Jaffar's Collection:Shayri for Khumar -e- Ishq

jaffartaufique

Guest

YAADON SE RISHTA

Yaadoon se rishta kal bhi thaa yaadoon se rishta aaj bhi hai
Dil kal bhi apna dukhta thaa aur afsurdaa sa aaj bhi hai

Woh ishq jo hum tum karte thay woh ishq tu zinda ab bhi hai
Kal tak jo hijar sataata thaa us hijar ka pehra aaj bhi hai

Tum door huye majboori mein hum toot gaye is doori mein
Kabhi waqt mile tu aa jaana dil ka darwaaza khula aaj bhi hai

Woh saahil woh geeli mitti, mitti ke gharonde saahil per
Woh naam darakhtoon per likhna woh khwaab suhaana aaj bhi hai

Tum khush rehna dil ki duniya apni tu chalo barbaad hoi
Dil gham ka maara kal bhi thaa aur gham ka maara aaj bhi hai

Yeh ashk nahin hain aankhoon mein yeh taaray jhilmil karte hain
In aankhoon mein jo kal tak thaa woh chaand sa chehra aaj bhi hai

Ab shikwa kisi se kya karna taqdeer mein jo likha thaa mila
Gham kal bhi mera sarmaaya thaa gham mera warsa aaj bhi hai

(NM)


	Logged

Similar Poetry and Posts (Note: Find replies to above post after the related posts and poetry)
	My SMS collection 2 by Tosha in SMS , mobile & JOKES « 1 2 All »
	SMS collection 0.1 by murali in SMS , mobile & JOKES
	My SMS Collection! by bybh in SMS , mobile & JOKES « 1 2 ... 116 117 »
	JusT a Collection....!!! by Delicate_Doll in Shayri-E-Dard « 1 2 All »
	SMS Collection by Masoom_Badmash in SMS , mobile & JOKES

jaffartaufique

Guest

Main Khud Ko Bhool Jata Hoon

«Reply #1 on: November 22, 2006, 04:32:55 PM »

Main Khud Ko Bhool Jata Hoon

Nazar jab tum se milti hai main khud ko bhool jata hoon
Bas ek dharkan dharakti hai main khud ko bhool jata hoon

Tumhain milne se pehle main bohat banta sanwarta hun
Mager jab tum sanwarti ho main khud ko bhool jata hoon

Main akser sochta rehta hoon kya hai yeh sab???
Tu baatain mujhe se kerti hai main sab kuch bhool jata hoon

Main apni zaat main khud-dar hoon' khoya sa rehta hoon
Mager jab teri chuddi khanakti hai main khud ko bhool jata hoon

Tu ghum hoti hai socho main' main takta he rehta hoon
Jo tu pehlo badalti hai main khud ko bhool jata hoon

Main akser kitabo pe tera naam likhta hoon
Magar kuch tu jo likhti hai main khud ko bhool jata hoon

(NM)


	Logged

jaffartaufique

Guest

Meri Ankhon Ke Samandar Mein Jalan Kaisi Hai

«Reply #2 on: November 22, 2006, 04:43:29 PM »

meri ankhon ke samandar mein jalan kaisi hai...
aaj phir dil ko tarapne ki lagan kaisi hai...

ab kisi chhat pe charagon ki qatarein bhi nahin...
ab tere shehar ki galiyon mein ghutan kaisi hai...

baraf ke roop mein dhal jayeinge saare rishtey...
mujh se poochho muhabbat ki agan kaisi hai...

mein tere wisal ki khuwahish ko na marne doonga...
mausam-e-hijar ke lehje mein thakan kaisi hai...

regzaron mein jo banti rahi kaanton ki rida...
us ki majboor si aankhon mein kiran kaisi hai...

Mujhe Masoom si Pagal Larki Pay Taras ata hai
usey dekho to muhabbat mein magan kaisi hai...

(NM)


	Logged

Pages: [1]

Yoindia ShayariAdab > Shayri ( Poetry ) or Shayari > Shayri for Khumar -e- Ishq > Topic: Jaffar's Collection