Yoindia Shayariadab - Where emotions are expressed in words.

aaKhirii baat

by DJ Goher on May 02, 2005, 11:57:21 AM

Yoindia ShayariAdab > Shayri ( Poetry ) or Shayari > Shairy-e-Dost (Friendship Poetry) > Topic: aaKhirii baat

Pages: [1]

Author

(Read 630 times)

DJ Goher

Guest

aaKhirii baat

tuluu-e-shams-e-mufaaraqat hai
puranii kirane.n naye makaano.n ke aa.Ngano.n me.n laraz rahii hai.n
fasiil-e-shahar-e-vafa ke rozan chamakate zarro.n se bhar ga_ii hai.n
gaye dino.n ke aziz baate.n nigar subahe.n gulab raate.n
bisaat-e-dil bhii ajiib shay hai hazaar jiite.n hazaar maate.n
judaa_iyo.n kii havaaye.n lamho.n kii Khush maTTii u.Daa rahii hai.n
ga_ii ruto.n kaa malaal kab tak
chalo ke shaaKhe.n to TuuTatii hai.n
chalo ke qabro.n pe Khuun rone se
apanii aa.Nkhe.n hii phuuTatii hai.n
ye mo.D vo hai jahaa.N se mere tumhaare raste badal gaye hai.n
puraanii raaho.n ko lauTanaa bhii hamaarii qatadiir me.n nahii.n
ke raaste bhii hamaare qadamo.n ke saath aage nikal gaye hai.n

tuluu-e-shams-e-mufaaraqat hai
tum apanii aa.Nkho.n me.n jhil_milaate huye sitaaro.n ko maut de do
ga_ii ruto.n ke tamaam phuulo.n tamaam Khaaro.n ko maut de do
naye safar ko hayaat baKhsho
ke pichhalii raaho.n pe sabt jitane nuquush-e-paa hai.n
vo baar ho.nge


	Logged

Similar Poetry and Posts (Note: Find replies to above post after the related posts and poetry)
	dil ke baat aap se by sahil_17n in Shayri for Khumar -e- Ishq
	Dil Ki Baat by paro_ka_deva_devdas in Shayri-E-Dard « 1 2 All »
	^^^^^^Dil Ki Baat^^^^^^ by yasir_sensitive in Shayri-E-Dard
	^^^^^^Dil Ki Baat^^^^^^ by yasir_sensitive in Shayri-E-Dard
	Woh baat baat mein.... by kamran_bombay in Shayri for Khumar -e- Ishq