Jeetey-Ji Hamain Maar Gayaa, Yaa Jilaa Gayaa

Jeetey-Ji Hamain Maar Gayaa, Yaa Jilaa Gayaa?
Kyaa Cheez, Kyaa Patah, Hamain Saaqee Pilaa Gayaa?

Sonaa Huaa Haraam; Jagaaney Lagee Hawaa;
Nazaroun Mein Aa Habeeb, Zeyhn-O-Dil Hilaa Gayaa!

Bheegee Subah Sey Haaziree Mein Mubtalaa Rahey;
Is Par Bhi, Ley Bahaar Saath Zalzalaa Gayaa!

Kahney Key Liye, Un Ney Hamain Kyaa Naheen Diyaa?
Khaalee Hain Magar Haath, Kahaan Har Silaa Gayaa?

Toubaa! Na Zindagee Mein Kabhi Dil Lagaayengey!!
Ham Ab Bhi Mua’amil Hain, Par, Mua’amlaa Gayaa!

Do Jism, Aik Jaan Ho, Yun To, Jiye Hain Ham;
Jeeney Kaa, Kab, Patah Na Chalaa, Housalaa Gayaa!

Taahashra Rahaa Saath, Magar Kyaa Karey ‘Ishu’,
Rizwaan Saath Ley Unhain Jannat Chalaa Gayaa?