samasyaein:Share:Miscellaneous Shayari

samasyaein

by soudagar on May 04, 2012, 02:53:12 AM

Pages: [1]

Author

(Read 1648 times)

Bharat ki aazadi ko veero ne dia hai lal rang
wo lal rang kyun ban raha hai manvata ka kal rang .

aazadi humne li thi samasyaein mitane ke liye
sab khush rahe jee bhar ke jiyein jiwan hai jeene k liye.

par aaj sursa ki tarah muh khole samasyaein khadi
aur har tarf chattan bankr marg mein hia yeh adi.

ab kahan hanu shakti, jo is sursa ka muh band kare
aur veero ki sahiidi mein naye rang bhare.

bhukhmari, bimari, bekari yahan ghar kar rahi
yeh wahi bharatbhumi hai jo chidiya sone ki rahi.

vidhya ki devi bharti jo gyan ka bhandar hai
ab usi bharat dhara par anpadhta ka parsar hai.

vachan ki khatir jahan par rajay chhode jate the
praan beshak tyag de par prn na tode jate the

wahi jhuth, lalach, swarth ka h rajay faila ja raha
aur lalachi ban aadmi bas wehsi banta ja raha.

thode se paise ke liye bahu ko jalaya jata hai
maa k dwara aaj sut ka mol lagaya jata hai.

jahan betiyon ko deviyon ke saman puja jata tha
putri dhan pakar manav bas dhany dhanay ho jata tha

wahin putri ko ab janam se pehle hi mara jata hai
maa-baap se beti ka vadh kaise saha jata hai.

rajniti bhi jahan ki vishav mein aadarsh thi
sab rajay mein jahan janta sada hi harsh thi.

aisa ram rajay jisme sabse uchit vaywaar tha
na koi chhota na bada nahi hi koi atayachar tha.

na jati-pati na kisi kupratha ka bolbala tha
na chori- lachari,jahan par raat bhi ujaala tha

aaj usi bharat mein bharstachar ka bolbala hai
rat to kya ab yahan par din bhi kala kala hai

majhab dhrm ke naam par ab sir bhi fode jate hai
masjid kahin tuti kahin mandir hi tode jate hai

ab dharm ke naam par aaatnk faila desh mein
swarthi kuch tatv aise ghumte har vesh mein

aadmi hi aadmi ka khun peeta ja raha
pyar ka bandhan yahan par tanik bhi to na raha

kudrat ki sampda ka bharat wo apar bhandar tha
kan kan mein sundarta ka charo aur hi parsar tha.

baksha nahi hai usko bhi hum nasth usko kar rahe
swarth vash ho aaj hum niym prakti ke todte rahe

kudarat bhi apni leela ab dikhla raha vinash ki
aisa lage jyon dharti par chhadar bichhi ho lash ki

kahin baadh to kahin pani ko tarste phirte hai log
bhukamp sunami kahin varsha hai manvata ke rog.

yeh samasyein to itni hai ki khtam hoti nahi
par dukh to hai is baat ka ek aankh bhi roti nahi

hum dhundhte us shakti ko jo bharat ka udhhar kare
aur bhartiya khushal ho , BHARAT ke hi ban kar rahe.....

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.