Zar ( Money )

Na yeh zar mera rafiq, Na yeh zar mera hariff,
Phir na jane kuin woh mera daar o dam ka khuda hai....

Qaraabat e halaawat yeh zar, ulfat e aitbaar yeh zar,
Phir na jane kuin har taraf chaayee masnui rasam hai....

Chashm e ziya yeh zar, aab diidah e chashm the zar,
Phir na jane kaya yeh jahaalat aur dhuaan hai....

Faasiq ko banaye zaahid yeh zar, kizb ko banaye haq yeh zar,
Phir na jane kuin yahaan sab kuch haraam hai....

Haya ke zeyb ko churaye yeh zar, aurat ko bey niyaam karde yeh zar,
Phir na jane kuin har koi salwaat ka sheekar hai....

kabhi khuda ban nahi sakta yeh zar,
paarso e azam badal nahi sakta zar
Phir kuin taaqub karu iska, mere to har taraf khuda hai....