aur bhi bahut kuchh la rha hu

laa rha hu samet kar
do jahan apni mutthi me
thodi roshni hai chirag ki
thoda uske tale ka andhera hai
kuch kirne hai subah ki pehli
kuch shaam ke jalte diye hai
kuchh saaj hai kahi chhidte hue
kai dhun hai waha bajte hue
aur bhi bahut kuchh laa rha hu
jo chaho rakh lena
jo pasand na aaye lauta dena
kone me kahi bandh rakhe hai maine
apne sapne wo saare
apni saari wo aashaye
 pal wo saare
apne saare wo ehsaas
kuchh jalte parwaane
kuchh bujhti shammaye.
par itna yaad rakhna
sab kuchh tera hi nahi hai
usme thoda hissa meri maa ka bhi hai
thoda papa aur baaki gharwalo ka bhi hai
sirf tune hi nahi
bakiyo ne bhi dekhi hai meri raah
itne barso tak
itne saalo tak

la to bahut kuchh rha hu
par sach puchho to
tumhe dene ko
mere waqt ke alawa
mera apna sa kuchh bhi nahi hai
mera apna sa kuchh bhi nahi hai

shukrya sir....