha.....used long weekend for good i guess.....Usual Smile
Logged
thycreator
Guest
«Reply #4 on: October 09, 2007, 07:58:46 PM »
Reply with quote

Sabhi poochte hai mujhse jindagi kya hai,
Main poochta hu khuda ki bandagi kya hai,
Jisse dekha nahi uss se hai itna pyar phir bhi,
Jinda insaano se ye sabki dushmani kya hai..

Apne liye jiya karte hain jaanwar bhi yahan,
Khud se bhala ye teri dosti kya hai..

Jo ek aansoo na pooch paye kissi ke ab tak,
Aise jeene ki bhala tujhko aarzoo kya hai..

Gar insaniyat ka labz jan hi na saka tu,
Gaahe-ba-gaahe muskurane ki hasrat kya hai..

Jo jeena ka salika hi na aaya tujhe yahan,
Jindagi se bhala ye teri ulfat kya hai..

Har bat pe pooche hai jindagi kya hai..
Main poochta hu KHUD ki bandagi kya hai..
Logged
Pooja
Guest
«Reply #5 on: October 09, 2007, 09:49:35 PM »
Reply with quote
WAH KAYA BAAT HAI.. BAHOOT KHOOB AMIT.. DONO HI POEMS BAHOOT ACHI LIKHI HAI APNE...

Jalad hi jawab likhne ki koshish karugi... waiting for more from you...

Good work!!!
Logged
thycreator
Guest
«Reply #6 on: October 09, 2007, 11:07:49 PM »
Reply with quote
Hume intezaar rahega apke jawab ka.........Usual Smile
Logged
Talat
Guest
«Reply #7 on: October 10, 2007, 12:21:45 PM »
Reply with quote
Bohot khoob Amit...dono hi poems lajawab hain...bohot din baad parha....bohot accha laga...

ek comment:

Agar Gulistan-e-jeewan ke bajaye Gulistan-e-zindagi hota to behtar lagta
Logged
thycreator
Guest
«Reply #8 on: October 10, 2007, 04:01:14 PM »
Reply with quote
Quote from: "Talat"
Bohot khoob Amit...dono hi poems lajawab hain...bohot din baad parha....bohot accha laga...

ek comment:

Agar Gulistan-e-jeewan ke bajaye Gulistan-e-zindagi hota to behtar lagta


Thanks a lot talat.....thanks for your comment too...maine zindagi ki jagah jeewan issliye likha kyuki zindagi ka pronunciation abruptly end ho jata hai where as my line was continued.....anyways....thanks again..Usual Smile
Logged
thycreator
Guest
«Reply #9 on: October 10, 2007, 05:59:40 PM »
Reply with quote

Wada karke mukar jaane ka chalan accha hai,
Tadapte dil ko tadpane ka chalan accha hai..

Kitne saste hai aaj dil iss bazzar-e-ishq mein,
Ek ko tod duja apnane ka chalan accha hai..

Kabhi sochta hu kyu kar bhala chahun kissi ko,
Bina chahe hi zindagi bitane ka chalan accha hai..

Nahi ulfat hai kissi se, naa hi nafrat hai kissi se,
Nayi deewangi mein deewane ka chalan accha hai..

Kare shikayat koi gar toh bhale hi kiya kare,
Iss sauda-e-muhabbat pe muskurane ka chalan accha hai..Usual Smile
Logged
Pooja
Guest
«Reply #10 on: October 10, 2007, 08:35:29 PM »
Reply with quote
hummmm kuch baat nahi bani,.... magar phir bhi post kar rahi hu...

 dobara kuch likhne phir atti hu...

Uljhan suljhao jitani, utani hi bardti jaati hai
Chahu kuch sakoon, magar kismat kab hath atti hai

Chaha khud ko bahoot samjhana jeevan main
Per jab tak na lage thokar, kaha akal atti hai

Man mai bunte rahte hai taane baane her pal
Kismat ke agge kaha koi baat thaher paati hai

Her ek ki zindagi dekhte hue , khud ko samjhate hai
Pancho unglia magar kaha barabar rah paati hai

Uljhan suljhao jitani, utani hi bardti jaati hai
Chahu kuch sakoon, magar kismat kab hath atti hai
Logged
thycreator
Guest
«Reply #11 on: October 11, 2007, 04:36:27 PM »
Reply with quote
Wah wah pooja..............sahi hai.....Usual Smile

Nahi hai dushmani koi, phir bhi ye gila kyu hai,
Dost ki talaash hai magar dushman mila kyu hai..

Hamari galatiyan kuch bhi nahi phir bhi mere rab,
Meri acchaiyon ka mujhko aisa phir sila kyu hai...

Sach ki raah toh hardam se hi mushkil hi rahi hai,
Jhooth ko saath itna dunia mein mila kyu hai...
Logged
Pooja
Guest
«Reply #12 on: October 11, 2007, 05:32:46 PM »
Reply with quote
nice ...

Dushman ki najar se dekhte kyun ho
Mila hai jo usko, dost samjhte kyun nahi ho

Nahi hai koi galati, to khud ko bandhte kyun ho
Karte ho jab sab acha, to behkate kyun ho

Such ki raah hai mushkil, kam suche dost jahan main
Yah jante hue sab, aise sawal uthate kyun ho
Logged
Pooja
Guest
«Reply #13 on: October 11, 2007, 05:40:16 PM »
Reply with quote
Quote from: "thycreator"

Wada karke mukar jaane ka chalan accha hai,
Tadapte dil ko tadpane ka chalan accha hai..

Kitne saste hai aaj dil iss bazzar-e-ishq mein,
Ek ko tod duja apnane ka chalan accha hai..

Kabhi sochta hu kyu kar bhala chahun kissi ko,
Bina chahe hi zindagi bitane ka chalan accha hai..

Nahi ulfat hai kissi se, naa hi nafrat hai kissi se,
Nayi deewangi mein deewane ka chalan accha hai..

Kare shikayat koi gar toh bhale hi kiya kare,
Iss sauda-e-muhabbat pe muskurane ka chalan accha hai..Usual Smile


Bahoot hi sahi kaha hai Amit!!

Zindagi, na tanha chale na hi sung kisi ke
Kitne ulajh gaye hain insaan duniya ke

Dil milta hai, kismat nahi mil paati
Kyun jeevan ki yah uljhan nahi sulajh paati

Milti hai takdeer, dil wahan milta nahi
Khushi ka ek pal bhi phir dikhta nahi

Bina chahe kisi ko to koi zindagi nahi
Khawab-o- khayal bina koi bandagi nahi

Her chees hai jahan bikau,
wahan suchi muhobat ka ajj koi mole nahi
u to bikati hai badi sasti muhobat her taraf
magar uska suchai se koi tole nahi!!!!
Logged
thycreator
Guest
«Reply #14 on: October 11, 2007, 07:16:11 PM »
Reply with quote
Thanks pooja and good one from you too...

Aye zindagi bata kaise teri khidmat karein,
Kya karein ki lage hum teri izzat karein..

Bade naazon se sambhala hai tujhko sabne,
Har ek shaqs hi toh tujhse yahan ulfat karein..

Phir bhi lagta hai kami hai kahin koshish mein,
Ab tu hi bata kaise tera ijaafa-e-saabahat karein..

Itna pyar hai sabko hi tujhse dunia mein,
Kaise mane ki koi teri bhi ghaflat karein..

Ab toh armaan hai ki teri hi ibaadat karein,
Jab karein to tujhe imaan se hi ruksat karein..
Logged
Pages: [1] 2 3 4 5
ReplyPrint
Jump to:  

+ Quick Reply
With a Quick-Reply you can use bulletin board code and smileys as you would in a normal post, but much more conveniently.


Get Yoindia Updates in Email.

Enter your email address:

Ask any question to expert on eTI community..
Welcome, Guest. Please login or register.
Did you miss your activation email?
March 29, 2024, 09:13:14 AM

Login with username, password and session length
Recent Replies
by ASIF
[March 24, 2024, 04:34:54 AM]

by ASIF
[March 24, 2024, 04:30:44 AM]

by ASIF
[March 24, 2024, 04:26:39 AM]

by ASIF
[March 23, 2024, 08:50:46 AM]

[March 21, 2024, 08:02:59 PM]

[March 21, 2024, 07:59:38 PM]

[March 17, 2024, 02:01:29 PM]

[March 16, 2024, 03:26:05 PM]

[March 16, 2024, 03:25:04 PM]

[March 16, 2024, 03:21:26 PM]
Yoindia Shayariadab Copyright © MGCyber Group All Rights Reserved
Terms of Use| Privacy Policy Powered by PHP MySQL SMF© Simple Machines LLC
Page created in 0.159 seconds with 25 queries.
[x] Join now community of 8502 Real Poets and poetry admirer