Sacchai...

Kagaz par bana kar,mitai gayi laakeron ke kuch bache hue nishan
dhundte hain un gayab hisson ko,jinse mile hue the kabhi
aadi tirchi laakeron ke,ek ajab se samooh the kabhi.

kuch lakeeren ek doosre se milti hui,
kuch kareeb se sirf muskurakar gujarti hui,

jo mili woh bus ek doosre ka raasta kaat kar,
door nikal gayi apni-apni rah,

aur jo kabhi na mili,woh door tak saath-saath chalti rahi
"saath"ki ek nayi paribhasha likhti hui...