My Favourite collection... -Panna 2:Shayri for Khumar -e- Ishq

Aarzuu

Guest

«Reply #15 on: November 01, 2006, 05:48:10 AM »

Bahut tareek jungle mein
samaitee roshni mein ne

bohat gumnam raston se
utha li zindagi mein ne

bahut khamosh logon se
suni hai ankahi mein ne

bahut mushkil zamane se
rakhi yon dosti mein ne...


	Logged

Similar Poetry and Posts (Note: Find replies to above post after the related posts and poetry)
	who is ur favourite by desikuri in Movies, TV and Entertainment « 1 2 3 4 All »
	URS FAVOURITE.........................ANYTHING by lib80aks in Chit - Chat & General Discussion « 1 2 3 All »
	My favourite songs............. by khushiiiii in Songs & Lyrics « 1 2 ... 26 27 »
	Favourite Book!!! by thycreator in Chit - Chat & General Discussion
	FAVOURITE SHAYERI by tamana in Miscellaneous Shayri « 1 2 3 4 5 »

Aarzuu

Guest

My Favourite collection...

«Reply #16 on: November 02, 2006, 10:24:30 AM »

Mujhay yaad hay
pichley saal inhi dinoun main...

main nay tumhain apney andar
saatween baar qatal kar k waheen kaheen
kisi veeraaney main dafan kia tha
or tumhaari qabr
faramoshi k bhaari patharoun say bhar di thi...

Aur us say pehlay aik baar
door daraaz say aaney waaley kisi dev-heekal
parindey k pairon say
tumhain baandh kar urha dia tha...

Aur phir us say bhi pehlay inhi dinoun main
main nay tumhain mukammal taur par jala kar
tumhaari raakh aik taiz raftaar daryaa main
bahadi thi..

Lekin in saari koshishon k bawajood tum aaj phir
hamaisha ki tarah meri aankhon main aankhain daaley
meray dil ko apni muthi main jakrhey
meray saamney kharey ho!!

Ab tumhara mein kya karuun??


	Logged

_Vicky_

Guest

My Favourite collection...

«Reply #17 on: November 02, 2006, 04:31:08 PM »

BAHUT khoob AARZUU and FAREE........
behtreen likha hai aapne...........


	Logged

FAREE

Guest

My Favourite collection...

«Reply #18 on: November 03, 2006, 01:45:46 AM »

Quote from: "Aarzuu"

Aap Ki Nazar Krta Hoon Aarzuu

pehchan juda banane ki Aarzuu hai hamari
unhe khuda banane ki Aarzuu hai hamari

kai lamhe humne jiye liye khayalon mein unko
har lamha phir sajane ki Aarzuu hai hamari

aksar deti hai dastak, milne ki khwaish mein
`nigaah' unse milane ki Aarzuu hai hamari

sahara khwabo ke liye, kehete rahein sada
dastaan, roo-ba-roo sunane ki Aarzuu hai hamari

na puch `Faree ' se afsaana mohabbat ka
unhe nigaahon mein samane ki Aarzuu hai hamari


	Logged

FAREE

Guest

My Favourite collection...

«Reply #19 on: November 03, 2006, 01:46:52 AM »

Shukriya Vicky

Quote from: "vicky AKELA"

BAHUT khoob AARZUU and FAREE........
behtreen likha hai aapne...........


	Logged

pervez1982

Guest

My Favourite collection...

«Reply #20 on: November 04, 2006, 02:11:22 AM »

weldon faree and aarzuu
acha likha hai tum dono ne


	Logged

Aarzuu

Guest

My Favourite collection...

«Reply #21 on: November 05, 2006, 08:58:00 AM »

Thanks....

Here's another one that i like...

Jo Mujh Se Poocha Hai Aaj Tum Ne
Keh Mein Tumhari Hoon Kiya?...Batao
To Khud Hi Socho Tum Aik Pal Ko
Bhala Mein Kaise Tumhain Bataoon

Hai Mera Tum Se Wohi Taaluq...
Wohi Taaluq Hai Tum Se Mera
Jo Dil Se Hota Hai Dharkanon Ka
Khumar Se Hai Jo Mehkashon Ka
Jo Shairon Se Hai Mehwashon Ka
Jo Husn Walon Se Dil Jalon Ka
Hai Zehad Se Jo Bhi Zahidon Ka
Jo Raston Se Hai Manzilon Ka
Jo Manzilon Se Hai Rahbaron Ka
Azal Se Dharti Se Parbaton Ka
Wohi Jo Sagar Se Sahilon Ka

Jo Rooh Se Hai Kisi Badan Ka
Wohi Jo Chanda Se Hai Kiran Ka
Jo Baghban Se Kisi Chaman Ka
Hai Guftagu Se Kisi Dahan Ka
Jo Barishon Ka zameen Se Hai
Ebadton Ka Jabeen Se Hai

Wohi Taaluq .....!!
Azal Se Apne Bhi Darmiyan Hai

Tum hi Baharon Ki Dilkashi Ho
Tum hi To Aankhon Ki Roshni Ho
Jo Sach Kahoon Tum Meri Khushee Ho
Tumhi Ujala...Tumhi Saba Ho
Tum Aarzu Ho..Tumhi Wafa Ho
Tamam Jazbon Ki Intaha Ho
To Kion Na Tum Per Yeh Dil Fida Ho

Batao Janan!!hai Itna kafi?
Ya aur Kuch Bhi Tumhain Bataoon

Jo Ho Sake To Khiyal Rakhna
Tumhara Mujh Se Wohi Hai Rishta
Malik Se Hai Jo Bandgi Ka
Jo Marne Wale Se Zindagi Ka..!!


	Logged

Aarzuu

Guest

My Favourite collection...

«Reply #22 on: November 08, 2006, 05:55:20 AM »

Beautiful Majid ji...


	Logged

FAREE

Guest

My Favourite collection...

«Reply #23 on: November 09, 2006, 01:03:09 AM »

Raah ka humsafar hi nahin,
Main aapki manzil bhi hoon.
Tanhayee ka sathi hi nahin,
Main aapki har mehfil mein hoon.
Khud se mujhe door na samajhna,
Main aapke hi dil mein hoon.....


	Logged

Aarzuu

Guest

My Favourite collection...

«Reply #24 on: November 11, 2006, 03:16:28 AM »

Pyaas vo dil ki bujhaanay kabhi aayaa bhi nahin
kaisaa baadal hai jiskaa koi saayaa bhi nahin

bayrukhi is say barri aur bhalaa kyaa hogi
ek muddat say hamain us nay sataayaa bhi nahin

roz aataa hai dar-e-dil pay vo dastak daynay
aaj tak hamnay jisay paas bulaayaa bhi nahin

sun liyaa kaisay Khuda jaanay zamaanay bhar nay
vo fasaanaa jo kabhi hamnay sunaayaa bhi nahin

tum to shaayar ho Qateel aur vo ik aam saa shakhs
us nay chaahaa bhi tujhay aur jataayaa bhi nahin


	Logged

Aarzuu

Guest

My Favourite collection...

«Reply #25 on: November 14, 2006, 02:24:03 PM »

Very nice...

Teri Khuwahish Kii Qasam,
Mustaqqil Dukh Nay tabiyat Hii Badal Dalli Hay,
Jhoothay Moothay Kiisi BehLaway Say,
Humm Bhala Kubb Thay Behalnay wallay??

Teri Saans0n Kii Qasam,
Hijr Aur Maut Ne Toda Hai Humein,
Choti Moti Kisi Veerani Say,
Humm Bhala Kab Thay Bikharnay wallay??

Tujh Ko Maloom Hay,Humm Teri Khushi Kii khatir,
Ghum Kay Aadab Bhulaye Baithay hein,
Humm Ko Ikk Behnay wallay Zakhm Nay Mohtaaj Banna Dala
Warna Humm Kubb Thay Bhalla Bach kay Guzarnay Wallay??

Humm nay Iss BaaR Yeh Socha Hay kay Humm Teray Liye,
Tere Hii Andaaz Say Chaheingay Tujhay,
Tujh Say hii mashwara mangenge HumTeray Liye,
Baadshahoun Kii Tarah Rakheingay Iss BaaR Mohabbat Ka Bharam

Humm Nay Yeh Soch Liya Hay Iss Baar
Haar Aur Jeet Ko Iss KheL Mein rakhna Hii nahin...


	Logged

Aarzuu

Guest

My Favourite collection...

«Reply #26 on: November 18, 2006, 03:19:05 AM »

Abhi woh dard baaqi hai
agarche waqt marham hai
magar kuch waqt lagta hai
kisi ko bhool janey mein
dobara dil basaney mein
abhi kuch waqt lagna hai
abhi woh dard baaqi hai
mein kaise naii ulfat mein
apni zaat ko gum kar doon
ke mere jism-o-wajdaan mein
abhi woh fard baaqi hai
abhi us shakhs ki mujh per
nigah-e-sard baaqi hai
abhi to ishq ke raston ki
mujh per gard baaqi hai
abhi woh dard baqi hai.....


	Logged

FAREE

Guest

My Favourite collection...

«Reply #27 on: November 19, 2006, 01:42:19 AM »

Quote from: "Aarzuu"

wo ishq jo humse root gaya............
easa laga jese waqt tham gaya......
rook gaii sasse or dil dhadakna bhul gaya...

na mila koi ilaz usko manane ka..............
jese her chiz se yakin humara utt gaya......
sochte hai kese jee payenge uske bager.....
wo kya roota humse jese zamana root gaya...

100 tabdire kaam na aaii na mila koi gumAdil ka ilaz...
or ye dil toot gaya wo ishq jo humse root gaya.....

NM


	Logged

Aarzuu

Guest

My Favourite collection...

«Reply #28 on: November 19, 2006, 01:03:29 PM »

Yeh jo zeist ka safar hai, yeh jo raasta hai mera...
Tum agar na saath doge, toh yeh kis tarah katega???
Meri soch ki haddon tak yeh gumaan bhi kaise aaye,
Koi pal bina tumhare, bhala kaise beet jaaye???
Mere paas tum nahi ho...
Mere paas kab nahi ho???
Meri yaad ke nagar mein, mere khwaab ke safar mein,
Meri soch ki tahon tak, meri aankh ke bhanwar mein,
Meri hasraton ke pal mein, mere dil ki teergi mein,
Meri shab ki roshni mein...
Haan tumhi ho...har kahin ho...
Mere paas tum nahi ho...
Mere paas kab nahi ho???
Meri har duaa ka mehwar, bas ek aarzuu tumhari...
Is aarzuu ke aagey, koii raasta nahi hai...
Tumhe kis qadar hai chaaha, yeh tumhe pata nahi hai...
Mere paas tum hi tum ho...
Sirf tum hi tum ho...


	Logged

Aarzuu

Guest

My Favourite collection...

«Reply #29 on: November 20, 2006, 09:43:09 AM »

To kiya tumhain main kabhi yaad hi nahi aaya?
Kisi gulaab ki khushboo kay bikharnay par bhi
Zara say aab kay aankhon main utarnay par bhi
Kitaab uthatay huay, Geet koyi gaatay huay
Ittar lagatay huay, choorian pehentay huay
Sanwar ke der talak aa-eenay ko taktay huay!

To kiya tumhain main kabhi yaad hi nahi aaya?
Subha ko uthtay huay, shaam ko teheltay huay
Neend naa aaye agar karwatain badaltay huay
Kabhi yoonhi kisi makhsoos dhun ko suntay huay
Faarigh oqaat main koyi kitaab parhtay huay!

To kiya tumhain main kabhi yaad hi nahi aaya?
Barastay abr main chhat par kabhi kharay hokar
Kisi kay rooth kay jaanay pay chirchiray hokar
Kisi saheli say bus yoonhi baat kartay huay
Kisi khayal main bethay se uth ke chaltay huay
Kisi bhi raat ko uth kar yoonhi tehltay huay!

To kiya tumhain main kabhi yaad hi nahi aaya?
Akelay yoonhi kabhi apni dhun main chlatay huay
Kisi ki saalgira par yoonhi beheltay huay
Kisi oonchayi pe tanha sambhal ke chartay huay
Utartay chaand ka mojon main aks partay huay!

To kiya tumhain main kabhi yaad hi nahi aaya?
Kisi gulaab ko tehni se torr kar bhi nahi
Kisi darakht ke saaye main beth kar bhi nahi
Apnay darwazay pe dastak koyi sunkar bhi nahi
Kisi dareecha-e-makaan se jhaank kar bhi nahi?

Apni Kitab main koi naam dekh kar bhi nahi?
Yaad-e-Maazi main kaheen door doob kar bhi nahi
Kisi bhi shakhs ko khamosh dekh kar bhi nahi
Kisi bhi aankh ko num dekh kar bhi nahi
Kahin lafzon main koi A dekh kar bhi nahi
Azaan hotay hi aanchal se sar ko dhaktay huay bhi nahi?


	Logged

Pages: 1 [2] 3 All

Yoindia ShayariAdab > Shayri ( Poetry ) or Shayari > Shayri for Khumar -e- Ishq > Topic: My Favourite collection...