Gulsitaane mohabbat ki bahaaron ne mujhe loota
     Nighahe shoq jab uthi nazaaron ne mujhe loota
fasaana ban gaya ulfat ka teri soch ley zaalim
     Ke jab jaane adaa tere sahaaron ne mujhe loota
Mere dil par qayaamat ka guzarna tha shabe furqat
     magar har ek nafs en chand taaron ne mujhe loota
kisi ke husn ke jalwe base the meri aankhon mein
     badhi jab beqaraari beqaraaron ne mujhe loota
musalsal zindagi ke emtahan hote rahe lekin
     mere humraaz ban kar raazdaaron ne mujhe loota
shabab aaya tha gulshan par ajab rangee mausam tha
     magar ae dost saawan ki phuaaron ne mujhe loota
sare mehfil Aziz apni wafaa par nafs ne mujhe loota
     nigahe husn ke mubham eshaaron ne mujhe loota
                                   (Aziz Fatehpuri)