KUCHH BHI NAHI {SIWA TERE ISHQ K}

haath meraa ai merii parachhaa_iin tuu hii thaam le
ek muddat se mujhe to suujhataa kuchh bhii nahiin

shahar-e-shab mein kaun-saa ghar thaa na dii jis par sadaa
niind ke andhe musaafir ko milaa kuchh bhii nahiin

umr bhar umr-e-gurezaaN se na merii ban sakii
jo kare karatii rahe main puchhataa kuchh bhii nahiin


vo bhii shaayad ro paDe viiraan kaaGaz dekh kar
main ne us ko aaKhirii Khat mein likhaa kuchh bhii nahiin
 

[umr-e-gurezaa.N = fleeting life]
                                      
                                 {KAUSHIK}

bahot khoob bahoot khoob bahut achha likha hai aap ne,,kal humne waaquif sahab ki ghazal se luft andooz hoe ,,aur aap ne hame yeh tuhfa  diya , nice.